حي رمضان جاي
★الحلقة الثامنة★
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
بصيت لة وخرجت ما انا ممكن اقتله. لسة بحط رجلي برة الصيدلية لقيت عربية جيب سوداء. وقفت وبابها اتفتح وانا بقدرة قادر بقيت جوة منها. وكنت بقول
في اية. انتم م،،،،،،
ماكملتش الجملة لقيت لزقة بتتحط علي بوقي وبلبس طقية سوداء. ،،،،،،،
وبعدها بشوية يتشال من علي وشي الطقية السوداء والاقي نفسي قاعد في اوضة كلها ازاز في ازاز استغربت وقولت
انا. في محل حلاقة باين
لكن هنا اسمع صوت جاي من السقف وحد بيقول. بصوت اليهود المعروف اللي هو اخنف دة تحسهم بيتكلمو من تحت باطهم. دة
مهزوز ابو هزة. ل دي ارضك ولا دي ارضك جاي تعمل اية
بصيت حوالين مني وقولت
اية دة انا وقعت في فيلم ولاد العم ولا اية.
الصوت اللي جاي من السقف قال وبعصبية
انطق اية اللي جابك هنا
رمضان اتخض وقال
لا. جو فؤش في المعسكر دة. جو فقيع. انا اصلا كنت بشوف البرنامج شغال بقلب
الصوت
مهزوز ابو هزة. من امتي وانت شغال مع المخابرات المصرية العامة
رمضان
يا باشا.
لكن الصوت قاطعني وقال
ما تقولش يا باشا. قولي يا حمو
رمضان بقرف
يهودي واسمك حمو
حمو
اصل انا من مصر بس خسيس. شوية بعت ابويا وامي واشتغلت جاسوس يهودي
رمضان
ودي شغلانه بتكسب يا حمو
حمو
اوي اوي.
رمضان
يعني تقفل لك كام في الشهر كدة
حمو
يعني بالسهر. ولو اشتغلت خميس وجمعه اعملي مليون
رمضان
مليون نسمه
حمو
مليون جنية
رمضان
يا ديني.
حمو
اومال. تحب تشتغل معانا
رمضان
فيها تامينات ولا يومين زنقة شغل وبعد كدة يقول لي امك في العشة ولا طارت
حمو
لا هو عيبها الوحيد انها ما فيش تامينات. دة حتي المصايف والانتقالات علي حسابك
رمضان
لا دة كدة الواحد ينزل يشتغل في بنزينه احسن
حمو
تعمل كام في البنزينه
رمضان
بالسهر ولو اشتغلت خميس وجمعه. 3000 ج.
حمو
يا ديني. لا يا عم شغلانه الجاسوس احسن حتي الميزة اللي فيها. انك تشتغلها من غير ما تلبس لبس شغل.
رمضان
والله بكيفك. كان نفسي اقعد معاك بس مسافر
وقام رمضان يقف فقال حمو
اقعد يا مهزوز. ما تخلنيش اعملها عليك
رمضان
يا حمو باشا انا مش مهزوز ولا اعرف اي حاجة عن المخابرات المصرية الا استاذ محسن ممتاز وفي رويات تانية اسمه يوسف شعبان. وصاحبة عبد الحميد حانينا وفي رويات تانية اسمه محمود عبد العزيز باين
حمو
وانا بقي المفروض اصدقك يا ثعلب المخابرات
رمضان
هو مين بس اللي ثعلب انت شايفني غلط خالص. انا ابان اني مهزوز بس انا مش مهزوز. انا واحد لبست هدومه وقصته بالغلط
حمو
برافو مهزوز. المخابرات المصرية عرفت تدربك كويس وتخليك من مجرد مدرس عربي ملهوش لزمة ل ثعلب المخابرات
رمضان
يا حمو باشا انا تافه ويوم ما حد شبهني بحيوان اتشبهت بالحمار علشان بيقولو فيا من ملامحة كتير
حمو
مهزوز ابو هزة. تحب نبدأ باني وسيلة تعذيب يمكن تقول فين الميكروفيلم
رمضان
الميكروفيلم مع مستر اكس. وفي رويات تانية. اسمه فؤاد المهندس
حمو بعصبية
مهزوز. حبيبي بلاش استعباط
رمضان
والله دة اخر ميكروفيلم شوفته مع حد ولا حضرتك تقصد اللي كان مع نادية الجندي. دة بقي ما عرفش هو فين لاني نمت قبل الفيلم ما يخلص
حمو
باين عليك فاكرني طيب.
وقال باعلي صوت عنده
دخلو فرج
رمضان صرخ وقال
لا. فرج بتاع سعاد حسني لا. وحياة امك لا
ويتفتح باب الاوضة ويدخل رجل ضخم وكان بيفك زراير القميص من اول زرار فوق وهو نازل علي تحت فيقوم رمضان يقف وهو خايف فيقول حمو
اية رايك تحب فرج يعمل فيك زي ما عمل في سعاد حسني ولا. تقولنا فين الميكروفيلم
رمضان. وهو بيبص ل فرج قال
وعهد الله ما اعرف حاجة
حمو
فرج. ليفو
رمضان وهو بيجري من قدام فرج وعمال يقول
اوعي تليفني. وحياة امك.
وقدر فرج يمسك رمضان ووقع رمضان علي الارض وفرج وقع فوق منه وكان عمال يبوس في ورمضان بيبعد في وهو بيقول
اوعي ضبك دة. الله يخرب بيتك مالك مركز اوي لية كدة.
