الهام واللي كان الحلقة الاخيرة

 تحت الارض 

                ★الحلقه الخامسة★

                      ‏ الاخيرة 

من تاليفي، ، 
محمد منصور. ** منص **

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

ومن الاقصر. وبعد مرور يوم من هروب سليم من بيت نعمه بعد ما اعتدي عليها وضربها يجلس سليم ناحيه الطريق العمومي وهو اعصابه منهاره ومتوتر جدا ويجلس بجانبه حمزه ويقول له

اهدئه يا سليم خلينا نعرف نفكر هانعمل ايه

سليم بعصبيه

اهدئه ايه انا قتلت نعمه عارف يعني ايه يعني حبل مشنقه

يتلف حوالين رقبتي

ثم ينظر سليم حوله فلا يجد جمال فيقول

اومال فين جمال

حمزه

هرب الجبان امباراح بالليل وقال انا ماليش دعوي بالمصيبه دي 

سليم

اي حد مكانه لازم يهرب انا نفسي اهرب من اللي حصل 

انت السبب انت اللي خليتني اروح لي نعمه 

حمزه

هو انا قولت لك اقتلها احنا كنا رايحين نشوف هي اللي عملت كده ولا لا

سليم

ما أنا ماقدرتش امسك نفسي لما لقيت الفلوس دي كلها معها

حمزه

برضو كان لازم تكون اهدئه من كده ماكنش لازم تقتلها

سليم

ازاي اشوف فلوس كتير في بيتها يعني هي اللي سرقت الختم وقبضت تمن بيعها لي ابويا ابويا اللي كان بيحبها زي بنته

حمزه

خلاص بقي انسي ما حدش شافنا واحنا عندها امباراح. ولا حد هايعرف انك عملت كده

سليم

تفتكر ده انا حاسس ان البلد كلها شافتني وانا بزقها ووقعت علي دماغها انا لازم اهرب من البلد انا مش هاستحمل ساعه في السجن ،،،،،،

وفي نفس الوقت ومن داخل مكتب عم ربيع يجلس حمدي حمدان الرجل اللي ادعي انه وزير سابق. قدام عم ربيع الذي كان بيتكلم في الموبيل ويقول

اسمع المزاد ده بتاعي وكل اللي في السوق عارفين الكلام ده هو ايه كان كلام عيال

ثم يسكت قليلا ويقول

عرف اي تاجر هاينزل قدامي في المزاد ده هايزعل مني وهايزعل قوي كمان

وينهي المكالمة وهو منفعل فيبص له حمدي ويقول

روق يا عم الحج

عم ربيع

تجار ترفع الضغط الكل عارف ان المزاد بتاعي ورغم كدة بيلعبو علية. المهم حمد لله علي السلامه يا حمدي

حمدي

الله يسلمك ياحاج

عم ربيع

هه طمئني 

حمدي

كل حاجة ماشية زي الفل لكن انا كل اللي خايف منه سليم باين عليه مش سهل 

عم ربيع

سليم. لية عمل اية 

في هذه اللحظه يرن موبيل عم ربيع. فيقول

ثواني يا حمدي ارد علي الموبيل ده ونكمل كلامنا

 وينظر عم ربيع للموبيل مرة اخري وكانت الهام هي المتصله فيرد عليها عم ربيع قائلا

ايوه يا الهام بتتصلي ليه في حاجه

الهام

انا بتصل عشان اقول لك تبعت لنا سباك عشان الحمام اتسد تاني ومغرق الشقة 

عم ربيع

انا زهقت من الحمام ده كل شويه يتسد خلاص ماشي هابعد لك السباك

ثم يضع الموبيل بجانبه وينظر الي حمدي ويقول

هه بقي سليم عمل اية

حمدي

خرب الدنيا وكان عايز يضربني انا والرجاله وشكله مش هايجبها لبر.

