حي رمضان جاي
★الحلقة السابعة★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن علي السلم ووقت ما كنت طالع انا وابو هزة. رايحين ناحية شقة العروسة اداني علبه شوكلاته. كبيرة مافيش الا تلت حتت شوكلاته وبقيت العلبة فيها الورق بتاع الشكولاته اللي اتاكلت فبصيت للعلبة وقولت
اية دة. حد يقولي اية دة
بص لي وقال
علبة شيكولاته. اومال نخش بايدينا فاضية علي العروسة
بصيت للعلبة وقولت
ما علبة الشيكولاته فاضية
ابو هزة بعصبية
فاضية ازاي. ما فيها تلت حتت اهم. وهما تلاته. ابو العروسة وامها والعروسة. اجيب لهم علبه مليانه لية.
ووقف مرة واحدة وطلع سبحة ولبس طقية بيضاء شبيكة وقال بصوت. حنين
بسم الله الرحمن الرحيم
إِنَّ الْمُبَذِّرِينَ كَانُوا إِخْوَانَ الشَّيَاطِينِ
وفي لحظة شال السبحة وقلع الطقية ورجع لصوت الجحش وقال
كذب بقي كلام ربنا. ما انت قادر وتعملها
رمضان
اراهنك ان دي الاية الوحيدة اللي انت حافظها في القران
بصلي وهو بيطلع السلم تاني
لا. وحافظ الفاتحة كمان.
ووصلنا عند شقة ووقفنا قدام منها وبدأ يخبط وهو بيقول
افتح يا صندل. يا حقير
استغربت وقولت
لية بتشتم الناس بس
ضحك ضحكة ملزقة وقال
اشتم مين هو ابوة العروسة اسمه صندل الحقير
رمضان
بجد انا هناسب بنت الحقير. علشان كدة جايب لهم علبه فيها زباله
وبصيت لعلبة الشوكلاته لكن هو قال
دي علبه شيكولاته
رميت العلبة بعد. ما خد منها التلت حتت بص لي وقال بعصبية
رميت العلبة لية. يا حمار. دي هي اللي بتفكرني باليوم اللي روحت خطبت في امك من 30 سنة
رمضان
هي الشوكلاته دي بقالها 30 سنة. انت عايز تسمم الناس جايب لهم شوكلاته منتهية الصلاحية
ابو هزة
افتي بقي حاكم انت في الفتي. ما فيش زيك. معروف ان الشيكولاته مدة صلاحيتها مدي الحياة
رمضان
لية يا خويا بطارية نوكيا
وبدات ابص في كل حتة وانا بدور علي الحمامة وبقول
هي اتاخرت لية كدة. انا هيحصل لي حاجة لو كملت مع الكائن دة يوم تاني
بص ابو هزة مكان ما كنت ببص وقال
هي مين دي اللي اتاخرت. انت بتقابل نسوان علي السلم ياة
وهنا اتفتح باب الشقة ولقينا راجل عجوز جدا عنده حوالي 100 سنة. نظرة ضعيف وبيبص لينا اوي وبيقول
انتم مين
بص ابو هزة للراجل وقال
اية يا صندل كل دة بتيجي من الصاله علشان تفتح لينا الباب
بص صندل ل ابو هزة اوي اوي اوي ورجع قال لحد جوة
لازم تقوميني وخلاص. قولت لك ما حدش خبط
ورزع الباب قفلة في وشنا بص لي ابو هزة وهو متعصب وحسيت انه هياكلني بالقلم فقولت وانا برجع لوراء
حاسس انك هتتغابة
ابو هزة
ابوك اتهزق من صندل الحقير وانت واقف تتفرج عليه
رمضان
طيب عايزني اعمل اية
ابو هزة
تطلق بنته وتقهر قلبه عليها
رمضان
اطلق بنته اللي احنا جائيين اصلا نخطبها
ابو هزة بعصبية
اة.
رمضان
طيب ما انا عندي فكرة احسن تيجي ننزل شقتنا انت تشوف مين شخ رمان. و انا استني الحمامة
ابو هزة
حمامة اية ياة. انت بتقابل نسوان
رمضان
وكتاب الله بتكلم عن الحمامة اللي بتطير.
ابو هزة
فكرتك وحشة. فكرتي احلي
ورجع ابو هزة يخبط تاني وبص لي وقال
كل ياة حتة الشيكولاته بتاعت صندل خسارة في امه
بصيت للشكولاته وقولت
شكرا مش عايز اموت مسموم.
واتفتح باب الشقة تاني وكان برضو الحج صندل وبص اوي اوي اوي ل ابو هزة. ابو هزة
انت لسة هتبص
وشاله ابو هزة ودخل بي الشقة وحطة جنب واحدة ست شبه عمنا صندل ونفس سنة تقريبا كانت قاعدة علي كنبة قديمة وقعدنا قدام منهم وقال ابو هزة للست دي
ازيك يا وسخة
استغربت وبصيت له وقولت
دة اسمها ولا انت بتشتمها
بص لي وقال
اسمها يا حمار. اسئلتك غبية زيك
رمضان
صحيح صندل الحقير مين تقبلة الا واحدة وسخة.
وبدات اتنح لهم كانو قاعدين ساكتين وباصين لينا وبس فقولت
الناس دي عايشة ولا ارواح
ابو هزة
عايشين طالما قاعدين وباصين ناحيتنا يبقي لسة فيهم الروح
رمضان
طيب لية هما شبة بعض اوي كدة
ابو هزة
اصلهم اخوات
اتصدمت وقولت
هي مراته ولا اخته
ابو هزة
مراته بس كان علي ايامهم الاخ يتجوز اختة اللي ما تكنتش معه في نفس البطن.
