وعاشت في احضان الشيطان 2.
عم الدنيا.
★الحلقة الثالثة عشر ★
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
من بالكونة شقة فايز يقف فايز وهو لسة قلقان ومستني يعرف اي حاجة عن احمد لكنه لاحظ ان الشارع بدأ يبقي فاضي من المخبرين استغرب وفضل يبص في كل الوشوش الموجودة في الشارع ما شافش اي حد غريب عن المنطقة وهنا دخلت علية سلوي وقالت
اجيب لك الشاي تشربه هنا
بص لها فايز وقال.
المخبرين اللي كانو في الشارع مشيوا
سلوي اللي بصت علي الشارع وقالت
بجد ودة معني انهم صدقوا ان احمد ابني برئ
فايز
ما عرفش بس هو يا اما صدقوا انه برئ يا اما دي حركة من الحكومة الغرض منها ان احمد يطمئن ويرجع للبيت تاني. ووقتها يتقبض عليه
سلوي وهي بتبص للسماء
يارب جيب العواقب سليمة. دة احنا غلابه. وانت عارف ان احمد برئ ومستحيل يعمل كدة ،،،،،،،،،،،
ومن الاقصر يقعد فؤاد جوة عربية خضر وبيبص له وبيقول
راجع مصر يعني اية يا خضر واللي وراءنا هنا
خضر
وهو اية اللي وراءنا. المقبرة وحكايتها هتتاجل تاني بعد ما الباب اختفي. وابن طاروش حط لي العقدة في المنشار وقال اية. عايز سلوي تعترف بي. يا اما مش هيظهر الباب
فؤاد
انا مش عارف هي عماله تتعقد عليه دة احنا كنا خلاص قربنا
خضر
علشان بقول لك اني راجع مصر اشوف حل للقصة دي. وبعديها اخلي يفتح لنا المقبرة
فؤاد
يعني انت دلوقتي ناوي علي اية. تروح للي اسمها سلوي دي تقولها السلام عليكم انا خضر. وجاي اخليكي تعترفي بابنك اللي من الجن.
خضر
انا مش ناقص تريقة. ويلا انزل من العربية خليني امشي
فتح فؤاد باب العربية ونزل وهو بيقول
اديني نازل لما نشوف اخرتها اية يا خضر
وبمجرد ما نزل من العربية اتحرك خضر بالعربية وفؤاد بيبص عليه، ،،،،،،،،،،،
ومن جوة احدي مساجد الاقصر تجلس اجاتا اللي كانت لابسة نقاب قدام شيخ يدعي خليل. وكانت بتبص له وتقول له.
انت شيخ خليل. صح
بص لها الشيخ خليل وقال
ان شاء الله. اقدر اساعدك ازاي
اجاتا
انا مسيحية. واسمي اجاتا وجت لك وطالبة مساعدتك.
بص لها خليل وقال باستغراب
ولما انتي مسيحية لابسة نقاب لية. ولية لهجتك مش صعيدية انتي مش من البلد
اجاتا
انا من البلد بس سافرت زمان انا وعائلتي. ل اوروبا. وقررت الرجوع ل علاج بنتي. ولبست نقاب علشان اقدر ادخل المسجد من غير ما حد يرفض وجودي
ابتسم الشيخ خليل وقال
ويترفض وجودك ليه علشان مسيحية
اجاتا
اظن كدة
خليل
طيب لو انا حبيت ادخل الكنيسة عندكم هترفضوا وجودي
اجاتا
لا. اكيد
خليل
واحنا كمان ما نرفضش وجود اي بني ادم بيطلب المساعدة طالما نقدر. وعايز اطمئنك لو هقدر اساعدك باذن الله هساعدك في الطلب اللي عايزا مني
اجاتا
انا سالت في البلد عن مين يقدر يساعد بنتي
خليل
هي مالها
اجاتا
اصابها مس شيطاني. زي ما انتم بتقولو
خليل
اعوذ بالله. انا مش عايزك تقلقي. وباذن الله بعد صلاة العصر ممكن تعدي عليه تاني وهروح معاكي اشوف بنتك. واللي في الخير يقدمو ربنا.،،،،،،،
ومن قدام باب اوضة ساندرا تقف اجاتا ومعها الشيخ خليل. وتبص اجاتا للشيخ وتقول
هي علي طول قاعدة لوحديها في الاوضة دي. وما بتخرجش ابدأ. تفتكر هتقدر تساعدني في علاجها
خليل
الله المستعان. بس اشوفها الاول وان شاء الله خير.