عم ربيع

معاك حق. انا كمان مش خايف الا من سليم هايخرب الدنيا ومش هايرتاح الا لما يعرف الختم اتسرق ازاي. اومال انا لية لما عرفت بالمقبرة من خمس سنيين اللي تحت بيت اخويا. واتاكد اوي من اسبوع لكن حوار المقبرة دة واللي بسببه خليت سليم يجي يدرس هنا وبصرف علية وأحطة تحت جناحي عشان لما يموت شفيق أقدر احفر براحتي واطلع الذهب واعوض كل اللي خسرته في السوق

حمدي

طيب وبعدين هانعمل اية مع سليم

عم ربيع وهو يرجع بكرسي المكتب للخلف

سيب سليم علية. انا هاعرف ازاي اخلي يبعد عن البيت ويسيبه ويخلينا نطلع الذهب براحتنا

حمدي 

تفتكر سليم هايسكت لم يعرف انك خد الختم من رقبه ابوة لما كنت بتزوره اخر مرة

عم ربيع 

هاخلي يسكت بالذوق او بالعافية 

حمدي 

طيب وحمزه 

فيضحك عم ربيع ويقول

حمزه ده غبي. فاكر ان ماحدش يعرف بالمقبرة دي غيرة. وانا سيبته ياخد المليون جنيه حلال عليه ولو مسكتش هابلغ عنه بانه هو اللي سرقني 

حمدي

طيب ودلوقتي هانعمل اية 

عم ربيع

هانستني شويه لغايه مانشوف سليم هايعمل أيه وبعد كده الرجاله تشتغل وتبدا حفر ونفتح المقبره وناخد الدهب بس اهم حاجه عايز رجالتك عينهم ما تغفلش عن البيت ولا لحظه واللي يقرب من البيت من حمزه او سليم يتعاملوا معه بس مش عايز دم دول مهما كان ولاد اخويا،،،

وفي هذه اللحظه ومن الاقصر تقف سياره شرطه وينزل منها ثلاث عساكر وظابط ويحاول سليم وحمزه الهروب ولكن العساكر يقبضوا عليهم وسط مقاومه من سليم وحمزه واثناء هذه المقاومه تسقط محفظه حمزه وفيها البطاقه الشخصيه فيراها سليم فيميل عليها وياخذها دون ان يراه احد ويركب الاثنين سياره الشرطه وتنطلق بهم السياره، ،،،،،

ومن داخل مكتب الظابط يقف سليم وحمزه امام الظابط ويقول الظابط

مين فيكم سليم

فيشاور سليم علي حمزه ويقول وهو متردد

هو ده سليم

فينظر له حمزه غير متوقع هذا الرد فيقول له الظابط

انت سليم. سليم عيال نعمه شهدوا عليك وشافوك وانت بتزق امهم بعد ما أتخنقت معها

فينظر حمزه الي سليم ثم ينظر الي الظابط ولا يرد فيقول الظابط

سكوتك ده مش هايفيد انت متهم في قضيه شروع في قتل نعمه السيد كنت عايز تقتل نعمه ليه

حمزه وهو ينظر الي سليم يقول

ماترد يا سليم انت ايه عايزني انا اللي البسها

سليم

انا حمزه انت اللي سليم 

حمزه

ازاي. كل ده عشان عايز تهرب من جريمتك

سليم بتوتر 

انا ما عملتش حاجه انت اللي كنت عايز تقتلها وانا قولت لك بلاش

الظابط بنرفزه

ايه بقي مين فيكم سليم في ليله امكم السوده دي

فيخرج سليم بطاقه حمزه من جيبه ويعطيها الي الظابط ويقول

انا مش سليم انا حمزه ودي البطاقه بتاعتي

فينظر الظابط في البطاقه ثم ينظر الي حمزه الذي كان يضع يده في جيبه واخرج بطاقه سليم فنظر حمزه الي سليم وقال

عملتها يا ابن، ، وعايزني انا اللي البسها

الظابط بنرفزه لحمزه

خلصنا بقي كنت عايز تقتلها ليه 

فلا يرد حمزه فيقول الظابط

كده يعني مش عايز تتكلم. يا عسكري

ويدخل العسكري الي مكتب الظابط فينظر الظابط الي حمزه ويقول للعسكري

خده وعلقة وخلي يتكلم في ليلة امه السوداء دي 

فيبص حمزه الي سليم. والعسكري يسحبة من ايدة ومايقدرش سليم يسيب عيونه في عيون حمزة فيبص الناحية الثانية،،،،،،،،

