حب امتلاك
★الحلقة التاسعة★
من تاليفي
محمد منصور. *منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعدها بساعة ومن داخل قصر يوسف تقف جميلة امام يوسف الغاضب بشدة ويقول
يعني اية ابني عماد يتخطف من القصر وتقولي ما بلغش البوليس
جميلة وهي تبكي
لو بلغت البوليس اللي خطفو عماد هايقتلو
يوسف وهو يمسك ذراع جميلة
هو انتي تعرفي مين اللي خطف عماد ولا اية
جميلة بارتباك
لا. طبعا. وهو انا اعرف الاشكال دي منين
يوسف
اومال مش عايزاني اتصل بالبوليس لية
جميلة
عشان
ثم تفكر جميلة في كذبة ولكن يوسف يضغط علي ذراعها بشدة ويقول بعصبية
عشان اية انطقي
جميلة
واحد من اللي خطفوا عماد اتصلو بيا وقاله لو بلغتو البوليس هانقتل عماد
يوسف
وما طلبش منك فدية
جميلة
لا. طلبو مني اني اطلق منك
يوسف باستغراب
اية. بتقولي اية
جميلة
عايزيني اطلق منك
يوسف
مين هما دول اللي عايزانك تطلقني مني وعايزانك تطلقي لية
جميلة بارتباك
ماعرفش. هما طلبوا كدة
يوسف
لية.
جميلة وهي تصرخ
ماعرفش ماعرفش. سبني في حالي بقي هاتبقي انت واللي خطفوا عماد علية
فيترك يوسف ذراع جميلة وينضم لهم عم خليل ويقول
دورت في كل حتة في القصر ومافيش اثر لعماد
يوسف بحزن يقول لعم خليل
عماد اتخطف
عم خليل باستغراب
اية. طيب لية ومين اللي خطفة
يوسف
مانعرفش. كل اللي اعرفة ان حد اتصل بجميلة وطلب منها انها تطلق مني عشان عماد يرجع سليم
عم خليل
اية الطلب الغريب دة والغرض منه اية. اكيد جميلة تعرف مين اللي خطف عماد ومش عايزا تقول ومخبيا علينا حاجة
فتنظر جميلة لعم خليل بضيق وتقول
وانا هاخبي لية انا اللي اعرفة قولته. حد اتصل بيا وقال لي لو عايزا عماد يرجع بالسلامة أطلقي من يوسف
عم خليل
بس.
جميلة وهي تضغط علي اسنانها
اة. بس
عم خليل
يعني اللي كلمتك ما طلبش منك حاجة تاني
فتقف جميلة وتذهب ناحية عم خليل وتقول له
أنت عرفت منين ان اللي خطفت عماد واحدة ست
عم خليل
أصل بالعقل يا بنتي ازاي عصابة تخطف ابن ملياردير وما تطلبش فلوس تطلب انك تطلقي من جوزك
جميلة بشراسة
بالعقل وبس. ولا انت مع خلود
فيذهب يوسف ناحيتها وينظر لها في عيونها ويقول
مين خلود دي
عم خليل
ايوة صحيح. مين خلود دي
فترتبك جميلة اكتر واكتر وتتمني لو الارض تنشق وتبلعها ولا ترد فيهزها يوسف بحدة
مين خلود يا جميلة
جميلة
دة الاسم اللي انا سمعتة في المكالمة وسمعت اللي خاطف عماد بيقول. هاتي عماد يا خلود نسمع صوته لي امة
يوسف
بس كدة
جميلة
اة. بس كدة. وعشان خاطر عماد يرجع بالسلامة طلقني
يوسف
اطلقك. ازاي بس انا بحبك
جميلة
مش وقت حبك دة . انا المهم عندي ابني يرجع بالسلامة وعشان كدة. طلقني يا يوسف
فينظر يوسف لعم خليل فيقول عم خليل
طلقها. عشان عماد يرجع لنا بالسلامة
فيقول يوسف بعد تفكير للحظات
انتي طالق
فينظر عم خليل لجميلة ويبتسم وجميلة تنظر له وهي مغلوله منه. ،،،،،،،،،،،
