الهام واللي كان الحلقة الاخيرة

 وعاشت في احضان الشيطان

                    ★الحلقة التاسعة★

كتابة واقتباس 
محمد منصور. * منص*

 وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

 ‏

بسم الله توكلت علي الله. وهو رب العرش العظيم

★اتصدمت سلوي اكتر واكتر من صعوبه السؤال وكمل فريد وقال

ونادر بيقول لك لو اخترتي فايز. انسي انك تشوفي نهائي

سلوي

بس انا نفسي اشوفه

فريد

يبقي جاوبي علي السؤال. بتحبي مين اكتر هو ولا فايز

سكتت سلوي ومابقتش عارفة تقول اية لف فريد حوالين منها وقال

سؤال صعب لكن اجابته سهله.

بصت سلوي ل فريد وهو بيقول

اللي مات علشان انا اعيش يستاهل حب ما فيش حد يقدر يقرب منه

سلوي

هو مات ولا لسة عايش

فريد

هو مات لكن انا اقدر اخليكي تشوفي وتعيشي معه كمان

سلوي

وهو ينفع حد عايش يعيش مع حد ميت

فريد

انا اقدر اعملها

سلوي

ازاي هتحضر روحه

فريد بصوت فحيح الثعابين

كل ما هتنامي هتكوني معه. وتتكلمي معه ويكلمك وكل ما يلمسك هتحسي بلمسة ايدة. وتشبعي منه ويشبع منك بس ليا شرط واحد

سلوي

اية

فريد

قلبك يختاره. وتنامي وانتي مش علي طهارة

اتصدمت سلوي. وشاف فريد الخضة بتاعتها فقال

دة شرط نادر لو عايزا تشوفيه

فضلت سلوي ساكتة وفريد بيلف حوالين منها ويلف ويلف وعمال يقول بصوت نادر

وحشتيني يا قلب نادر من جوة.

بصت حوالين منها وعيونها دمعت وقلبها بدأ يدق وفريد بيقول بصوت نادر 

نفسي اشوفك. نفسي المسك. نفس احس بيكي. نفسي اسمع كلمه بحبك منك 

عيطت سلوي بحرقة وعماله تبص حوالين منها وتقول

وانت كمان وحشتني اوي يا حبيبي.

فريد

مش حاسس انك اصلا فاكراني

سلوي

لا. ما تقولش كدة. انا عمري ما نسيتك. ازاي انسي اللي مات علشان انا اعيش

فريد 

قلبك اختار غيري وعيشتي معه

سلوي

عيشت مع اللي اخترته علشان كنت لازم اعيش لكن تفضل انتي اول واخر حب

فريد رجع صوته للفحيح الثعابين

يعني اخترتي تعيشي مع نادر

سلوي ومن غير اي تردد

هعيش معاه 

فريد

اطلعي الاوضة ونامي علي نجاسة. وهتشوفي نادر

سلوي قامت ونفذت المطلوب بصت احلام ل فريد وقالت

صدق من سمي مولاي طاروش ملك الوهم والخداع

فريد

كدة لمستي ليها ما تكنش بفزعها. انما اللمسة هتكون بفرحتها 

وضحك فريد واتحول لصورته المخيفة وبدا يتسلل لحلم سلوي، ،،،،،،،،،،،،

وبعدها بشوية ومن جوة بيت عم سلوي تقف سلوي وسط البيت اللي كان فاضي تماما وكانت عماله تبص حوالين منها وفجاة يقف وراء منها نادر ويلف ايدة حوالين وسط سلوي شمت سلوي ريحة نادر بصت بطرف عينيها ل نادر وقالت بفرحة شديدة

نادر

ولفت جسمها واخدت نادر في حضنها وفرحتها ملهاش حساب فرحتها بنادر نستها كل اللي شافته. فرحة عروسة بعريسها اللي بتحبه ليلة دخلتهم. وقالت سلوي وهي بتمشي ايدها علي وش نادر

مش قادرة اصدق انك قدامي

نادر

انا اللي مش مصدق ان من تاني لمستك يا حب عمري

واترميت في حضنه وسابت اللي فاضل منها يطير مع الوهم اللي عايشة في. ،،،،،،،،،،،،،

وبعدها بيوم ومن جوة شقة فايز يقعد فايز قدام ولادة الاربعه والاكل قدام منهم وفايز بيقول لهم

ما تاكلو. الاكل قدام منكم وقرب يبرد

سجدة

ما حدش لي نفس 

شادي

هو لية مش عايز تقولنا فين ماما. وراجعه امتي 

فايز

هترجع باذن الله وعايزها لما ترجع تلاقيكم كويسين.

