بوابة الوهم
★الحلقة الرابعة★
كتابة واقتباس
محمد منصور. **منص**
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
ومن قدام القصر كان رفعت جوة العربية بتاعت فهمي ولقي فعلا التذكرتين وقت ما سمع صوت احدي شبابيك القصر بيترزع بص رفعت ناحية القصر وشاف نفسه وهو بيكتم نفس نجمه. وبيضربها بالمطواة في صدرها. اتصدم وشبية رفعت فضل يبص له وهو بيضحك. نزلت رفعت من العربية بسرعه ودخل القصر وراح لغاية الباب الداخلي للقصر وحاول يفتحة لكن الباب كان مقفول راح دور علي اي باب يدخل منه وملقاش رجع بص تاني علي الشباك اللي شاف في نفسه لقي الشباك مقفول ومافيش اي شئ غريب استغرب اكتر. وما كنش قادر يشيل عينه عن الشباك وفضل يرجع بظهرة لغاية ما خرج من القصر،،،،،،،
ويرجع رفعت شقته. علشان يلاقي كاميليا واقفة في المطبخ بتحضر الغداء دخل عليها المطبخ وبص لها وفضل ساكت وهي بصت له باستغراب وقالت
اية مالك.
ما كنش عارف يقول اية. يقولها مثلا ان في حد وصفها بمنتهي الدقة. طيب ازاي يقول كدة فطلعت منه كلمة
مافيش
وخرج من المطبخ بيجر. في رجله والحيرة هتجننه. ودماغه بقي فيها الف سؤال وسؤال. واتفزع رفعت لما حطت كاميليا ايدها علي كتفه وكانت بتقول
رفعت اتفزعت ليه كدة
قعد علي السرير وبدأ يقلع الجذمة وبص لها وقال
انا بخير يا كاميليا بخير
كاميليا نزلت علي ركبتها قدام منه وبصت له في عيونه وقالت
رفعت في اية.
حاصرته كاميليا بعيونها القلقانه وكلامها اللي كله خوف عليه. فقال
في حاجة حصلت ليها علاقة بيكي
كاميليا باستغراب شديد
حاجة اية دي
رفعت
في حد اسمه فهمي متهم في قضية قتل. عرفته في ظروف مش طبيعية وهو مريض بمرض غريب. في الليلة اللي اتقتلت فيها مراته كان سهران في جروبي مع واحدة ما يعرفهاش. وقضي معها الليلة كاملة
كاميليا
وانا اية علقتي بكل الحكاية دي
رفعت
طلبت من فهمي يوصف لي اللي كانت قاعدة معه. والغريبة اني لقيته بيوصفك انتي
كاميليا اتصدمت ووقفت علي رجليها وهو منفعلا وقالت
وانت صدقت اني ممكن اسهر ليلة كاملة مع حد ماعرفهوش
رفعت وقف ومسك ايد كاميليا الغضبانه وبص في عيونها وقال
انا عمري ما شك فيكي. لان الحكاية اكبر من الشك
كاميليا.
تقصد اية
رفعت
انا لسة جاي من القصر اللي كان عايش في فهمي مع مراته وشوفت حد شبهي في اوضة وكان بيقتل نجمه مرات فهمي
اتصدمت كاميليا اكتر واكتر وقالت
ودة اية بقي
رفعت
بحسبة بسيطة. فهمي يجي عندي الكلية قبل يوم من قتب مراته ويعرفني انه مريض بالوهم. وبعديها الاحداث تاخدني لاني اعرف قصة بوابة الوهم اللي تحت قصر البارون. وتكمل الاحداث معايا واقرر اساعد فهمي. اللي يقابل واحدة اول مرة يشوفها واطلب منه يوصفها.