وفي نفس اليوم بالليل تجلس جميلة في قصر والدها عمران وامام منها يجلس عمران رجل الاعمال المعروف ومعه زهرة والدة جميلة ويقول عمران لجميلة
اية الحكاية الملخبطة دي واحدة تخطف ابنك عشان تطلقي من جوزك لا وكمان عايزاكي تتجوزي جوزها. ممكن افهم اية اللي بينك وبين الست دي
جميلة
يا بابا هي بتعمل كدة عشان بتغير مني اكمني بنتك ومرات يوسف راجل الاعمال المشهور. تصور لدرجة انها ركبت صور ليا انا وجوزها وفيديوهات عشان تفضحني بيهم
عمران
ولما هي الحكاية كدة لية ما قولتيش ليوسف عشان يتصرف بدل ما هو هايتجنن علي ابنة
جميلة
ماقدرش. يوسف مش هايصدقني ويوسف ما ينفعش يعرف الكلام دة. انا حكيت لكم انتم بس عشان انتو اهلي وهاتعرفة تتصرفة وتحموني من المجنونة دي
عمران
وهو برضو جوزك ويقدر يحميكي منها
جميلة وهي تبكي وتترمي في حضن امها
اخاف يوسف يصدق ان كان في علاقة بيني وبين اللي اسمة جلال دة. وساعتها ماعرفش ممكن يعمل. اية. لكن انتم اهلي ومستحيل تصدقة علية اني اعمل كدة أتصرف يا بابا
زهرة لعمران
عمران اتصرف لازم ترجع حفيدك وتلحقة من ايد الست دي قبل ما تعمل في حاجة
عمران لجميلة
ودي اوصل لها ازاي
جميلة
انا كلمت جوزها يكلمها ويخليها تيجي لك لغاية عندك وانت بقي تتصرف معها
عمران
وهي رضيت تيجي لغاية هنا
جميلة
ايوة رضيت وهاتكون عندنا بكرة
عمران
خلاص لما يجئ بكرة هاشوف اقدر اعمل معها اية. مع اني من رايي ابلغ البوليس
جميلة
اوعي يا بابا. بعدين تعمل حاجة في ابني. دي مجنونة ،،،،،،
ومن داخل حجرة نوم جميلة في قصر والدها تجلس جميلة علي سريرها وتتكلم في الموبيل مع سمر وتقول بحدة
يعني اية لسة بتفكري. مستنيا لما يخلص هو عليكي.
سمر
مش قادرة اصدق اني ممكن اقتل
جميلة
انتي كدة ما بتقتليش دة دفاع شرعي عن النفس
سمر
مش هاقتل حد. ودة اخر كلام عندي
جميلة
خلاص بقي. سيبي يقتلك يا غبية
وتنهي جميلة المكالمة بمنتهي الضيق وترمي الموبيل علي السرير وتقول لنفسها
لازم اشفي غليلي منك يا خليل. بس اتاكد الاول انت تعرف خلود ولا. لا، ،،،،،،،،،
وتمر الليلة ويطلع النهار وياتي ميعاد خلود مع عمران وبالفعل تحضر خلود في الميعاد بالظبط وتدخل القصر ويقابلها عمران ومعه زهرة وجميلة ويطلب منها عمران ان تدخل الي القصر ولكن خلود تقول
احب اقعد في جنينة القصر لاني بحب اللون الاخضر
ويتجهوا جميعا ناحية بورجلية كبيرة ويجلسو علي الركنة الموجودة تحت منها ويقول عمران
بصي يا بنتي انا راجل ما بحبش اضيع وقت. انا عايز حفيدي وهاديكي كل اللي انتي عايزا
فتضحك خلود وتقول
وفلوسك دي هاتعرف تعالج الوجع اللي حصل لقلبي. لما عرفت ان جوزي بيخوني مع بنتك
جميلة بعصبية
كدابة
خلود بعصبية اكثر
انتي اللي كذابة وخاينة ولازم احرمك من كل حاجة بتحبيها زي ما حرمتيني من جوزي وسرقتي مني. انتي ماتعرفيش انا عملت عشان جلال اية. وضحيت باية عشان اكون جنب منة
