لقيطة للبيع
★الحلقة السادسة★
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن داخل احدي المستشفيات ترقد سناء علي سرير والدكتورة تكشف عليها وتغير لها علي الجرح اللي كان بيجيب دم ووفاء تقف بجانبها وتمسك ايد سناء وتتوجع علي وجع اختها وتنتهي الدكتور مما تفعلة وتبص لوفاء وهي تقول بعصبية
ازاي واحدة لسة والدة قيصري الجرح بتاعها يفتح بالشكل دة
فتبص وفاء لسناء وهي مش عارفة ترد تقول اية فتقول الدكتورة
تفضل في السرير لغا،،،،،،،
سناء مقاطعة للدكتورة تقول بصعوبة شديدة
مش هاينفع افضل هنا انا لازم اخرج
الدكتورة بعصبية
تخرجي فين انتي مش مقدرة ان في جرح في بطنك ولازم يلم والا هاتحصل مضاعفات انتي مش هاتقدري تستحمليها
سناء
اصل ا،،،،،،،،،،،
وفاء مقاطعة لسناء
لازم تسمعي كلام الدكتورة. واللي انتي عايزا تعملي انا هاعملة
فتبص سناء لوفاء ومش عارفة تقول اية وبقي الجرح جرحين والوجع بيزيد ووجع سناء علي ضياع بنتها غطي كتير علي وجعها اللي في لحمها، ،،،،،،،،،
وبعدها بكام ساعة ومن داخل العيادة اللي ولدت فيها سناء تجلس الممرضة علي سرير وهي رابطة دماغها اللي جابت دم بسبب خبطة سناء ليها وحوالين منها يقف مجموعة من الممرضات زمايلها والكل يطمئن علي هذة الممرضة فتنضم لهم منال وتبص للممرضة المصابة وتدعي رحاب وهي تقول
رحاب أية اللي انا سمعتة دة
رحاب بعصبية
كله من الزفتة اللي اسمها سناء. دي كسرت دماغ الست اللي كانت عندها وكانت هاتكسر دماغي انا كمان وكل دة علشان مش عايزاني ابلغ
منال
طيب اهدي علشان الجرح اللي في دماغك ما يفتحش
رحاب
انا مش هاهدي الا لما البوليس يقبض عليها. قتالة القتلة دي
منال
هو البوليس جه
رحاب
اة جه. وخد الجثة بتاعت الست اللي كانت هنا.
منال
وماتعرفيش الست دي كانت عايزا اية من سناء وسناء لية قتلتها
رحاب
ماعرفش بس انا دخلت لقيت سناء بتضرب فيها بغل وسناء كانت مضروبة هي كمان وبتقول خطفت بنتي وجاية عايزة تخلص مني
منال
يبقي دي ناهد اخت اللي اسمه نصر اللي هي قالت لي عليها. باين كدة سناء دي غلبانة غلب والدنيا جاية عليها
رحاب
انتي بتقولي اية. دي بوظت دماغ الست وتقولي غلبانة
منال
رحاب. اللي فهمتة منك كدة ان سناء شكلها كانت بدافع عن نفسيها. لان واحدة لسة والدة وقيصري كمان مش هاتفكر تقتل حبا في القتل اكيد هي قتلت دفاع عن النفس
رحاب
انتي بدافعي عنها ليه كدة
منال
ماعرفش. بس هي صعبانة علية ام تولد وماتشوفش بنتها لانها اتخطفت في اول ساعة ليها في الدنيا. انتي مقدرة النار اللي هي فيها دة انتي ام وعارفة يعني اية ضني واللي يجي علي ضناكي انتي ممكن تاكلي بسنانك. بس انا بقي مش هاسكت وهاحاول اساعد سناء لغاية ما توصل لبنتها واعرف مين اللي عمل كدة ، ،،،،،،،،
وتمر كام ساعة وكان جمال يقف قدام مفتش المباحث حسام قريب الممرضة منال وبيبص حسام لجمال اللي كان رابط دماغة اللي كانت مفتوحة بسبب ان جمال خبطها في الحيطة جامد علشان يثبت ان البنت اتخطفت منه وقال حسام
يعني ناهد اخت نصر هي اللي ضربتك كدة واخدت منك البنت
جمال
مش هي يا باشا. اللي ضربتني انا بقول لحضرتك كان معها تلت رجالة وهما اللي ضربوني وخطفوا مني البنت وانا عملت محضر امبارح علشان اثبت في اللي حصل لي وانت حضرتك اتاكد من كلامي
حسام
اة. اتاكد. وعلشان كدة انا محتاج مساعدتك علشان نلاقي بنت اخوك اللي اتخطفت
جمال بحزن
ياريت يا باشا. انت ما تعرفش انا حالتي عاملة ازاي من بعد البنت ما اتخطفت مني
حسام
طيب مع السلامة انت دلوقتي ولما احتاجك هابقي ابعت لك
جمال
حاضر يا باشا.
