ليالي في سجن العشق
★الحلقة السابعة★
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن داخل شقة فرج تنام حنين علي السرير وهي مخدرة وفرج وعصام ينظروا لها ويستعدوا لتنفيذ مخطههم الخبيث ويقترب فرج من حنين ويستعد لي اخذ منها شي مش من حقة ولكن الموبيل الخاص به يرن فيخرج الموبيل من جيبة ويبص يشوف مين المتصل فيلاقي رقم المعلم بتاعهم ويدعي سيد فيقول عصام
مين اللي بيتصل دلوقتي
فرج
دة المعلم سيد. اكيد عايزنا في طالعه جديدة
عصام بضيق
ودة وقتة
فرج وهو بيبص للموبيل اللي بيرن
هانعمل اية دلوقتي
عصام
هي فيها هانعمل اية لازم ترد والا هايخرب الدنيا علينا وممكن يبعت لنا اللي يطربق علينا الشقة
فيرد فرج مسرعا ويقول
سيد المعلمين
سيد بغضب
ما بتردش لية يا حيلتها
فرج
كنت نايم يا عم الناس. خير يا معلم
سيد
تيجي دلوقتي انت وعصام عشان عندكم طالعة في اسكندرية
فرج بضيق
اسكندرية
سيد بعصبية
اة. فيلا بتاعت دكتور مسافر هو وعيلته بكرة بالليل عايز الخزنة بتاعت الدكتور دة بكل اللي فيها من فلوس وذهب
فرج
طيب ينفع نجي لك بكرة الصبح يا سيد الناس
سيد بعصبية شديدة
جري أية يا روح امك انا من امتي بقول الكلمة وتترد قولت تيجوا دلوقتي يعني دلوقتي مسافة الطريق تكونو عندي
فيبص فرج لعصام وهو في منتهي الضيق ويقول
حاضر يا معلم جايين
وينهي فرج المكالمة فيقول عصام
ودة وقتة يعني
فرج
حظنا دكر. ولو حبينا نجلي من المشوار دة. هايزعلنا
عصام وهو بيبص لحنين
طيب والحتة الطرية دي نسيبها كدة
فرج
هانربط ايدها ورجليها وبوقها ومسافة السكة ونرجع لها قوام قوام
عصام
دة مش حل. لانها لما تفوق وتلاقي نفسها متكتفه كدة ممكن تفطس او تموت من الخوف واحنا مش ناقصين مصايب
فرج
طيب والحل
عصام
اتصل بالبت شويكار بنت خالتي. تيجي تقعد هنا لغاية ما نرجع من اسكندرية واهه تخلي عينيها عليها
فرج
بس برضو هانكتفها
عصام وهو بيبوس ايد حنين
بس بالراحة عليها البت بسكوتة وما تستحملش
فرج وهو بيبوس ايدها الثانية
علي عيني والله اني اكتفها و اسيبها بس حكم القوي،،،،،،،
ويطلع النهار وعم فاضل واحمد بيلفو علي معظم المستشفيات بيدورا علي حنين اللي اختفت ولكن طبعا ما وصلوش لحاجة ودخل احمد لاحدي الاقسام وحاول انه يعمل محضر اختفاء ولكن القانون بيمنع عمل محضر الا بعد مرور 24 ساعة علي الاختفاء فطلع احمد ومعه عم فاضل والقلق باين عليهم وبشدة ويبص احمد لعم فاضل اللي كان باصص للسماء وبيقول وهو بيعيط
يارب طمني علي بناتي واحدة منهم عقلها راح والثانية اختفت اللهم لا اعتراض اللهم لا اعتراض
فيطبط احمد علي عم فاضل وهو يقول
ان شاء الله خير.
عم فاضل
يارب فعلا يكون خير وما يكنش حصل لها حاجة.
وفي هذة اللحظة يرن موبيل عم فاضل فيخرج عم فاضل الموبيل بسرعه لعله تكون حنين اللي بتتصل ولكن اللي كان بيتصل الدكتور وليد فرد فاضل مسرعا وقال
الو. ايوة يا دكتور
وليد وهو يمسك موبيل ليالي
استاذ فاضل ممكن تيجي لي حالا
فاضل بقلق
خير يا دكتور ليالي حصل لها حاجة
وليد
لما تيجي هاقول لك. لان الموضوع خطير
وينهي وليد المكالمة فيبص احمد لعم فاضل اللي القلق بان علية بشدة وقال
عم فاضل في اية
فاضل
الدكتور وليد عايزني بس من صوته واضح ان في شي خطير
احمد
ليالي حصل لها حاجة
فاضل
ماعرفش. مارضيش يقول لي
احمد
خلاص روح شوف في اية وانا هادور علي حنين
فاضل
مش هاين علية اسيبك تدور علي حنين لوحدك
احمد
معلش المهم تشوف ليالي مالها وانا باذن الله هاوصل لحنين. ،،،،،،،،،
وبعدها بساعه يجلس عم فاضل في مكتب الدكتور وليد وكان عم فاضل يمسك موبيل ليالي ويبص للفيديو والصور بتوع حنين واللي بعاتتهم ليالي لفرج فيبص عم فاضل للدكتور وليد ويقول بحزن شديد
أنت عرفت ازاي يا دكتور ان ليالي عملت كل دة
الدكتور وليد
بالصدفة دخلت عليها الاوضة عشان اطمئن عليها واديها العلاج لقيتها ماسكة الموبيل وبتكلم ليالي اللي في خيالها وبتبعت صور وفيديوهات مدام حنين لي كذة ايميل وبتكلم كل دول علي اساس انهم عاطف
