لقيطة للبيع
★الحلقة الثامنة★
والاخيرة
من تاليفي
محمد منصور *منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
في هذة اللحظة تدخل منال عليهم واول ما عينيها تقع علي سناء تصرخ قائلا
أنتو سايبين البت معها ازاي. سناء اتجننت
فيجروا ناحية سناء مسرعين وسناء تقول
موتي زي ما بنتي ماتت.
وترمي سناء بنتها من شباك الاوضة فتذهب مسرعا وفاء وتبعد سناء عن الشباك وهي بتصرخ وسلوي ومنال يبصوا من الشباك علي بنت سناء فيلاقو البنت فوق صندوق التكييف اللي بيبقي خارج الاوض وتحت شباك الاوضة بالظبط فتنهدت منال وسلوي وتمتمة الاثنين قائلين
الحمد لله.
وتمد منال ايدها لتلتقط بنت سناء ولكنها ما كانتش طايلة فمسكت سلوي ايد منال التانية ودلدلت منال نص جسمها برة الشباك ووصلت لبنت سناء وطلعتها وخدتها في حضنها لانها كانت بتعيط بشدة فقالت لها سلوي
الحمد لله ان صندوق التكيف تحت الاوضة علي طول
منال
لسة ليها عمر بنت سناء
وفاء وهي تمسك سناء. تقول لمنال
المهم اطمئني عليها كدة وشوفيها لو حصل لها حاجة من الخبطة
منال
ان شاء الله خير. المسافة قريبة بين شباك الاوضة وصندوق التكييف. هي بس محتاجة ترضع
فتبص منال لسناء وهي تقول
سناء بنتك محتاجة ترضع.
فتبص لها سناء وتبص للبت وتقول
بنتي ماتت
منال
اللي ماتت مش بنتك. بنتك اهه ومحتاجه لاول رضعة منك
فتبص سناء للبت كمان مرة وهي عمالة تعيط وتصرخ من الجوع وتقول
اومال اللي كانت جوة التاكسي تبقي مين
سلوي
دة بت تانية غير. بنتك. لان بنتك طول الفترة اللي فاتت وهي في حضني ولما جابها جمال وقال انها بنت محروس غلط ونسي انه حكي لي قبل كدة عن محروس وعنك وقد اية هو كان بيغير منه علشان حب اهل المنطقة لي وقالي في مرة، ،،،،،،
ونرجع بالاحداث لكام شهر فات وجمال قاعد مع سلوي في الشقة بتاعتهم وبيقول لها
تصوري المراة اللي اسمها سناء بعتت ليا اختها. علشان قال اية الحقها هي واللي في بطنها من جوزها نصر.
وضحك جمال وقال
لا وكمان بتقول لي ان اللي في بطنها دة يبقي ابن محروس.
سلوي بطيبة قلب
طيب ما ممكن يا جمال يكون اللي في بطنها ابن اخوك فعلا ازاي بقي تسيب اللي اسمه نصر دة ياذي
جمال بشر خبيث
مايتاذي ولا يغور في داهية ولا توعي ما تجيبة اصلا. هو انا كنت بحب ابوة علشان احبة هو
سلوي
حرام عليك يا جمال طالما ولية زي سناء استنجدت بيك انجدها
جمال بحدة
سلوي. ماتخلينش اضايق. انا مش عارف اصلا انا حكيت لك لية. ،،،،،،،،
ونرجع بالاحداث وسلوي بتقول
علشان كدة لما دخل علية بالبت خدها منه وراعتها وكنت قلقانة منه وحاسة انه ما بيعملش كدة لوجه الله. لكني سكت وما بينتش لي حاجة لغاية ما عرفت هو ناوي علي اية من مكالمتة مع واحد اسمة مراد. وحط بنتك يا سناء في شنطة وجاب معها بت ميتة. وشالها علي ايدة ولا الشياطين. ودخل الحمام وخرج كنت شيلت بنتك من الشنطة وحطيت بدالها حتة لحمة حمراء. وهو نزل من هنا وانا نزلت القاهرة ادور عليكي او علي اختك. ووصلت لاختك وعرفنا من الحكومة انك في المستشفي هنا. بنتك عايشة ورجعت تاني لحضنك.
