في عيوني حكايتها 2
الرحم الاسود
★الحلقة السادسة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن قدام عرش الملك سفيان تقف روح ومعها عمر وقدام منهم يقف الوزير جايد ويقعد علي عرشة الملك سفيان ويقول جايد
انتي عارفة بخروجك من كهف النار. انك بتفتحي علينا ابواب جهنم. وشياطين الجن مش هايرحموا مملكتنا
روح
عمر جه علشان يحمينا ويحررني بعد الرسالة اللي جت له والرساله دي بعتها عدو لينا
سفيان
اللي بعت الرسالة قدر يخليكي تخرجي من الكهف ويحقق اللي كان عايزه واقدر اقول لك ان خراب المملكة قرب والارواح الملعونة المسجونة تحت الارض هاتخرج وتمتلك جسم كل احبابنا اللي ماتو
روح
انا مش قادرة افهم. تقصد اية يا جدي. بس لو في خراب وانا اقدر امنعه برجوعي للكهف انا مستعدة ارجع تاني
جايد.
ما بقاش ينفع. اللي خرجك اكيد عرف شياطين الجن بان النار المقدسة اتسرقت. وكله دة بسبب الانسي الغبي دة
وشاور جايد ناحية عمر فقال عمر بعصبية
انا ما عملتش كدة الا علشان انقذ روح من الموت يعني كان قصدي خير
جايد
الخير اللي عملته جاي من وراء شر الهلاك
وفي الوقت دة تدخل عليهم الاميرة بحور وتبص لهم وتقول
شر اية اللي بتتكلم عنه يا جايد. انت تزعل ان احبابنا اللي ماتو يرجعوا تاني يعيشوا وسطينا
فتفرح روح لما تشوف والدتها وتقول
امي
ولسة هاتروح ناحيتها فيمنعها الملك سفيان ويقول
روح دي مش امك
روح
ازاي بس دة انا شوفتها وهي بتحكي لي عن اللي حصل لها علي ايد عمر
سفيان بحدة
قولت لك دي مش امك. بحور بنتي ماتت. لكن في روح خبيثة من ارواح شياطين الجن طلعت من تحت الارض وقدرت تمتلك جسم امك
بحور
ازاي تقول كدة بس يا والدي. انا بنتك بحور
وتقرب بحور منهم خطوة فيقول لها سفيان
لو قربتي خطوة تاني ها امر المية تبلعك
فتقرب بحور خطوة كمان وهي تقول
دة لو انت لسة ملك. وليك حكم علي البحور السبع
فيلقي سفيان تعويذة بيامر فيها المية بابتلاع بحور لكن المية تبدأ تبلعه هو فتقول روح
وقفي اللي بيحصل دة حالا. يا امي
فتبص لها بحور وما تردتش وتامر المية بعدم ابتلاع سفيان ويقع سفيان علي الارض وتروح بحور ناحية العرش وتقعد علي العرش وجايد بيقول لها
ازاي تجروي، ،،،،،
لكن بحور تشاور ناحيته بس لدرجة انه يطير خارج لبرة القصر وتبص روح ليها وتقول
امي. انتي ما تعرفيش انا فرحانه ازاي اني شيفاكي قدامي
سفيان بصعوبه
دي مش امك. واوعي تخليها تخدعك
روح
ازاي بس اصدقك يا جدي واكتب عينية دي امي وانا ماصدقت اني شوفتها.
بحور
انا فعلا امك.
وتبص لعمر وتقول
انت ابن سلطان عظيم. بلغه ان الاميرة بحور رجعت وهاضم قبيلته لمملكتها العظمي
عمر بلغة التهديد
لو فكرتي تقربي م،،،،،،،،،
لكن بحور تشاور ناحيته فيطير هو كمان خارجا من القصر وروح بتبص لامها وهي مسحورة بيها، ،،،،،،
وفي نفس الوقت كانت مقابر مملكة البحور السبع بتدات تهتز ويخرج من القبور اجساد يمتلكها ارواح شياطين الجن وبدأ الخراب يحل علي المملكة. ،،،،،،،،،
ومن الاقصر ومن داخل احدي المعابد كانت وصيفة موجودة ويظهر قدام منها جلهوم ويقول لها
هاتفضلي تهربي مني كتير
فتبص له وصيفة وتقول
ابعد عني وعن والدي
وتبص لاحدي التماثيل وتهمس له ويتحرك التمثال ولكن جلهوم يهمس ويهجم علي وصيفة وهو يقول
صدر الامر بموتك يا بنت فارس
وفعلا بدأ جلهوم يهمس بطلاسم كانت بتحرق وصيفة وهنا يظهر شاب جميل جدا يهجم علي جلهوم ويرمي عليه تعويذة تحرقة فيصرخ جلهوم بشدة ويقول
انا بموت بجد. دة ما كنش ،،،،،،،،،،،
ولكن هذا الشاب يمنعه من الكلام نهائي وتتحرك كل عظمة في جسم جلهوم عكس اتجاها وتنكسر وتبرز من اللحم في مشهد مخيف وكان العظام تحولت الي سنون كذا خنحر تقطع لحم جلهوم. ويسقط جلهوم جثة. ويبص هذا الشاب لوصيفة ويقول لها
انتي كويسة
فتبص له وصيفة وتقف علي رجليها يصعوبة وهي بتقول
انت مين وازاي قدرت عليه كدة
الشاب
انا معتز. ابن شيخ الزواية اللي هنا الشيخ رمضان. وانتي مين ولية الراجل دة كان عايز يقتلك
وصيفة
انا وصيفة. وقصتي قصة طويلة. انا ما عرفش فيها الا اخرها بس وهو اني ملعونه. بلعنه رماها علية الراجل اللي انت قتلته دة
وتستعد وصيفة للانصراف فيقول لها معتز
انا مستعد اساعدك واحررك من اللعنه
وصيفة
مافتكرش ان في مخلوق يقدر يحرر جسمي من اللعنه دي
معتز وهو بيمسك ايد وصيفة
انا اقدر
فتبص له وصيفة وتبعد ايدها عنه وتقول
ايدك باردة لية كدة.
