حي رمضان جاي
★الحلقة الخامسة★
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
من جوة اوضة العمليات كنت نايم علي ظهري لكن وجع الولادة راح ما عرفش راح ازاي مع ان لسة بطني عالية زي ما هي ولقيت الدكتور المتخلف واقف بيبص علي بطني وفي ايدة مشرط وجنب منه نادية الممرضة بتاعت لمبة الجاز البينج المهم. بصيت للدكتور اللي واقف ما بيتحركش وفي ايدة المشرط فقولت له
دكتور
بص لي بطرف عينه وبس ما ردش نديت عليه تاني وقولت
دكتور
بص لي تاني نفس البصة وبرضو ما ردش فقولت بصوت عالي
ولا.
هنا رد وقال
اية في اية مش شايفني بتصور
بصيت وراء مني لقيت كاميرا موبيل بتصور الدكتور فقولت
انت بتصورني لية
الدكتور وهو بيمسك الموبيل. وبيبص في
علشان هبعت الصور للبت بتاعتي واعرفها اني فلحت ومش معني اني كنت ادبي مش هعرف ابقي دكتور
صرخت وقولت
الله يخرب بيتك ادبي ازاي ودخلت طب
الدكتور
بابا فتح كلية ودخلني فيها. لوحدي
قولت وانا هاين عليه اعيط
الله يخرب بيت ابوك الله يخرب بيتك. يعني انا تحت ايد َواحد حمار رسمي. وانا عمال اقول. انا لية مش حاسس بوجع. رغم ان لسة بطني كبيرة
الدكتور
انت واخد بنج نصفي. علشان كدة مش حاسس بنصك اللي تحت. بس اطمئن انت كويس طول ما انا كويس. انا مافيش واحده دخلت عندي منفوخه الا فسيتها
رمضان
طيب فسيني واخلص يا عم العجلاتي
حط الدكتور المشرط علي بطني وبدأ يفتح والدم يطرطش علي وشي حاولت اقوم ابص اشوف بيعمل اية قالت نادية
اي حركة غلط عليك
رمضان
في دم جه علي وشي.
نادية
اطمئن الدكتور بتاعنا ايدة خفيفة والدم خير
وهوب شوية دم تاني بس اكتر شوية جم برضو علي وشي
خوفت وقولت
انتي متاكدة ان الدم خير
نادية
طبعا
رمضان
اصل انا هسال في الحوار دة
وهوب يطلع الدكتور حاجة كدة بتلوظ. شبة الجيلي ولونها احمر. اداها ل نادية وقال
اغسليها بملح وليمون وهاتيها تاني
خدتها نادية وراحت لحوض في اوض العمليات وانا ببص عليه وبقول للدكتور
هي دي من عندي
الدكتور
مش عايزك تخاف دة الكبد حسيته مش نظيف قولت بالمرة طالما فتحت اهو ينظف معانا
رمضان بسخرية
وبالمرة والنبي بص علي القولون علشان بيلم تراب
الدكتور
عامل حسابي وهنظفه معايا
وحط الدكتور ايدة تحت تربيزة العمليات وطلع بلووار اللي بينظفه بي التراب في الكمبيوتر وبدأ يسلط البلور علي بطن رمضان ورمضان بيبص وبيقول
وحياة امك بالمرة طالما فتحت في مشاية مكتوب عليها. Welcome نظفها معاك بالمرة.
الدكتور وهو ايدة في بطن رمضان
لو لقيتها هخدهالك معايا وش نظافة ما تقلقش
رجعت نادية بالكبد وطلع الدكتور الكلي اليمين ومسك الكلي في ايدة وقال
يا مدام انتي حطة الواد فين.
رمضان
هتلاقي عندك هيروح فين
الدكتور
مش جنب الكلية. معقوله يكون نزل وانا بنظف الممبار
رمضان
لا ما افتكرش. بصيت كدة جنب المرارة
الدكتور
هي فين المرارة
رمضان
لا صحيح دي اتفقعت. بصيت تحت السيوا.
الدكتور
اية بس اللي هيودي سيوة في الحر دة
ثم بص الدكتور ل رمضان واداله الكلية بتاعته وقال
طيب امسك دة كدة عقبال ما افك الغليظ
مسك رمضان الكلية. ونادية كان في ايدها الكبد وقال رمضان ل نادية
بذمة امك انا لسة عايش ولا مت وانتم بتبيعوا اعضائي
نادية
ازاي بس تقولي كدة. وربنا عايشة.
