الهام واللي كان الحلقة الاخيرة

 دموع تحت اقدام عشق

                   ★الحلقة السابعة★

من تاليفي، ، 
محمد منصور. ** منص **

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                          ‏

وهنا يفتح باب الشقة ويدخل وائل فتبص له عبير وهي تقول

حمد لله علي السلامة يا بابا

لكن وائل لا يرد وهو باصص لشروق وفي عيونه اسئلة كتير واول سؤال اتقال وهو واقف قدام منها بالظبط

الدكتور طلب من مالك ان يتجوز عشق ومالك قال مش هاينفع ولما بساله لية قال اسال شروق. وانا بسالك اهو. 

فانصدمت شروق وعبير وبصو الاختين لبعض فقال وائل بمنتهي الحدة والعصبية

انطقي.

فبصت له شروق مفزوعه فضربها وائل بالقلم. بمنتهي العنف قلم اطاح بيها لبعيد فوقعت شروق علي الارض من قوة القلم فخرجت خديجة من اوضة عشق وبصت لشروق اللي واقعة علي الارض وبتعيط وعبير وخداها في حضنها فقالت خديجة

اية اللي حصل يا وائل.  

وائل وهو بيبص لعشق 

اسالي بنتك.

وراح وائل ناحية شروق ومسكها من شعرها بمنتهي العنف وهنا تبعد خديجة ايد وائل عن شروق وهي تبص له وتقول

مش مكفيك اللي عملتة في عشق. كمان هاتخلص علي شروق

وائل لخديجة

انتي يا خديجة هاتعرفيني ازاي اربي بناتي ولا اية

خديجة

ربيهم لكن مش بالطريقة دي. قربهم منك ضمهم مرة لحضنك حسههم بالحنية 

وائل

حنية اية. بنتك شروق شكلها غلطت مع مالك. غلطة تخلي مالك ما ينفعش يتجوز عشق 

فتبص خديجة لشروق فتقول عبير 

لا. يا بابا ماحصلتش للدرجة دي. 

وائل

طيب فهميني لية مالك قال مش هاينفع يتجوز عشق

عبير وهي مش عارفة تقول اية لكنها قالت

علشان علشان. شروق لما عرفت انه هو بعت الرسالة لعشق بالطريقة المستفزة دي هددتة وقالت له انا اخواتي ما يتعملش معاهم كدة عايز تتجوز عشق تعالي اطلبها من بابا انما تتعامل مع عشق علي انها بت من الشارع . لا. مش هاتتجوزها ولو عشق رضيت تتجوزك تبقي لا هي اختي ولا انا هاخش لها بيت تاني 

فبصت شروق لاختها عبير وخدتها بالحضن ودموع شروق علي خدها مش عارفة تقول اية. ازاي هي كانت وحشة اوي كدة مع واحدة من اخواتها فقالت خديجة

شوفت كنت ظالمها ازاي. نفسي مرة انفعالك ومد ايدك علي واحدة منهم يكون بعد ما تسمعها وتفهم منها هي عملت لية كدة

وائل

طريقة مالك وكلامه معايا كانت ليها معني تاني معني غير كدة خالص معني بتاع حد ماسك ذلة علي حد

عبير

ذلة اية بس يا بابا دة احنا بناتك وتربيتك

وائل

باين علية ماعرفتش اربي

خديجة

لية بس بتقول كدة

فيقعد وائل علي اقرب كرسي يقابلة وكانه انهار وقال

علشان مش مصدق ولا كلمه من اللي قولتيها يا عبير لكن هاعمل نفسي مصدقك علشان اقدر اعيش

فتقف عبير وتروح لوائل وتبوس علي راسه وتقول

بابا لازم تصدق ان شروق ماعملتش حاجة غلط وجواز مالك من عشق لو في مصلحة لعشق هايتم بس خليها علي الله وعليه انا. 

