حي رمضان جاي
★الحلقة التاسعة★
والاخيرة
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
اسف علي التاخير
ونزلت جري لشقة صندل الحقير وخبط علي الباب وهوب قنبلة تنفجر جوة الشقة والنار تمسك في العفش كله وهنا اشوف علي السلم واحد اعور ودة حمو. وفي ايدة الميكروفيلم وبيقول
سلم لي علي المخابرات المصرية. وقولهم حمو بيقول شكرا علي حسن تعاونكم معانا
قولت بعصبية
يا ابن الكلب.
ونزل علي السلم جري وانا نزلت وراء. منه وفضل يجري في الشارع وانا اجري وراء ويجري وانا اجري ويدخل في حارة وبخرج من حارة. عيل كان عامل زي الارنب بيتنطط
وهو بيجري. وقفت بصراحة. وفضلت انهج. وهو ركب عرببته. فقولت ل نفسي
واخرتها اية المرمطة دي ما انا اقلع الهدوم بتاعت مهزوز زي ما فرج قلعني وبكدة هرجع شقتي تاني
وحاولت اقلع الهدوم لكني ما قدرتش فهمت ان كدة لازم حد يقلعني. اجيبك منين يا فرج
وهنا الاقي رجلي خدتني وراحت بيا لعمارة كبيرة دخلت العمارة وركبت الاسانسير وبدل ما يطلع بيا ل فوق نزل بيا ل تحت. واتفتح باب الاسانسير وخرجت منه ومشيت في طرقة. طويلة لغاية ما وصلت عند باب خبط تلت خبطات اتفتح الباب ودخلت علشان الاقي نفسي جوة طرقة تانية وفي اخرها باب مكتب اتفتح الباب اول ما قربت ودخلت المكتب والاقي الظابط اللي جه انقذني يوم فرج بيبص لي بقرف. وهو لسة فاكر اني. كدة. فقالي
انت يا زفت الميكروفيلم اللي اتسرق منك دة. ترجعه تاني والا نهايتك هتكون علي ايدي فاهمني طبعا يا مهزوز. واظن ان انت مدرب كفاية علشان ترجع اللي ضاع منك
قولت
انا ابان مهزوز بس انا مش هو. انا اسمي رمضان
قال بعصبية
اية اللي انت بتقولو دة.
قولت
يا فندم انا والله حكابتي اغرب من الخيال
وجه في بالي فكرة فقولت
وعلشان تصدقني حضرتك لازم تقلعني
الظابط بعصبية
انت اية حكايتك. بالظبط. بتحب القلع لية كدة
رمضان
علشان اعرف احكي ليك لازم تقلعني
وطلع مسدسة وحطة في دماغي وقال بنرفزة شديدة
عارف لو قولت تاني كلمة قلعني دي هتطلع طلقة تفرتك دماغك. يا كلب يا مقرف
رمضان
طيب جرب بس. ومش هتندم
الظابط
اطلع برة مكتبي وقبل ما تطلع شمس بكرة تكون قدامي بالميكروفيلم والا بقي انت عارف احنا ممكن نعمل فيك اية
وراح الظابط ناحية دولاب في الحيطة مليان اسلحة فتح طرفة الدولاب وقال
دولابي قدام منك اهو خد السلاح اللي انت عايزة.
بصيت لكمية الاسلحة وقولت
هو مش المفروض ننزل من الطيارة الاول وبعد كدة نلم السلاح
الظابط بعصبية
لية يا خويا. بنلعب ببجي. انا مش عارف انت ازاي عميل سري
رمضان
ما انت لو تقلعني هتشوف وتعرف اني مش هو
شد الاجزاء بتاعت مسدسة وحط المسدس تاني علي دماغي فقولت برعب
خلاص حقك عليه. انا هو. انا هو. بس ما تضربش وحياة امك
الظابط
خد السلاح واخلص
رجعت بصيت تاني لكمية الاسلحة اللي انا مش عارف فيها اي حاجة وما بقتش عارف اخد اية فقال الظابط بعصبية
ما تخلص
رمضان
حاضر
وسحبت رشاش وقولت
ودة بقي فين الخرز بتاعه.
الظابط وهو هيتشل
خرز اية.
رمضان
مش دة بيتملي خرز وانا انش علي اللي قدامي ويعمل بش
قرب مني الظابط وهو بيقول
هتخش علي جواسيس برشاش خرز. بيعمل بش.
كنت ببعد عن الظابط وانا بقول
اومال دة ابو بطارية. اللي بيعلم صوت. خيوش
الظابط
خيوش. دة انا اللي مخي بقي خيوش منك. هو انتي شايفني فارش في العتبة. ولا انت فاكر نفسك انك في محل لعب اطفال.
وقال باعلي صوت عنده
انت في المخابرات. واللي في ايدك سلاح بحق وحقيقي من اللي بيتحشي رصاص. وبيقتل.
