الهام واللي كان الحلقة الاخيرة

 وعاشت في احضان الشيطان

                   ★الحلقة العاشرة★

                       والاخيرة 

كتابة واقتباس 
محمد منصور. * منص*

 وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

 ‏

بسم الله توكلت علي الله. وهو رب العرش العظيم

★الشيخ عجمي بنفس القوة

وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلاّ اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ

سلوي بصوت طاروش

كتبت عليها الموت كافرة وهي في حضني 

ورمت سلوي الولاعه ناحية هدومها والنار مسكت فيها وبدأ الجحيم. لكن بسرعه البرق سحب فايز بطانية من الدولاب ورمي نفسه والبطانية في ايدة فوق سلوي وقدر يطفي النار قبل ما النار توصل ل وش سلوي وكانت سلوي بتبص له وهي بتصرخ. وبتحاول تفلت من ايد فايز وبتقول

سيبني انا عايزا اموت واروح ل نادر

هنا خرج عجمي من جيبة ازازة مية عليها ايات من قران وبدا يرش علي وش سلوي وتصرخ سلوي وطاروش يقول

هقتلها. احسن لك تبعد عني

عجمي بقوة

عارف ان نهايتك قربت يا طاروش

صوت طاروش

نهايتي هي نهايتها. انت مش عايز تفهم لية هي بتحبني وعايزاني. ابعد انت عننا

عجمي

انت الغرور ساقك علشان تجيبها لغاية جوزها ووسط بيتها واهلها علشان تقول انها اخترتك انت فضلتك علي اللي مخلوق من طين. اختارت اللي من نار. لكن اختيارها ليك وهم

 

طاروش بصوت جهنم 

مش وهم. سلوي حامل مني انا اقمت معها علاقة كاملة. وكانت راضية

اتصدم فايز وبص ل سلوي وهو مضايق لكن عجمي قال

هتخرج منها ولو دي اخر حاجة هعملها في حياتي

طاروش

انت مش قدي. سيبها تختار تعيش مع مين.

عجمي

هتعيش مع اللي منها مع اللي مخلوق من طين مش انت يا ملعون.  

وبص عجمي ل فايز وقال

امسكها اوي علشان هحرقة 

وفعلا مسكها فايز. بمنتهي القوة وراح عجمي حط ايدة علي دماغ سلوي وبدأ يقرأ ايات 

وَقَالَ فِرْعَوْنُ ائْتُونِي بِكُلِّ سَاحِرٍ عَلِيمٍ، فَلَمَّا جَاءَ السَّحَرَةُ قَالَ لَهُم مُّوسَىٰ أَلْقُوا مَا أَنتُم مُّلْقُونَ، فَلَمَّا أَلْقَوْا قَالَ مُوسَىٰ مَا جِئْتُم بِهِ السِّحْرُ ۖ إِنَّ اللَّهَ سَيُبْطِلُهُ ۖ إِنَّ اللَّهَ لَا يُصْلِحُ عَمَلَ الْمُفْسِدِينَ، وَيُحِقُّ اللَّهُ الْحَقَّ بِكَلِمَاتِهِ وَلَوْ كَرِهَ الْمُجْرِمُونَ

وتصرخ سلوي صرخة رهيبة وتبعد فايز وعجمي عنها بقوة لكن عجمي يقوم يقف وهو بيقول وباعلي صوت عنده

اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَاوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ

وفضل يكررها وسلوي بتصرخ وبتصرخ وهنا يخرج منها دم اسود كتير وكانه نزيف وطفل ميت مشوهه يخرج من بوقها ويغمي عليها جري فايز عليها وخدها في حضنه لكنة افتكر اللي قالته واتوجع قلبه فبص له عجمي وقال

شيل مراتك حطها علي السرير

شالها فايز وحطها علي السرير وبص ل عجمي وقال

هو كدة خلاص. حرقته

عجمي

باذن الله

فايز

وهي ممكن تكون حامل منه

عجمي

الطفل نزل من بوقها مع الدم. انت ما خدش بالك ولا اية

فايز

لا. خد 

عجمي فهم فايز بيفكر في اية وحس باية فقام له وحط ايدة علي كتفة وقال

ابدأ من جديد مراتك كانت عايشة في وهم كبير وشر انا ما شوفتش زية.

فايز بصوت حزين

ان شاء الله

عجمي

مش هوصيك سورة البقرة تفضل شغاله وترقيها الرقية الشرعية كل ليلة وتنام ديما علي طهارة. 

