ليالي في سجن العشق
★الحلقة الحادية عشر★
والاخيرة
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وتمسك ليالي الموبيل الخاص بيها وتبص للرسايل اللي بعتتها وصور حنين لغاية ما وصلت لحساب فرج وكان عاطف وعم فاضل قاعدين جنبيها ويقول عاطف
ما تعرفيني انتي ناوية علي اية
ليالي وهي بتقلب في حساب فرج
اللي زي فرج لما يحب يدخل علي الفيس بيدخل برقم الموبيل بتاعه. صح
عاطف
ايوة صح.
ليالي
ولو عصام صاحبة اللي هربان عامل حساب فيس هايكون برضو برقم موبيلة
عاطف
فهمتك
فاضل
بس انا بقي ما فهمتش حاجة
عاطف
ليالي ناوية توصل لعصام دة عن طريق النت
ليالي وهي بتحط ايدها علي رقم موبيل فرج
الرقم اهو وهو من جهلة سايب بيانات حسابة تبان لاي حد
دلوقتي بقي ادور علي اللي اسمة عصام دة بين الاصدقاء
ودور وسط الاصدقاء بتوعه علي حساب لعصام ولكنها ما لقتيش حاجة وتقول
غريبة مافيش حد عندة اسمة عصام
عاطف
حاجة تحير
فاضل
طيب والعمل
ويسكت عاطف للحظات ثم يقول
الرقم دة لو بتاع فرج فعلا و لسة شغال يبقي وصلنا لعصام
فاضل
طيب ودة معقول يا ابني فرج مسجون هايكون معه موبيل
عاطف
انت طيب قوي يا عم فاضل السجن ممكن تدخل في اي حاجة بالفلوس. واكيد حرامي زي فرج مش هايبقي صعب علية انه يدخل موبيل
فرج
طيب واحنا هانوصل ازاي لعصام عن طريق فرج
فيسجل عاطف رقم فرج عندة وهو يقول
هاتعرفي دلوقتي
ويتصل عاطف برقم فرج ويرد فرج فيقول عاطف
الو فرج معايا
فرج
انت مين
عاطف بحدة
مش مهم تعرف. في حد دلني عليك عشان تسرق لي خزنة فيها 5 مليون دولار تقدر ولا اشوف غيرك
فرج بحذر
مين دة اللي دلك علية
عاطف بحدة اكتر
اسمع انا ما بحبش الاسئلة الكتير تقدر ولا ما تقدرش
اقتنع فرج بشخصية عاطف الحازمة ولا كانة رجل مهم وقال
نصيبي قد أية
عاطف
مليون دولار
فرج بطمع
يا جاة النبي
عاطف بصرامة شديدة
قدها ولا تخاف
فرج
لا ياباشا قدها بس انا دلوقتي في طالعة تانية ومش فاضي
عاطف بمنتهي الحدة
يبقي انا ضيعت وقتي معاك
وينهي عاطف المكالمة فتبص له ليالي باستغراب
قفلت لية بس
فيضحك عاطف ويقول
ما تقلقيش لو صدقني هايتصل ولو عرف انه حوار مش هايتصل
وبمجرد ما خلص عاطف كلامة اتصل فرج بي فضحك عاطف وقال
صدقني وكدة نلعب معه براحتنا
ويرد عاطف قائلا وبحزم شديد
عايز اية تاني
فرج
يا باشا مالك كدة عصبي دة حتي الكلام اخد وعطا
عاطف
انا ما عنديش وقت اضيعة معاك. اخلص
فرج
بص يا باشا انا هابعت لك اللي يخلص
عاطف
مضمون زيك ونظيف
فرج
عيب يا باشا دة عيل مخلص واحسن مني. بس ابعتة لحضرتك فين
عاطف
انا المكتب بتاعي في شارع الهرم العمومي . اسأل بس علي مكتب الطاهر
فرج
خلصانة يا باشا هابعت الراجل دة بكرة. بس عشان نبقي علي نور الفلوس بتاعتنا هناخدها كاش
عاطف بمكر
طبعا. بكرة الساعة 5 الراجل بتاعك يكون عندي الا صحيح اللي هايجي بكرة اسمه اية
فرج
خدامك عصام يا باشا
عاطف
ماشي اتفقنا
وينهي عاطف المكالمة فتنظر له ليالي وتقول
تفتكر صدقك ولا دة ملعوب منه
عاطف
بصي هو صدقني بس دة مجرم ولازم يطمئن مليون في مية ان المكالمة دي مش ملعوب من الحكومة
فاضل
ودة هايحصل ازاي
عاطف
اللي اسمة عصام دة قبل الميعاد بساعه او اتنين هايروح الهرم ويسال علي مكتب الطاهر ويتاكد من كل حاجة عنه وعن صاحبة
فاضل
وهو فعلا في مكتب في شارع الهرم اسمة الطاهر
عاطف
طبعا. دة مكتب مشهور جدا هناك وصاحب المكتب راجل شمال انا رافع علية قضتين نصب واحتيال وكل المعلومات دي لما يجمعها عن صاحب المكتب هايطمئن وساعتها يدخل المكتب وانا بقي هاعرفة لان الحرامي بيبان
ليالي
طيب واية اللي يخليك متاكد انه هايبعت عصام
عاطف
هو قالي. وماتنسيش ان مليون دولار رقم يجري ريق اي كلب شبة دول
فاضل
ولما يروح هناك هيلاقيك مستني
ليالي
لا. اللي هايكون مستني البوليس
فيستغرب عاطف لانه كام ناوي علي حاجة غير دي ويتعجب فاضل، ،،،،،،،،،،،
وبالفعل يتصل فرج بعصام ويروح عصام للعنوان ويسال عن صاحب مكتب الطاهر ويطمئن قلبة لما يعرف انه شخص سي السمعه وان المكالمة دي مش كمين من الحكومة وتدق الساعة 5 فيدخل عصام الي العمارة وهنا يهجم عاطف علي عصام وهو لابس بدلة ظابط وكان معه اثنين عساكر وهما اصحابة في مكتب المحاماة ويقول عصام بخضة
اية في اية
عاطف
والله ووقعت يا عصام.