ف يوصفك. واروح القصر واشوف نفسي بقتل مراته يبقي اية
كاميليا اللي عماله تفكر بعمق شديد في كل اللي اتقال وقالت
تقصد ان احنا المقصودين بكل دة. مش اللي اسمه فهمي
رفعت وهو بيولع سيجارة
بالظبط فهمي مجرد طعم اتحط في سنارة واترمت لي علشان اطلع انا في السنارة. والصيد يبص لي وهو في منتهي السعادة انه عرف يصطاد رفعت ومراته
كاميليا
ومين بيعمل كدة وبيعمل كدة لية
رفعت بتركيز شديد
ماعرفش. بس لازم اهوم الصياد اني لسة متعلق في السنارة. وبعمل اللي هو عايزة. واكمل في طريقي اللي بدته وهو اني اثيت ان فهمي برئ من دم مراته. وفي نفس الوقت اعيشو الوهم ان الفريسة لقطت الطعم وبين ايديه وانا اصلا اللي بصطادة
كاميليا
مغامرة جديدة
رفعت
مش بمزاجي المرة دي. ،،،،،،،،،
وبالليل ومن قدام شباك التذاكر يقف رفعت قدام موظف الشباك اللي كان بيقول
هو فعلا جه. بس كان لوحدة وقطع تذكرتين
رفعت
والعشرة الجنية المقطوعه
الموظف
رجعتها لي. وهو طلع غيرها وحاسبني
رفعت
مش يعني اللي كانت معه هي اللي دفعت
الموظف
بقول لك ما حدش كان معه
رفعت
ولما هو جاي لوحدة يقطع تذكرتين لية
الموظف
وهو انا برضو هساله
رفعت
لا. ما ينفعش. بعد اذنك
الموظف رد بابتسامه روتينيه. ومشي رفعت. ومسك سماعه التيلفون واتصل برقم وقال
اللي انت كنت مستني كان هنا. وسالني
صوت غليظ
وقولت له اية
الموظف
زي ما انت طلبت بالظبط
صوت غليظ
تمام.
وخلصت المكالمة والموظف رجع يبص تاني علي رفعت وهو بيركب عربيته وبيتحرك بيها، ،،،،،،،
وتاني يوم كان رفعت قاعد قصاد فهمي اللي كان بيقول وهو زي المجنون.
يعني اية. كانت وهم عيشت ليلة كاملة مع واحدة مش موجودة
رفعت
لسة فاضل سواق التاكسي
فهمي بتركيز شديد
سواق التاكسي
رفعت
دة اخر واحد علي حسب حكايتك شافها معاك
فهمي
ودة نوصل له ازاي
رفعت
حاول تفتكر رقم العربية. وشكل السواق
فهمي بعد تركيز للحظات قال وهو متعصب
مش فاكر. مش فاكر
رفعت
طيب خلاص. انا هتصرف
فهمي
هتعمل اية يعني
رفعت
هي قالت ل سواق التاكسي انها رايحة قصر اليارون
فهمي
فعلا هي قالت كدة
رفعت
يعني ممكن تكون من سكان مصر الجديدة
فهمي
مش شرط
رفعت
خليني ابدأ من اخر خيط في ايدينا يمكن نوصل لاي جديد. وانت خلي بالك من نفسك لانك بكرة الصبح هتترحل علي النيابة
فهمي
هو انا كدة خلاص هيتحكم عليه بالاعدام
رفعت
باذن الله هتخرج منها. لانك انسان برئ. وربنا مش هيسيبك تتاذي، ،،،،،،،،،
وتاني يوم يفتح باب الحجز ويدخل عسكري وينادي علي كام متهم وكان من ضمن المتهمين. فهمي اللي يقول يقف لما يسمع اسمه ويلاقي فردة من الكلبشات تتلف حوالين ايدة الشمال. والفردة التانية تتلف في ايد متهم تاني ويخرج من الزنزانه ويمشي في طرقه طويلة خاصة بالقسم لغاية ما يخرج للشارع وفي الوقت دة كان سيف اخوة نجمة واقف علي الجانب التاني من الطريق وهو مش في وعية تقريبا واول ما سيف شاف فهمي خارج من القسم جري باسرع ما في وراح ناحيته وطلع مطواة وكان بيستعد ل قتل فهمي وهو بيقول
هقتلك زي ما قتلتها. دة كانت مني وانا منها
اتفادي فهمي الطعنه بسرعه رهيبة لكن المطواة جت في ذراعه قطعت لحمة وقال فهمي وهو بيحاول يكتم الدم
انت. مين وبتعمل فيا لية كدة
لكن سيف ما كنش بيرد وبيعيد الهجوم مرة تانية علي فهمي لكن هنا ادخل عسكري وقدر يمسك ايد سيف ويوقع المطواة منها وتدخل عسكري تاني وتالت ورابع وقدروا يسيطروا علي سيف وفي نفس الوقت كان المتهم اللي مع فهمي في الكلبش بيجري وهو بيسحب فهمي وفهمي بيقول
رايح فين.