فايز

حاضر، ،،،،،،،،،،،،

وبعد اللي حصل دة بتلت ايام كان فايز قاعد برة في الصاله وسلوي جوة في الاوضة النوم صحيت سلوي وفاقت من اللي كانت في وبقيت احسن وخرجت ل فايز الصاله خدوها ولادها بالحضن وكانو فرحانين اوي بان امهم خفت وراحت سلوي وقعدت جنب فايز وبصت له وقالت

تلت ايام بتنام بعيد عني بتخش بس تاكلني وتساعدني في دخول الحمام وترقيني اكتر من كدة ما بتعملش.  

فايز بص لها وقال

وعايزاني اعمل اية اكتر من كدة

سلوي

ترجع فايز اللي اعرفه

فايز

لما تبقي انتي سلوي اللي اعرفها

سلوي وهي بتمسك ايد فايز لكنه بيسحبها من ايدها. وهو بيقول

انتي طالق. ولا ناسية

ودخل فايز اوضة وعياله بيبصوا عليه سلوي دموعها نزلت

وبصت لعيالها وقامت دخلت وراء فايز الاوضة وقالت

طالق

فايز

الست اللي تتمني تعيش مع ذكري وكمان تخوني ما ينفعش تكون مراتي

سلوي

كنت تايهة مش عارفة انا بعمل اية

فايز

انتي عملتي اللي قلبك بيحلم بي. لدرجة انك خونتيني مع نادر

سلوي

ازاي تحسبها خيانه. ازاي اخونك مع واحد ميت

فايز

اومال اللي كان بيحصل بينك وبينه في الحلم اية. اومال لية كان عندك استعداد تموتي علشان بس تكوني معه هي الخيانه لازم تكون مع حد عايش. الخيانه فكرة وانتي حبيتي الفكرة. ودة كفاية عندي اوي علشان تبقي نهاية لحب مات

سلوي وهي بتعيط بحرقة واترمت تحت رجل فايز

نادر مات علشان انا اعيش. انت عارف يعني اية. مقدر قد اية كان بيحبني

بص لها فايز وهي تحت رجلة وقال

وانا عايش علشانك وكنت بموت وانتي بعيدة عني اللقمة كانت بتنزل معدتي ملهاش طعم من غيرك. يبقي اخرتها لما اتحط في مقارنه قلبك يختار اللي مش موجود.  

ومسك ذراعتها الاثنين وقال

للدرجة دي انا ما عملتش اللي يخلي الكفة بتاعتي في ميزانك تبقي اتقل.  

سلوي

قدر الشيطان يضحك عليه ويعيشني وهم خبيث

فايز

كل حاجة غلط نعملها نجيبها في الشيطان وكل مرة نطلع ضحايا مساكين والشيطان هو اللي ضحك علينا.

سلوي

هي دي الحقيقية

صرخ فايز في وش سلوي قائلا وبحرقة

لا.

اتخضت سلوي وكمل فايز وقال

انتي اللي عيشتي في حضن الشيطان بمزاجك. ونسيتنا نسيتي جوزك وعيالك. وراجعه تقولي اضحك عليه 

وراح ناحية باب الاوضة وفتحها وبص لولادة الاربعه وقال

امكم بقت طالق ومش هينفع تقعد معانا في البيت هنا

عيطوا العيال بحرقة وقالت سجدة

لا والنبي يا بابا. سيب ماما تقعد معانا

فايز

لو هتقعد هي يبقي همشي انا واسيب لكم البيت

سلوي اترمت عند رجل فايز وبدات تبوسها وهي بتقول

بالله عليك ما تصعبهاش. هعيش خدامه تحت رجلك. بس لا تحرمني من عيالي ولا تحرمني منك

فايز شال رجله بعيد عن بوق سلوي وقال تاني لعياله

قولته اية

شادي

بابا احنا عايزين نعيش معاكم انتو الاثنين

فايز

امك خانتني وانا مش هعيش مع واحدة خاينه.