فاضل وهو بيحط ايدة علي دماغة مصدوم من اللي شافة وبيقول
دي فضحت حنين اختها. وياتري حنين هاتعيش ازاي بالفضيحة دي
ويبص فاضل للدكتور ويقول بعصبية
وهي لية تعمل كدة في اختها
وليد وهو بيطبط علي عم فاضل وبيقول
اهدئة يا استاذ فاضل. ليالي عملت كدة عشان تخرب حياة حنين وعشان تكسب حب بالكذب عن طريق النت. لان كل اللي يشوفها يحبها وتحس بانها مرغوبة ولو حتي بالغش وانها لسة حلوة مش مشوهه
فاضل
واختها اللي اكيد لما جوزها هايشوف صور وفيديوهات مراتة علي النت. هايطلقها
وليد
يبقي غلطان استاذ احمد لو ظلم مدام حنين وشيل ذنب اللي عملته اختها
فاضل
مافتكرش ان احمد هايقبل بالفضيحة و،،،،،،،،
فيقاطعه وليد ويقول
استاذ فاضل بلاش نسبق الاحداث ومش لازم استاذ احمد يعرف باللي حضرتك عرفته وممكن كل شي يعدي علي خير ومايشوفش الصور والفيديوهات دي
فيبص له فاضل ويقول
ممكن اشوف ليالي
وليد
بلاش دلوقتي
فاضل باصرار
بس انا محتاج اتكلم مع بنتي
وليد
اي كلام منك دلوقتي مع ليالي بخصوص حنين هايكون لي تاثير سلبي. انا دلوقتي في المرحلة الثانية من علاج ليالي ومش محتاج اي حاجة ترجعني للمرحلة الاولي
فاضل
يعني في امل ان ليالي تخف
وليد
باذن الله هاتخف وهاترجع زي الاول. وانا بعت لدكتور تجميل زميلي ممكن يعالج التشوهات اللي في وش ليالي بالليزر. لاول مرة وبعملية جديدة من نوعها مع الحالات اللي الحرق فيها بيكون من الدرجة الثالثة
فاضل فرحا
بجد يعني ممكن وش ليالي يرجع لطبيعته
وليد
انا بعت له صورها وهو طلب مني اني اجهزها نفسيا الاول لان العملية ممكن تنجح وممكن تفشل لكن مافيش مانع من التجربة والاهم ان ليالي تكون جاهزة للعملية، ،،،،،،،
ومن داخل شقة فرج تفوق حنين من المخدر وتبص حواليها في الاوضة بتاعت فرج وتصرخ ولكن صرختها كانت مكتومه لان بوقها مكمم فتتجة ناحيتها شويكار الفتاة اللي تبع عصام وتبص لها وتقول
اخيرا صحيتي
فتبص لها حنين وتحاول انها تتكلم وتفك ايدها المتكتفة ولكنها لا تستطيع وشويكار تبص لها وتقول
لو عايزا تتكلمي هافك بوقك بس انما ايدك لا. ولو صرختي ها كتم نفسك تاني اتفقنا
فتهز حنين راسها بالموافقة فتفك لها شويكار الكمامه من فوق بوقها فتقول لها حنين
انتي مين وعايزا مني أية
شويكار
مش انا اللي عايزا دة فرج وعصام هما اللي عايزين منك
حنين باستغراب
مين دول وعايزين مني اية
شويكار
بقول لك يا بت انا ماعرفش حاجة هما راحو مشوار صد رد وجائين وهما بقي يحكوا معاكي. انا هنا بس عشان اخد بحسك لان عصام كان خايف عليكي
حنين بعصبية
عصام مين. انا عايزا امشي من هنا
شويكار بعصبية وهي تمسك كمامه الفم
بقول لك اية صوتك هايعلي هاكتم لك نفسك بالكمامه دي انا مابحبش الصوت العالي.
حنين خائفا وهي بتعيط
طيب خلاص. بس والنبي انا عايزا امشي من هنا زمان جوزي وابويا،،،،،،،،
فتحط شويكار الكمامه علي بوق حنين وتمنعها من الكلام وهي تقول لها
بطلي صداع بقي. قولت لك حوارك مش معايا لما يجي فرج وعصام هما اللي جابوكي هنا وهما اللي عايزينك، ،،،،،،
ومن داخل شقة عم فاضل يجلس فاضل علي سريرة في اوضة وبيفكر في اللي ممكن يحصل لحنين بنته بعد الصور والفيديوهات اللي اتبعتت لناس كتير وكان في ايدة الموبيل بتاع ليالي وعمال يبص للموبيل وهو مخنوق وفجاة ينطفي نور الشقة فيقف عم فاضل ويستغرب ويبص من شباك حجرتة فيلاقي نور الشارع كله منور فيستغرب اكثر وينور كشاف الموبيل فيلاقي ليالي في وشة وفي ايدها سكينة وبصا لي بجنون وبتقول
صعبانة عليك حنين وانا ما صعبتش عليك. عشان كدة ليالي قالت لي احرمها منك واخلص عليك. عشان تبقي تعرف تاخد الموبيل بتاعي قوي
وتغرز السكينة في صدر عم فاضل، ،،،،،،،،،،،،،،
خلصت حلقة النهاردة اللي يارب تكون عجبتكم. سلام
ايه الجنون ده
ردحذفايه الجنون ده
ردحذف