ويخرج جمال من المكتب بتاع حسام وحسام يرفع سماعة التيلفون مسرعا ويطلب رقم ويرد علية شخص فيقول حسام
في راجل كبير هايخرج دلوقتي من المديرية. عايزك تراقبة زي ظلة واياك يحس بيك
ويحط حسام السماعة وهو يقول
لو طلعت يا جمال بتحور علية وانت اللي خطفت البت وحياة امي ما هاسيبك الا لما اجيب لك اعدام، ،،،،،،،،،،
ومن الاسكندرية يقعد جمال قدام سلوي اللي كانت بتنيم بنت سناء علي رجليها وبتقول
برضو مش عايز تقولي اية حكاية البت دي
جمال
بعدين
سلوي
بعدين اية هو انا مش مراتك ومن حقي اعرف مين العيلة دي ولية جيبتها معاك اسكندرية
جمال بحدة
سلوي. انا مش فايق لرغي النسوان بتاعك. دي بنت اخويا محروس
سلوي
محروس اللي مات
جمال
اة هو. ومراتة ماتت وهي بتولدها وانا خدها علشان اربيها حاجة تاني
فتحضن سلوي البنت وتقول بحزن
يا حبيبتي لسة ما كملتش كام يوم في الدنيا وبقيت يتيمة اب وأم
جمال
اهو حظها بقي.
سلوي
طيب ولية ما ودتهاش لمراتك التانية فايزة
جمال بعصبية
سلوي هاتربي البت من سكات ولا خدها ارميها في الشارع وتشيلي انتي ذنبها
سلوي وهي تحضن البنت.
ترميها في الشارع. لا. حرام انا هاربيها
وتبوسها في خدها. وهي تقول
دة انا حبيتها خالص وبعتبرها وكانها عيلة من عيالي. بس انت ما قولت ليش هي اسمها اية
جمال
لسة ما تسمتش سميها انتي بمعرفتك
سلوي
انا هاسميها وردة علي اسم سماح انور في مسلسل ذئاب الجبل
فيضحك جمال وهو يقف ويقول
يخرب بيت المسلسلات اللي كلت دماغك.
سلوي
قومت يعني.