عصام وهو بيحاول الافلات من ايد اصحاب عاطف يقول
انا ما عملتش حاجة.
عاطف
وحنين اللي انت خطفتها مع فرج زميلك
عصام
انا ماليش دعوي فرج هو اللي خلاني اخطفها انا ما كنتش عايز اخطفها
عاطف
غريبة مع ان فرج قال انك انت اللي خطفتها وهو اللي باعك لينا عشان نعرف مكانك
عصام
كذاب انا ما عملتش حاجة هو اللي خطط لكل حاجة وخلانا نستنها قدام بيتها واستغلينا فرصة انها كانت لوحديها فخطفنها
عاطف
جدع. في القسم بقي ابقي اقول الكلام دة
ويرش عاطف في وش عصام مخدر يجعل عصام يفقد الوعي،،،،،،،،
ومن داخل مكتب الظابط يجلس عاطف قدام الظابط وعصام لايزال نائم بسبب المخدر وعاطف حكي للظابط كل اللي حصل بينة وبين عصام واللي سجلة عاطف صوت وصورة وسمعه لحضرة الظابط وقال الظابط
مع ان اللي انت عملتة دة غير قانوني وتسجيل لك لاعتراف زي دة كان لازم يكون بامر نيابة لكني هاطبق روح القانون عشان انقذ برئية وهاطلع اذن نيابة بتاريخ قديم مع التسجيل اللي في اعتراف عصام علي فرج وهايتم فتح القضية من تاني
عاطف فرحا
شكرا جدا يا حضرة الظابط انا مش عارف اشكرك ازاي
الظابط
دة واجبي ولازم انفذة والمهم ظهور الحق واننا ننقذ برئية ، ،،،،
وتتم الاجراءت ويتم الافراج عن حنين من سرايا النيابة بدون اي ضمانات وتخرج حنين من النيابة وهي معها عاطف وفاضل وهما فرحانين جدا فتلاقي اختها ليالي واقفة مستنيها خدتها حنين بالحضن وفضلت تعيط وتقول
انا اتبهدلت قوي يا ليالي
ليالي وهي بتحضنها بشدة
حقك علية. والله ما كنت اقصد
حنين باستغراب
تقصدي اية
فاضل مسرعا
ودة وقتة بس هانفضل نتكلم كدة في الشارع. يالا بينا،،،،،،
وترجع حنين الي بيت عم فاضل فتقول حنين
هو احمد ما عرفش اني طلعت براءة
فاضل بارتباك وهو بيبص لليالي اللي قالت
ما حدش قال له لسة
حنين
طيب عرفو خلو يفرح اني خرجت وقاله يا بابا اني مش زعلانه منه عشان سابني الفترة دي كلها من غير ما يسال فيا
فاضل
هاقول له. بس نامي انتي دلوقتي وارتاحي
ليالي لحنين
يالا نخش ننام سوي زي زمان ونكون في حضن بعض
حنين
ياريت حاكم انا واحشني حضنك اوي
وتاخذ ليالي حنين في حضنها ويخشوا ينامو.،،،،،،،،،
ويطلع النهار وتقف حنين في شباك الصالة في ميعاد خروج احمد للشغل وفضلت مستنيا احمد يخرج وخرج احمد ففتحت حنين باب الشقة ونزلت بسرعة لاحمد وندهت علية فبص لها احمد ولكنة ماردش وسابها ومشي
فجريت وراء ووقفت قدامة وقالت وهي بتعيط
احمد انا خرجت براءة. والحكومة اثبتت اني انا كنت مخطوفة.
