وعاشت في احضان الشيطان 2.
عم الدنيا.
★الحلقة السادسة عشر★
والاخيرة
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★وبدأ قلب خضر يدق بسرعه من شدة الخوف ورجع بص. لصافر اللي هو كان في صورة احمد وقال
ازاي. انتو اتنين
فؤاد
مين قالك انهم اتنين. يا ابن الشيطان. ياللي سخرت اللي ياذي مراتي. جه الوقت تدفع ثمن اللي عملته فيا
وهنا راح احمد ناحية صافر وصافر دخل جسم احمد وقال احمد
احنا طول عمرنا واحد. صافر هو احمد
وقال صافر
واحمد هو صافر
اتجنن خضر وبدأ الشيطان ينهار واحمد بيقول
لا. امسك نفسك واوعي تروح مني قبل ما احكي لك حكاية صغيرة كدة. حكاية بدات ليلة ما قولت ل شندي بعد ما ضربني في ظهري غدر انه يدفني. لكن
وبص احمد ل فؤاد ،،،،،،،،
ونرجع بالاحداث لكام يوم وفؤاد طالع من البيت اللي في المقبرة وهو شايل ام فاطمة وحط ام فاطمة في العربية بتاعته وهو بيقول لنفسه
عملتها يا خضر. وسلط علي مراتي اللي يأذيها. واقول لك هي لية وقعت من طولها لما احمد قراءة عليها قران تقولي دة مش قران. فاكرني عبيط وصدقتك. ماشي يا خضر لازم تدفع الثمن غالي. بس اقدر عليك ازاي. وانت ابن ابليس. لازم احمد يعيش وهو واللي عليه يساعدوني اخلص منك
وطلع فؤاد موبيلة واتصل ب شندي اللي كان بيحفر قبر ل احمد اللي كان بدأ يفوق وكان بيتوجع فطلع شندي موبيلة ورد وقال
ايوة يا باشا
فؤاد
احمد لسة في الروح
بص شندي ل احمد وقال
لسة
فؤاد
طيب خدو واطلع بي علي الاستراحة القبلي وانا هبعت لك الدكتور مسعد علي هناك
شندي باستغراب
الله ولية كدة
فؤاد بعصبية
من غير كتر كلام نفذ اللي بقول لك عليه.،،،،،،،
وبعدها بيوم بالظبط فاق احمد لقي الجرح مطهر ومتخيط وقدام منه يقعد فؤاد بص له احمد وقال
انت مين
فؤاد
انا اللي انقذتك. يعني انت مديون لي بحياتك. واكيد هتحب ترد الدين
احمد اتعدل في قعدته وقال
انا برضو مش فاهم انت مين
فؤاد
بالمختصر المفيد انا ابقي جوز ام فاطمة. وشوفتك وانت بتقراء عليها قران
احمد بدأ يفتكر اللي حصل في الحفرة. وانه شاف فؤاد دة مع خضر وشندي شايلة وخارج بي من الحفرة بعد ما ضربه بالسكينة. فقال
انا افتكرتك. انا شوفتك مع خضر ليلة ما اضربت بالسكينة
فؤاد
الله اكبر عليك دة انا فعلا. وزعلت اوي علي اللي عملو فيك الراجل بتاعي بس دة ماكنش مقصود لكني خليت الراجل بتاعي يجيبك ل غاية هنا وعالجتك
احمد
ولية تعمل كدة مش خايف خضر يقلب عليك لما يعرف انك انقذتني
فؤاد
ومين بس اللي هيقوله. انت عندي هنا في المكان الخصوصي بتاعي وما حدش يعرف لك طريق.
احمد
والمطلوب
قام وقف فؤاد وقال
احنا متفقين انك مديون لي بحياتك
احمد
خش في الثمن اللي المفروض ادفعه
فؤاد
اول حاجة مطلوبة منك تعالج ام فاطمة من اللي عليها
احمد
ما خضر موجود
فؤاد
ازاي اخلي يعالجها وانا متاكد انه هو السبب في اذيتها
احمد
هعالج ام فاطمة. وتاني حاجة مطلوبة مني
فؤاد
تقولي ازاي نخلص من خضر. انتو كلكم بتوع عفاريت وتعرفو ازاي تخلصو علي بعض لكن انا اضيع وسطيكم
احمد
اسمعني كويس. انا هساعدك في علاج ام فاطمة.