ويامر الظابط بخروج سليم من القسم وخرج سليم من القسم وهو يبكي بشده ويقول لنفسه

وسخ انا وسخ كل ده علشان ماتسجنش ايه اللي حصل لك يا سليم من امتي وانت جبان ايه الفلوس اللي تحت الارض عاميتك ما بقتش شايف انت بتعمل ايه ولا انت عايز ايه فوق يا سليم ايه اللي هايحصل تاني بعد ما قتلت نعمه وبعت اخوك هاتعمل ايه تاني يا سليم. 

في هذه اللحظه يرن جرس الموبيل وكان رقم غريب فيرد سليم بحزن شديد ويقول 

الو 

ثم يسكت قليلا ويبان علي ملامحه الغضب ويقول

انا جاي مصر حالا

وبعد مرور كام ساعه يصل سليم الي مصر ويتجه الي بيت عمه وفي هذه اللحظه كان جمال رابط الهام في السرير وبيضرب فيها ومعه والده عم ربيع بيضربها هو كمان وفي بطنها وشيماء تقف وهي حزينة علي اختها وبتترجي الاثنين يرحموها في نفس الوقت اللي كان عم ربيع يقول 

هادفنك حيه لو ماقولتيش اللي في بطنك ده ابن مين

والهام تصرخ من الوجع ولا ترد فيضربها جمال ويقول

قولي الواد اللي في بطنك ده ابن مين 

فيقف سليم خلفهم ويقول

أبني انا يا عمي

فتبص له شيماء وعمه ربيع وجمال والكل مصدوم ويروج عم ربيع ناحيه سليم ويقول له بنرفزة

أزاي ابنك انت يا سليم

سليم وهو يضع وشه في الارض يقول

لحظة ضعف وانا مش عارف انا عملت كده ازاي

فيضربه عمه كذه قلم وراء بعض ويهجم جمال علي سليم ويستعد لضربه فيمسك سليم أيد جمال ويقول

عمي يضربني ماشي لكن انت لا

جمال

انا لا ليه. ده عرض اختي وانا مش هاسيبك غير لما اسيح دمك

ويهجم جمال مره اخري علي سليم ولكن سليم يدفعه بعيد عنه ويقول

لو حطيت ايدك عليه تاني هاخليك تحصل نعمه وانت عارف اللي يقتل مره يقتل تاني وتالت لو حكمت 

ويبص سليم لعمه ربيع فيبلع عم ربيع ريقة بصعوبة ويقول 

نعمه مين دي ومين ده اللي قتل مره

جمال

ده سليم قتل نعمه جارتهم 

فيبص عم ربيع باستغراب الي سليم ويقول

انت يا سليم تقتل 

سليم

اه قتلتها عشان سرقت الختم من رقبه ابويا واديت الختم لواحد اسمه حمدي وباع البيت لي نفسه وهاقتل اي حد يقرب من بيت ابويا

فيبلع عمه ربيع ريقه لتاني مرة بصعوبه ويقول خائفا

انت ايه اللي حصل لك يا سليم بقيت مجرم ولا اية

سليم

الفلوس اللي تحت البيت عندنا خليت سليم الطيب الحنين الفقير الجعان يموت ويتولد سليم مسعور علي الفلوس واوعي تقرب ناحيه المسعور ابدا علشان هاتتعض

عم ربيع

وعشان كده انت عضيت ايدي اللي اتمدد لك بكل خير وضحكت علي بنتي الهام وخسرتها شرفها

فيبص سليم الي الهام ويقول

عمي انا بحب الهام وعايز اتجوزها

فتبص شيماء الي سليم بغضب شديد ثم تبص الي الهام ايضا نظره حارقه كلها غضب وغيرة وتترك الاوضة وتمشي وعم ربيع بيبص عليها ولكنه رجع وبص لسليم وقال 