وهنا خبطت اجاتا علي باب اوضة ساندرا وفتحت الباب ودخلت علشان تشوف اغرب مشهد ممكن تشوفو في حياتها كلها. ساندرا محجبة وقاعدة علي سجادة الصلاة وفي ايدها المصحف وبتقراء في. اتصدمت اجاتا وما ختلفش عنها الشيخ والصدمة نزلت عليهم ومنعتهم من الكلام وهنا تبص لهم ساندرا وهي تقول
صدق الله العظيم
وقالت ل اجاتا وهي بتبص للشيخ خليل
امي. مين دة
اجاتا مش قادرة ترد ولامستوعبة اللي بيحصل لكن الشيخ خليل قال
مدام اجاتا. هي دي بنتك اللي حكيتي لي عنها
اجاتا وهي مصدومة
ماعرفش.
خليل باستغراب
ما تعرفيش. في ام ما تعرفش بنتها
اجاتا
اصل بنتي اللي اعرفها كانت قبل ما اخرج طالبة للمساعدة غير اللي انا شايفها دلوقتي
ساندرا
امي. بتقولي اية. انتي لسة زعلانه مني علشان اسلمت وما بقتش ملحدة زيك وزي والدي
خليل بحدة وهو بيبص ل اجاتا
اعوذ بالله. انتي ملحدة
ساندرا
ملحدة ورافضة اعتناقي للاسلام وبتعتقد اني علشان اخترت طريق الاسلام يبقي عليه مس شيطاني
خليل ل اجاتا
اة. بقي هي الحكاية كدة. رافضة ان بنتك تبقي مسلمة.
اجاتا
لا. بنتي فعلا عليها مس شيطاني.
خليل
باني عقل اصدق كلامك واكذب عيوني. ازاي يبقي عليها مس شيطاني وكتاب الله في ايديها اني شيطان يستحمل انه يشوف كتاب الليل. اسمعيني يا ست انتي. اهدتي بالله وسيبي بنتك تختار الدين اللي تعتنقة. هي حرة ولو فكرتي تهاجميها او تقولي عنها تاني انها عليها مس شيطاني. ما حدش هيقبلك في البلد دي. وهتنطردي. وبنتك هتبقي في حماية اي مسلم. موجود هنا. اظن ان كلامي مفهوم
وخرج خليل من الاوضة واجاتا فضلت تبص ل ساندرا وهي هتجنن. وساندرا تقلع الحجاب وتبص ل اجاتا بصة مخيفة. ،،،،،،،،،،،
وبعدها بكام ساعه كان مجدي مفتش المباحث بيخدل مكتب ايهاب ومعه اوراق وبيحطها قدام ايهاب وقال
عرفت الشيخ عجمي كان بيكلم مين
ايهاب باهتمام شديد
مين
مجدي
الشيخ خضر عمارة.
قال ايهاب وهو بيبص في الاوراق اللي حطها مجدي قدام منه واللي كانت عبارة عن سجلات المكالمات الخاصة ب الشيخ خضر في اليوم دة.
مش دة اللي بيطلع علي الشاشات
مجدي
هو. وعندك في سجل المكالمات. مكالمة عملها بعد ما قفل مع الشيخ عجمي لواحد اسمه لمعي
ايهاب باستغراب
ومين لمعي دة
مجدي
دة مسجل خطر كشفت عنه في السجلات بتاعتنا وطلع سوابق
ايهاب
وما طلعش لية اذن طبط واحضار للي اسمه لمعي دة
مجدي
مش هيجي لو طلعنا اكتر من اذن نيابة
ايهاب باستغراب
ودة لية بقي. هو مش في مصر
مجدي
لمعي مش في الدنيا كلها
ايهاب
تقصد اية. مات
مجدي
بالظبط
ايهاب
يبقي مافيش قدامنا غير خضر
مجدي
اذن النيابة بيجهز وهنروح نجيبة،،،،،،
ومن جوة شقة فايز ووقت ما كان فايز قاعد في الصاله مع سلوي يسمعوا صوت خبط علي باب الشقة فيقوم فايز يفتح علشان يلاقي قدام منه خضر. بعبايته البيضاء وسبحتة اللي مافيش منها اتنين اسنغرب فايز وما كنش مصدق وقال
الشيخ خضر بنفسه عندنا
خضر
مساعدي قالي انك سالت عليه وانا محتاج لمساعدتي.
