حي رمضان جاي
★الحلقة السادسة★
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
كنت نايم في امان الله بفتح عيني لقيت مين قاعد عم زلطة كان كبر بقي وعجز وحاطط العجاز بتاعو في وشي وبيقول
انت يا بية ايوة انت
بصيت له بالعافية وكنت شايفة رغيف عيش ماعرفش لية ممكن علشان بصحي جعان. طبعا راجل في بيتي وعلي سريري لازم ارحب بي فقولت
بتعمل اية يا زلطة هنا
زلطة
عملك اسود ومنيل. بتخون بنت ابني لية يا رمضان هي وحشة ولا تكنش شايفها وحشة
قعد واتعدلت وبصيت ل لمار لقيتها قاعدة علي التسريحة اة والله ولابسة عباية سوداء وطرحة سوداء راجعه من اربعين جوزها قولت في سري وانا ببص لها
هي اصطابحة زفت
قالت في سرها وهي بتبص لي
طبعا دلوقي اصطباحتي بقيت اصطباحة زفت. انما اصطباحة خلود مشاوير اصطباحة قمر.
قولت في سري وانا لسة باصص لها
يا بنت العبيطة خلود اية بس اللي ابص لها. دي شبة الرنجة
قالت في سرها وهي بتبص لي
وانا عبيطة بقي وهصدقك.
قولت في سري
يا بت دة انتي الحب. العشق. انا ابص ل غيرك يا فاجرة
ضحكت وقالت في سرها
بجد يا رمضان
قولت في سري
هو انتي لسة بتسالي انتي بالنسبة لي اية.
وبصيت بطرف عيني ل زلطة ورجعت ابص لها تاني وقولت في سري
ما تمشي الراجل دة انتي عايزا في حاجة.
قالت وهي بتبص ل زلطة بقرف وفي سرها
لا.
قولت في سري
مشي وتعالي احكي حكاية العصفور اللي اشتاق ل عشة. ونفسه يهشة. وننكش له فشو.
ضحكت وقامت من فوق التسريحة جري وقالت لزلطة اللي كان بيقول ليا
لمار من بيت عيلة
قطعته وهي بتقومة من فوق السرير
انا تربية شوارع و شايفة انك خلاص فطرت قاعد لية وسطينا يلا علشان العصفور في عشه وعاوزين نهشة
زلطة
عشة مين. والعصفور هيهشة وانا موجود. كدة عيب دة انا برضو جدك
لمار وهي بتزقة برة الاوضة
انا مش فهماك بصراحة. جاي وعايز تدخل بيني وبين جوزي. لية
زلطة وهو بيحاول يقف فهمها لكنها كانت بتزقة قدام منها زي سبت الطلبات الموجود في اي سوير ماركت قال
انتي اللي قولتي تعالي وشوف لي حل معه. دة راجل خاين
لمار وهي بتفتح الباب ويتزقة برة.
يعني راجل كبير وكذاب. دة رمضان سيد الناس كلها باخلاقة وادبة
وقفلت الباب في وش زلطة وزلطة واقف علي الباب وبيبص للباب ومش مستوعب اللي بيحصل وقال
تقريبا انا اطرد. ،،،،،،،،،،،،،،
وتاني يوم من بعد ملحمة العصفور وعشة. قولت انزل بقي افتح محل الملابس اللي مش عارف افتحة من يوم الافتتاح وطلعت طقم حاجة كدة عنب علي تفاح وفتحت باب الشقة وهوب الاقي نفسي فين جوة مدرج كلية اداب عين شمس وقدام مني طالبه وبتقولي
استاذ مهزوز.
طبعا ومن غير اي تفاصيل انا مهزوز. لية بس كدة لية فقالت الطالبة تاني
استاذ مهزوز
رمضان
نعم
قالت الطالبة
لو لم تكن ام اللغات هي المني ل كسرت اقلامي وعفت مدادي. لغة اذا وقعت علي اسماعنا كانت لنا بردا علي الاكباد. الابيات دي ممكن تفهمني معنها
طبعا انا كنت مش فاهم هي قالت اية فقولت
دي معنها. روحي منك لله. والسلام عليكم.
وخرجت من قاعه المحكمة او اللي كنت فاكرها قاعه محكمة. وهنا قابلت واحدة طويلة اوي. وققت قدام مني بصيت لها وقولت اعدي من الناحية التانية راحت برضو واقفة قدام مني وقالت
لحد امتي يا مهزوز هتفضل تهرب مني
بصيت لها وقولت
انا اتشاف مهزوز. بس انا مش هو
قالت بصوت عالي
علي صوتك علشان اعرف انت بتقول اية
رمضان
انا مش مهزوز
نزلت كتير اوي وبصت في عينية جامد اوي وقالت
والله يعني انت مش مهزوز ابو هزة.