احمد ببرود
مبروك
ويستعد لانه يسيبها ويمشي ولكن حنين تقف قدامة تاني وتقول
والله العظيم ماحد لمسني
احمد
ما بقاش يفرق معايا. عشان موضوعك كله ما يخصنيش.
حنين
مش فاهمه
احمد
هو ماحدش قال لك اني طلقتك
اتصدمت حنين وبصت لأحمد مش مصدقة اللي سمعتة وقالت وهي بتعيط
لية. هو انا ذنبي اية. ولا انت شكلك مصدق ان اعرف الاشكال دي.
وتمسح دموع عينيها
انت اية يا اخي حلفت لك بيمين ربنا اني مظلومة وانت سيبتني ومشيت ومسالتش فيا وقولت معلش معذور مع اني كنت محتاجة لك وخرجت من الازمة واول ما دورت دورت عليك وانت طلقتتي. سهل اوي كدة ولا انا اللي رخيصة عندك للدرجة دي
احمد
اسمعي، ،،،،،،،،
حنين مقاطعة له تقول
اسمع انت. انا مبسوطة اني اتحطيت في الموقف دة عشان تبان علي اصلك. زي ما ليالي المفروض تكون مبسوطة باللي حصل لها عشان عاطف بان علي اصلة صحيح نفس البطن شيلتكم انتو الاتنين لكن واحد طلع راجل وعمرة ما تخلي عن مراتة بعد اللي حصل لها وانت طلعت،،،،،
وتضحك بسخرية وتبص له من فوق لتحت وتقول
ولا بلاش.
وتعيط من الحرقة وتقول
عاطف صدقني اول ما قولت في القسم ان ماحدش لمسني وانت لا. عاطف وقف جنبي لغاية ماخرجت براءة وانت لا. لو ينفع تطلقني تاني وتاني. طلقني لن دة احسن عندي ميت مرة من اني كتت اعيش معاك وانا مغشوشة فيك
وتتالم حنين وتقول
الحمد لله ان حصلت لي الفضيحة دي بدري عشان تبان علي حقيقتك.
وتصقف بسخرية وهي تقول
نادية عرفت تربيك.
وتبص له من فوق لتحت وتجري تدخل بيتها والنار بتحرق كل حتة في جسمها وتقف وراء باب البيت وهي بتعيط بحرقة مش طايقة قلبها اللي حب واحد زي احمد. بس هي الازمات كدة بتعرفنا ديما معدن اللي معانا، ،،،،،،،،،،
وبعدها بيوم ومن داخل شقة علا تجلس علا وزوجها مع ليالي وعاطف وتقول ليالي
الحمد لله انكم رجعتة لبعض وان شاء الله ربنا يعوضكم بطفل تاني غير اللي نزل
علا ضاحكا
اة. بس والنبي طول فترة الحمل مش عايزا أشوفك
فيضحك كل الحضور ويقول عاطف
والله يا علا انتي ماتعرفيش انا كنت بتعذب ازاي بسبب اللي حصل لك بسببي
علا
الحمد لله علي كل حال
جوز علا وهو يضم علا لصدرة
المهم اننا مع بعض وربنا قادر يعوضنا عن اللي راح
ليالي
بأذن الله يعوضكم ربنا
ويقف عاطف وهو يمسك ايد ليالي ويقول
طيب نستاذن احنا بقي
جوز علا
بدري كدة
عاطف
معلش اصلي عازم ليالي علي السينما وبعد كدة رايح معاها للدكتور.،،،،،،،،،،
وتمر الايام والشهور وحنين عرفت ان ليالي هي اللي عملت فيها كدة لكنها رضيت بقضاء ربنا ومالمتيش علي اختها اللي كانت عيانة وهي كانت راضية لان في ابتلاء ربنا ممكن يبان انه شر لكنة خير. واكبر دليل علي كدة ان احمد اتكشف لحنين،،
وعملت ليالي العملية وكانت الاولي من نوعها ونجحت ورجع وش ليالي زي ماكان وخرجت من اوضة العمليات وهي فرحانة جدا وراحت علي اول مرايا قابلتها في المستشفي وبصت في المرايا وهي عمالة تعيط وتقول
الحمد لله الحمد لله.