فؤاد
طيب وخضر
هنا تظهر ساندرا في الاوضة فجاة وتقول بصوت صافر
دة بقي خلو علية انا
اتخض فؤاد وقال
اعوذ بالله من الشيطان الرجيم. انتي جيتي منين وازاي بنت وصوتك صوت راجل
صافر
تقدر تخرج انت دلوقتي علشان محتاج اخويا في كلمة علي انفراد
فؤاد
مش قبل ما اعرف انتي مين
احمد
دة اخويا. ولو شوفتو علي صورته الحقيقية ممكن يغمي عليك. ياريت تخرج
فؤاد
يعني اية الاستراحة اتلبست. بس اقول اية. انا اخرج احسن
وخرج فؤاد من الاوضة وخرج صافر من صورة ساندرا ورجع في صورة احمد وراح ناحية احمد ووقف قدام منه وقال
حقك هيرجع من الشيطان خضر
احمد
انت هنا من امتي
صافر
انا معاك ديما من وقت ما اتغدر بيك. ولو ماكنش فؤاد بدا علاجك كنت هتلاقيني انا اللي بعالجك. انت مهما تعمل فيا مستحيل اشوفك بتتاذي واقف اتفرج
احمد
ابن النار راجع تاني يحمي ابن الطين
صافر
لية ما تحسبهاش اخ. بيدافع عن اخوة. مش احنا اخوات برضو
ومد صافر ايدة ل احمد فبص احمد ل ايد صافر وسلم وقال
حقك عليه يا صافر. ولا لسة اسمك مارد
صافر
صافر. مارد مات. لاني ما اتعلمتش منك الا الخير والنور ازاي اعيش وسط ظلمة الشر
احمد
وازاي هنقدر علي خضر
صافر
خضر وفؤاد. الاثنين وجهين لعمله واحدة والاثنين هنخلص منهم في وقت واحد
احمد
اية الخطة.
صافر
صافر يفضل قصاد خضر بيكرهه احمد وبينتقم منه حتي بعد ما مات. وكمان هينقلني لجسمك الميت
احمد
والغرض. من دة كله
صافر
العهد اللي بينه وبين عشائر الجن يتنقض ويصبح ملغي وساعتها هيبقي ضعيف قدامهم وهما اللي هيخلصوا عليه
احمد
وازاي بحصل الكلام دة
صافر
خطة سهلة وبسيطة. في رحلتك للعالم السفلي وتحرير جسم ساندرا انت حرقت الف جني وكان من بينهم الملك دهنش. تفتكر بقي لما انت تموت ويجي خضر وبستخدم روحي ويرجعك تاني للدنيا. يبقي قدام عشائر الجن هو ساعد اللي حرق الملك دهنش والف جني. والعهد اللي بينه وبين عشائر الجن يصبح ملغي
احمد
وهو خضر مش هيعرف اني عايش
صافر
قرين خضر. هياخد الزيبق الاحمر الموجود في المقبرة مقابل انه يقدر بوهم خصر بعيون الضباب.
احمد
اية عيون الضباب
صافر
سحر اسود كان بيستخدم في عشائر الجن. التابعه لسلطان الملك طاروش.
احمد
برضو مش حاسس ان السحر. دة ممكن يخش علي خضر
ابتسم صافر وقال
ممكن يشك لو القرين باعنا لي. لكن لو انت دخلت علي ملك اختك علشان تغتصبها واتحرشت بامك تفتكر برضو انه ممكن يشك في انك ميت وان اللي في البيت صافر وراجع ينتقم من اهل احمد
احمد باستغراب
اية اللي انت بتقولو دة. ازاي تفكر تغتصب ملك او تتحرش بامي
صافر
مش انا اللي هعمل كدة. دة انت. بس اللي هيبان قدام خضر اني انا اللي بعمل كدة علشان انتقم منك في اهلك
احمد
مش قادر استوعب اوي
صافر
هفهمك في ساعه معينه خضر هيعرفني ان سلوي وفقت علي الطلب اللي طلبته منه وهي انها تقبلني ابن ليها
احمد
ولية انت طلبت كدة من خضر
صافر
علشان اكسب شوية وقت عقبال ما انت تخف وتقدر تقف علي رجلك
احمد
وبعدين
صافر
هنروح ونطلع لك من الارض اللي اندفنت فيها وهتكون مجرد جثة ويتم مراسم نقلي من جسم ساندرا ل جسمك.
احمد
وهنا عشائر الجن يعرفو باللي عملو خضر علشان يرجعني.
صافر
هيحصل غليان تحت الارض وفي اللحظة اللي نحددها هنسلم خضر لعشائر الجن
احمد
خطة في منتهي الذكاء
صافر
اتعلمت منك المكر يا ابن الطين
احمد
وانا اتعلمت منك الحب يا ابن النار.