لطمت وقولت
هو كمان في ابو هزة.
مسكتني ورفعتني ل فوق علشان اكون في مستوي وشها وقالت
اسمعني كويس يا مهزوز. انت تبطل تردد وتيجي النهاردة ل ماما تقرأ الفاتحة وتجيب معاك 20 جرام ذهب. شبكتي والا قسما برب العزة احزنك علي شبابك. مش انا يا ابن
ابو هزة اللي يضحك عليه
رمضان
خلاص كدة ولا لسة هتقولي كلام تاني
قالت
لا خلاص
رمضان
طيب قبل ما تمشي ممكن تنزليني تاني
حدفتني ومشيت قومت نفط هدومي. ولقيت رجلي ماشية بيا لغاية موقف الاتوبيس وكل دة وانا مستني الحمامة تظهر ومافيش حمام ظهر نزلت من الاتوبيس وقف قدام مني عيل وقال
استاذ مهزوز. انا حفظت بيت الشعر حد اسمع
مَراجِعُ وَشمٍ في نَواشِرِ مِعصَمِ بِها العَينُ وَالأَرآمُ يَمشينَ خِلفَةً وَأَطلاؤُها يَنهَضنَ مِن كُلِّ مَجثِمِ وَقَفتُ بِها مِن بَعدِ عِشرينَ حِجَّةً فَلَأيًا عَرَفتُ الدارَ بَعدَ التَوَهُّمِ أَثافِيَّ سُفعًا في مُعَرَّسِ مِرجَلٍ وَنُؤيًا كَجِذمِ الحَوضِ لَم يَتَثَلَّمِ فَلَمّا عَرَفتُ الدارَ قُلتُ لِرَبعِها أَلا عِم صَباحًا أَيُّها الرَبعُ وَاِسلَمِ تَبَصَّر خَليلي هَل تَرى مِن ظَعائِن
رمضان ضحك وقال
هي حلوة ما فيش كلام. بس الاحلي منها.
يا صبر. صبر. صبر الصبايا المتصبابين ويا جرح. اجرح. جرح. الجرحي المجروحين. واحيا كبيرة وفطيرة.
وسييته ومشيت والواد عمال يبص لي ومستغرب. وقابلني عيل تاني في الاسناسير وقال
استاذ مهزوز حفظت الواحب كله. حتي اسمع
أَلا هُبّي بِصَحنِكِ فَاَصبَحينا وَلا تُبقي خُمورَ الأَندَرينا مُشَعشَعَةً كَأَنَّ الحُصَّ فيه إِذا ما الماءُ خالَطَها سَخينا تَجورُ بِذي اللُبانَةِ عَن هَواهُ إِذا ما ذاقَها حَتّى يَلينا تَرى اللَحِزَ الشَحيحَ إِذا أُمِرَّت عَلَيهِ لِمالِهِ فيها مُهينا صَبَنتِ الكَأسَ عَنّا أُمَّ عَمرٍو وَكانَ الكَأَسُ مَجراها اليَمينا وَما شَرُّ الثَلاثَةِ أُمَّ عَمرٍ
رمضان بقي مش عارف يقول اية والواد قال
كدة بقي انا استاهل الجايزة اللي انت قولت عليه
ضحكت وقولت
طبعا. اشوفك امبارح. وهاديك اللي انت عايزه
وسيبته ونزلت من الاسنسير وانا بقول ل نفسي
هو مهزوز دة كان كتاب عربي ولا اية
ودخلت شقة واكيد دي شقة مهزوز وهنا يظهر راجل كبير في السن وكبير في الحجم. رجل في شبة من الغول. طخين اوي. ولقيت قدام منه خمس عيال صغيرين لابسين من فوق بس ومن تحت علي الله التساهيل. ما فيش اي شئ يذكر. وتحت كل عيل قصرية. وكلب بوليسي ضخم واقف جنب الراجل دة وكان بيقول
رمانه حاطيتها في التلاجة يا شوية جذم من سنه فاتت افتح علشان ابص عليها الاقي ناقص منها. 3 سم. لية. هو انا حارمكم من حاجة. ارحموا نفسيكم وقولو مين اللي كل ال 3 سم. دول. وانا احتمال اسامحة. لكن هتفضلو واقفين وساكتين هتعملو حمام في القصرية. قدامي وعنتر الكلب هيشمكم وهيعرف مين فيكم عامل حمام رمان وساعتها ياويلة يا سواد ليلة. مش ابو هزة اللي يتسرق منه 3 سم. رمان. يا شوية لطوخ
وفجاة يص لي وقال
اهلا باللطخ الكبير
قولت وانا خايف
اهلا يا عمي
قام وقف وراح ناحيتي وداس علي رجلي ووقف بكل تقلة وقال
عمي.