جمال
اصلي مسافر القاهرة
سلوي
لية بقي الست فايزة وحشتك مش قادر تبعد عنها يوم
جمال
انا مش رايح لفايزة. انا راجع القاهرة علشان عندي شغل. ابقي سلم لي علي العيال
ويفتح جمال باب الشقة ويخرج وسلوي بتبص علية، ،،،،،،
ومن داخل التاكسي الخاص بجمال يجلس جمال خلف مقعد القيادة ويسوق التاكسي متجهه الي القاهرة ويضع الموبيل علي ودانة ويقول
اية يا مراد مافيش جديد
صوت مراد
الصبر يا عم جمال. هي الزباين اللي عايزا عيال دي موجودة كل يوم
جمال
لا. ما ينفعش كدة عايزك تلخص وتدور علي عيلة محتاجة عيل. علشان نبيع ونكسب والسبوبة تفضل دايرة. ولا انا هافضل اكل واشرب واشخخ في بنت سناء ومافيش قرش جاي من وراء منها. دي حتي تبقي واقفة علية بخسارة
صوت مراد
خسارة اية بس دي البت لسة مادخله ليك رزمة الافات
جمال
بطل قر بقي وشوف لنا زبون تاني يشتري البت
صوت مراد وهو يضحك
ونخطفها منه بعد ما يدفع
جمال وهو يضحك
طبعا ونبيعها لغيرة وعلي راي المثل طول ما هما مغفلين احنا مكملين
ويضحك جمال بشدة، ،،،،،،،،
ويمر اسبوع وقد تحسنت حالة سناء الي حد ما وكانت سناء قاعدة في اوضة فوق السطوح اجرتها ليها اختها وفاء من وراء جوزها واثناء ما كانت سناء قاعدة بتبص علي الشارع من شباك الاوضة وبتفكر في بنتها وهنا تسمع صوت خبط وفاء علي الباب فتقوم وتفتح الباب فتلاقي وفاء قدام منها فتقول لها سناء مسرعا
اية عملتي اية
وفاء
ماحدش شاف ناهد معها البت خالص وكل اهل المنطقة شهدوا ان البت اخر مرة كانت مع جمال
سناء
يعني اية. جمال هو اللي خطف بنتي
وفاء
انا بقول لك علي اللي عرفتة. والحكومة قلبة عليكي الدنيا
سناء
طيب يكونو عرفو طريقي منك
وفاء
متخافيش هو انا عبيطة انا مخلية بالي علي الاخر والمهم انك تبقي كويسة والبوليس ما يقبضش عليكي
سناء
مش مهم انا. المهم الاقي بنتي ولو جمال هو اللي خطف بنتي هاقتلة
وفاء
سناء انتي اتجننتي. ما ضيعيش حقك باللي انتي عايزا تعملي دة
سناء بحدة
انا مش عايزا حاجة غير اني اطمئن علي بنتي
وفاء
طيب اهدي وباذن الله نلاقيها سوي
سناء
بنتي مش هاترجع وانا قاعدة هنا مستخبيئة.
وفاء
سناء. انتي ناوية علي اية
فتبص لها سناء ولا ترد، ،،،،،،،،،
وبعد منتصف الليل ومن مدخل بيت جمال تقف سناء في الظلمة لان لمبة البيت كانت محروقة ومستنية رجوع جمال وتمسك في ايدها سكينة وهنا يدخل جمال الي البيت وتستعد سناء للهجوم علية وهنا يدخل مراد وراء جمال وهو يقول
يا عم جمال افتح موبيلك
فيبص له جمال وهو يقول
فصل شحن. في جديد ولا اية
مراد
جديد الجديد. النهاردة الصبح لقيت لك عيلة نفسها في عيل لقيط ومافيش احلي من اللقيطة اللي تحت ايدينا علشان ندي هالهم
جمال فرحا
اهو دة الكلام. وهايدفعوا كام
مراد
30 الف جنية
جمال
اوبا. البت دي رزقها واسع. من ساعة ما خدها والالاف عرفت طريق جيبي
مراد
ولسه. الفلوس جاية كتير. المهم البت فين
جمال
عند مراتي في اسكندرية
مراد
لية بس خليتها بعيد كدة
جمال
علشان الدنيا هنا مقلوبة عليها وكمان امها سناء قالبة الدنيا عليها ومخلية وفاء تسال عليها الرايح والجاي
هنا يدق قلب سناء فرحا ممزوجا بالقلق بعد اللي سمعتة ومراد بيقول
طيب احنا دلوقتي عايزينها
جمال
