لقيطة للبيع
★الحلقة السابعة★
من تاليفي
محمد منصور *منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبالفعل ينفجر التاكسي ويقع جمال وكانه مغمي علية وسناء تبص للتاكسي اللي بيولع فتجري ناحية التاكسي باسرع مافيها وتبحث وسط النار عن بنتها وتري طفلة رضيعة تحترق فتصرخ وتنهار وتستعد لمد يدها وسط النار ولكن الناس اللي اتجمعت حوالين الحادثة منعوها بالقوة وهي بتبص لهم وبتصرخ وبتقول
بنتي. جوة التاكسي سيبوني الحقها
فتقول احدي الستات اللي واقفة وهي تمنعها
استوعضي ربنا فيها. النار كلت كل حاجة في التاكسي
تصرخ سناء قائلا
لا. لا. بنتي
وتبص للتاكسي بحرقة شديدة اللي رجال المنطقة قدروا يطفوا وخرجوا جثة طفلة رضيعة محترق اجزاء في جسمها وقد فارقت الحياة فتبص سناء للطفلة وهي منهارة تماما من العياط وتقول
لا. لا.
وتلطم علي وشها وتصرخ وهي تاخذ الطفلة المحترقة في حضنها وتقول
اول مرة اخدك في حضني تكوني ميتة. لا. لا.
وتصرخ وتحضن البنت بشدة، ،،،،،،،،،
ومن داخل شقة متوسطة الحال تخص الممرضة منال واثناء نوم منال يرن الموبيل الخاص بها فتفتح عيونها قائلا بصوت نائم
الو. مين
صوت حسام
لقينا سناء
منال باهتمام وهي تعتدل في قعدتها تقول
بتقول اية
صوت حسام
لقينا سناء. عايزك تفوقي وتيجي علي مستشفي العام باسكندرية بسرعة
منال
مستشفي . لية
صوت حسام
سناء محجوزة في المستشفي وفي حالة هياج شديد وفي حضنها طفلة رضيعة ميتة محروقة وماحدش عارف ياخدها منها
منال بخضة
هي بنتها ماتت. محروقة
صوت حسام
مش عارف بقي يا منال. ممكن تيجي بسرعة انا مانع اي حد يستعمل معها العنف
منال
مسافة السكة وهاكون عندك، ،،،،،،،،
وبعدها بساعتين ومن داخل المستشفي تقف منال ومعها حسام في الاوضة المحجوزة فيها سناء واللي ماسكة الطفلة الميتة وضمها الي صدرها وبتعيط وبتقول
اول مرة اخدك في حضني تكوني ميتة. لا. لا. عيطي علشان ارضعك واغير لك هدومك واسرح لك شعرك واجوزك. راجل جدع زي ابوكي
فتقترب منال من سناء وتقول
سناء ممكن تديني العيلة دي اشوفها
فلاترد عليها سناء ولا تبص ناحيتها اطلاقا وتكرر نفس الجملة اكتر من مرة وحسام يقول
واخرتها يا منال هانفضل واقفين قدامها كدة ومش قادرين نعمل حاجة
منال وهي بتبص للعيلة بتركيز شديد تقول
البت دي مش بنتها
حسام باستغراب
انتي بتقولي اية.
منال
بقول لك مش بنتها بنت سناء كان حجمها اقل من كدة وكان عندها صباع زيادة في رجلبها الشمال
وتبص منال لرجل الطفلة وحسام يبص مكان ما بتبص منال ويقول
مافيش صباع زيادة هنا. يعني جمال لعب علبها اللعبة دي وجاب عبلها صغيرة وحرقها جوة تاكسي. اية دة شيطان. منال انتي متاكدة انها مش بنتها
منال
مش بنتها انا متاكدة دة انا اللي شيلت البنت بعد ما دكتور خرجها من الرحم وشطفتها ولبستها هدومها
وتقعد منال قدام سناء وتقول لها
سناء العيلة اللي في حضنك دي مش بنتك. بنتك لسة عايشة
فلاترد عليها سناء وتظل تردد نفس الجملة فتبص منال لحسام وهي تقول
واضح انها اتجننت. من الصدمة
حسام
مسكينة.
منال
طيب لو دي مش بنتها يبقي فين بنتها
حسام
اجابت السؤال دة مع الخسيس اللي اسمه جمال
منال
وهو فين جمال
حسام
محجوز هنا في المستشفي. بعد الحادثة اللي حصلت
منال
لازم تخلي يا حسام يقر بمكان البنت
حسام
بالعقل. والحكمة هاعرف اوصل للبنت وهادفعة ثمن العذاب اللي عيش في البني ادمة الغلبانة دي
ويبص حسام لسناء اللي لاتزال تكرر نفس الكلام وكان حالها يصعب علي الكافر،،،،،،،،،،،،
وبعدها بيومين يخرج جمال من المستشفي ويطلع لاول الشارع ويوقف تاكسي ويقول للسواق
وديني ميامي وهناك هاديك اللي انت عايزة
السواق
هاخد 50ج.
