ليالي في سجن العشق
★الحلقة العاشرة★
من تاليفي.
محمد منصور. *منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن امام البوابة الحديد بتاعت بيت عم جميل تقف ليالي وهي ترن جرس شقتها من الجرس الموجود قدام باب البيت مستنيا عاطف يرد عليها. وفضلت تخبط علي البوابة وهي بتقول
عاطف رد علية انا ليالي
ولكن عاطف كان في شغلة فشافها عم جميل وكان معه نادية وهما راجعين من برة فقال لها
ليالي. حمد لله علي السلامة يا بنتي
فتبص له ليالي وتقول
الله يسلمك يا عمي. اومال عاطف فين
نادية بحدة
عايزا اية منه. مش كفاية اللي عملتي في زميلتة علا. ربنا يقدرني واخلي يطلقك انتي كمان زي ما احمد سمع كلامي وطلق اختك المفضوحة
جميل بص لنادية وهو هاين علية يضربها وقال بعصبية
قسما بالله كلمة تاني ما هاتخشي البيت دة ابدا
نادية
في اية يا جميل مش دي الحقيقة
جميل بعصبية
نادية
فتسكت نادية فيبص جميل لليالي ويقول
عاطف في الشغل يا بنتي
ليالي
شكرا يا عم جميل
وتستعد ليالي للانصراف فيقول لها جميل
تعالي يا بنتي ادخلي استني في شقتك
فتبص له ليالي والدموع في عينيها
لما اشوف عاطف الاول واعرف ساعتها لسة ليا مكان هنا ولا خلاص، ،،،،،،،،
ومن داخل مكتب عاطف يجلس عاطف علي مكتبة ويراجع قضية حنين فيسمع خبط علي باب المكتب فيقول
ادخل
فتفتح ليالي الباب وتدخل فيبص لها عاطف وكان جوة قلبة فرح انه شاف حبيبتة وفي عقلة حزن من اللي عملتة فوقف وقال
ليالي. انتي خرجتي
فتروح ليالي ناحيتة وتمسك ايدة وتبص في عينية اكتر واكتر. وتقول
هونت عليك طول الفترة دي ما تشوفنيش
فيسكت عاطف مش عارف يرد والخناقة اللي بين عقلة وقلبة شغالين ليالي وهي بتقرب منه وانفاسها بتحضن انفاسة
ما وحشتكش
فيبص لها عاطف وهو لسة ساكت فتبوس ايدة وهي تقول
انت بقي وحشتني
فيسكت صوت العقل ويتكلم القلب ويحضنها عاطف بشدة وهو يقول
وحشتيني اوي اوي
ليالي وهي في حضنه ودموعها بتجري علي هدومة تقول
لية قفلت السكة في وشي
عاطف
بلاش نتكلم في اي حاجة دلوقتي خليني اتمتع بحضنك ،،،،
وبعديها بساعه ومن داخل مطعم يجلس عاطف مع ليالي بعد ماحكي ليها كل اللي حصل وكانت ليالي بتتالم بشدة وبتقول
انا عملت دة كله. انا اكون السبب في النار اللي تحرق حياة اختي
عاطف وهو يمسك ايدها
اللي حصل حصل المهم دلوقتي نفكر في اللي جاي ونصلح اي حاجة نقدر عليها
ليالي
ازاي بس. دة علا نزلت اللي بطنها بسببي واحمد طلق حنين بسببي
عاطف باستغراب شديد
احمد طلق حنين.
ليالي
هو انت ما تعرفش ولا اية. دة طلقها كمان في المحكمة والمحضر سلم ورقة الطلاق لبابا وساعتها بابا قالي انتي السبب.
