وعاشت في احضان الشيطان 2
عم الدنيا
★الحلقة الخامسة عشر ★
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ودخل احمد اوضة ملك وقفل الباب وراء منه وبدأ صافر يبص ل ملك اللي كانت في سابع نومة وبرغبه شديدة وراح ناحيتها. وقعد جنب منها علي السرير وحط ايدة علي شعرها وقرب انفاسة منها وبدأ يخرج من صورة احمد لصورتة الحقيقية وهو ناوي ينهش لحم العذراء. لكن باب الاوضة اتفتح ودخلت سلوي وبصت ل احمد اللي بيتحكم صافر في جسمه. وقالت بخضة
انت بتعمل اية هنا
بص لها صافر وهو في صورة احمد وقام وقف وهو بيقول
كنت بسلم علي اختي بلاش
سلوي بحدة
وخلاص سلمت
مشي صافر ناحيتها ووقف قدام منها بالظبط وهي خايفة منه لكنه قال وهو بيخرج من الاوضة
لسة.
وخرج صافر من الاوضة وسلوي بتبص عليه. وفايز وقتها كان تحت بيصلي. فراحت سلوي للكارت اللي في رقم خضر واللي كان سابو ليهم عند اول زيارة واتصلت بخضر ورد خضر وقالت
ازيك يا مولانا
خضر
ازيك يا ام شادي. خير ان شاء الله
سلوي وهي بتبص علي اوضة احمد وهي الاوضة اللي دخل فيها صافر قالت
احمد راجع مش طبيعي يا مولانا. زي ما يكون مش هو احمد ابني
خضر
ازاي بس الكلام.
سلوي
والله زي ما بقول لك كدة.
خضر
هو عمل اية خلاكي تشكي في بالشكل دة.
حكيت له سلوي اللي حصل فقال خضر
معقوله يعمل كدة
سلوي
انا دخلت عليه اوضة اختة بعد ما عرفت انه جوة وشوفته بعيني.
خضر
وجوزك فايز شك هو كمان في
سلوي
لا. فايز نزل يصلي وانا مخيلتهوش يحس باي حاجة. دة ممكن يقتله فيها
خضر
عملتي الصح سيبني انا اقعد معاه الاول وافهم هو لية بقي كدة. سلام انتي دلوقتي
وقفلت سلوي وخضر قال لنفسه
باين كدة راجع تخربها يا صافر او مارد ومش هتجبها ل بر. بس انا مالي ما يعمل اللي يعمله المهم انه يفتح لي المقبرة وبعد كدة يغور في ستين داهية، ،،،،،،،،
وفي نفس الوقت كان ايهاب ومجدي قاعدين قدام اللواء شريف. الرئيس المباشر ليهم وكان بيقول شريف
يعني افهم من كلامكم ان لمعي هو اللي قتل عجمي. وبعديها مات
ايهاب
دي نتيجة التحريات بتاعتنا يا فندم
شريف
اومال لية طلبته اذن من النائب العام بالقبض علي خضر
بص ايهاب ل مجدي والارتباك بان عليهم وقال اللواء شريف
اية سؤالي ملهوش اجابه عند حد منكم
مجدي
خطاء في تحريتنا يا فندم. وباستجوبنا للشيخ خضر اتاكدنا انه
وسكت مجدي ما كنش قادر يقول كلمة برئ كذب فقال شريف
انه اية يا حضرة الظابط
بلع مجدي ريقة بصعوبه وقال
انا مش قادر اكذب
ايهاب ل مجدي
مجدي
مجدي بص ل ايهاب وقال
مش قادر وانت لو تقدر تقولها قولها انت
ايهاب
هو دة برضو اتفاقنا
شريف بعصبية
ما حد يفهني اية اللي بيحصل في مكتبي بالظبط
مجدي
بصراحة بقي يا فندم. خضر هو اللي سلط لمعي يقتل عجمي. وخضر بيستخدم سحر اسود ومسخر جن ل اذيتنا. وفي اتنين من ولادنا في الرعاية المركزة بسبب السحر والجن اللي هو مسخرة. بعد ما الجن ولع في الشقق بتاعتنا