هو بعد اللي حصل ده لازم تتجوزها عشان الفضيحة

جمال

انت بتقول ايه يا ابويا انا اختي تتجوز الكلب ده. ده انت لازم تقتله

عم ربيع

اقتله وتعيش اختك بفضيحتها ولا يتجوزا احسن يا حمار وبعدين سليم ابن عمها واولي بيها من أي حد تاني 

سليم

وانا اوعدك يا عمي انا هاعيشها ملكه

ويذهب سليم ناحيه الهام ويفك ايديها من القيود وياخذها في حضنه فتنظر له الهام وتقول

اخيرا ها تبقي جوزي

سليم 

اخيرا يا حب عمري

وياخذها ويخرج بها من الاوضة وعم ربيع يبص لهم وهو في قمه غضبه وثورته فيقول جمال

يا ابويا اديني الاذن اخلص عليه ازاي يفضل عايش بعد اللي عمله مع اختي

عم ربيع

تاني يعني انت عايز تموته وابن اختك يتولد ابن حرام لازم يتجوزو. ونستر عرض اختك وبعد كده يغور من هنا

جمال

يعني بعد كده نقتله

عم ربيع

نقتل مين احنا عصابه ده مهما كان ابن اخويا بعد ما يتجوزو ها ندي له قرشين ويطلقها ويغور بعيد عننا،،،،،،

ومن الاقصر ومن داخل قسم الشرطه وحمزه يقف في مكتب الظابط وكانت نعمه وهي رابطه دماغها مكان الاصابه الذي تعرضت لها بسبب زقة سليم لها تقعد قدام الظابط وهي لم تشفي تماما وتقول بصعوبه وهي تنظر لي حمزه 

انا جايه اتنازل عن المحضر اللي عملو عيالي

الظابط

يعني ايه

نعمه

يعني ما فيش حد زقني انا اتزحلقت ووقعت علي دماغي

الظابط

انتي كده بتفرطي في حقك

نعمه

يا بيه انا قولت لك علي اللي حصل ما حدش زقني

الظابط

خلاص ده اخر كلام عندك انتي حره

ويضع المحضر امامها ويقول لها

أمضي هنا

وتبصم نعمه وتنهض وتبص لي حمزه وتقول

قول لي سليم الفلوس اللي شافها عندي في البيت كانت فلوس حته ارض لسه بيعاها عشان جهاز بنتي الكبيرة مش فلوس الختم اللي اتسرق انا كلت عيش وملح مع عم شفيق وعيشت معه اكتر ما عيشت مع ابويا عمري ما أقدر اخونه 

حمزه

هو انتي عارفه اني انا حمزه

نعمه

انا اللي مربياكم مش هاعرفكم من بعض

حمزه

وجيتي تتنزلي عن المحضر وانتي عارفه اني حمزه

نعمه

لا انا جايه علشان اخرج سليم علشان ما ينفعش حد من ولاد عم شفيق يتسجن بسببي. دة ابويا اللي مربيني

حمزة

نعمة حقك علية

نعمة

انا ما بعملش كدة علشانك انا بعمل كدة اكراما لعم شفيق وعلشان ما يزعلش مني اني كنت السبب في سجن عيل من عياله، ،،،،،،،،

ومن داخل اوضة الهام الذي كانت تستعد لفرحها علي سليم تقف شيماء خلف منها وهي تبكي وباب الاوضة مفتوح وقدام الباب يقف جمال وعم رببع وتقول شيماء 

مبروك يا عروسة

فتبص لها الهام ثم تقف وتتجه ناحيتها لكي تاخذها في حضنها ولكن شيماء تبتعد عن الهام وتقول

ما ينفعش

الهام باستغراب

هو ايه اللي ما ينفعش

شيماء

اكون في حضنك وانا مش صافيه ليكي 

الهام

لا انا مش هاستحمل ان اخت،،،،،،،،،

شيماء مقاطعه لها 

هس انا مش اخت حد من هنا ورايح

الهام

صدقيني اللي حصل ده كانت لحظه ضعف

شيماء

يا خوفي من لحظه ضعف اكون انا صاحبتها وساعتها مش عارفه انا هاعمل فيكي ايه 

الهام

ها تعملي ايه 

شيماء

بكره تعرفي وماتنسيش انتي اللي بداتي بالغدر يوم ما خدتي سليم مني 

وتخرج شيماء من الاوضة علشان تلاقي جمال وعم ربيع باصين ليها فيمسك ذراعها وهو يقول بحدة 