قولت وانا حاسس اني رجلي بدات تموت.
اومال اقول اية.
قال
قول بابا مثلا
قولت
بابا مثلا.
قال
ولا. انت تخنان لية عن اميارح. معقولة تكون انت اللي كلت ال 3 سم. رمان
قولت وانا خايف
هما ال 3 سم. دول يعملو قد اية
قسم العقلة بتاعت صباعه اربع تربع وشاور علي ربع منهم وقال
حتة قد كدة تقريبا
بصيت للحتة اللي بيقول عليها وهو شخط فيا وقال
انت اللي كلتهم ياة.
رمضان وهو خايف
وربنا ما انا. انا اصلا مش اللي انت شايفو. دة انا جيت هنا بالغلط ومستني الحمامة
قال وهو بيبرق
حمامة اية ياة. انت بتقبال نسوان من ورايا.
رمضان
دي حمامة من اللي بطير. بتاعت الساحر اوز
ابو هزة
سيبك من الحمامة وخش اعمل حمام وبعد ما تخلص هبعد عنتر يشمك لو حمامك ريحتة رمان هتزعل
بصيت للكلب اللي شكلو يخوف. فهو قال
خش شخ ياة.
قولت
حاضر
وجيت امشي وقفت تاني قالي وقفت لية
بصيت علي رجله وقولت
لو ماكنش فيها قلة ادب مني. كنت عايز رجلي اروح ادفنها في اي تربه قريبة
شال رجله وقال
خد رجلك وغور. وتعمل حمام بسرعه وتخرج علشان هنروح نقرأ فاتحة بنت الجيران
رمضان
بنت الجيران. مش دي اللي ماشية مع شاكوش وعمر كمال
ابو هزة قال بعصبية
بتقول اية.
جريت علي الحمام وقعد فوق القعدة ومش عارف اعمل اية وعمال اقول
هي فين اللي تولع. ما ظهرتش لية خليني اهرب من بيت ابونا الغول دة
واسمع خبط علي باب الحمام وصوت ابو هزة بيقول
اية لسة
قولت
انا لسة داخل
ابو هزة طفي نور الحمام عليه وهو بيقول
طالما مطول انا هطفي النور وولع شمعه من اللي عندك فوق الحوض
رمضان
ولية بس كدة في حد يعمل حمام في الظلمة
ابو هزة
وانت محتاج النور في اية بتلعب سلة. ما هي عارفة سكتها. كفاية تبذير بقي خربتو بيتي دة انا بشحن كارت الكهرباء ب 10 ج. ما بيكملش اسبوع.
رمضان
اية الكارت ابو عشرة دة هي شركة الكهرباء نزلت كارت المارد
ابو هزة
دة اللي باخدو منك لسان طويل وبس. و اخلص العروسة مستنية علي نار.
حطيت ايدي علي محبس الشطافة اتكهربت وهي سمعني بصرخ فقال
عملت اية
رمضان
بفتح المية علشان اتشطف اتكهربت
ابو هزة بعصبية
هو انت اللي بتسحب المية كل ما تخش تعمل حمام. اخيرا وقعت في ايدي. حرام عليك يا اخي دة انا بشحن كارت المية ب 5 ج. ما بيكملش معانا اسبوعين هو انا بلاقي فلوسي في الشارع
رمضان
اومال المفروض اللي يخش الحمام هنا ما يتشطفش بعد ما يخلص
ابو هزة
وتتشطف لية يا بارد ما انت هتعمل حمام تاني وتالت. خلي التشطيفة بتاعتك مرة واحدة
رمضان
وامتي بقي المرة دي
ايو هزة
والحانوتي بيغسلك.
رمضان مصدوم
اية الكائن دة.
وخرجت من الحمام لقيت عنتر الكلب جاي جري يشمني فقولت له
ما عملتش حاجة
بص لي وهو هو. فقال ابو هزة.
خلاص يا عنتر مسيرة يعمل حمام وتشمو.
اتقمص عنتر وسابنا ماشي وهو بيقول
هوهي هوهي. هوهبوكم. يا هوهو الهب
بصيت ل ابو هزة وقولت
دة بيشتم صح
ابو هزة قال
سيبك منه و يلا نطلع للعروسة.،،،،،،،،،،
وعند العروسة بقي في حكاية حزينه حصلت. هقول لكم عليها بكرة
إرسال تعليق