ليالي في سجن العشق
★الحلقة الثامنة★
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن داخل شقة عم فاضل يجلس فاضل علي سريرة في اوضة وبيفكر في اللي ممكن يحصل لحنين بنته بعد الصور والفيديوهات اللي اتبعتت لناس كتير وكان في ايدة الموبيل بتاع ليالي وعمال يبص للموبيل وهو مخنوق وفجاة ينطفي نور الشقة فيقف عم فاضل ويستغرب ويبص من شباك حجرتة فيلاقي نور الشارع كله منور فيستغرب اكثر وينور كشاف الموبيل فيلاقي ليالي في وشة وفي ايدها سكينة وبصا لي بجنون وبتقول
صعبانة عليك حنين وانا ما صعبتش عليك. عشان كدة ليالي قالت لي احرمها منك واخلص عليك. عشان تبقي تعرف تاخد الموبيل بتاعي قوي
وتغرز السكينة في صدر عم فاضل وفجاة يفتح فاضل عيونة ويجد نفسة قاعد علي الركنة اللي في الصالة ومافيش حد معه ويبص ناحية صدرة ميلقيش حاجة ويتنهد ويقول
اعوذ بالله من الشيطان الرجيم. دة كابوس صعب قوي
ربنا يشفيكي يا ليالي يا بنتي خلتيني اتخيل انك في يوم ممكن تاذيني، ،،،،،،،،
وبعد مرور يومين ومن داخل المستشفي المحجوزة فيها علا زميلة عاطف يدخل عاطف الاوضة المحجوزة فيها علا ويبص ناحية علا اللي كانت جنبها مامتها وهو يقول
الف حمد لله علي السلامة
فتبص علا له وهي تمسح دموعها
الله يسلمك يا عاطف
ماما علا
مش تعرفينا بالاستاذ يا علا
علا
دة عاطف زميلي يا ماما اللي حكيت لك عنه
فتغضب ماما علا وتقول بعصبية
وليك عين تيجي لغاية هنا بعد اللي عملتة مراتك
علا
ماما مش كدة. عاطف ملهوش ذنب
ماما علا بنرفزة
اسكتي انتي.
وتبص لعاطف وتقول
شوفت مراتك باللي عملتة كلفت بنتي اية اتحرمت من ابنها اللي كان في بطنها وكمان جوزها طلقها وانتي بمنتهي البجاحة جاي تزور علا
عاطف
ليكي حق تضايقي بس صدقيني انا عمري ما هابقي مبسوط وفي حد اتاذي بسببي او بسبب مراتي
علا
يا عاطف انت ذنبك اية بس الله يجزبها ليالي اللي مش عارفة ازاي تشك ان في علاقة بيني وبينك
عاطف
كل دة مش مهم ان المهم عندي دلوقتي اني اصلح غلطة اتسببت في موت طفل من غير ذنب وخراب عيلة وهاعمل المستحيل وارجعك لجوزك
ماما علا باستهزاء
والله لا فيك الخير ولغاية ما يحصل اللي انت قولتة اتفضل اطلع برة. وياريت ما تجيش هنا تاني
فيحرج عاطف وتصعب علية نفسة ويخرج من الاوضة وعلا زعلانه علي اللي حصل وتبص لي مامتها وتقول
يعني ينفع كدة
ماما علا
اسكتي انتي. انا بعد اللي حصل مش طايقا ولا طايقة مراتة اللي خربت بيتك
علا
يا ماما عاطف زميلي من ايام الكلية وشخص محترم جدا وجدع وعمرة ما كان السبب في اذية بني ادم واللي عملتة مراتة هو ملهوش ذنب في
ماما علا بنرفزة
بت انتي. كل اللي انتي في دة من تحت راسة وراس مراتة . وبس بقي مش عايزا اسمع كلمة تانية، ،،،،،،،،،
وفي نفس الوقت ومن داخل شقة فرج يجلس فرج وعصام قدام شويكار وحنين اللي مكتفين ايدها ورجليها ومكممين بوقها وتقول شويكار لعصام
البت دي قرفتني اخر قرف وطويل الوقت عياط وزن ونكد وما حطتش لقمة في بوقها من يومين