وقال بصوت اعلي من الصوت الاول
فاهم
قولت وانا مرعوب
فاهم
ورجع هو كمل وقال
واعرف اننا ما نقدرش نساعدك او ندخل تاني علشان العلاقات الدبلوماسية. اللي بينا وبين الدولة اللي مجندة حمو. لكن اقدر اطمئنك حمو النهاردة بالليل هيكون لوحدة ومن غير اي حراسة في كبارية القطة البايظة.
رمضان
القطة البايظة. وفين الكبارية دة
الظابط
ما انت عارف هو فين وياما قبلت حمو في
رمضان
خلاص هبقي اسال عليه. ،،،،،،،،،،،،،
وجة الليل وقدرت اوصل لكبارية القطة البايظة وبدات ادور علي حمو وسط الموجودين لغاية ما لقيته قاعد علي تربيزة فروحت له ووقفت قدام منه وقولت
في حاجة معاك تخصني
بص لي حمو وضحك وقال
تقصد الميكروفيلم
رمضان
هو
حمو
وانت بس اللي جاي تاخدة مني
رمضان طلع الرشاش من هدومة وحطوا في وش حمو وقال
وانا مش مالي عينك ولا اية
حمو
وكمان معاك رشاش. لا. جدع
وقف حمو ولقيت كل اللي في الكبارية وقفوا حوالين مني ومعهم اسلحة وكلها متصوبة ناحيتي فضحكت وقولت
هو دة اللي لوحدة
حمو
اظن بقي يا شاطر ترمي اللعبة اللي في ايدك دي بدل ما تعورك.
حطيت الرشاش قدام حمو وبصيت لكل الموجودين وقولت
طيب بالله عليك طلب اخير طالما مش هعرف اخد منك الميكروفيلم. ممكن تندهي فرج
حمو باستغراب
فرج. وعايزة لية
رمضان
يجي يكمل اللي كان بيعملو
حمو
فرج مات. انما لو حابب تشوفو ممكن ابعتك لي.
وبص لرجالته وكانها اشارة. معنها. خلصو عليه وبدأو. يضربو عليه نار ووقعت ميت. وهوب الاقي نفسي قدام لمار اللي كانت قاعدة مع عم زلطة وبتقول له
بقالو يومين بايت برة البيت انا لازم تطلقني منه و،،،،،،
وهنا شافتني لمار وكنت طبعا بالهدوم الداخلية فقالت
ل عم زلطة اللي لسة ما شفنيش علشان كنت واقف في ظهرة
انت مش خلاص شربت الشاي. قاعد لية. جاي توقع بيني وبين جوزي لية
زلطة باستغراب
في اية يا بنت المجانين. مش انتي اللي اتصلتي بيا وقولت لي تعالي جوزي بيخوني وبايت عند عشيقته
لمار وهي بتقوم زلطة
اما راجل كبير وكذاب. يلا يا حج اديها سكة.
وخرجت زلطة من الشقة ووقف تاني قدام الباب وقال
انا تقريبا اطردت تاني، ،،،،،،،،
وترجع لمار ل رمضان وتقف قدام منه وتاخدة بالحضن وتقول
واحشتني اوي يا رمضان
رمضان وهو في حضن لمار
وانتي كمان وحشتيني يا خاطية
اتصدمت لمار وقالت
اية خاطية دي
رمضان
انتي خاطية بنت صندل الحقير
لمار
رمضان
كنت محول ساعتها وقولت
انا مش رمضان انا مهزوز ابو هزة
لمار وهي بتقيس درجة حرارة دماغي
رمضان انت سخن
رمضان
كنت سيبت فرج يقلعني. انا حبيته اوي
لمار لطمت وقالت
رمضان انت بطلت تخوني مع خلود مشواير وبقيت تخني مع فرج. الخروف
رمضان
انا مش رمضان. انا مهزوز ابو هزة، ،،،،،،،
ونرجع لعيادة الدكتور وئام ورمضان بيقول
وما لبستش اي طقم تاني من الدولاب لاني بعت الدولاب لكن من ساعتها وانا شوية رمضان عادي وفاكر كل اللي حصل وشوية مهزوز ابو هزة. ودة بقي المرض النفساوي اللي عندي. يا تري بقي ممكن الاقي علاج للمرض دة
لكن ما حدش رد فقولت
دكتور وئام. دكتور
وهنا النور نور لقيت نفسي في حمام وقدام مني ابو هزة وفي ايدة الكلب عنتر وبيقول
انت عملت حمام وعنتر شمك وطلع حمام رمان. بتسرقني يا مهزوز. اديك باسورد التلاجة تقوم تفتحها وتاكل 3 سم. من الرمان
رمضان
لا. هو انا رجعت اشوفك تاني. لا.
ساب ابو هزة عنتر من ايدة وقال
عنتر هاتو
وهجم عنتر عليه وانا بصرخ وبقول
انا مش هو. والنبي ما هو. ،،،،،،،،،،،،،،،،،،،،،
خلصت الحكاية اللي بتمني انها تكون عجبتكم واكون قدرت ارسم ولو ابتسامه بسيطة علي وش اي حد قرها. مستني رايكم. ،،،،،،
إرسال تعليق