معتز بارتباك
من التوتر بس وكمان من الخوف عليكي
وصيفة
انت تعرفني من امتي علشان يوصل خوفك عليه لدرجة ان ايدك تبقي ببرود دة. انت مخلوق من نار
اتصدم معتز وقال
لا. انا انسي
وصيفة
متاكد
وبدات وصيفة تهمس واحدي تماثيل الفراعنه تحرك وامسك بمعتز ومعتز يقول
والله العظيم انا انسي زي زيك
لكن وصيفة تفضل تهمس وتامر التمثال بانه يضغط بشدة علي جسم معتز ومعتز بيصرخ ويتالم فاستغربت وصيفة وقالت لنفسها
لو من اهل الشيطان كان دافع عن نفسه وقدر يتحرر من التمثال باين عليه اني ظلمته
فتامر وصيفة التمثال بانه يسيب معتز فبص لها معتز وقال
انا كنت غلطان اني انقذت حياتك
وسابها معتز ومشي فجريت وراء منه وصيفة وهي بتقول
سامحني بس انت لو مكاني هاتشك في اي شئ حوالين منك
معتز وهو لسة بيمشي ووصيفة وراء منه يقول
ولو انا منهم هانقذك لية من ايد اللي كان عايز يأذيكي وكمان اقتله
وصيفة
معاك حق. وانا مستعدة اعمل اية شئ علشان تسامحني
فيقف معتز. وببص لها ويقول
خليني اساعدك
وصيفة
هتقدر
معتز
هقدر بس خليكي معايا.
ويمد معتز ايدة ناحية وصيفة فتمد وصيفة ايدها وتمسك ايد معتز وتمشي معه، ،،،،،،،،،،،
ومن جوة احدي البيوت يقعد فارس ومعه الغنجمية وقدام منهم اسود رجيم اللي كان بيموت بعد المعركة اللي دارت بينه وبين ابن الشيطان فقال له فارس
انت بتعيش اخر كام لحظة في حياتك. عرفني ازاي احرر بنتي من لعنه الرحم الاسود
اسود رجيم بصعوبه
لازم صاحبة الجسم اللي جوة منه بنتك تموت وبنتك تصبح حرة
فارس
تقصد شوق
اسود رجيم
هي شوق
فارس
يعني علشان احرر بنتي اقتل شوق
اسود رجيم
دة الطريق الوحيد. من الموت تتولد الحياة
ويبدأ جسم اسود رجيم تحيط به النار ويتحرق لتشيع جنازته. وسط ارواح اهل الجن. ويبص فارس للغنجمية فتقول الغنجمية
بموت اسود رجيم متستناش مني اي مساعدة
فارس
هاترجعي لزمنك
الغنجمية
هارجع واعيش اللي فاضل ليا بعيد عن الحرب اللي هادور بينك وبين اولاد الشيطان
فارس
حتي لو عرفتي ان بموت اسود رجيم اصبحت انا الوريث الشرعي والوحيد لعرش مملكة الجن
الغنجمية
انت انسي ازاي تحكم اهل الجن
فارس
انا نص انسي ونص جني. انا ابن اسود رجيم. ومستعد اتنازل لك عن العرش في مقابل
ويسكت فارس فتقول الغنجمية بلهفة وطمع في العرش
اي مقابل انا موافقة عليه
فارس
ساعديني في تغير شكلي
الغنجمية باستغراب
واية الغرض من كدة
فارس
اولاد الشيطان بيدور علي فارس. وانا هاخليهم يلاقو ويخلصو منه كمان
الغنجمية باستغراب اكتر
مش قادرة افهمك
فارس
نفذي اللي بطلبه منك وسخري قدرتك مع قدرتي وخلينا نبدأ بالابن الاكبر للشيطان سام
الغنجمية
ازاي
فارس
هرسمه، ،،،،،،،،،،،،،
ومن جوة بيت صغير في الاقصر يجلس رجل عجوز وهو الشيخ رمضان ومعه مراته خضره. فيدخل عليهم معتز وهو معه وصيفة فيقول الشيخ رمضان
مين دي يا معتز
معتز
دي بنت غلبانه محتاجة مساعدتك
الشيخ رمضان
انا ما امتلكش في الدنيا دي الا العلم
معتز
وهي محتاجة مساعدة من علمك
الشيخ رمضان
لو علي العلم خليها تتفضل
فيبص معتز لوصيفة ويقول
ادخلي متخافيش
فتدخل وصيفة البيت وتحس بالامان ويقفل معتز الباب وهو بيبتسم ابتسامه الشيطان ، ،،،،،،،،،،،،
وبالليل ومن جوة احدي المعابد في الاقصر كان سام يقف يتعبد فسمع صوت خطوات جاية من وراء فبص بسرعه ناحية اللي جاي علشان يشوف رجل عجوز بيمشي بالعافية فراح ناحيته بمنتهي السرعه وبص في عيونه وقال
انت مين
الرجل العجوز
حاول تعرفني
فيقرب سام منه اكتر واكتر وقال
انا عمري ما شوفتك
العجوز
غريبة مع اني اعرفك كويس
سام باستغراب شديد وهو بيبص في عيون العجوز
عرفتك انت،،،،،،،،
وقبل ما يكمل كان العجوز مد ايدة ناحية، ،،،،،،،،،،،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية
إرسال تعليق