ايه اللي انا سمعته ده

شيماء

سمعت ايه

عم ربيع

عايزا تعملي ايه في اختك

شيماء

هاقتلها زي ما قتلتني

عم ربيع

بتقولي ايه

شيماء

بقول اني بحب سليم جدا وهي عارفه كده ورغم كده لفيت عليه وسرقته مني وانا مش هارحمها

جمال 

عايزا تقتلي اختك يا شيماء وعلشان مين الكلب اللي اسمه سليم 

شيماء بجنون 

واقتل اي واحده تفكر تاخد سليم مني

الهام

قبل ما تقتليني انا اللي هاقتلك واشرب من دمك

فتبص شيماء الي الهام بتحدي وتقول

خلينا نشوف مين فينا ها تشرب من دم مين

فينفعل عم ربيع وهو واقف وسطهم ويقول بعصبيه شديده

والله عال ايه اللي حصل لكم يا ولاد ربيع هاتقطعوا في بعض قدامي علشان اللي زي سليم

سليم يقف خلف عمه في هذه اللحظه ويقول

بتنادي يا عمي

فينظر له عم ربيع بنرفزه ويقول

انت هنا. ياللي دخلتك بيتي واكلتك وشربتك وانت لعبت علي بناتي الاتنين 

سليم

اه. لعبت يا عمي. زي ماكله بيلعب. المهم انا جاي علشان اقول لك الماذون بره

عم ربيع

الماذون هو جه 

شيماء

خلي يمشي ما عندناش عروسه للجواز

عم ربيع

يعني ايه الكلام ده

في هذه اللحظه تتالم الهام بشده وهي تمسك بطنها وتصرخ وتقول

أه بطني بطني بتتقطع

فيذهب عم ربيع الي بنته مسرعا وياخذها في حضنه ويقول لشيماء

عملتي ايه في اختك

شيماء بجنون 

سميتها ماحدش هياخد سليم مني ويفضل عايش 

عم ربيع وهو يحضن بنته

ازاي يا شيماء تعملي كده في اختك مش حرام عليكي

شيماء 

وهي مش حرام عليها تاخد مني حب عمري 

جمال

انتي مجنونه. صح. ازاي تحطي السم لاختك عايزها تموت 

شيماء

بلاش انت. دة انت اكتر واحد ضربتنا وكنا ممكن نموت في ايدك في اي علقة من اللي خدناها منك

جمال

انا كنت بربيكم

شيماء

وانا كمان بربيها واعلمها الادب  

سليم

انتي حطتي لها من سم الافعي اللي كان معايا

شيماء

ايوه زي ما قولتي بالظبط

سليم

جدعه وطعم السم عجبك

شيماء

بتقول ايه

سليم

بقول ان السم دلوقتي جوه منك وثواني ومفعوله هايشتغل

عم ربيع

انت بتقول ايه سميت بنتي شيماء

سليم

انا كمان سميتك كل اللي فطر النهارده علي السفره هايموت بسم الافعي 

فتتوجع شيماء وتمسك بطنها وتصرخ هي الاخري فيجري عم ربيع الي بنته شيماء ويقول

حرام عليك عملت ليه كده ده انا عمك اللي مربيك

سليم

ما بقتش عمي يوم ما سرقت ختم ابويا وبعت البيت للكلب اللي اسمه حمدي الراجل بتاعك

عم ربيع باستغراب

ايه ده أنت عرفت ازاي 

سليم

ما فيش وقت احكي لك انت كلها دقايق ومفعول السم يشتغل وساعتها هاتموت

ثم يخرج من جيبه انبول في ماده ويقول

الا لو خد العلاج ده هاتخف ومفعول السم هايروح تحب تشتري حياتك وحياه بناتك

جمال

يعني انا كمان السم هايشتغل في معدتي

سليم

طالما فطرت معاهم لان بصراحة اختك شيماء ماخدتش وقت في اني اقنعها تسمكم كلكم

عم ربيع بتوسل 

هاديك اللي انت عايزه بس ارحم عيالي 

فيخرج سليم ورقه من جيبه ويقول

دي ورقه بيع البيت بتاع ابويا ليا انا. تمضي عليها تشتري عمرك وعمر عيالك مش عايز اقول لك سلام يا عمي وبعد ما كلكم تموتو هورثك 