عيطت ملك اوي ومسكت ايد ابوها وقالت

انا مش فاهمه يعني اية الكلمة دي. بس بلاش هي تمشي او انت تمشي خليكو معانا زي زمان

سلوي

ابوس رجلك علشان خاطر عيالك مش خاطري انا

فايز

خلاص اقعدوا مع امكم وانا اللي هغور من هنا

وزق سلوي بعيد عنه وهو بيقول

ابعدي ايدك عني مش ضايق ايدك تلمسني

وراح ناحية باب الشقة وعياله بيعيطوا وسلوي بتحوشوا بكل قوتها لكن ما حدش كان قادر يقف في طريقة وخرج من الشقة وسلوي وراء منه وعياله الاريعه. ،،،،،،،،،،،

وبعدها با سبوع كان محسن ومراته نيرة عند سلوي ومحسن بيقول

عرفت هو فين

سلوي بفرحة شديدة

بجد. فين 

محسن

مش هينفع اقول لك علشان هو ما يعرفش اني عرفت مكانه ولو عرف اني عرفت هسيب الشقة ويمشي

سلوي

اومال ناوي تعمل ابة

محسن

هتصرف يا ام شادي ما تقلقيش،،،،،،،،

وبعدها بيوم ومن جوة اوضة فوق سطح يقعد فايز وكان ببشرب كوبية شاي يسمع صوت خبط علي باب الاوضة فقام يفتح لقي محسن قدام منه استغرب وقال

انت عرفت مكاني ازاي

محسن بصوت حزين

مش مهم عرفت ازاي المهم ان جيت اعرفك ان سلوي محجوزة في المستشفي وبطلع في الروح

ضحك فايز بمرار وقال

واية كمان

محسن

يعني اية

فايز

حوارك قديم ومفقوس لاني كل يوم بطمئن علي عيالي من الواد ياسر القهوجي اللي قدام البيت

ضحك محسن وقال

دة انا طلعت اهبل

فايز

مافيش حد اهبل مني

محسن

ما تبقاش قاسي انا عرفت الحكاية كلها من مراتك وهي غلطت اة لكن مش لدرجة انك تسيب البيت وتمشي

فايز

انت شايف كدة. 

محسن

فايز ما ينفعش تغير من حد مات انت عايش ومراتك بين ايدك ازاي تعيش بعبد عنها. سلوي بتحبك واستحملت معاك كتير

فايز

بتحب نادر اكتر

محسن

وفين نادر

سكت فايز ومحسن قال

ما تخليش الشيطان يضحك عليك زي ما ضحك عليها وتعيش معه زي ما عاشت هي معه. انت بعيد عنها لكن قلبك بيوجعك من البعد ارجع لبيتك ومراتك وانسي وعيش.

فضل يفكر فايز ،،،،،،،،،،،،،

وبعدها بشوية يخبط باب شقة فايز فتفتح سلوي علشان تلاقي قدام منها فايز فتعيط من الفرحة وتترمي في حضنه وهي بتقول

والله العظيم بحبك. ومش هعمل كدة تاني

فايز ضمها اوي وقال

هششششششششش. مش حابب اسمع الا دقات قلبك

ودخل وقفل الباب وراء منه، ،،،،،،،،،،،،،،،

دي كانت نهاية الحكاية والقصة الحقيقية. لكن انا استاذنت من صاحبة القصة ان طالما انتو حابين القصة هعمل لها موسم تاني. من تاليفي بقي. وباذن الله هيبقي بعنوان 

عم الدنيا 

ودي بقي حكاية احمد ابن سلوي اللي كير وبقي عنده 16 سنه. وراح للشيخ عجمي وقاله

عايز ابقي زيك

ضحك عجمي وقال

زيي ازاي يعني

احمد 

احرق اي جن مؤذي زي ما انت عملت مع امي

عجمي ضحك اوي وقال

انت لسة فاكر. دة انت كنت صغير ساعه ما حصلت الجلسة دي 

احمد

كنت صغير اة انما فاكر كل اللي حصل في اليوم دة.

عجمي

وماخفتش 

احمد

ماخفتش وعمري ما خوفت علشان جوة مني الدم دة

وفتح احمد كف ايدة شاف عجمي دم اسود بيجري في عروق احمد. والعروق خرجت من جسم احمد واتحولت لدودود اسود خبيث بدأ يلف حوالين عجمي وبمنتهي السرعه. وعجمي بيحاول يصرخ و،،،،،،،،،،،

استنوا باقي الحكاية. والموسم التاني اللي هيكون بعنوان

عم الدنيا.

قريبا

وطبعا مستني راي كل اللي شرفني بقراءة القصة دي. ويارب تكون عجبتكم وفي الاخر احب اقول اوعو تستنوا خير يجي من شر. سلام