فينظر عمران لزهرة فتقول زهرة لجميلة
جميلة. الست دي باين عليها ما بتكدبش وبتكلم بحرقة أنتي اية اللي بينك وبين جوزها
جميلة بحدة
ماما. هو انتي هاتصدقيها هي وتكدبيني انا. بقول لك الست دي كذاية. انا ماعرفش جوزها
خلود وهي بتضحك
يا بجحتك
جميلة وهي تهجم علي خلود وتلف يدها حوالين رقبتها وتقول
فين ابني يا بنت الكلب
ولكن خلود تنظر لجميلة ببرود وجميلة تخنقها وتقول
كل اللي بتعملي فيا ده بيتصور صوت وصورة ولو حصل لي حاجة مش هاتشوفي ابنك تاني
فينهض عمران ويبعد جميلة عن خلود وينظر لها ويقول بحدة
جميلة. لمي نفسك بقي احنا مش ناقصين حاجة تحصل لعماد
خلود وهي تنظر لهم وتنهض واقفة
اسمعوا كلكم. انا مش بتاعت فلوس. وبنتكم هاتتجوز جوزي غصب عنها وماحدش هايقدر يمنع الجوازة دي وهاتتجوز وهي حاطة ايدها علي بوقها لان الكلمة اللي هاتطلع من بوقها هتتحاسب عليها بكتير. وبعدين انا عايزا اعرف هي زعلانة لية اللي كانت في حضنة في الحرام هاخليها في حضنة بالحلال. يعني انا ما غلطتش
جميلة
انا جميلة عمران اتجوز جلال جوزك اللي ماشغلوش عندي في القصر بتاعي فرد امن
خلود
لما هو واطي اوي كدة في نظرك خدتيه ليه مني
عمران
اسمعي يا بنتي. لو ليكي حق عند بنتي خدي منها هي او مني انا او من امها لكن بلاش العيل الصغير ماذنبوش حاجة
خلود
انا فعلا باخد حقي. بنتك تخلص شهور العدة وتتجوز جلال واول ما يبقي جوزها ابنها يرجع لها
عمران
طيب، ،،،،،
فتقاطعة خلود قائلا بحزم
دة اخر كلام عندي
وتتركهم وتنصرف وينظر عمران لجميلة وزهرة تنظر لها فتقول جميلة
دي كذابة. اوعو تكونو صدقوتها. طيب والله العظيم انا،،،،،،،،
فيقاطعها عمران ويقول
الا يمين ربنا يتحلف بي كذب. وسواء كنتي ظالمة او مظلومة انا لازم اكون جنبك لغاية ما ابنك يرجع لك وبعد كدة ليا كلام تاني معاكي. ولازم افكر كويس واشوف البت دي لية عايزا تجوزك جوزها. ،،،،،،،،
وتمر شهور العدة ورغم محاولات جميلة وعائلتها ويوسف وعم خليل من العثور علي عماد لكنهم لم يصلو الي شئ ومن داخل شقة التجمع يجلس جلال ومعة جميلة و خلود وشخص يقرب لخلود وامامهم الماذون ويكتب بيانات العروسين في الدفتر الخاص به وينظر الماذون لجلال ويقول له
نريد شاهد اخر علي العقد
فتقول خلود
موجود
الماذون
اومال هو فين
خلود
جاي حالا.
ثم يفتح باب الشقة ويدخل عم خليل وينظر لجميلة ويقول
ماينفعش ما كنش شاهد علي عقد جوازك
فتنظر له جميلة بغل شديد فيقول
لا وكمان جايب لك حبيبتك معايا. عشان حلفت لازم ترقص لك في فرحك
وتدخل سمر من وراء عم خليل وتاخذة بالحضن وجميلة تخرج عيونها من مطرحها مش مصدقة اللي شايفه ، ،،،،،،،،
من النهاردة كل اللي فات حمادة وكل اللي جاي حمادة تاني خالص.
تم
ردحذفروعه
ردحذفايه المفاجئه ديه حلوه اووووي
ردحذف