شريف ل ايهاب
اية التخريف اللي بيقولو صاحبك دة. احنا في زمنا دة وسط التكنولوجيا والتقدم العلمي الرهيب. لسة في اللي بيسخر جن. دة كلام يتقال
ايهاب
مجدي ما كدبش في اي كلمة قالها. ملف القضية دي كله مشاهد يرفضها اي عقل. لكنها حقيقية وبتحصل ومستعد يا فندم اخدك معانا تشوف ولادنا اللي في الرعاية المركزة بين الحياة والموت بسبب سحر خضر. وهتشوف بنفسك الدكاترة اللي بيعالجوهم ومش عارفين هما بيعالجوهم من اية. وولادنا قدمهم في الدنيا. 8 ساعات بس والمده اللي مدي هالنا خضر تنتهي والموت يقبض ارواحهم. احنا قولنا ل حضرتك كل اللي حصل ومافيش في ايدينا اي شئ غير اننا اما نقيد القضية ضد لمعي وخضر يبعد الاذي عن والدنا او نصمم علي ان خضر هو اللي عمل كدة وولادنا يموتو
شريف قام وقف وفضل يلف في المكتب كا شارة علي انه بيفكر. طبعا مخه رافض اللي بيتقال لكنه برضو عارف ان مجدي وايهاب مش هيكدبوا ولا هيكونو واخدين رشوة مثلا من خضر علشان يطلعو براءة. وفضل علي الحاله دي لدقائق وايهاب ومجدي في حاله ترقب لكنه وقف عند باب مكتبة وبص لهم وقال
لمعي هو اللي قتل عجمي. بلغوا خضر انكم عملتو اللي طلبو منكم
مجدي
شكل حضرتك بتجهز لخطة توقع بيها خضر
شريف
ننقذ ولادكم الاول. وبرضو نقبض علي حضر بس نخلي يطمئن اننا بعدنا عنه
اتصدموا الاثنين من رد فعل اللواء شريف وفضلو مش مصدقين ان المعادلة الصعبة اتحلت بالسهوله دي لكن شريف شافهم باصين لي
انتو هتفتضلو باصين ليا. كدة
ايهاب
اصل احنا مش مصدقين يا فندم ان حضرتك حلتها بسهولة كدة رغم ان العداله والقانون بيقولو غير كدة
شريف
بيقولو اية بقي نقبض علي خضر ونسيب طفلين يموتو. كل ذنبهم ان اباهتهم مفتشين مباحث. فين الرحمة في اللي هنعملو دة. والعدالة والقانون اللي تحقق علي جثث اطفال برئية ما يستحقش نطبقة علينا. ويلا قومو مستنين اية. وصلو الخبر لكل مواقع التواصل الاجتماعي ان قضية مقتل الشيخ عجمي اتقفلت والقاتل مسجل خضر اسمه لمعي. خلو الخبر يوصل ل خضر ويطمئن ان الملف دة اتقفل وبعديها يتحط تحت المراقبة من اكفاء ظباط عندنا اوعو يحس انه متراقب
قام مجدي وايهاب وقالو في نفس
علم وينفذ يا فندم
ولسة هيخرجا الاثنين من المكتب سمعوا صوت اللواء شريف بيقول
وتجيبوا لي طلب باصلاح التلفيات في شققكم وانا همضي لكم عليه. ملهمش ذنب مراتتكم يقضوا يومهم في شقق محروقة وانتم مرتبكم هيعمل اية ولا اية،،،،،،،،،،،،
وبعدها بشوية ومن جوة اوضة احمد يقعد خضر مع صافر وكان بيقول له
مالك جاي سخن لية كدة
صافر
دة حساب هيدفعوا احمد وعيلته
خضر
اهدئة سلوي شكت فيك
ضحك صافر وقال
عظيم
خضر
انت مبسوط انها شكت فيك
صافر
ما تشغلش بالك باللي بيحصل هنا. العيله دي كلها هتموت محروقة بعد يومين.