رمضان
ازاي بس والكبد في ايدك والكلية في ايدي. عايش بدعوه امي بقي
هنا الدكتور بص ل رمضان وقال
عجبك كدة خلتني فتحت غلط
رمضان
في اية بس
الدكتور
المفروض اني افتح الرحم. دة انا واخدها في تالتة. ازاي بس انساها
رمضان
يا ابن الجحش. لالالالالالالالالالالالا ،،،،،،،
وتصحي نادية رمضان اللي كان بيحلم وتقول
امينه
بص لها رمضان وهو مفزوع وبص لبطنة لقاها رجعت زي الاول فقال
انا لسة عايش
نادية
اة عايش
رمضان
والكبد والكلي بتوعي
نادية
مالهم
رمضان
معاكي ولا معايا
نادية
امينة انتي كنتي بتحلمي.
رمضان
حلم اية بس دة كابوس. الله يقطع معرفتكم.
وبصيت ل بطني تاني وقولت
هو انا خلاص فسيت
نادية
افندم
رمضان
اقصد يعني بطني فست
نادية
اة ولدتي وجبتي عيل زي القمر.
وراحت نادية جابت ابن امينه وحطيته في حضن رمضان وكان بيعيط فقال رمضان
اية دة
نادية
ابنك. رضعيه تلاقي يا حبة عيني جعان
رمضان وهو بيديها الواد
خدي رضعيه انتي
نادية
انا ازاي بس دة انا لسة انسة
رمضان
وانا ارضعة ازاي بس ومنين
نادية
منين. من صدرك
رمضان
لا. بقي ما وصلش بيا الحال للدرجة دي. ارضع كمان
نادية
ما انتي لازم ترضعي
رمضان
اصلي ما عنديش لبن
نادية وهي بتبص علي صدر رمضان اللي بدأ يجيب لبن وبان علي الهدوم وقالت نادية
ازاي بس دة اللبن بينزل منك اهو
رمضان وهو بيحط ايدة علي صدرة بيحاول يوقف اللبن قال
دة شاي
نادية
هو اية اللي شاي دة لبن
رمضان
انتي هتعرفي اكتر مني.
نادية
اصل غريبة يعني واحدة ست صدرها يجيب شاي
رمضان
انتي ما تعرفيش مش انا العروسة اللي بتترسم علي باكو الشاي فا من كتر ما اشتغلت الشغلانه دي بقيت اجيب شاي
نادية وهي بطلع صدر رمضان وبتحط بوق الواد في صدرة قالت
يا شيخة بطلي دلع الواد مقطع نفسه من العياط
بص رمضان للمنظر وهو بيعيط وحس بوجع في صدرة فبص ل نادية وقال وهو بيبعد الواد عنه
اي. دة بيعض. مش كفاية كدة وافطمو بقي.
نادية وهي بترجع الواد تاني علي صدر رمضان قالت
بطلي دلع اومال لما يطلع له سنان هتعملي اية
رمضان
وانتي عرفتي ازاي يا ختي
نادية وهي بتضحك.
من اللي بيعملو ابن اختي فيها
رمضان اللي صوته بدأ ينسون
اقعدي احكي لي بيعمل اية
لكن رمضان حس انه بيقلب فقال
لا. بقي. انا كدة هرموناتي هتتحول
نادية قالت
انا مش فاضيه لك ورايحة اشوف شغلي
وخرجت نادية وظهرت الحمامة ووقفت علي طرف السرير وبصت علي رمضان اللي حط عينه في الارض وقال
استري عليه وحياة امك. اصل الواد جعان
بصت الحمامة علي صدر رمضان فقال
دول مش بتوعي وانتي عارفة دول بتوع امارة بنت سمارة بنت زفارة
لكن الحمامة راحت له واديته الورقة خد الورقة وفتحها ولقي مكتوب فيها
★انا امينة اللي كنت امين عشت طفولتي كلها وانا امين وعندي لبس رجاله وبتكلم زيهم لغاية ما كبرت ولقيت نفسي حاسة اني لما هكون ست هبقي احسن فقررت اعمل عملية واتحول ست لكني بقيت ست مش كويسة وغلط كتير وكانت اخر نتيجة لغلطتي الواد اللي علي ايدك دة. انا مت وانا بولدة بس قبل ما اعمل العملية روحت للساحر اوز وطلبت منه يعملي تعويذة لو حصل لي حاجة يجي اللي يغير الماضي وياخد ابني ويودي لابوة حرام ابني يعيش في ملجاأ وابوة عايش. قوم بالسلامة ورجلي هتوديك لعنوان ابوة. وروح ودي الواد لابوة. والسح ادح امبو.★
وفعلا تعدي الايام ورمضان ياخد الواد ويروح بي لابوة ويقف قدام باب الشقة ويخبط علي الباب ويفتح راجل طخين جدا ومعه تلت ستات وكانو بيرقصوا بص رمضان للراجل وقال
انت جوز امينه
الراجل
امينه انتي مش عرفاني. بس ازاي دة انا سالت عنك وقالو انك موتي وانتي بتولدي
رمضان
ما هو انا مش هي. انا
الراجل
ادخلي ادخلي نتكلم جوة
دخلت وبصيت للتلت ستات اللي معه وهو قال
اوعي تفتكري اني بخونك. دول اصحابي وبيخرجوني من حاله الحزن اللي عيشتها عليكي
رمضان
انا مش زعلان خد ابنك خليني امشي
الراجل شال الواد من هنا وقال
ابني
رمضان
اة يا سيدي يلا سلام
وهنا يفتح باب الشقة ويدخل بوليس الاداب ويقول الظابط
والله ووقعتي يا امارة يا بنت سمارة يا بنت زفارة.
