ليالي في سجن العشق
★الحلقة التاسعة★
من تاليفي
محمد منصور. *منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفي هذة اللحظة يسمع صوت جرس الباب ويقوم يفتح الباب فيلاقي احمد قدامة وبيقول له
الحقني يا عاطف
عاطف بقلق
في اية
أحمد
حنين في القسم
فيصدم عاطف مما سمعه ويقول
وانت عرفت ازاي
احمد
من عم فاضل. ما حنين اتصلت بي وقالت له انها مقبوضة عليها
عاطف
مقبوض عليها طيب لية، ،،،،،،،
ومن داخل القسم يقف كلا من احمد وعاطف وعم فاضل مع حنين اللي حكيت لهم اللي حصل فبصلها احمد وهو مضايق جدا وقال فاضل
المهم حد لمسك او مس شرفك
حنين
انا كان الموت هايبقي اهون علية ولا ان حد يلمسني غصب عني لكنهم ملحقوش
احمد بعصبية
عايزا تعرفينا انك بقالك يومين عندهم وماحدش لمسك
فيبص له كل الواقفين باستغراب ويقول عاطف
أحمد يعني دة وقتة
احمد بحدة
اومال وقتة امتي. مش لازم اضايق ان مراتي كانت في شقة اتنين مجرمين واكيد عملو فيها كل اللي هما عايزنه
حنين
والله يا احمد ما حد لمسني
فيمسك احمد ذراع حنين بغل وهو بيبص في عينيها وبيقول
الاشكال الوسخة دي تعرفك منين. واية حكاية انك كنتي بتكلميهم علي النت
حنين وهي تتوجع
والله ما اعرفهم ولا عمري كلمت حد
فيمسك فاضل ايد احمد ويبعدها عن حنين ويقول
مش كفاية اهانة وظلم لبنتي. واحترم اني واقف
عاطف بضيق
احمد. كفاية بقي انا مصدق حنين ومتاكد انها مظلومة
احمد بعصبية
ماهي مش مراتك. لو مراتك اللي كانت في شقة اتتين مجرمين بقالها يومين وتقول لك ماحدش لمسني كنت هاتصدقها.
عاطف
أة هاصدقها
احمد
مع مراتك اة تصدق عشان ماحدش هايبص لها
فيضربة عاطف بالقلم قدام كل الموجودين ويقول
هو اللي حصل هايخليك ماتعرفش انت بتقول اية
فيبص احمد لعاطف وهو يمسك خده ويسيبهم ويمشي وحنين تبص علية وهي مضايقة من اللي حصل فيبص لها عاطف ويقول
ما تلوميش علي احمد دلوقتي هو مش عارف هو بيقول اية
حنين وهي بتعيط
الوحيد اللي كنت مستنيا ما يتخلاش عني وقت الشدة يعمل معايا كدة. ويسيبني في اكتر وقت انا محتاجة في
فاضل وهو بيطبطب علي بنتة وبيقول
بطلي عياط. احنا جنبك اهو واحمد هايفوق من الصدمة وهايكون معاكي
ويقف العسكري قدامهم وهو يقول
يالا معايا
ويسحب العسكري حنين وهي بتبص عليهم وحزينة ويبص لها فاضل وهو بيبكي فيقول له عاطف
عم فاضل انت بتعيط
فاضل وهو بيمسح دموعه
لا. لا. خالص انا بخير. بس صعبانة علية حنين واللي حصل لها ولما تعرف ان اللي حصل لها بسبب اقرب الناس ليها
عاطف باستغراب
تقصد مين
فاضل
ليالي
فينصدم عاطف من اللي سمعه ويقول
أزاي
فيحكي لي فاضل ان ليالي كانت بتبعت صور وفيديوهات لناس كتير علي النت علي اساس انها حنين وان احتمال ان المجرمين دول يكونو من طمئن الناس اللي اتبعت ليهم الصور والفيديوهات فيقول عاطف وهو مش مصدق اللي بيحصل
الله يسامحك يا ليالي اذيتي أقرب الناس ليها وبقيتي من ملاك رحمة لملاك عذاب
فاضل
وانا دلوقتي لو قولت لحنين علي اللي حصل من اختها ليالي ماعرفش حنين هاتسامحها ولا لا. عماله تتعقد والحل عند ربنا وحدة
عاطف
انا برضو من رايي مش لازم حنين تعرف باللي حصل من اختها. وانا باذن الله هامسك القضية بتاعتها وهاثبت ان حنين كانت مخطوفة. ونطلعها من القضية دي علي خير
فاضل
يارب. ما تأذيني في بناتي وأرحم ضعفي وقلة حيلتي،،،،،،،
ومن داخل التخشيبة تجلس شويكار مع الستات السوابق وحنين تقف قدامها وتقول لها
انا مستعدة انزل ابوس رجلك بس قولي الحقيقة للظابط انتي عارفة اني كنت مخطوفة وجيت الشقة دي غصب عني
شويكار
انتي بت زنانه زن انا كان مالي انا والوش بتاعك.
حنين
قولي كلمة الحق واستري عرضي وامنعي فضيحتي
شويكار بعصبية
انت بت غوري اقعدي مكانك وبطلي صداع بدل قسما بالله اخلي نسوان التخشيبة يعملو عليكي حفلة
فتهجم حنين عليها من نار الظلم اللي بتحرق كيانها وتضربها وهي تقول
حرام عليكم. خربتو بيتي ربنا ينتقم منكم
فتمسكها شويكار من شعرها وتضربها بعنف وهي بتقول
يا بنت الكلب بتضربيني انا.