وتعيط ليالي بحرقة وتقول
انا أذي اختي بايدي. انا ادمر لها حياتها
عاطف
اهدئي وبلاش تفكري في اي حاجة الا انك تكوني كويسة وأي حاجة باظت هانصلحها سوي طول ما ايدي في ايدك
ليالي وهي بتبوس ايدة تاني
ربنا ما يحرمني منك
عاطف
ولا يحرمني منك
ليالي
عاطف. هي حنين ممكن يتحكم عليها في القضية دي ولا هاتطلع براءة
عاطف
قضية حنين متعقدة وخصوصا ان المجرم اللي اسمة فرج مش عايز يعترف بانها مخطوفة لانه عارف ان خطف انثي فيها من 15 سنة. لاعدام وعشان كدة قدم للنيابة الصور والفيديوهات المبعوتة علي حسابة وطبعا كدة قدام النيابة والقانون في علاقة بين حنين وفرج
ليالي
طيب انا هاروح القسم واقول لهم اني انا اللي عملت كدة وان حنين عمرها ما كلمت اللي اسمة فرج دة وكل دة حصل وانا مش في وعيي
عاطف
طيب وبعدين دة مش هايغير حاجة من اللي حصل لان حنين اتمسكت في شقة فرج وهي شبة عريانة يعني ممكن يطلع لها ملف في الاداب
ليالي
طيب والحل
عاطف
مافيش غير اننا نوصل لشريك فرج. اللي اسمه عصام ودة اللي تعرف شكلة اختك حنين وهي اللي قالت لي علية وقالت لي انه عرف يهرب يوم البوليس ما هجم علي الشقة
ليالي
ودة نوصل له ازاي،،،،،،،،،
وفي نفس اليوم بالليل يفتح عاطف باب شقة والدة ووالدتة ويدخل وهو عصبي وكان احمد قاعد معاهم وراح ناحية احمد بعصبية شديدة ويقف قدامة ويقول
انت ازاي تطلق حنين
احمد
وانت مالك. دي مراتي وانا حر اطلقها ماطلقاش دة موضوع يخصني
عاطف
مش جدعنة ولا رجولة لما تسيب مراتك في وقت شدة وهي محتاجك في
أحمد
مراتي اللي فيديوهاتها وصورها علي النت. مراتي اللي كانت في شقة اتنين مجرمين وطبعا عملو فيها اللي هما عايزينة مراتي اللي بعتت صور وفيديوهات للمجرمين دول
عاطف
حنين مش هي السبب في كل دة. وانا قولت لك ان ليالي عملت كدة وهي مش في وعيها. انت مش عايز تصدق لية
احمد
انا ماليش في. مش هاعيش مع واحدة فضحتها علي كل لسان
نادية
انت مالك داخل في احمد لية كدة هو عمل الصح واي راجل حر زية هايعمل كدة
عاطف
انا معاكي ان الموقف كلة يضايق وحاجة صعبة علي اي راجل بس لما تكون مراتي مظلومة وماذنبهاش حاجة لازم اكون جنبها مش اتخلي عنها
ويبص عاطف لوالدة جميل ويقول
ما تتكلم يا بابا
جميل وهو يتنهد
اتكلم اقول اية بس انا مش موافق علي اللي عمله وقولت له ان الكام صورة والكام فيديو اللي اتسربو مع الوقت الناس هينسوهم وهايدورا علي فضيحة تانية يجروا وراها وساعتها هاتندم علي واحدة زي حنين واللي عمرك ما توعضها وخصوصا انها مظلومة
نادية
يندم علي اية يا حسرة. سيرتها اللي علي كل لسان ولا نندم علي اختها سندريلا المنطقة
فيبص عاطف لنادية وهو عايز يرد لكنه مش قادر وبص لاحمد تاني ويقول
انا هاقول لك نصيحة لله خليك جنب مراتك في اكتر وقت هي محتاجك في وماتجيش عليها وهي مظلومة عشان انت كدة تعتبر ظالم والظلم ظلمات يوم القيامة. وبراحتك
ويروح عاطف ناحية الباب فيقول له جميل
رايح فين يا ابني
عاطف
طالع شقتي لمراتي
نادية بعصبية
هي جت معاك
عاطف
أية مش مراتي ودي شقتها
نادية
انا مش عارفة انت اية اللي عجبك في، ،،،،،،،،،،
جميل مقاطعة لها
تاني. هو انتي اية مش هترتاحي الا لما تخربي بيت ابنك التاني
فتسكت نادية ويقول جميل لعاطف
اطلع يا ابني لمراتك ربنا يصلح لكم الحال، ،،،،،،،،،
وتمر الليلة ويطلع النهار وتقف ليالي مع عاطف قدام باب شقة عم فاضل وترن ليالي الجرس فيفتح عم فاضل الباب ويبص لليالي ثم لعاطف ويقول
ادخلو
ليالي وهي بتبص له
انا مش هادخل البيت دة تاني وانت مش راضي عني
فاضل
ربنا يرضي علينا كلنا. ادخلي دة بيتك ومطرحك
ليالي
بجد يعني مش زعلان مني
فيسكت فاضل فيقول عاطف
عم فاضل من الظلم اننا نحاسب ليالي علي فترة مرضها
فاضل
بس اللي حصل كان كتير وكله خراب
عاطف
هاحط ايدي في ايد ليالي وهانصلح كل اللي فات وهانخرج حنين وهانرجع لها كرامتها. بس قبل كل دة ليالي جاية لغاية عندك وطالبة انك تسامحها
وتنزل ليالي عند رجل عم فاضل وتقول
بالله عليك سامحني انا والله ماكنت في وعيي ومش عارفة ازاي عملت كدة
فيمسك عم فاضل ذراعها ويجعلها تقف ويقول
مسمحك يا بنتي. بس حنين تخرج من اللي هي في وكل حاجة هاتبقي تمام
ليالي
هاقلب الدنيا علي اللي اسمة عصام دة لغاية ما اجيبة وهاخلي يعترف بكل اللي حصل
عاطف
ازاي بس نوصل له
ليالي
هاقول لك ازاي ، ،،،،،،،،،
اوعي تروحو بعيد وبكرة باذن الله نتقابل والحلقة الاخيرة من ليالي في سجن العشق
جميله
ردحذفر7
ردحذفرووووووعة
ردحذفتحفه
ردحذفتحقه
ردحذف