فيفتح جمال باب التاكسي الخلفي ويركب وهو يقول
هاديك 100. بس اطلع بينا
وينطلق التاكسي وبداخلة جمال ،،،،،،،،
ونرجع بالاحداث لكام يوم فاتو. وجمال قاعد علي القهوة وقدام منه مراد وبيبص جمال بطرف عينة لسناء وهي لابسة النقاب وواقفة علي الجانب الاخر من الطريق وتراقب جمال فيقول مراد
اية يا عم مش هانقضي المصلحة دي بقي الناس مستعجلة وعايزين العيل
جمال
مش هانبيع البت دلوقتي علشان الحكومة بترقبني وكمان في واحدة منقبة واقفة هناك ومتبعاني زي ظلي
مراد
وتفتكر مين دي
جمال
انا شاكك انها سناء
مراد
تفتكر
جمال
هاتكون مين غير سناء. الا بقي لو الحكومة عينت مخبرين ستات
مراد
معني كدة ان سناء عرفت ان البت معاك
جمال
شكلها كدة
مراد
طيب والعمل
جمال
اية اللي يخلي سناء تبعد عني
مراد
انها تتاكد ان البت مش معاك
فيسكت جمال للحظات ثم يقول
او البت تموت
مراد مخضوض
لا يا عم جمال. قتل لا
جمال
انت غبي انا برضو هاقتل وش السعد علية
مراد
اومال ناوي تعمل اية
جمال
بما اني انا متراقب فانت هاتروح لعم سلامة التربي وتقول له عم جمال عايز جتة بتاعت عيلة بنت كام يوم تكون لسة مدفونة
مراد
وبعدين
جمال
حادثة وخبطة في تانك التاكسي بتاعي وينقلب التاكسي وتتحرق البت اللي هاتجبها من التربي وانا هاتصاب وسناء تشوف البت وهي بتتحرق
مراد يكمل قائلا
تتفكر انها بنتها. وبكدة تبعد عننا ونشوف طريقنا
جمال
الله ينور عليك وعلي اهلك. بس قبل ما اركب التاكسي هاديك شنطة سوداء وهايكون فيها بنت سناء والبت التانية هاتكون معايا في التاكسي تاخد بنت سناء وتروح بيها علي شقة في ميامي هاجرها باسمك اخرج من المستشفي واجي لك.
مراد
طيب والبوليس مش هايحقق معاك ويسالك عن الحادثة والعيلة الميتة
جمال
انت ناسي اننا سواق تاكسي لو حد سالني هاقول انا وصلت زبونة وبعد ما نزلت لقيت العيلة دي مرمية في التاكسي. وماحدش هايجي في باله ان هاقلب العربية اكتر من مرة علشان افلت ببنت سناء
فيضحك مراد وهو يقول
وربنا انت الشيطان يقول لك يا عمو، ،،،،،،،،
ونرجع. تاني لاحدثنا ومن داخل شقة ميامي يقف جمال قدام مراد ويقول له بعصبية شديدة
فين البت يا روح امك
مراد
والله يا عم جمال البت مش معايا
جمال
ازاي دة انا اديتك الشنطة السوداء. وكانت البت جوا منها
مراد
ما انا مافتحتش الشنطة زي ما انت قولت لي الا لما جيت الشقة
فيمسك جمال لايقة قميص مراد وهو يقول بعصبية شديدة
جري اية يا ابن المراة هو اللي انا بعملة في الناس هاتعملة انت فيا
مراد
والله يا عم جمال ما عملت حاجة. انا جيت الشقة وفتحت الشنطة لقيت حتة لحمة حمرا
جمال باستهزاء
وانا بقي المفروض اصدقك يا روح امك.
مراد
لازم تصدقني علشان هي دي الحقيقة. انا عمري ما خونك
ولكن جمال يتجة للمطبخ وهو يمسك مراد بمنتهي الغل ويسحب سكينة من الدرج ويحطها علي رقبة مراد وهو يقول
فين البت والا هاجيب اجلك
مراد خائفا
والله ماعرف.
ويحاول مراد الخلاص من جمال وهنا تخترق السكينة رقبة مراد والدم يجري زي النهر وجمال يبص للموقف وهو مرعوب ويترك مراد اللي بينزف بشدة ويخرج من الشقة هاربا وهنا يجد امامه حسام ومعه قوة من الشرطة وبيقول له
فين البت يا جمال، ،،،،،،،،،
ومن داخل مستشفي السلام تقف سلوي مرات جمال وهي شايلة بنت سناء علي ايدها ومعها وفاء في الاوضة المحجوز فيها سناء وتقول وفاء فرحا
سناء بنتك اهه. سلوي مرات جمال هربتها منه لما عرفت انه خاطفها منك
فلاتبص لهم سناء ولاتتكلم ولكنها تقف وتروح ناحية بنتها وتبص لها وهي بتعيط وتاخذها من ايد سلوي وهي تقول
اشمعني دي عايشة وبنتي ميتة
سلوي
دي بنتك. يا سناء
سناء تتكرر
اشمعني دي عايشة وبنتي ميتة.
وتذهب بها ناحية الشباك ووفاء تقول
رايحة فين بالبت
في هذة اللحظة تدخل منال عليهم واول ما عينيها تقع علي سناء تصرخ قائلا
أنتو سايبين البت معها ازاي. سناء اتجننت
فيجروا ناحية سناء مسرعين وسناء تقول
موتي زي ما بنتي ماتت.
وترمي سناء بنتها من شباك الاوضة، ،،،،،،،،،،،،،،،
استنوني بكرة باذن الله والحلقة الاخيرة من لقيطة للبيع
نهار الالوان فعلا اتجننت
ردحذفبجد روووعه
تحياتي استاذنا
تم
ردحذفجميله
ردحذف