صوت وقولت
انت عبيط يا عم انت. دة ايام سيدنا ادم وحواء. الكلام دة بداية الخلق. هما دول من بداية الخلق
ابو هزة بعصبية
مين دة اللي عبيط يا ابن العبيط. انت نسيت اني ابوك
رمضان
علي فكرة انت قولت اللي انا قولته بس انت لفيت حوالين نفسك
ابو هزة باستغراب
ازاي يعني
رمضان
ما انت قولت يا ابن العبيط. وهنا انت بتتكلم عن نفسك بنفسك
ابو هزة
يعني انت ما غلطتش
رمضان
نهائي دة،،،،،،،،
وهنا قالت الوسخة
الله يسلمك يا ابو هزة.
بصيت باستغراب وقولت لا ابو هزة
هي لسة فاكرة ترد عليك
ابو هزة
كويس انها رديت. تبقي تعرف ان امك قبل ما تموت ب سنة طلعت لها وطلبت منها فص توم. لسة فاكرة تنزلو ليا امبارح
رمضان
يا ديني. سنة بحالها بدور علي المكان اللي حطه في التوم
ابو هزة
دي روحانيات. مش بقول لك نحمد ربنا انها رديت دة كدة العلاج بدأ يجيب نتيجة معها. ولا صحيح اوعي تديهم الشيكولاته الا لما يوفقوا علي الجوازة ونقرا الفاتحة
رمضان
طيب ما نصبر لغاية ما اجيب من العروسة اول عيل.
هنا طلع ابو هزة السبحة والطقية البيضاء ووقف وقال بصوت حنين
بسم الله الرحمن الرحيم.
إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا
وفي لحظة قلع الطقية وشال السبحة وقال
ما تبقاش ابن كلب مناكف. والشيكولاته تطلع بعد قراية الفاتحة
ورجع ابو هزة يبص لهم وقال
وحياة ابوكو اللي لسة عايش فيكم يقوم ينادي علي العروسة. علشان تشوف عرسيها وتجربه علشان ما تجيش بعد بشوية وحد فيكم يقولي طلع ضيق.
كنت ببص لو ابو هزة وعايز اكله علي قفاه. دة لو بيبيع جوز جذمة هيبيعة باسلوب احسن من كدة. ولقيته بص لي وقال
يلا علشان ننزل
رمضان
الله مش قولت لهم ينادو العروسة
ابو هزة
ما هي عقبال ما تيجي فيها لبكرة. نبقي نفطر ونجي لهم بكرة.
وقام وقف ابو زهرة وقال
ما تنسوش تسلمولي علي الخاطية
وراح ناحية الباب وانا بقول
مين الخاطية دي
ضحك وقال
عروستك يا بهيم.
قولت
اسمها الخاطية
قالي
لا. دي الشغلانه بتاعتها. وخرجنا من باب الشقة وساعتها اسمع صندل بيقول للوسخة
خلتيني افتح الباب وما حدش كان بيخبط. ومش هقوم اقفلة،،،،،،،،،
ونزلنا الشقة بتاعت ابو هزة علشان الاقي عنتر الكلب بياكل في رجول الحمامة وبيمصص فيهم ومتمتع والحمامة ميته صويت ولطمت ومابقتش عارف اعمل اية لكني جريت ناحية بوقة وقولت لة
افتح وريني الورقة افتح الله يخرب بيتك
بدأ يبص لي ويزوم فقال ابو هزة
مهزوز انت اتجننت عايز تاكل اكل الكلب
بصيت له وقولت
الله يخرب بيتك انت وهو
وبصيت للكلب تاني اللي كان بيزوم وعايز يعضني فقولت
حط ديلك في بوقك يمكن ترجع. والاقي الورقة. ما انا مش هفضل طول عمري هنا
ابو هزة
مهزوز انت مالك
رمضان
انا مش مهزوز. مش مهزوز.
وفضلت الطم وانا ببص للحمامة والجحش اللي اسمه عنتر بياكلها وما بقتش عارف اعمل اية واروح فين لغاية ما جة في بالي اروح الصيدلية واسال الدكتور اللي هناك. ،،،،،،
ومن جوة صيدلية وقفت قدام الدكتور. اللي اول ما شافني قال
استاذ مهزوز. نجم اللغة العربية الاولي في المنطقة
قولت له
سيبك من كل الرغي دة. انا جاي اسالك سؤال
الصيدلي
اسال يا استاذنا
رمضان
الورق ممكن المعدة تهضمة
الصيدلي
تهضمة ازاي يعني
رمضان
عندنا كلب. كل ورقة. وانا محتاجها جدا. الورقة دي ممكن المعدة تهضمها
الصيدلي
دة اية الورقة دي. جواب غرامي ولا اية. شقي انت برضو يا استاذ مهزوز
رمضان بعصبية
يا عم انت مالك قولي الورقة ممكن المعدة تهضمة
الصيدلي
هتتهضم طبعا. دة الكلب معدته بتهضم العضم مش هتهضم ورقة. بس باين اوي من كلامك ان الجواب كان سخن اوي
بصيت لة وخرجت ما انا ممكن اقتله. لسة بحط رجلي برة الصيدلية لقيت عربية جيب سوداء. وقفت وبابها اتفتح وانا بقدرة قادر بقيت جوة منها. ودي بقي مصيبة جديدة هحكي لكم بكرة لو ربنا اراد. سلام ، ،،،،،،،
إرسال تعليق