عم ربيع

موافق تغور الفلوس قصاد حياه عيالي 

فيخرج سليم قلم ويمضي عم ربيع ويرجع البيت لصاحبه فيضع سليم الورقه في جيبه فيقول عمه ربيع

خد اللي انت عايزه ادينا بقي العلاج

فينظر سليم الي عمه ثم ينظر الي الهام وشيماء فيتوقفو الاثنين عن الصراخ فينظر لهم عم ربيع باستغراب شدثد ومعه جمال فيقول سليم

ما فيش سم ولا حاجه. انا ماقدرش اسمك ولا اسم ولادك انت برضو صاحب فضل عليه ، بس والله عيب عليك يا عمي اخوك فضل عيان كام سنه اول ما تروح تشوفه تسرق الختم من رقبته وتبيع البيت لحمدي من الياطن وانت المالك الاصلي للبيت. و كل ده لية علشان الفلوس ده انت ربنا ميسرها عليك ومعاك بدل المليون 20 مستكتر علينا باب الرزق اللي بعته لينا ربنا

عم ربيع

يعني انت كنت عارف كل حاجه

سليم

اضحك عليك لو قولت لك اني كنت عارف كل حاجه انا بس شكيت فيك لما لقيتك جاي الاقصر وقال ايه عايز تطمئن علي اخوك وتبعتني اروح اجيب لك اكله سمك قال ايه برضو نفسك فيها كل ده عشان عرفت بالمقبرة واول ماعرفت من حمدي الكلب بتاعك ان اخوك شفيق تعبان جدا وقرب يموت جيت تزورة مع انك ما جتش دفنته ولا حضرت عزاء. دة كان بيتعبرك زي ابنه 

ويتنهد سليم ويكمل قائلا

تعرف انك غريب جدا يا عمي. طيب مع انك قاسي. يعني

انت عرفت بحوار المقبرة دي من فترة وماهنش عليك تخرج اخوك من البيت وقولت تستني لغاية ما يموت وبعد كدة تغدر بعياله. عيالة اللي انت جيبت واحد منهم وعلمته علي حسابك بس صدقني الفلوس بتعمي القلوب وبتسيب جوة كل قلب اتعلق بيها نقطة سوداء وكل ماحبك يزيد ليها النقطة تكبر وتكبر. ومش هالوم عليك. انا من ساعة ما عرفت ان في مقبرة تحت البيت اتحولت وبقيت شيطان قتلت ولبست اخويا الجريمة. بس لا. انا مش هاخلي النقطة السوداء تكبر انا هاقدر علي شهوة الفلوس.  

ويبكي وهو ندمان 

وهارجع سليم تاني. اللي انا اعرفه. واللي ربنا مارضيش يكتب عليه انه يتغش كتير وكشف له عمه اللي بيحبة واللي كشفك قدام بنتك الهام 

فينظر ربيع الي الهام باستغراب ويقول

الهام. وهي عرفت ازاي

سليم

يوم ما أتصلت ببك عشان عايزا سباك انت خلصت معها المكالمه ونسيت تقفل الخط وهي سمعت كل حاجه وقالت لي واتفقت معها هي وشيماء نعمل عليك التمثيليه اللي انت شوفتها دي يعني الهام مش حامل واختبار الحمل اللي كان مرمي في الحمام ده اختبار بتاع واحده لسه حامل تعرفها شيماء وان شيماء هاتقتل الهام عشاني كله ده كلام كذب 

عمه ربيع

لا برافو عليك طلعت صايع بس لو كان ده تمثيل فمتنساش ان نعمه ماتت وهايتقبض عليك وهتاخد اعدام