فايز وهو بيوسع للشيخ خضر
طيب اتفضل ادخل يا مولانا. مع اني بيتنا مش قد المقام
خضر وهو بيدخل
ما تقولش كدة يا فايز. دة انت من خيار الناس
وهنا قابلتهم سلوي بعد مالبست حاجبها وقالت
منورنا يا سيدنا الشيخ. وخطوة عزيزة
خضر وهو بيقعد علي الكنبة
يعز مقدارك يا ست ام شادي. والله انا اول ما عرفت انك جوزك طلب مساعدتي جيت من السفر علي عندكم جري
سلوي
طول عمرك سباق في الخير
فايز
بس هو المساعد بتاعك عرف عنوانا ازاي. دة انا بس قولت له اسمي وانا محتاج لك
ارتبك خضر للحظات لكنه لم نفسه وقال
وهو انا ما قدرش اعرف عنوانك من اسمك. وخصوصا انك والد عم الدنيا. الا هو فين صحيح ماشفتوش من وقت ما جه مع الشيخ عجمي. فيلتي
فايز
هو في مشوار لوجه الله. ومستنيو يرجع. وانا طلبت مساعدتك بخصوص احمد ابني
خضر
خير ان شاء الله. عاوزني اشوف له شغل
فايز
لا. مش كدة احمد لسة طالب. لكن احمد مش طبيعي احمد عليه جن
خضر
يا ستير يارب. انت متاكد من اللي بتقولو دة
فايز
كنت شاكك في الاول لكني اتاكد
خضر
وازاي اتصاب احمد بشر زي دة
فايز
ما نعرفش وعلشان كدة سالت علي اللي ممكن يساعدني واهل الخير دلوني عليك
خضر
وانا في الخدمة وباذن الله علاج ابنك عندي. بس لو تسمح لي ادخل اوضة واشوف فرشته
فايز
اوي اوي. بس تشرب حاجة الاول
سلوي
لا. يتغدي معانا
ابتسم خضر وقال
لا دة. ولا دة. انا صايم. خلوني اشوف اوضة احمد
فقام فايز وبعد منه قام خضر ودخلو الاوضة وراح خضر ناحية سرير احمد وبدأ يمشي ايدة علي السرير ويقول طلاسم خبيثة لكن بصوت واطي عبارة عن همس. بيستدعي اتباعه. من الشياطين. وولع في السرير وبعدها النار انطفت وقال بصوت عالي
يا ساتر يارب. اللهم احفظنا من كل شر. احمد ازاي كان عايش وسط الشر دة كله.
فايز اللي كان مرعوب من شكل النار
مش قولت لك يا شيخ.
خرج خضر من الاوضة وبص ل سلوي وقال
ابنك عايش وسط اذي ما فيش زية اذي
سلوي
والعمل يا سيدنا الشيخ
خضر
الحل عندك انتي مش عند حد غيرك
سلوي
قولي اقدر اعمل اية وانا اعمله
خضر
تقبلي ابن ليكي
بصت سلوي ل فايز باستغراب شديد وقالت فايز
ما هو ابننا ولازم نقبلة هو يعني علشان اللي حصل له دة هنرفضة
خضر
واضح انك افتكرت اني بتكلم عن احمد
فايز
اومال بتتكلم عن مين ما هو دة ابننا
خضر
انا بتكلم عن ابن سلوي بس
اتصدم فايز وبص ل سلوي وقال ل خضر
هو مين اللي ابن سلوي بس
خضر
ابن طاروش
سلوي بخضة وفزع و اسوء ذكريات
طاروش
خضر
دة الجن العاشق ال،،،،،،،
سلوي مقاطعة له.
بس يا سيدنا الشيخ. دة ايام الهي ما تعود
خضر
هتعود. غصب عننا لو ما قبلتيش ابن طاروش ابنك
فايز بعصبية
انت بتقول اية.
خضر
اللي انت سمعته. دي الصفقة اللي هتم بينا وبينهم. ابنكم عندهم ومش هيرجع الا لما تقبلي ابن طاروش. ابنك
فايز
سلوي ملهاش الا اربع عيال
خضر
بقوا ثلاثة. لان احمد مش هيرجع الا لما تقبلو الصفقة. فكروا وهسيب لكم رقم تيلفوني.
ومشي خضر وساب فايز مع سلوي والحيرة هتقلب حياتهم ل جحيم ،،،،،،،،،،،،
ومن جوة عربية خضر كان خضر حاطط الموبيل بتاعه علي ودانه وبيقول بخضة
بتقول اية. والحكومة عندي في الفيلا بتعمل اية
صوت المساعد بتاعه
ما عرفش يا مولانا. بس دي باين عليها حملة جامدة
غضب خضر وقال
واللي علي راس الحملة دول اسمهم اية
المساعد
ايهاب. ومجدي
خضر
هما اللي جابو ل نفسيهم
وركن خضر العربية في منطقة هادية ورسم علي الارض نجمة داود وطلع شمع ووزع الشمس بشكل معين علي جميع حروف النجمة. ووقف وسط النجمة بالظبط وبدأ يقول طلاسم وتعويذة مخيفة. وبدات الارض تهتز والشمع يصاب برياح سوداء خبيثة. وعيون خضر تحمر بشر مخيف وينشق النني ويصبح بالطول شبة نني القطط. وانتهي ورجع كل شئ زي ما كان. وفي نفس الوقت كانت مرات مجدي بتتصل بي وبتقول بفزع شديد
نار سوداء بتحرق كل ركن في الشقة.
ونفس المكالمة جت ل ايهاب وخرجوا الاثنين من فيلا خضر بمنتهي السرعه، ،،،،،،،،،،،،،،،
خلصت حلقة النهاردة اللي يارب تكون عجبتكم. سلام
رووووووعة
ردحذفروعه
ردحذف