خضر
لية بس تعمل كدة
صافر بحدة
قولت لك دة حساب وبيتصفي.
خضر
اعمل فيهم اللي انت عايزة. المهم ميعادنا
صافر
النهاردة بالليل. هفتح لك المقبرة
خضر
انت قولت بعد تلت ايام
صافر
كنت محتاج شئ يحصل وحصل واقدر النهاردة افتح لك المقبرة.
خضر
يبقي نسافر النهاردة وننهي القصة دي
صافر
لكل بداية نهاية والنهاية هتكون النهاردة، ،،،،،،،،،،،،،
ومن جوة المستشفي المحجوز فيها ولاد مجدي وايهاب. يقف الدكتور قدام ايهاب ومجدي وكان بيقول
والله زي ما بقول لكم كدة حالتهم استقرت وتقدروا تاخدوهم وتمشوا
وسابهم الدكتور ومشي وبص مجدي ل ايهاب باستغراب شديد وقال ايهاب
انت فاهم حاجة
مجدي
لو انت فهمت ابقي انا فهمت
ايهاب
غريبة عيالنا خفوا ازاي واحنا لسة مقولناش ل خضر ان ملف القضية اتقفل
مجدي
يكون الراجل دة مراقبنا. وعرف باللي حصل بينا وبين اللواء شريف
ايهاب
تقصد ان الجن اللي هو مسخرة نقلو الكلام اللي اتقال
مجدي
عندك تفسير تاني
ايهاب
دة لو هي كدة يبقي عرف اللي بيفكر في اللواء شريف واللي ناوي يعمله
وهنا تظهر مرات مجدي وتقف قدام منهم وتقول
شوفتوا اللي حصل
مجدي
عرفنا ان الحمد لله عيالنا خفوا
مرات مجدي
مش دة اللي انا اقصدة
مجدي
اومال اية اللي حصل تاني
مرات مجدي
شاب عنده 16 سنة جالي الشقة وقت ما كنت مستنيا ماما اللي عرفت باللي حصلنا وكانت جاية تطمئن علينا
مجدي باهتمام شديد
سيبك من التفاصيل دي. وقولي عمل اية الشب دة
مرات مجدي
وقف وسط الصاله وفضل يقراء قران بصوت قوي وجميل بدات اسمع اصوات ناس بتصرخ ودخان اسود بيلف في الشقة كلها وبدأ يهرب من كل مكان من صوت الشيخ دة. ورجعت الشقة زي ما كانت
ايهاب
انتي بتقولي اية.
مرات مجدي
والله العظيم دة اللي حصل الشقة رجعت زي ما كانت. وقالي شغلي سورة البقرة تلت ايام متواصلة. وباذن الله الاذي هيروح. ومش هيرجع تاني
مجدي بص ل ايهاب وقال
معقوله دة
وهنا تظهر مرات ايهاب وتقف قدام منهم وتقول لمجدي وايهاب
الشاب اللي انتم بعتوا دة ايدة فيها الشفا. بمجرد ما قراء القراءن علي عيالنا خرج من بطنهم حجرين شكلهم غريب لكنهم بعديها فاقو وبقوا في احسن حال. وقالي شغلي سورة البقرة لتلت ايام متواصلة والاذي هيبعد عنهم
ويفضل الاستغراب. مسيطر علي ايهاب ومجدي وقال ايهاب
احنا ما بعتناش حد
مجدي
ما توصفوا الشاب دة كويس
بداو الاثنين يوصفو وهنا قال مجدي وايهاب في نفس واحد.
احمد. ،،،،،،،،،،،،،
ومن الاقصر تجلس ساندرا قدام اجاتا وكانت تقول لها
انا محتاجة اعرف يعني اية ابقي طاهرة علشان امسك المصحف
اجاتا
ساندرا. مش ملاحظة انك بقيتي تسالي كتير عن الاسلام
ساندرا
ولية ما اسالش يا امي.