وتضرب شويكار حنين بمنتهي العنف ويحوشها نسوان التخشيبة من ايدها وحنين بتقف بالعافية وهي متبهدلة وبتعيط بحرقة وتقول
حرام عليكي. لله قولي الحق لوجه الله
شويكار
حق يا بنت انتي هاتعملي فيها طيبة وغلبانة دة انتي يا واطية يا ما كلمتي فرج وبعتي لي صور وفيديوهات وانتي بترقصي
حنين بعصبية
انتي واطية وكدابة زي الحرامي اللي خاطفني
فتقف سيدة كبيرة وهي كبيرة التخشيبة وتقول
خلاص بقي انتو الاثنين مش عايزا صداع. وكل واحدة تقعد مكانها
وتتجة شويكار في ركن من التخشيبة وهي تقولي
عيني ليكي يا معلمة
وتروح حنين ناحية ركن تاني وتقعد وتفكر في اللي اتقال وتقول لنفسها
هو اية حكاية كل شوية انا ببعت له صور وفيديو وبكلمة انا مش فاهمه حاجة، ،،،،،،،،،،
ويمر اسبوع وعاطف بيدور علي مخرج في ملف قضية حنين عشان تخرج براءة ولكن الامور تعقدت وكان لازم الوصول لعصام لحل خيوط كتير في القضية باعتبار انه شريك فرج، ،،،،،،،،،
ومن داخل المستشفي المحجوزة فيها ليالي تجلس ليالي مع الدكتور وليد وتقول
هو بابا وعاطف وحنين ماحدش منهم بيجي لي لية هما كلهم زعلنين مني
وليد
لا. خالص دول كلهم بيحبوكي. بس زي ما انتي عارفة انا مانع حد يجي يزورك
ليالي
طيب وعاطف ازاي يقعد كل الايام دي من غير ما يطمئن علية
وليد
ما تعرفيش ظروفة. بس اكيد هو بيحبك
ليالي
طيب مش ممكن اخرج واطمئن عليهم
وليد
طيب ولو رجعتي تاني تكلمي ليالي
ليالي
لا خلاص انا بقي عندي امل وحلم اعيش عشانه واحب احققة وهو اني اعمل العملية وارجع زي الاول واكون لعاطف الزوجة اللي بيحلم بيها
وليد
انا هاكتب لك علي خروج بس اوعي تبطلي العلاج. فاهمة
ليالي فرحا
حاضر. وربنا يخليك خلي الدكتور زهير يستعجل في اجراءات العملية
وليد
ما هو قال لك لازم يمر علي الحادثة بتاعتك شهرين او تلاتة عشان اللحم المحروق والخلايا اللي تلفت يقدر يتخلص منها ويعالج الباقي بالليزر ويمحي اي اثر للتشوهات
ليالي
خلاص هانت. بس انا فرحانة قوي انا هاخرج وهاروح لكل اللي بيحبوني، ،،،،،،،،
وتخرج ليالي من المستشفي وتركب تاكسي وترجع لشقتهم فتلاقي عم فاضل قاعد في الصالة بيقرأ في المصحف فتجري علية فرحانة وهي بتقول
بابا. واحشتني قوي
فيقف فاضل ويبص لها وهي بتاخدة بالحضن وهو مش قادر يلف ايدة حوالين منها لانه مش قادر يصدق انها سبب عذاب لاختها فتلاحظ ليالي فتور والدها فتخرج من حضنة وهي تقول
بابا انت مش فرحان اني خفيت وخرجت
فاضل
وهايفيد باية انك رجعتي بعد ما كل حاجة راحت
ليالي باستغراب
بابا في اية
فاضل بجفاء
مافيش. حمد لله علي السلامة. انا داخل انام
ويسيبها فاضل ويتجة ناحية اوضة وليالي بتبص له ومستغربة اللي حصل وفي هذة اللحظة يرن جرس الباب
فيقف فاضل ويرجع ويروح يفتح الباب فيلاقي محضر من المحكمة. وبيقول له
فين مدام حنين فاضل
فاضل
انا ابوها. خير يا ابني
المحضر وهو يدي له ورقة طلاقها ويقول
دي ورقة طلاقها من جوزها الاستاذ احمد جميل
فيمسك فاضل الورقة ويصدم وليالي مش مصدقة اللي شايفا واللي سمعا ويقول المحضر وهو بيدي قلم لعم فاضل وبيمد لي الدفتر
امضي هنا لو سمحت
فيمضي فاضل وهو مش قادر ويمشي المحضر ويقفل فاضل الباب وراء فيبص فاضل لليالي ويقول بحدة
انتي السبب حسبي الله ونعمة الوكيل فيكي. كله من تحت راسك انتي
فتروح ليالي ناحيتة ولكن فاضل يبعدها عن طريقة ويدخل اوضة وليالي بتعيط وتقول
طيب انا عملت اية. ولية بتقول انا السبب بابا افتح ورد علية بابا
وتفضل تخبط علي الباب ولكن فاضل مافتحش ليها،،،،،
واتقفل في وش ليالي اول باب من ابواب اللي بتحبهم وياتري مين اللي هايقفل باب الرحمة تاني في وش ليالي وهتلاقي حد يمد لها ايدة. ويسامحها علي اللي كان تابعوني في اللي جاي باذن الله
ايه الجمال ده
ردحذفعشره علي عشره
ردحذف