فيضحك سليم بشده ويقول

عارف الحاجه الوحيده اللي ندمان عليها اني شكيت في نعمه وايدي اتمدد عليها لكن الغلط مردود

ويخرج موبيله ويتصل برقم نعمه ويفتح الميكروفون ويقول

نعمه حبيبه قلبي

نعمه

ايه ياسليم عامل ايه

فيسمع عم ربيع صوت نعمه فيصاب بذهول ويحدث له حاله دوار و يفقد الوعي علي اثارها فيقول سليم

الله ينور عليكي الراجل سمع صوتك بس مات

نعمه

مين ده

سليم

بعدان اقول لك سلام دلوقتي 

ويبص له سليم ويضحك وتضحك الهام وشيماء ثم يبص سليم لجمال اللي كان واقف مش مستوعب ولا قادر يصدق ان كل دة حصل. فقال له سليم 

لما يفوق ده لو فاق يعني عرفوا اني كلمت نعمه ورضيتها وهي سامحتني. والمليون ج. هايرجعه لي كمان اسبوع ودلوقتي بقي اقول لك كلمة لله يا جمال. اتقي الله في اخواتك 

فتنظر له الهام وتقول

خلاص مسافر

سليم

ماليش قعاد هنا تاني 

شيماء

هتسال علينا تاني ولا خلاص الفلوس هاتنسيك الهام وشيماء

سليم

عيب عليكي كلها يومين وهاجي لكم علشان ادفن عمي

ويبص سليم لعمه اللي لسة واقع علي الارض فتقول الهام وشيماء في نفس واحد

بعد الشر علي بابا

فيبص لهم سليم بحنان الاخ ويقول

خلي بالكم من بعض انتو مالكوش الا بعض ولو حد قرب منكم او فكر ياذيكم عرفوني بس وانا هاتصرف معه

ويبص سليم لجمال، ،،،،،،،

ويرجع سليم الي الاقصر ويقابل حمزه فيقول له حمزه

اول مره اعرف انك واطي جدا

سليم ضاحكا

مش اخوك عايزني ابقي ايه

ويخرج سليم من جيبه العقد فينظر له حمزه ويقول

عملتها ازاي دي

سليم

ربنا هو اللي خلصها علشان خاطر الراجل الطيب الي مات المهم دلوقتي تروح عند قبر ابوك وتقرا لي الفاتحه علشان افتح صفحه جديده بيني وبينك عايزين ننسي اللي فات

حمزه

انا بعد ما دخلت السجن ظلم في حاجه ماعملتهاش اتغيرت وبعد حركه الجدعنه اللي عملتها نعمه انا هامشي عدل 

سليم

والاهم من كده هانفتح المقبره والمليون جنيه بتوع عمك هايرجعوا له

حمزه

ماشي الكلام،،،،،

وبعدها بساعه ومن داخل بيت نعمه يبوس سليم راسها وهو يقول لها

بالله عليكي اوعي تكوني لسة زعلانه مني

نعمه

في اخت تزعل من اخوها

حمزة

وانا كمان مش عايزك تزعلي مني

نعمه

انت ربنا يهديك

حمزة

ماخلاص بقي يا نعمه، ،،،،،،

ويذهب سليم وحمزه الي البيت ومعهم قوه من القسم ويخرجوا رجاله حمدي من البيت ويبدوا في الحفر ويفتحوا المقبره وتتحول حياتهم من الفقر الشديد الي الغنا الشديد وترجع فلوس عمهم ربيع ويغادر حمزه وسليم الاقصر ويعيشوا في مصر ويصبحوا من كبار رجال الاعمال وتتزوج الهام من شاب محترم وشيماء من شاب لا يختلف عليه وتستمر الحياه والكل يعيش حياته بالشكل المفضل له ويساعد سليم الكثير من الطلبه المغتربين والامهات الارامل. ويفضل يسال علي عمه بعد كل اللي حصل. 

                               النهايه 

اتمني من الله انها تكون عجبتكم مستني راي كل اللي شرفني بقراءة القصة