وائل 

هاتعملي اية يعني

عبير

انا هاتصرف مع مالك، ،،،،،،،،

ومن داخل اوضة عبير تقعد عبير مع شروق اللي عماله تعيط وبتقول

الواطي الواطي. انا مش عارفة ازاي صدقت في يوم من الايام انه بيحبني

عبير

اللي بيحب واحدة بجد عمره ما يضحك عليها ويخليها تتجوزه في السر من وراء اهلها 

شروق

طيب والعمل ازاي عشق هاتتجوز مالك بعد ماكان جوزي وانا اللي اعرفه ان ماينفعش الجمع بين اختين 

عبير 

دي بقي نسال فيها عم الشيخ محمود، ،،،،،،

ومن داخل المسجد الكبير في السويس تجلس عبير مع شروق قدام شيخ المسجد الشيخ محمود اللي كان بيقول

بصي يا بنتي سؤالك دة صعب جدا وشائك. وفي اختلاف لكن الارجح والله اعلم ان يجوز الزواج من اخت الزوجة بعد موت الزوجة الاولي. وفي حالة انها لسة عايشة يبقي بعد انقضاء عدتها لان طول فترة العدة هي تعتبر زوجة له ولا يجوز الجواز من الاخت التانية والاولي لسة علي ذمتة طالما طلقها اول مرة ويقدر يرجعها

فتبص عبير لشروق. ثم تبص للشيخ وتقول

يعني الجواز هنا يجوز

الشيخ

بعد نهاية شهور العدة. يجوز طبعا الجواز. لكن دة مش مستحب لانه بيكون السبب في مشاكل كتيرة بين الاختين

عبير

المشاكل حصلت وخلاص يا سيدنا الشيخ،،،،،،،،

ويخرجا الاختين من المسجد وشروق بتعيط فتبص لها عبير وتقول

اية لسة بتحبي وزعلانه انه طلع ينفع يتجوز عشق

في هذة اللحظة يقف وراء منهم مالك ويبص لهم ويقول

حرما.

فيبصو له الاثنين بخضة ممزوجا بالفزع وتقول عبير

انت

مالك

اة. شوفتكم وانتم داخلين الجامع قولت لما اخش اصلي ركعتين لله وبالمرة اشوفكم داخلين لية

عبير

اظن دي حاجة ما تخصكش

مالك ضاحكا

ازاي طيب وانتم كنتم بتسالو الشيخ عن جوازي من عشق ينفع ولا ما ينفعش

عبير

انت كمان كنت بتتصنت علينا

مالك

لا خالص انتم اللي كان صوتكم عالي. و انا كنت عايز استفيد زي ما انتم استفدوا من عم الشيخ

كل الحوار دة يدور وشروق بتبص لمالك باشتياق علي ضيق علي نار قايدة في قلبها جوة منها ميت احساس واحساس. وعبير بتقول

واستفد

مالك

اة. جدا. بس انا بقي مش هاعمل بالاستفادة دي علشان انا عمري ما هاتجوز عشق

فتبص شروق باهتمام وعبير بتقول باستغراب

اومال، ،، ، 

فيقاطها مالك ويقول

لية قولت اني بعت الرسالة وبحبها علشان بس اعلم ابوكي الادب وارد له القلم في بناتة واعرفة ان ولاد صباح رجاله مش زي ما هو قال.  

عبير بضيق

انت غبي. عمك لما قال كدة ماكنش يقصد اهانة امك. كان مضايق علي اللي حصل واللي احنا وصلنا لي من ولاد اخوة اللي ياما اعتبرهم زي ولادة ومابخلش عليهم بجنية

مالك بعصبية لكن صوت واطي

هو علشان اكلنا في يوم في بيتة دة يدي له الحق انه يقل من امي.

عبير

انت لية حاسبها كدة. دة عمك يعني في مقام ابوك

مالك

ابويا مات. وخلاص.  

ويستعد للانصراف ولكنه يقف مرة واحدة ويبص لشروق ويقول

هو صحيح يا ابلة شروق. بابا عرف اللي كان بينا ولا خوفتي تقولي

شروق

انت لية بتعمل معايا كدة دة انا بحبك 

فبصت عبير لشروق بصة كلها ضيق ومالك قال

وانا عمري ما حبيتك. لكن خلصنا. ومش دة حوارنا ودلوقتي بقي الضرب ابتدأ ولو بابا لسة عاوزني اتجوز عشق يبقي الابلة تتجوز الاول والمستخبي يبان

شروق

انت حيوان وقذر بكرهك وبكرهني علشان سلمت لك نفسي

مالك

خلي بالك انا عمري ما كنت هاغدر بيكي بس الذنب ذنب ابوكي. خلي بقي يشرب. ودة اخر كلام عندي لو عمي عايزني اتجوز عشق تتجوزني انتي الاول 