رمضان
والله انا مش هي
الظابط للعساكر
لفوها بالملايا البيضاء
وهوب. وانا بقول
انا مش امارة بنت سمارة بنت زفارة.
الاقي مين واقف ورايا. هي. لمار بصت لي وكنت ملفوف في الملايا البيضاء. تقولوش جلاش باللحمة. قبل ما يدخل الفرن بصيت ل لمار وهي برقت اوي وشالت الملايا عن منطقة الصدر ولقيت صدري لسة ما رجعش لطبيعتة ولسة بيجيب لبن صرخت لمار حطيت ايدي علي بوقها وقولت
دول مش بتوعي وعهد الله. ولا حتي اللبن دة بتاعي دة صدرها لسة بيحنن
وفضلت ابص لهم وهما بيفسوا ببطئ اوي. ولمار مبرقه للي بيحصل قدام منها دة ولا ناشيونال. جغرفيك ابو ظبي يقدروا يفسروا اللي بيحصل الحمد لله فسوا خلاص وشيلت ايدي من علي بوق لمار واحدة واحده وانا بقول
هفهمك
لمار
دة صدر خلود مشاوير وجوزها طب عليكم وانت مالحقتش ترجعهم خدهم وهربت. الخيانه ملهاش رجلين
برقت وقولت
لمار انتي عاملة دماغ اية. دة انا لو في فيلم كرتون مش هعمل كدة.
لمار
بلا دماغ اية بلا زفت عليك وعليها طلقني يا رمضان
رمضان
وهتقولي اية للماذون. خد صدر اللي بيخوني معها وهرب. هما قص ولزق يا حبيبتي
لمار
وعهد الله لقتلك واقتلها واقتلني.
ودخلت اوضتنا وانا مش عارف اعمل اية، ،،،،،،،،،
وهنا ومن جوة عيادة الدكتور وئام النور نور وكل اللي في السيما. اسف اللي في الاوضة بيسقفوا وبيصفروا وفرحانين اوي بنهاية الفيلم والدكتور وئام بيسقف بحرقة وبيقول
فيلم العيد دة. بس ابقي افتكرني. في بمشهد
بصيت للي بيحصل وانا مصدوم وفتاة الاندومي قالت
كمان حكاية يا حلو
رمضان
حلو
وئام
لا. مش هينفع في ناس غيرك واقفة برة عايزين يسمعوا حكايات المفضوح
فتاة الاندومي
بس انا معاكم من الاول
وئام
انا ما عرفش الكلام دة. اخرجي ودخلي غيرك
فتاة الاندومي بصيت لي وقالت مستعطفة
عم رمضان خلي يسيبني قاعدة
صعبت عليه قولت
خلاص خليها قاعدة حرام تكسر بخاطرها
وئام بص لي وقال
ما بقاش الا انتي كمان يا امارة تقولي مين يقعد ولا مين يمشي. دة انت مراة
رمضان بعصبية.
بتقول اية يا جاموسة انت
وئام خائفا
مراة راجل يعني
رمضان
طيب بطل وش وخليها قاعدة والا والله ما كمل واحكي لك حكاية الاستاذ مهزوز. ابو هزة
ودي بقي حكاية بكرة، ،،،،،،،،،،،،،،،،
إرسال تعليق