عصام
معذورة تلاقيها خافت من وش امك
شويكار
هي دي اخرتها ماشي يا عصام
عصام
يالا يا بت غوري من هنا
وتمشي شويكار فيجلس فرج قدام حنين ويخلع الكمامة من علي بوقها وهو يقول
مش عايزا تاكلي لية يا قمر
حنين بترجي
ابوس ايدك مشيني من هنا
فرج وهو بيمشي ايدة علي شعرها
ازاي بس دة انا حبيبك عاطف اللي كنت بكلمك علي النت
حنين باستغراب
انت بتقول اية. انا عمري ما كلمت حد علي النت
عصام وهو بيقعد جنب منها من الناحية التانية
ازاي بس قمال الصور الحلوة والفيديو الجميل بتاعك وانتي بتدلعي بالجلبية المحزقة
ويقرب عصام من حنين بمنتهي الخسة ولكن حنين تبعد وشها عنه وهي تقول
أبوس ايدك ورجلك استر عرضي ربنا يستر عرضك
فرج وهو بيقلع حنين هدومها وبيرميها علي الارض وبيقلع هو كمان وبيفك الحبل المربوط بيها رجليها وايديها ويقول
ازاي بس دة انا جايبك عشان اكلك هم يا جمل
وفي هذة اللحظة يسمعوا صوت خبط علي باب الشقة وصوت شويكار بتقول وهي مخضوضة
افتح يا عصام
فيبص عصام لفرج وهو مفزوع ويروح ناحية الباب بسرعة ويفتح عصام الباب فيلاقي شويكار قدامة بتنهج وتقول
الحكومة جاية علي هنا
عصام
حكومة.
وينادي عصام علي فرج ويقول له
الحكومة يا فرج
فيخرج فرج من الاوضة ولكن الحكومة كانت دخلت الشقة فيجري عصام ناحية اوضة النوم اللي فيها حنين فيقول الظابط لاحدي العساكر
هاتو
ولكن عصام يدخل الاوضة وينط من شباك الاوضة الي الشارع وحنين كانت لسة بتلبس هدومها فيمسكها العسكري ويخرج بيها للظابط وهو يقول
عصام نط من شباك الاوضة يا فندم ولقيت دي
فيتكلم الظابط في لاسلكي ويقول
عصام هرب مننا حاصرو المنطقة وحاولو القبض علية
ويبص الظابط لحنين وهي لسة شبة عريانة وبتحاول تلبس هدومها لكن العسكري مانعها. ويبص الظابط لفرج ويقول
مين دي يا روح امك حرامية جديدة معاكم ومرافقها
حنين وهي بتحاول تكمل لبس لكن العسكري بيمنعها فتقول
أنا مخطوفة. الناس دول خطافوني وانا ماعرفهومش وابوس ايدك خلي العسكري يسبني استر نفسي
فيبص الظابط لفرج فيقول فرج
دي كدابة يا باشا دي صاحبتي من علي الفيس بوك وياما كلمتها وهي جايا هنا بكفيها
حنين وهي بتصرخ
والله العظيم كداب انا ماعرفهوش
وتبص حنين للعسكري وتقول
أبوس ايدك سيبني استر نفسي
الظابط
تستري نفسك ازاي. دة انتي كدة متلبسة في قضية دعارة ولازم تتلفي في الملايا البيضاء
حنين وهي بتصرخ وبتعيط
لا. انا ست متجوزة وبنت ناس مستحيل انزل من هنا وانا ملفوفة بالملايا البيضاء
الظابط بعصبية
هو بمزاجك يا روح امك. هاتها يا عسكري
حنين وهي بتحاول انها متاخرجش من الشقة
ابوس ايدك استر نفسي. ابوس ايديكم والله مظلومة انا مخطوفة والله ما جيت هنا بمزاجي
ولكن العسكري يخرج بيها من الشقة وسط صرخات لا تجد اي استجابة، ،،،،،،،،،،،،
ومن داخل القسم تقف حنين وهي في الملاية البيضاء قدام الظابط اللي كان بيتكلم في التيلفون وتبص لفرج وتقول له