المتهم دة قال
فرصة وجت لغاية عندنا. علشان نهرب نقول لا.
انتبهوا العساكر للي بيحصل طلعوا يجروا ورائهم وفعلا قربوا منهم وهنا تقف عربية ملاكي وكان جوة منها صلاح صاحب فهمي فتح الباب اللي وراء وبص ل فهمي وقال
اركب بسرعه
فهمي استغرب اوي وقال
صلاح انت رجعت من برة امتي
صلاح وهو بيبص علي العساكر اللي بتقرب
مش وقته. اركبوا بسرعه
وركبوا هما الاثنين واتحرك صلاح بالعربية وبمنتهي السرعه والعساكر بتبص للي حصل. وهما هيتجننوا وقدر صلاح يهرب بفهمي،،،،،،،،
ومن قدام قصر البارون كان رفعت واقف وبيسال اي حد بيقابله علي انسة بالموصفات اللي وصفها فهمي لغاية ما يلاقي بوابة قصر البارون بيتفتح وبتخرج بنت شبه كاميليا بالظبط بص لها رفعت وهو هايتجنن وقال
كاميليا. انتي بتعمل اية هنا
البنت دي قالت
انا مجرد شبيها ليها لكني مش هي. انا اللي انت بدور عليها
قرب رفعت منها اوي وهو عمال يبص لها بحذر شديد وقال
انتي مين
قالت
انا روح مسجونة جوة قصر البارون. قدرت البوابة تحرمني من حياتي.
رفعت
مش قادر افهم تقصدي اية
هنا ظهر شبية رفعت وقال
ادخل علشان تقدر تعرف احنا عايزين منك اية
رفعت وهو بيبص ل شبيه اوي اللي قال
انا اللي انت شوفتني في القصر. انا اللي قتلت نجمة
رفعت
قتلتها لية. ولية انت شبهي بالشكل دة.
قال
علشان انتقم من البوابة واللي عملتو فيا
رفعت
بوابة اية.
قال
بوابة الوهم. البوابة اللي بتمتلك وبتتحكم في ذكريات كل اللي بيلمسها او بس عيونه تشوفها
رفعت
ولية البوابة. دي تعمل كدة. وبرضو اية علاقة نجمة بالبوابة
قالت شبية كاميليا
نجمة من نسل البارون. وقدرت ترجع للبوابة قدرتها الشيطانية
رفعت
انا مش قادر استوعب كل اللي بيتقال دة
قال شبية رفعت
ادخل وانت تفهم
ودخل رفعت قصر البارون واتقفل الباب. وبمجرد ما اتقفل شاف رفعت نفسه قصاد البوابة وكانت ليها عيون من حديد وبتبص له وبتقول
رفعت اسماعيل. اخيرا بقيت ذكرياتك ملكي
صرخ رفعت ومسك دماغه وهنا ظهرت نجمة وبصت له وقالت
فين والدي لوسيفر
بص لها رفعت وهو مش قادر يتكلم ولا يتحرك. وهي بتشوف كل ذكرياته. وهو بيقول بصعوبه شديدة
انتي بنت لوسيفر. قاري اوراق التاروت
بصت له نجمة في عيونه وقالت
سجنت والدي لوسيفر فين. قول والا حرقت كل ماضيك.
صرخ رفعت اكتر واكتر. ووقع علي الارض مغمي عليه والماضي بيتحرق ساعه ب ساعه ،،،،،،،،
ومن النهاردة كل اللي فات حمادة وكل اللي جاي حمادة تاني خالص
تسلم ياحمادة
ردحذفهي القصه دي تكلمه لقصه كيان ولا ايه تحياتي
ردحذفتسلم يا منص
ردحذفيانهار ابيض فظيعه
ردحذف