اهدئة كدة وهات لي كل المعلومات عن العيلة اللي عايزها علشان اعرف هاخطف ازاي البت منهم
مراد
عملت حسابي. وعرفت لك عنهم كل حاجة
جمال
طالما كدة. تبقي تطلع معايا وتحكي لي عرفت اية
ويصعد جمال ومن وراء منه مراد درجات السلم متجهين ناحية شقة جمال وسناء تخرج من تحت بير السلم وهي بتبص عليهم بحذر شديد، ،،،،،،،،،،
ومن داخل الاوضة اللي قاعدة فيها سناء تجلس سناء قدام وفاء وتقول بحرقة
الواطي طلع هو اللي خاطفها ومشحططني عليها. لكن وديني وما اعبد لعلمة الادب جمال الزفت دة
وفاء
سناء احنا واليا وما نقدرش علي جمال دة لوحدينا لازم حد يساعدنا. وكمان اخاف جوزي يعرف اني بشوفك من وراء ويمنعني عنك
سناء وهي بتعيط بحرقة
انا قلبي بيتقطع. بنتي وبنت محروس الواطي مخليها لقيطة ولا كانها بنت حرام وهي بنت ارجل راجل في الحتة. لا وكمان عمال يبيع فيها وعايزاني اسكت دة انا لو طولت اكلة بسناني هاعملها علشان اعرفة ان اللقيطة اللي بيقول عليها كدة امها بميت راجل وتعرف تاخد حقها وحق بنتها
وفاء وهي بتاخد سناء في حضنها وبتعيط علي عياطها وتقول
طيب بس. انا مش عارفة اية اللي حصل في الدنيا عمها ويبيعها وكمان يقول علبها لقيطة ودة اللي كنتي عايزا يحميكي من نصر واختة
سناء وهي بتلطم
كنت غبية غبية غبية. ازاي أامن لواحد زي جمال
وفاء وهي تمنعها عن اللطم وتمسك ايدها
مش هاينفع اللي انتي بتعملي دة.
سناء وهي لاتزال تعيط
انا عايزا بنتي. ياخدني انا ويبعني بدالها بس هي تبقي بخير. دة انا لغاية دلوقتي ما عرفش شكلها ماشوفتهاش مرة واحدة ما سمعتش عياطها. مارضعتش ولا مرة.
وتحط ايدها علي صدرها وكانها بتحضنها وتقول
مخدهاش في حضني. وضمتها زي أي ام. دة استحملت وجع الولادة علشان هي تعيش وتيجي للدنيا وفي الاخر اتحرم منها. طيب لية
وتبص لوفاء وهي تقول
هو انا وحشة اوي كدة وربنا غضبان علية علشان كدة حرمني من بنتي
وفاء
حرام عليكي ماتقوليش كدة. دة امتحان من ربنا ليكي وكل اللي يجيبو ربنا خير. ارضي باللي كتبة ربنا
سناء
استغفر الله العظيم.
وتبص للسماء وهي تقول
يارب رجع لي بنتي. دة انا غلبانة وماليش غيرك في الدنيا
وفاء
بقول لك اية ما تروحي تبلغي البوليس
سناء
البوليس بيدور علية اروح انا برجلي.
وفاء
طيب هاروح ابلغ انا
سناء
ولما جمال يعرف اننا بلغنا عنه. ممكن ياذي بنتي
وفاء
طيب نعمل اية
سناء
انا هاراقب جمال من بعيد لبعيد لغاية ما عرف طريق بنتي وبعد كدة هاخدها منه ولو بالدم
وفاء
سناء دم اية بس. اعقلي
سناء
اللي قتلت مرة علشان توصل لبنتها. تقتل كمان مرة بس بنتي تكون في حضني والدم طالما جري في ايدية. يبقي خلاص
وفاء
خلاص أية
فتبص سناء لايدها ولا ترد، ،،،،،،،،،،،،
ومن داخل مديرية امن القاهرة يجلس حسام في مكتبة ومعه منال الممرضة اللي كانت بتبص له وبتقول
يعني اية يا حسام مش لاقيها حرام تفضل هربانة كدة وهي اصلا هاتطلع براءة من جريمة القتل دي زي ما انت قولت لي
حسام
طبعا هاتطلع براءة دي كانت في حالة دفاع عن النفس
منال
طيب وبعدين كل رجالتك مش عارفين يوصلو ليها
حسام
احنا بنعمل اللي علينا وزيادة دي حتي اختها وفاة تحت المراقبة وبرضو مش عارفين نوصل لحاجة باين كدة ان سناء هربت لبعيد.