ووقف احمد بصعوبه وقال
صافر عايز احضن اخويا اللي ما عرفتش قيمتة الا لما راح مني
دمعت عيون صافر وراح ناحية احمد لكن احمد قال
بصورتك الحقيقية.
صافر
بكون في ابشع صورة.
احمد
طالما هقبلك اخ ليا. عايز اشوفك في ابشع صورة ليك زي ما انت شوفتني ورغم كدة ما هونتش عليك
بدأ صافر يخرج من صورة احمد ويرجع لصورته الحقيقية مخلوق مخيف لكن احمد اترمي في حضنه. وصافر كان في منتهي الفرحة. وخرج احمد من حضن صافر وقال
عايز اشوف ساندرا
صافر
وهي كمان نفسها تشوفك. بس نخلص من خضر والشر اللي حوالين مننا نروح لها، ،،،،،،،،،،
ونرجع تاني للمقبرة وخضر بيسمع للمخطط بالكامل وهو مش قادر يستوعب ان كل دة حصل. وانه اتلعب بي وسمع صوت صافر بيقول
والنهاردة جة الوقت اللي اسلمك في لعشائر الجن. انت وذهب المقبرة قربان.
وبدات الارض تهتز ويخرج من تحت الارض مخلوقات كتير اللي جاي طاير واللي جاي زاحف واللي جاي ماشي علي اربع محاكمة وخضر يخرج السبحة من جيب عبايته ويبص لها ويقول
باسم ابليس. اطلب الرحمة والعفو انا، ،،،،،،
لكن السبحة تتحول لعقرب اسود كبير ويلدع خضر في ايدة وتبدأ ايد خضر تتشنج والعروق تبرز منها وتتقطع عرق وراء عرق والدم ينفجر زي البركان ويقع خضر علي الارض من شدة الوجع وتخرج من حنجرتة عظمة كببرة تشبة قرن الجاموسة وتبدأ هذة العظمة تشق جسم خضر ل نصفين عذاب اليم يستحقة شيطان رجيم زي خضر اللي بعدها وقع ميت. وقبل ما يهرب فؤاد قدرت المخلوقات تلتهم لحمة حي. ومهما يطلب الرحمة. لا وجود ليها في نهايته وبعدها يخرج من تحت الارض ظل كبير ويقف قدام احمد ويقول
صافر نفذنا لك ما طلبت. جة وقت القربان العظيم
صافر
وانا جاهز
الظل قال بصوت ملعون
سلم لنا احمد قاتل دهنش والف جني
صافر
انا اللي قتلت دهنش والف جني. واحمد بري.
احمد
صافر انت بتقول اية
صافر
دة كان باقي الاتفاق بيني وبين عشائر الجن علشان يخلصونا من خضر. وهو اني اسلمك ليهم. لكن انا وانت واحد.
احمد
ما حدش هيقدر يلمسك او يلمسني
صافر
ما بقاش في وقت لاي كلام. لازم حد فينا يدفع الثمن وانا جاهز. عيش يا احمد وعلم الناس الخير والنور. عيش وديما افتكرني.
وبدأ صافر يخرج من جسم احمد واحمد بيحاول يمنعه وهو بيصرخ وبيقول
صافر هنقدر علبهم مهما كانو هما مين. اوعي تسيبني.
لكن احمد بدأ يقع علي الارض وصافر بيخرج من جسمة ووقف صافر قدام احمد وقال
ابقي افتكرني يا ابن الطين
احمد بيحاول يمد ايدة لكن الظل كان بيلف جنزير حوالين رقبه صافر ودموع صافر في عيونه وهو بيصرخ واحمد بيقول
لا. صافر
صافر بيتوجع والجنزير بيسحب منه كل قدراته وبيقول
افتكرني يا اخويا من الطين. ياللي اتعلمت منك الخير والنور افتكر صافر.
وصرخ صافر صرخة اخيرا والظل خدو ونزل بي تحت الارض واحمد بيضرب الارض وكان بيقول
لا. لا. صافر صافر اخويا
وفضل احمد يبكي. ويصرخ. ويقوم يقف بصعوبه والمقبرة ما بقاش فيها غيرة حتي الذهب والتماثيل الفرعونية اختفت كل شئ اختفي. وخرج احمد من المقبرة ،،،،،،،،،
ومن جوة بيت اجاتا تقعد ساندرا علي الارض لابسة الحجاب وبتقرا في المصحف تسمع صوت خبط علي الباب لكنها ما اهتمتش لغاية ما سمعت اجاتا بتقول
احمد.