وبدأ فرج يقطع بنطلون رمضان ورمضان بيحاول يبعد عنه لكنه قدر يقطع اول رجل وهنا شاف رمضان مراته لمار اللي قاعدة في الشقة. لكنها مش شايفة اللي بيظهر من رمضان.وفهمت ان كل ما فرج يقطع حتة من هدوم مهزوز هو بيقدر يرجع لشقته. فرح اوي وساب نفسه ل فرج اللي قطع الرجل التانية وقال رمضان
الله اكبر عليك يا فرج يا جامد.
بص له فرج باستغراب شديد ووقف عن اللي هو بيعلمه فقال له رمضان
وقفت لية اوعي تكون تعبت
حمو
مهزوز. انت مش زعلان اننا بنعمل فيك كدة ولا اية
رمضان
ازعل لية. دة انا حبيت الانحراف اوي
وبص ل فرج وقال
ما تكمل يا طور ولا دة اخرك. احية علي الرجاله
استفزت الكلمة فرج ورجع تاني يقطع باقي هدوم رمضان ورمضان بيرجع لشقته شوية بشوية وفاضل ذراع واحد في القميص هنا دخلت قوة من المخابرات المصرية والظابط اللي فيها زق فرج بعيد عن رمضان وقال
مهزوز انت كويس
رمضان قال بعصبية
انت شيلت فرج من فوق مني لية. كنت سيبة
ورحت تاني ل فرج اللي رجاله المخابرات مسكينة وقال
سيبو يكمل اللي كان بيعملو
الظابط بقرف
الله يقرفك. انا لو اعرف ان انت كدة يا مهزوز ما كنتش جيت انقذك
رمضان
يا عم كنت سيبني. انت اخويا الكبير زعلان عليه لية كدة
لكن رمضان شاف هدومه بترجع تاني تكمل كان هعيط وبدأ ضرب النار. بين رجاله المخابرات المصرية ورجاله الموساد ورمضان بيجري وسط النار وعمال يبص علي هدومة اللي بترجع تكمل تاني وفضل يقول
كنت سيب فرج يكمل. كنته سيبه يكمل. دة انا كنت فرحان اوي باللي بيعمله
بص له الظابط وقال وهو بيصوب الرشاش ناحيته
اقسم برب العزة كلمة تاني يا كلب هقتلك. جتك القرف
رمضان
انت فاهم غلط
الظابط
هقتلك. واسلم نفسي. ،،،،،،،،،
ويرجع رمضان لشقة ابو هزة تاني ويدخل رمضان
وابو هزة يقول له
كنت فين دة كله
بصت له وقولت بصوت حزين
كنت مطرح ما كنت
ابو هزة
مالك حزين كدة لية كل دة علشان عنتر كل الحمامة.
رمضان
اسكت ما تفكرنيش. دة انا ممكن اسموه لك. بسبب اللي عملو دة
ابو هزة
طيب بطل ندب وخد الغسيل واطلع انشرة علي السطح
رمضان
لا بقي. دة كدة كتير اوي
ابو هزة
هو اية اللي كتير اسمع اللي بقول لك عليه بدل ما سيب عليك عنتر يعمل عضمك عصير
رمضان
لا. وعلي اية. فين الغسيل
وخدت الغسيل وروحت بي ناحية البالكونة فصرخ وقال
لا. البالكونة لا. انشره علي السطح
رمضان
طيب لية بس الفرهدة.
ابو زهرة
الاحبال اللي في البالكونة بتاعتي انما اللي علي السطح بتاع الجيران. فلو دابت مازعلش عليها
رمضان
اية دماغ الشياطين دي. دة انت حقنة. ،،،،،،،
وطلعت السطح وبدات انشر الغسيل وهوب تيجي عنية علي غية حمام. وجوة الغية شوفت حمامة اوز بتلف حوالين حمامة نتاية والورقة في رجليها بصيت ناحيتها وفرحت انها لسة عايشة وقولت
انتي لسة عايشة. وانا اللي افتكرت عنتر كلك.
بصت لي واديتني ورقة مكتوب فيها
★كنت بتجوز اية بلاش اتجوز ★
قولت بعصبية
هي حبكت ما تعالي اديني الورقة وروحي اتجوزي
اديتني ورقة تانية مكتوب فيها
★اصل الحمام النتي هنا حلوين اوي. وانا قلبي الضعيف لا يحتمل. دة انا لغاية دلوقتي متجوز خمسة وبخلص في السادسة ★
رمضان
هو انتم برضو عينكم ذايغة زينا. مش مهم اديني ورقة مهزوز خليني اشوف عايز اية خليني ارجع ل شقتي
اديتني ورقة تانية مكتوب فيها
★انا مهزوز ابو هزة. عميل في المخابرات المصرية رغم اني مدرس لغة عربية. لكن اهي شغلانه اتسلي فيها بدل ما اقعد علي القهوة. المهم انا مت قبل ما سلم الميكروفيلم اللي انا صورته في تل ابيب. للمخابرات المصرية. وانا حاطط الميكروفيلم دة. جوة مخدة الخاطية. لما كانت معايا اخر مرة. طلع الميكروفيلم من غير ما حد يشوفك وسلمة للمخابرات المصرية. وحياة امك وقول للخاطية اني بحبها اوي. سلام ★
بصيت للحمامة وقولت
شكرا يا وش الخير. المهمة المرة دي طلعت هايفة اوي. دي طلعت اهيف مني.
ونزلت جري لشقة صندل الحقير وخبط علي الباب وهوب قنبلة تنفجر جوة الشقة والنار تمسك في العفش كله،،،،،،،،،
خلصت حلقة النهاردة اللي يارب تكون عجبتكم. سلام
إرسال تعليق