فتعيط سناء بحرقة وتمد ايدها لمنال لتاخذ منها بنتها وتحط منال بنت سناء في ايدها فتبص لها سناء وضمها لصدرها وتحس بتتدفق اللبن في صدرها فتضع يدها علي صدرها وهي عمال تعيط بحرقة. لكن دموع فرحة وتمسح وفاء دموع سناء. وتقول
رضعي بنتك
فتبص سناء لوفاء. وتقول
نورا بنتي. يا وفاء. مش لقيطة هه
وتبص سناء لبنتها وهي تقول
انا ماما يا قلب ماما. وانتي مش لقيطة. انتي بنت ارجل راجل في الحتة.
وتخرج سناء صدرها وتيدا في ارضاع بنتها وهي بتحضنها بحرقة شديدة.
والكل واقف وبيبصو للي بيحصل فرحانين علي فرحة سناء، ،،،،،،،،،،
وبعدها بكام شهر ومن داخل قاعة المحكمة تجلس سناء وفي حضنها بنتها ووفاء قدام القفص الموجود بداخلة جمال اللي بيستعد للحظة النطق بالحكم في قضيتين وهما خطف طفلة رضيعة وقتل مراد. وبالفعل تم النطق بالحكم. وهو اعدام فتبص سناء لجمال وتروح ناحية القفص وعلي ايدها بنتها وتبص لجمال وتقول
هي دي نهاية كل ظالم فاكر نفسه ملهوش نهاية. بس اللي مجنني ازاي تبيع بنت اخوك وكمان تقول عليها لقيطة
فيبص لها جمال ولا يرد فتقول سناء لبنتها نورا. وتقول
دة المفروض يكون مكان ابوكي ويوم ما يجليك عريس هو اللي هايقعد معه ويتفق ويكون كبيرك. لكن الدنيا بقيت زيها زي جهنم. و النظيف في الدنيا بتاعتنا بيموت بدري بدري وبيفضل معانا اوسخ خلق الله. الحق توب قبل ماتقابل ربنا يمكن يسامحك. لكن انا. مش مسمحاك
وتلف سناء وتدي ظهرها لجمال وتقول لوفاء اختها
يالا يا وفاء،،،،،،،،،
ومن داخل المديرية. تجلس سناء وفي حضنها بنتها ومنال تجلس معها في مكتب حسام وحسام يقول ضاحكا
قلبتي الدنيا كلها انتي وبنتك وبقيتي حدوتة بتتضحكي في المديرية. لدرجة ان في ناس زمايلي افتكروكي مراتي
فتضحك سناء ومنال. وتقول
انا مش هاتجوز تاني بعد اللي حصل
منال
لية بس كدة
سناء
كفاية اللي شوفته.
منال
طيب خلاص.
وتبص منال لحسام
حسام احنا بقي جائين النهاردة علشان نشكرك في الاول وتاني حاجة عايزين جوز وفاء يتربي ويسيب وفاء تروح لاختها زي الاول ومايحرمهاش منها
حسام
بس كدة سهل اوي. قول لي اسم الننوس دة،،،،،،،،
وبعدها بيوم بالظبط ومن داخل شقة نصر تجلس سناء في الصالة وهي بتلاعب بنتها فتسمع صوت خبط علي الباب فتقوم تفتح فتلاقي اختها وفاء وعيالها ومن وراء منهم جوز وفاء ياسر فتبتسم سناء وتقول
اهلا وسهلا اتفضلو
ياسر
ازيك يا سناء يا ختي طيب والله ليكي وحشة
فلاتبص له سناء وتاخذ اختها بالحضن وهي تقول
تنفع الغيبة الطويلة دي. طول الفترة دي ما شوفكيش
وفاء
غصب عني يا ختي انتي عارفة بقي اللي فيها
ياسر
طيب وربنا اساليها كدة انا كنت بتحايل عليها تروح لك
سناء
صادق صادق بس ما تحلفش كذب
وتضحك سناء ووفاء فيستغرب ياسر ويشيل نورا بنت سناء ويلاعبها وهو يقول
حمد لله علي سلامتك يا قمر
فتف علية نورا وكانها فاهمة. فيمسح ياسر التفة ووفاء تقول لسناء بصوت خافت
طيب والله بنتك دي بتفهم
فتضحك سناء وتحضن اختها بشدة، ،،،،،،،،،،
النهاية
مستني راي كل اللي شرفني بقراءة القصة ويارب تكون عجبتكم.
رووووووعة جدا جدا
ردحذفجميله الله ينور
ردحذف