وهربت دمعه من عيون فايز اللي مسحها بسرعه وقال

ويلا بقي كلو

سجدة

لما تاكل انت الاول

فايز وهو بيكتم دموعه بصعوبه مسك المعلقة اللي قدامه وقال

انا هاكل اهو

وحط المعلقة في طبق الرز طلع بشوية رز وراح بيهم ناحية بوقة وحطهم في بوقه بصعوبه وكان طعمهم مر علقم من غير حبيبته ومراته سلوي. قال وعيونه مليانين حزن

اديني كلت يلا بقي كلو انتو كمان 

وبداو ولادو ياكلو وفايز بيحط معلقة رز تانية في بوقة رز مخلوط بدموع عيونه.،،،،،،،،،،

**ملوحظة،،،

المشهد اللي جاي من تاليفي وما حصلش في احداث القصة الحقيقة زي ما جه علي لسان صاحبة القصة

لانها مش قادرة تفتكر احداث اليوم دة بالظبط واية اللي حصل في مع ان نهاية اليوم دة في حدث هيغير من احداث القصة الحقيقية نهائي. علشان كدة كان لازم

 التنبية ***

وتعدي الايام قولو الشهور والحال هو الحال فايز وولادة عايشين في حزن علي فراق سلوي وغيابها. وسلوي عايشة في احضان الشيطان. لغاية ما جت ليلة وسلوي كانت في الحمام بترجع دم اسود وعضم حيونات. ومش قادر اوصف لكم قد اية دة كان شئ مؤلم ومقرف ومن قدام الحمام كان واقف فريد واحلام واحلام بتبص ل فريد وبتقول

حمل انسية في طفل من اب جني ذنب مرفوض بين عشائر الجن. لازم تخلص من الطفل دة. نزوله من بطن سلوي وهو في الروح معني نهايتك يا مولاي طاروش

فريد

غلطت ونسيت نفسي وعملت معها علاقة كاملة

احلام

يبقي ما فيش قدام مننا غير انك تساعدني نخلص من الطفل دة

فريد

ولية نخلص منه هو.

احلام باستغراب

تقصد اية يا مولاي

فريد

في عشائر كتير من عشائر الجن طالبين موتك بعد ما كنتي السبب في حرق اولادهم بسبب اعمالك السفلية. وانا اللي مانعهم عنك

احلام بفزع

تقصد انك ناويت ترفع حمايتك عني و هتسلمني ليهم

فريد

بالظبط هسلمك ليهم في مقابل ان عشائر الجن يسمحوا لطفلي بانه يتواجد في الدنيا ومايكنش مع وجودة نهايتي 

احلام

بعد خدمتي ليك ل سنين تضحي بيا بالسهوله دي 

فريد

انا وصلت للي اكتر ما حلمت بي. حبيبتي سلوي بين احضاني ومن غير مساعدتك. تقدري تقول لي. هحتاج لك لية تاني

في اللحظة دي خرجت سلوي من الحمام استغلت احلام خروج سلوي جريت خارجة من الاوضة. بص ناحيتها فريد وبصت سلوي اللي كانت تعبانه جدا وقالت

هي جريت ليه اول ما شافتني

ابتسم فريد ابتسامه خبيثة وقال

ارتاحي انتي وما تشغليش بالك بيها

وخرج فريد من الاوضة وساب سلوي قاعدة علي السرير وبطنها بتتقطع من شدة الوجع، ،،،،

ومن مكان ما في الصحراء تسوق احلام عربيتها بمنتهي السرعه هاربه من طاروش وفجاة يظهر طاروش امام عربية احلام ويبص للعربية فيمنعها من الحركة فتحاول احلام انها تتحرك من العربية. لكن طاروش وقف محرك العربية. وبدا يبص ل احلام بغضب شديد ويقول طلاسم مخيفة خاصة بتحضير ملوك معشر الجن واحلام مرعوبه لانها عارفة معني هذة الطلاسم وقالت احلام