عبير

يا مالك عايز شروق تتجوز ازاي بس وهي مش بنت بنوت انت كدة بتحكم عليها بالفضيحة. ودي في الاول والاخر بنت عمك يعني شرفها من شرفك 

فيبص لها مالك ولا يرد ويسيبها ويمشي ،،،،،،،،

وبعدها بساعة ومن داخل اوضة عشق كانت عشق بتصرخ وبتنادي علي مالك وامها خديجة تجلس بجانبها وتقول لها

مالك في مشوار وجاي يا حبيبتي

فتصرخ عشق كمان مرة وخديجة تحاول ان تمتص غضبها لكنها مش قادرة فندهت علي وائل فدخل عليهم وائل بمنتهي السرعة وقال

في اية

عشق وهي بتصرخ بشدة

انت مين اطلع برة.  

وائل

عشق حبيبتي انا بابا

عشق

انا ماعرفكش عايزا مالك عايزا مالك

خديجة لوائل 

شوف مالك تحت في الشقة. خليها تهدي 

وائل

عايزاني انزل عند اختك صباح. دة مخليا عيالها ما يطلعوش عندنا ولولا مرض عشق ما كنش مالك هو كمان طلع

خديجة

مش وقتة يا وائل و انزل شوف مالك

وائل

مش هانزل. انزلي انتي لو عايزا 

فتبص له خديجة بغيظ وتخرج مسرعا من الاوضة وتنزل لشقة عماد وتخبط علي الباب فتفتح فاطمة وتبص لها وتقول

في اية يا خالتي 

خديجة وهو تلتقط انفاسها بصعوبة

فين مالك

فاطمة

مالك نايم جوة في اوضة

فتدخل خديجة مسرعا الي اوضة مالك وتبص له وتقول له وهي بتنهج

الحقني يا مالك، ،،،،،،،،،

ومن داخل اوضة عشق يجلس مالك بجانبها وهي تبص له وتاكل من ايدة وتبتسم وبيبص لها وائل وخديجة وصعبان عليهم حالها فبعد ما تنتهي عشق من الاكل وتشرب الدواء الخاص بها تنام وعيونها في عيون مالك وبتبتسم لغاية ما تروح في النوم ويخرج مالك وخديجة ووائل من الاوضة ووائل يبص لمالك ويقول

اول مرة في حياتي اشوف مرض علاج. المريض في انه

يشوف حد بيحبة

خديجة

علشان كدة لازم جوازة مالك من عشق تتم في اسرع وقت

مالك

طيب نتجوز ازاي واخت عشق الكبيرة لسة ما تجوزتش. دة حتي ما يصحش

فيبص وائل لخديجة ويقول وائل

مالكش دعوي باللي يصح ومايصحش انا المهم عندي ان عشق تخف من اللي هي في 

مالك

وانا المهم عندي ان اطمئن علي بنت عمي الاول وافرح بيها وهي في الكوشة 

وائل بحدة. وبصوت عالي 

دة تاني مرة اطلب منك تتجوز عشق وانت تتهرب وتجيب سيرة شروق في الموضوع. هو انت اية اللي بينك وبين شروق. 

في هذة اللحظة يدخل رامي ومن وراء منه عبير وشروق ورامي بيقول

هايكون اية اللي بينهم يعني غير انهم ولاد عم

فيبص مالك لرامي باستغراب شديد ووائل يقول له

اخيرا افتكرت ان ليك عم وجاي تسال عليه ولا ناوي تقاطعني زي امك 

رامي وهو بيبوس ايد عمه يقول

حقك عليه. كنت مخنوق شوية من اللي حصل لكني خلاص فوقت وجاي علشان ارجع حبل الود بين العيلتين وبدل ما تبقي فرحة واحدة تبقي فرحتين

وائل باستغراب

تقصد اية

رامي وهو بيحط ايدة علي كتف مالك يقول

اخويا مالك بيتكلم صح لازم شروق تتجوز الاول وعلشان كدة انا جاي اطلب ايد شروق منك. 

فيبرق مالك من شدة الصدمة وعبير وشروق يبصو له،،،،،،،،،

ومن النهاردة كل اللي فات حمادة وكل اللي جاي حمادة تاني خالص