ابوس ايدك ورجلك. قول للظابط الحقيقة خلي يسيبني لحالي انا مش هاستحمل الفضيحة اللي هاتحصل لي
فرج وهو متكلبش
انتي عبيطة يا روح امك اقول له اني خطفك واخد فيها بالميت 15 سنة. لكن انا كدة حرامي بس يعني 6شهور وهاخرج
حنين وهي بتعيط
حرام عليك اتقي الله فيا انا عملت لك اية عشان تتبلي علية كدة
فتسمع حنين صوت الظابط وهو يقول
اية يا روح امك مش ناوية تبطلي رغي أية لسة ما شبعتيش منة
حنين وهي بتصرخ من الظلم
انا ماعرفهوش والله العظيم ما اعرفة
الظابط بعصبية
بت. مش عايز اسمع صوت اهلك والكلام دة تقولي في النيابة
فتخاف حنين وتسكت ويبص الظابط لفرج
كنت فاكر اننا مش هانعرف نجيبك. اديك وقعت يا روح امك ومتلبس. وهاجيب لك عصام قريب عشان يونسك في التخشيبة
وينادي الظابط علي العسكري فيدخل العسكري الي الاوضة فيقول له الظابط
خدهم يا ابني،،،،،،،،،،،،
ومن داخل المستشفي تجلس ليالي مع الدكتور وليد ودكتور الزميلة اخصائي عمليات التجميل ويدعي زهير وتبص ليالي لزهير وتقول فرحا
بجد يعني انا ممكن اعمل عملية ووشي يرجع زي الاول
زهير
باذن الله. بس انتي قولي يارب
ليالي
يارب
زهير
بس. عشان اكون صريح معاكي نسبة نجاح العملية 20%
ليالي
مش مهم بس اهو في امل اني اخف وارجع تاني زي الاول
وليد
ولازم تبعدي عن ليالي. اللي بتشوفيها وتتكلمي معها صدقيني دي ما بتحبكيش
ليالي
انا ما بقتش اشوف ليالي خالص ماساعة ما بقيت اخد العلاج
وليد
بسرعة كدة العلاج جاب نتيجة. طيب الحمد لله كدة اطمنك انك قريب قوي هاتخرجي من هنا
ليالي
ياريت. عشان انا بخاف من الناس اللي معايا في العنبر. هو انا بقي مش هاشوف عاطف
وليد
مش هاسمح له يجي يشوفك الا لما ترجعي ليالي بتاعت زمان
ليالي بحب
بس هو واحشني قوي
وليد
تحبي تكلمي
ليالي
اة. وعشان كمان افرحة واعرفة اني ممكن وشي يرجع زي الاول
فيخرج الدكتور وليد الموبيل الخاص به ويتصل بعاطف ويدي الموبيل لليالي فيرد عاطف قائلا
الو يا دكتور
ليالي فرحا
انا ليالي يا عاطف واحشتني قوي.
عاطف بحزن
ليالي مين. انا ماعرفش حد بالاسم دة
ويقفل الموبيل في وش ليالي فتتألم ليالي وتنظر للدكتور وليد وهي تقول
عاطف قفل السكة في وشي
وليد
أكيد الموبيل قفل غصب عنه
ليالي وهي بتعيط
لا. دة انا بقول انا ليالي قالي ماعرفش حد بالاسم دة. هو عاطف زعلان مني ليه. اية اللي حصل، ،،،،،،،،،
ومن داخل اوضة عاطف يجلس عاطف علي سريرة وهو حزين وبيقول لصورة ليالي
انتي اللي وصلتيني لكدة. خلتيني اكون السبب في اللي حصل لعلا وعايش بذنبها. لية يا ليالي تخليني اتخلي عنك واقسي عليكي دة انتي حب عمري
وفي هذة اللحظة يسمع صوت جرس الباب ويقوم يفتح الباب فيلاقي احمد قدامة وبيقول له
الحقني يا عاطف
عاطف بقلق
في اية
أحمد
حنين في القسم
فيصدم عاطف مما سمعه، ،،،،،،،،،،
خلصت حلقة النهاردة اللي يارب تكون عجبتكم. سلام
ايه الجمال والرووووووووعة دي تحفة
ردحذفروعه
ردحذفروعه فظيعه
ردحذفحلوه يارب تفرح حنين
ردحذف