ارحمني ارحمني. انا خدامتك المطيعة 

لكن طاروش كان لا يتوقف والطلاسم جعلت الرياح تزيد والرمال تتعالي لفوق وتتعالي قفلت احلام ازاز عربيتها علشان تحمي نفسيها من الرمال لكن حبات الرمل قدرت تخترق ازاز العربية وبدات الرمال تتحول الي مخلوقات قصيرة ومخيفة. وصرخت احلام لما شافت نهايتها وبدات تصرخ وتصرخ. وفتحت بوقها علي الاخر ورمل الصحراء بدأ يخرج من بوقها وعيونها وودانها وماتت احلام موته الغرقان ماتت وكان علي ملامحها علامات الغضب والفزع علامات تبشر بانها من اهل جهنم، ،،،،،،،،،،،

** نرجع كدة للقصة الحقيقية**

وبعدها بكام ساعه ومن جوة شقة مهجورة شقة عفشها كله متغطي وعلي الغطاء كوم من التراب كانت سلوي علي الارض نايمة فتحت عيونها بصعوبه وبدات تبص حوالين منها مستغربه هي فين وندهت وقالت

احلام. 

ومافيش حد بيرد قامت وققت ونفضت هدومها من التراب 

وفضلت تبص حوالين منها وهي مستغربه اوي هي فين راحت ناحية باب الشقة فتحته وخرجت وهي مش فاهمه ولا فاكرة اية اللي حصل. هي اخر حاجة فاكرها ان احلام شافتها وطلعت تجري من الاوضة ،،،،،،،،

وبعدها بشوية ووقت ما كان فايز قاعد في اوضة وولادة نايمين يسمع خبط علي باب الشقة بص في ساعته لقها 11 بالليل. استغرب وقام يفتح لقي قدام منه سلوي ما كنش مصدق عيونه راح يحضنها وهو بيقول

سلوي. انا مش مصدق نف،،،،،،،،

زقته سلوي بعيد عنها وقطعته وقالت

انا تعبانه استني عليا اخد نفسي

اتصدم فايز لكنه قال لنفسه

معلش يا عالم هي شافت اية وجاية منين

حاول يمسك ايدها علشان يساعدها تدخل شالت ايدها بعيد عنه وقالت

اومال هما فين العيال

فايز

نايمين

لكن سجدة خرجت من الاوضة وهي بتقول

انا كنت نايمة وصحيت علي خبط الباب وماصدقتش نفسي لما سمعت صوت ماما

كل دة بيتقال وسجدة في حضن امها وسلوي بتحضنها بحب شديد وقالت لها

قلب ماما من جوة. والله وحشتيني اوي اوي 

سجدة

وانتي كمان وحشتيني اوي يا ماما. كل دة. بعيد عننا

سلوي

غصب عني. روحي صحي اخواتك خليني اخدهم في حضني

راحت سجدة جري تصحي اخوتها وفايز بيبص ل سلوي اللي ما بقتش سلوي وقال

واضح ان عيالك بس هما اللي وحشوكي

بصت سلوي ل فايز وقالت

لية بس بتقول كدة

فايز

لا. ما تشتغليش بالك. حمد لله علي سلامتك

وقبل ما ترد سلوي كانو ولادها التلاته في حضنها وبيبوسو فيها وهي بتبوس فيهم. وخلصت السلامات والاحضان وفايز عمال يبص ل سلوي اللي عيونها ما جتش في عيونه نهائي فقرب فايز منها وقال لها

مالك يا سلوي.

سلوي من غير حتي ما تبص له

مالي

فايز 

انتي زعلانه مني ولا في حاجة تانية

سلوي

وهزعل بس لية. بس انت ناسي انك قولت لي تبقي طالق ل روحتي ل احلام دي. فانا روحت لها وبقيت طالق مش صح كدة 

فايز

سلوي انت اول مرة تتكلمي معايا كدة واضح ان احلام. عرفت تقلبك عليه 

سلوي بجحود 

فايز انا تعبانه. بكرة نتكلم

وقامت وراحت ناحية اوضة العيال فقال لها فايز 

داخلة لية اوضة العيال

سلوي

هنام

فايز

واوضتك

سلوي

مش عايزا اخشها. انا حرة

ودخلت اوضة العيال وقفلت الباب وراء منها وفايز عمال يبص لها وهو مش فاهم في اية وحتي العيال كانو مستغربين، ،،،،،،،،

ومن جوة الحلم تقعد سلوي مع نادر وكانت بتقول

انا ما بقتش طايقة راجل غيرك يبص لي.