خرجت من اوضتها جري وراحت وقفت قدام احمد اللي كان باين عليه الحزن الشديد. فبصت له وقالت بلغه عربية مكسرة
احمد.
احمد بص لها وقال
ازيك يا ساندرا عاملة اية دلوقتي
ساندرا برضو بلغة عربية مكسرة
بقول الحمد لله. وبقرأ في المصحف. كله اتعلمتو من النت وصافر كمان علمني شوية. دة بيحبك اوي احمد
نزلت دموع احمد وهو بيقول
وانا كمان بحبو اوي. وعرفت قيمتة متاخر. بس هو البني ادم كدة ما يعرفش قيمة اللي بيحبوا اوي الا لما يروحو منه.
اجاتا طبطبت علي احمد وقالت
مالك احمد. صوت لية حزين
احمد بدأ يتمالك نفسه وقال
انا بخير. بخير. وجيت علشان اسلم عليكم قبل ما سافر
ساندرا
تسافر تروح فين. دة انا مستنياك تيجي مش معقوله تسيبني تاني وتمشي
احمد
ارجع لاهلي.
ساندرا
وانا
اجاتا
ساندرا مش كدة
احمد
انتي اية
ساندرا بصوت الشجن
وانا اللي مستنياك. انا اللي اتعلمت عربي شوية علشانك. انا اللي حبيت دينك علشانك انت. كل دة وتقولي اسلم عليكم وارجع ل اهلي
احمد
انتي ما شوفتنيش غير تلت مرات معقوله اتعلقتي بيا بسرعه كدة
ساندرا
وانت لية ما قدرتش تستحمل وجعي لما صافر كان بيتنقم منك فيا.
استغرب احمد فقالت ساندرا.
صافر حكي لي علي كل حاجة. وازاي انت كنت ضعيف قصاد حبك ليا.
احمد
حب معقوله بالسرعه دي
ساندرا
الدنيا اللي احنا عايشنها بتجري بينا اسرع.
وقربت ساندرا من احمد وبصت له في عيونه وحطت المصحف بينه وبينها وقالت وهي بتبص للمصحف
انا حبيت القران علشان كان في علاجي. مع اني ما كنتش سمعته كتير
ورجعت تبص في عيون احمد وقالت
وحبيتك علشان سمعت كلمات القران اول مرة بصوتك. وترجع تقولي حب بالسرعه دي. انت مش هتمشي من هنا. ولو عايز تمشي خدني معاك مكان ما انت رايح
احمد ابتسم وقال
ساندرا انا فعلا ضعفت قدام منك اول مرة شوفتك فيها. سحرك خطفني مش هقدر انكر. لكن ممكن انا حبيت جمالك اكتر ما حبيتك انتي. ودة حب ما بيطولش لا الجمال مسيرة يروح مع تقدم السن. وانتي حبيتي احمد المعالج بتاعك اللي شوفتي واقف في وش الجن والشياطين بس ما حبتيش احمد البني ادم ودة برضو حب مسيرة ينتهي لاني مش هفضل طول الوقت البطل اللي في خيالك. لازم امشي واسيبك ولو رجعت لك تاني يبقي انا راجع علشان ما قدرتش اعيش من غيرك
عيطت ساندرا. ومسكت ايد احمد وقالت
يعني برضو مكتوب الفراق
احمد بص لها اوي في عيونها وقال
ما كنش في بينا لقاء علشان يتولد منه فراق. احنا اتنين اتقابلنا صدفة مريضة ومعالج كان غلط اني اضعف قدام سحرك. وانتي غلط انك تنبهري باللي عملتو. لكن لما اخد وقتي في التفكير وانتي تفكري صح. وبعدها لو اتقابلنا اوعدك مش هيبقي بعديها فراق.
وسحب ايدة من ايدها وقال وقلبه بيدق اوي
سلامو عليكم
ومشي احمد خطوتين ودموع ساندرا رافضة اللي بيحصل لكنها قالت
احمد
بص لها وهي قالت
ساندرا مش هتستناك. اللي هترجع لها لو رجعت هتكون اسمها عائشة.