اجاتا
علشان احنا خلاص مسافرين تاني لليونان
ساندرا
بس انا عايزا افضل هنا.
اجاتا
احنا عيلتنا. وعيلة والدك في اليونان.
ساندرا بصت ل لوقا اللي لازال عليه الرصد لا تتحرك فيه الا عيونه وقالت
والدي اللي باعني للشيطان علشان الخلود.
اجاتا
ساندرا. والدك خد عقابه واصبح زي ما انتي شايفا. واحنا حياتنا وارضنا في اليونان بلدنا
ساندرا
امي انا مش هرجع اليونان. انا هعيش هنا واتجوز احمد
اتصدمت اجاتا وقالت
تتجوزي مسلم
ساندرا
وفيها اية
اجاتا
احمد مستحيل بتجوزك. انتي ملحدة من عيلة كلها ملحدين. وهو مسلم
ساندرا
لكني ما بقتش ملحدة. اني اسلمت. ونطقت الشهادة. وقلبي فرح اوي. بيقولو المسلمين زي ما شوفت علي النت
اشهد ان لا اله الا الله. واشهد ان محمد رسول الله
هنا اتعصب لوقا وبدأ جسمة كله يتشنح لكن اجاتا ما كانتش مهتمة وبصت ل ساندرا وقالت
انتي ازاي عملتي كدة. لو عيلتنا في اليونان عرفت بانك اسلمتي هيقتلوكي
ساندرا
واخاف منهم لية وانا مش هرجع لهم
اجاتا
انتي مجنونه
ساندرا
وانتي ماكنتيش مجنونة في نظر والدي لما طلبتي مساعدة مسلم في علاجي
اجاتا
انا فعلا لجأت ل مسلم علشان بس يتم علاجك. مش علشان تتجوزيي منهم. لا وكمان تبقي منهم
ساندرا
الرب اللي انتي لجاتي له وطلبتي مساعدته سخر لك اللي يخدمك ازاي ترفضي دينه. ازاي اصلا ترفضي وجودة. ربنا موجود. وانا اصبحت مسلمة. ولو عايزا ترجعي اليونان ممكن ترجعي لكن لوحدك
وسابتها ساندرا ودخلت اوضتها. وفضلت اجاتا تبص للباب مش مصدقة اللي سمعتو من بنتها، ،،،،،،،،،
ومن الاقصر يقف خضر ومعه صافر قدام باب المقبرة ويمسك صافر بسكين ويجرح كف ايدة ويحط ايدة علي باب المقبرة علشان يحرق الرصد اللي علي الباب وفعلا تهتز الارض ويهتز الباب بشدة ويهتز ويهتز. ويتوقف عن الاهتزاز ويفتح باب المقبرة. ويدخل صافر الي المقبرة ووراء منه خضر. كانت مقبرة من مقابر ملوك الفراعنه ذهب وجواهر نادرة مقبرة ترابها يساوي ملايين الملايين وقف خضر وسط المقبرة وهو مبهور ومش مصدق نفسه وهنا يظهر احمد ومعه فؤاد ويدخلو الي المقبرة فيبرق خضر ويقول وهو زي المجنون
انت. لسة عايش
وبدأ قلبه يدق بسرعه من شدة الخوف ورجع بص. لصافر اللي هو كان في صورة احمد وقال
ازاي. انتو اتنين
فؤاد
مين قالك انهم اتنين. يا ابن الشيطان. ياللي سخرت اللي ياذي مراتي. جه الوقت تدفع ثمن اللي عملته فيا
وهنا راح احمد ناحية صافر وصافر دخل جسم احمد وقال احمد
احنا طول عمرنا واحد. صافر هو احمد
وقال صافر
واحمد هو صافر
اتجنن خضر وبدأ الشيطان ينهار، ،،،،،،،،،،
خلصت حلقة النهاردة اللي يارب تكون عجبتكم. واستنوني بكرة باذن الله والحلقة الاخيرة.
جميلة جدا جدا
ردحذفروعه روعه عشرة علي عشرة
ردحذف