نادر

وهو انتي فاكرة اني بالساهل تبقي مرات واحد تاني بس لازم تعيشي معاه

سلوي

لية لازم. ما تخليني اعيش معاك علي طول

نادر

ياريت ينفع بس انتي عايشة وانا ميت والمكان الوحيد اللي ممكن اشوفك في هي احلامك

اترمت سلوي في حضن نادر وقالت

بس انا عايزا اكون معاك في الحلم وفي الحقيقية

نادر

بعدين. بعد،،،

وبدأ نادر يحترق وجلد جسمه يتساقط وقال

اصحي حالا وسدي ودانك هموت واتحرق

فتحت سلوي عيونها علشان تلاقي الفجر بياذن فضلت تصرخ وتصرخ وتصرخ. صحيوا عيالها ودخل عليها فايز قرب منها حاول يهديها صرخت وقالت

ابعد عني مش عايزا اشوفك مش عايزا اشوفك. هو بالعافية يا اخي. انا عايزا نادر

طبعا فايز كان عارف بحكاية نادر فاستغرب وقال في سرة

اية اللي فكرها بنادر. مش وقته يا فايز 

وحاول يهديها لكنها قالت

خلي اللي بياذن دة يبطل اذان. خلاص تعبت كفاية كفاية

فايز 

سلوي 

بصت سلوي ل فايز بصة مخيفة وغضب ربنا باين علي ملامحها

ما تقولش اسمي. بكره اسمي منك. بكرهك 

وشاورت ناحية الشباك وقالت

اقفلو الشباك دة. مش طايقة اسمع صوت الاذان.  

وحطيت ايدها علي ودانها وبدات تنهار من كتر الصراخ، ،،،

وتعدي الليلة بكل الشر اللي فيها ويطلع النهار وقبل اذان الظهر كان فايز جاب الشيخ عجمي واول ما حط رجلة جوة الاوضة اللي فيها سلوي بصت له سلوي وقالت ل فايز

الراجل دة جاي لية هنا

فهم الشيخ اللي فيها وقال

جاي اتكلم معاكي اية بلاش

سلوي

ما فيش بيني وبينك كلام

الشيخ عجمي

لية بس تخليني ااذيك 

سلوي ل فايز

اسمعني كويس يا فايز انا اللي عليه موجود جوة مني وبمزاجي لاني عن طريقة بشوف نادر حبيبي ولو فكرت تاذيه تبقي بتاذيني انا وساعتها هيبقي الموت نهايتي

اتصدم فايز وعجمي وقال عجمي

يعني انتي عارفة وموافقة انك تعيشي وانتي عليكي جن

سلوي

عارفة طالما بقدر اشوف اللي حرمتني الدنيا منه يبقي لية ارفض وجودة جوة جسمي

فايز

انتي الجنان وصل بيكي للدرجة دي. تقبلي تعيشي وعليكي مخلوق من نار. تقبلي تعيشي مع شيطان

سلوي

اقبل

ومديت سلوي ايدها جنب السرير وسحبت جركن بنزين وفضت الجركن كله فوق جسمها فقال فايز

انتي بتعملي اية يا مجنونه

خرجت ولاعه من درج الكمودينو وولعتها وقالت وهي بتبص ل عجمي 

الراجل دة لو ما خرجش من هنا هولع في نفسي واموت كافرة

لكن عجمي بدأ يقرب منها وقال

ولعي في نفسك. اللي عليكي هيمنعك

سلوي بتحدي لعجمي 

قولت لك اخرج من هنا مش حباك

وهنا قال الشيخ عجمي بصوت قوي ومهيب 

الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِئَةَ جَلْدَةٍ وَلَا تَأْخُذْكُم بِهِمَا رَأْفَةٌ فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ 

صرخت سلوي وقالت

بس والا ولعت في نفسي

كمل عجمي وقال

الزَّانِي لَا يَنكِحُ إلَّا زَانِيَةً أَوْ مُشْرِكَةً وَالزَّانِيَةُ لَا يَنكِحُهَا إِلَّا زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ “

صرخت سلوي باعلي صوت عندها. وبدأ نور الاوضة يطفي ويولع. وعجمي بيكمل وبيقول وهو بيقرب من سلوي

 إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآخِرَةِ وَاللَّهُ يَعْلَمُ وَأَنْتُمْ لاَ تَعْلَمُونَ

صرخت سلوي وقالت

بس. بس.  

الشيخ عجمي بنفس القوة

وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلاّ اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ

سلوي بصوت طاروش

كتبت عليها الموت كافرة وهي في حضني 

ورمت سلوي الولاعه ناحية هدومها والنار مسكت فيها وبدأ الجحيم، ،،،،،،،،،،،،،

خلصت حلقة النهاردة اللي يارب تكون عجبتكم. سلام