ووقف وراها عاطف وضمها وقال
مبروك يا حب عمري
لفت نفسيها وهي في حضنة وبصيت له وقالت
انا مش مصدقة نفسي
عاطف
ربنا لطيف بعبادة واللي يرضي بقضاة ربنا ربنا يعوضة خير
ليالي
الحمد لله.،،،،،،،،
وبعدها باسبوع ومن داخل شقة عم فاضل تجلس حنين علي السرير في اوضتها وليالي تجلس تحت رجليها وتقول لها
والله وهاتبقي ام يا حنين
حنين
عقبالك يا ليالي
ليالي
يارب دة انا نفسي النهاردة قبل بكرة
فاضل
ربنا يعوض عليكي خير
ويرن جرس باب الشقة فيروح فاضل يفتح الباب فيلاقي عاطف ومعه احمد فيستغرب فيقول احمد
ممكن ادخل يا عم فاضل
فاضل
طبعا يا ابني دة بيتك ومطرحك
عاطف وهو يدخل الشقة ويقفل الباب خلف منه
ام عتريس عاملة اية دلوقتي
فاضل
الحمد لله ربنا يتم حملها علي خير
احمد
ممكن اشوف حنين
فتقف حنين علي باب الاوضة لانها سمعت صوت احمد وقالت
جاي عشان اللي في بطني صح
فيبص لها احمد وهو يقول
لا. جاي عشانك. والله واحشتيني ومش طايق حياتي من غيرك
فتعيط حنين وهي بتبص لليالي وتقول
كذاب
وتستعد حنين لدخول الاوضة مرة تانية فيمسك احمد ايدها ويقول
انا فكرت كتير جدا بعد اخر مرة شوفتك فيها ولقيت نفسي مش عارف اعيش حياتي من غيرك يمكن اكون حسبتها غلط وكنت اناني وحقير. وانتي ممكن تقولي اشمعني لما عرفت انك حامل جيت اقول الكلام دة. انتي لو حتي ما كنتيش حملتي انا كنت جاي جاي عشان بحبك
حنين وهي تبعد ايدها عن ايدة
بتحبني اوي. ودة بان في اول موقف في حياتنا بعتني
احمد
أنا ما كنتش عارف بعمل اية بس فعلا ندمت انا مش هلاقي واحدة زيك تنفع تكون مراتي وام عيالي. انا اتعلمت الدرس وجاي لك والقرار اللي هتاخدي هو اللي هايتنفذ
فتبص له حنين وقلبها بدأ يميل وتسامح وتبص لابوها فيشاور براسة بمعني سامحي وتبص لليالي اللي برضو هزت راسها وكانت عايزها تسامحة فبصت حنين ل أحمد وقالت
أنت جرحتتي اوي لكن بابا رباني علي ان المسامح كريم وانا حبه اكون كريمة معاك ومسمحاك بس يوم ماخس انك مش سندي ومش في ظهري وقت الشدة هانسي حبي ليك وهانساك ومش هارجع تاني
عاطف ل احمد
روح هات الماذون يلا. خلي الفرحة ترجع البيت،،،،،،،،،
وتمر السنين وعلا تحمل وتخلف ويعوضها ربنا وتخلف ليالي من عاطف بنت ويسموها ملك وحنين طبعا خلفت من زمان وجابت مالك. واحمد اتغير تماما. لغاية ماجة يوم وتعبت في نادية جدا وماكنش في حد في البيت غير ليالي فندهت عليها فنزلت لها ليالي بسرعة وهي ملهوفة عليها وقالت
مالك يا حماتي
نادية
قلبي في نغزة في قلبي ومش عارفة اخد نفسي
ليالي
ما تقلقيش هاروح اجيب لك حقنة اوام من الصيدلية هاتخديها وتبقي زي الفل
وفعلا ليالي تجري بسرعة وتجيب الحقنة لنادية وتديهالها وبعد كام دقيقة تحس نادية بتحسن وتعمل لها ليالي شوربة خضار تشربها فتبص لها نادية وتقول
اتخضيتي علية يا ليالي
ليالي وهي بتشربها شوربة الخضار
طبعا انت زي ماما الله يرحمها
نادية
بعد كل اللي بعمله معاكي. وخوفتي علية
فتبتسم ليالي وتقول
بلاش الكلام دة دلوقتي يا حماتي. انتي تعبانة
نادية
انا كنت بموت وانتي لحقتيني. يعني لو ما كنتيش موجودة في البيت كان ممكن يصلو علية
ليالي
بعد الشر عليكي اومال مين اللي هاتجوز ملك
فتضحك نادية وتقول
حقك علية يا بنتي واعتبريني من النهاردة مامتك
ليالي وهي لسة بتشربها شوربة الخضار
انتي فعلا مامتي.
نادية
انتي طيبة اوي يا بت وكان لي حق عاطف يحارب الدنيا عشانك
ليالي
ربنا ما يحرمني منه. عاطف دة احلي هدية باعتها ليا ربنا
نامي بقي عشان ترتاحي، ،،،،،،،،،،،
وترجع ليالي ملاك الرحمة.
النهاية
يارب تكون القصة عجبتكم وياريت اعرف راي كل اللي شرفني بقراءة القصة.
جميله
ردحذفجميلة ورائعه وفيها كتير من الواقع الا احنا فيه
ردحذف