منال
ليكون جمال دة خلص عليها
حسام
جمال تحت المراقبة هو كمان ومابيعملش اي حاجة مريبة
منال
تعرف ان سناء دي صعبانة علية اوي
حسام
الصبر ولما جمال دة يقع انا مش هاسمي علية، ،،،،،،،
ومن الطريق الصحراوي تركب سناء وهي ترتدي نقاب عربية بيجو ماجرها مخصوص لمراقبة جمال اللي كان راكب التاكسي بتاعه ورايح ناحية الشقة بتاعتة في اسكندرية ،،،،،،،
وبعدها بساعتين يوصل جمال ويركن التاكسي قدام بيت في اسكندرية وينزل من التاكسي ويدخل البيت وسناء تجلس في البيجو تراقبة من بعيد لبعيد ولايمر سوي كام دقيقة ويخرج جمال من البيت ومعه شنطة سوداء صغيرة وعلي ايدة طفلة رضيعة يلفها بملايا فينخطف قلب سناء وتحس ان دي بنتها وفي هذة اللحظة يقف مراد قدام جمال ويدي جمال الشنطة السوداء. وبمجرد ما تنزل سناء من العربية البيجو يركب جمال التاكسي بتاعه بسرعة وينطلق بالتاكسي ومراد يركب عربية اخري ويمشي مسرعا فترجع سناء للبيجو وتقول للسائق
وراء منه بسرعة
وينطلق البيجو وراء تاكسي جمال وهنا تدخل عربية تانية في تاكسي جمال وينقلب تاكسي جمال اكتر من مرة فتصرخ سناء خائفة علي بنتها وتقول لسواق البيجو بلهفة
اقف الله يسترك
فيقف سواق البيجو فتنزل سناء مسرعا وتجري ناحية التاكسي علشان تطمئن علي بنتها وهنا يخرج جمال من التاكسي وهو مصاب ويقف قدام سناء ويبص في عينيها ويقول
رايحة فين بس يا سناء
فتستغرب سناء وتقول
طالما عرفت اني انا تبقي انت عارف انا بعمل اية هنا. واوعي خليني اطمئن علي بنتي
جمال
مش هاتلحقي. بنتك ماتت. والتاكسي حالا هايولع علشان الخبطة كانت في تانك البنزين
وبالفعل ينفجر التاكسي ويقع جمال وكانه مغمي علية وسناء تبص للتاكسي اللي بيولع فتجري ناحية التاكسي باسرع مافيها وتبحث وسط النار عن بنتها وتري طفلة رضيعة تحترق فتصرخ وتنهار، ،،،،،،،،،،،،
خلصت حلقة النهاردة اللي يارب تكون عجبتكم. سلام
رووووعه طبعا
ردحذفبس اكيد البنت مش فالتاكسي
تحياتي
لا ده اكيد لاحظ انها بتراقبه وعمل أن اللي في أيده ديه الطفله وهي عروسه والبنت لسه مع مراته أصله مش هيضحي بالفلوس عشان هي تسكت وتفكر أن بنتها ماتت يا عيني
ردحذفيارب ترجع بنتها يارب كملوا الله يوفقكم ويسعدكم يارب
ردحذفجميله
ردحذف