اتنهد احمد وقال
عائشة دة اسمك الجديد
ساندرا
صافر قالي ان دي اكتر اسم يحبو المسلمين. وانا منكم دلوقتي وعايزا ابقي صاحبة احلي اسم عندكم
ابتسم احمد وقال
واضح ان صافر علمك كتير
ساندرا
كان ديما يقول انه اتعلم منك الكتير
نزلت دموع احمد وهز دماغه وقال
مش اكتر من اللي انا اتعلمتو منه. ،،،،،،،،،،،
ورجع احمد القاهرة وقابلو فايز وقال بعصبية
هو انت اية حكايتك كل يوم والتاني بتروح فين انت حا،،،،،،،
لكن احمد اترمي في خضنة وقال
حقك عليه. وبالله عليك ما تزعل مني. انا بجد محتاج لكم اوي
ونزلت دموع احمد وفايز استغرب وقال بحنان الاب
احمد مالك
شافت سلوي اللي بيحصل جريت علي ابنها رغم انها كانت قلقانه منه وقالت
مالك يا ابني
احمد
ما فيش. مافيش. انا بس محتاج لكم.
سلوي
احنا معاك اهو يا قلب امك.
احمد
انا محتاج ارتاح.
فايز
ادخل نام لك شوية
ودخل احمد اوضة وفرد جسمة علي السرير، ،،،،،،،،
وبعدها بيوم يقف احمد علي سطوح بيتهم وقدام منه كانت تقف دنيا وكانت بتقول له
اخيرا رجعت. اشوفك تاني
لكن احمد ما كنش شايف غير ساندرا سكت وهي قالت تاني
احمد انا بكلمك
احمد
دنيا احنا اصحاب واخواتك صح
دنيا
طبعا يا احمد دة احنا مع بعض من الحضانه
احمد
كنت عايز احكي لك حكاية بنت اسمها ساندرا
دنيا
وانا كمان كنت عايزا احكي لك حكاية عبده
احمد
طيب خليني احكي لك الاول، ،،،،،،،
ومن جوة شقة فايز تقف سلوي في المطبخ ويدخل علبها احمد فتفزع سلوي وتقول
انت داخل ورايا عايز اية
مسك احمد ايد سلوي وباسها وهو بيقول
انتي هتفضلي خايفة مني.
سلوي
انت بعد اللي عملتو عايزني ازاي مخافش منك
احمد
كنت ساعتها مش انا
سلوي
دة الجن اللي كان عليك صح.
ابتسم احمد وقال
هو
سلوي
وخلاص الشيخ خضر قدر يعالجك
ابتسم احمد وقال
اة. هتفضلي بقي خايفة مني
سلوي
يعني بقيت احمد ابني
احمد
بص لي اوي. وانتي تعرفي انا احمد ولا واحد تاني
بصت له سلوي اوي وقالت
لا. احمد ابني
وخدته في حضنها واحمد بدأ يعيط لانه افتكر صافر، ،،،،
وتعدي الايام قولو شهور واحمد رجع الاقصر وخبط علي باب بيت اجاتا وماحدش فتح فضل يخبط وبرضو ما حدش فتح قلبه انقبض ولسة هيمشي لقي ساندرا راجعه من برة وهي لابسة اسود وكانت بقيت شبة بنات الاقصر لانها اشتغلت في مصنع من مصانع الاقصر واول ما شافت احمد جريت ناحيته وهو بص لها وكان ملهوف عليها وضحكت وقالت
وانا بصلي الفجر حلمت انك جاي. اخيرا دعوتي استجابت
احمد
ازيك ساندرا
ساندرا قالت
مين ساندرا دي. اسمي عائشة.
احمد
وحشتيني عائشة
عائشة
انت اكتر احمد. كان نفسي امي تكون لسة عايشة قولت لها انك هترجع علشاني
احمد
هي اجاتا ماتت
عائشة
ووالدي كمان مات
احمد
انتي عايشة لوحدك
عائشة
من شهر وانا لوحدي. اروح الشغل وارجع اصلي وادعي ربنا انك ترجع تاني.
وابتسم عائشة ابتسامه مخلوطة بالدموع وقالت
واهو انت رجعت. وانت قولت لي بعد الرجوع ما فيش فراق
احمد
ما فيش فراق عائشة
ومسك احمد ايد عائشة. وبدات الحكاية، ،،،،،،،،،،،،،،
النهاية
يارب تكون القصة عجبتكم. وياريت اعرف راي كل اللي شرفني بقراءة القصة. والمستخبي يبان ويوريني نفسه بتعليق
رووووووعة
ردحذفجميله جدا
ردحذفمفيش كلام يوصف الروعه الموجوده في الروايه
ردحذفجميله جدا ديما بتكتب بطريقه مختلفه وجميله ربنا يوفقك
ردحذفبجد تحفه فنيه جميله جدا جدا مع انك رعبتني من الي فيها بس بجد تسلم ايدك وديما في تقدم وازدهار
ردحذف