الهام واللي كان الحلقة الاخيرة

 في عيوني حكايتها 2 
الرحم الاسود

                   ★الحلقة الخامسة★

من تاليفي، ، 
محمد منصور. ** منص **

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

ومع حلول الليل يبدأ فارس يتسلل الي بيت صبيح البيت اللي قاعدة في بنته وصيفة ودخل البيت وفضل يمشي علي اطراف اصابعه وفتح باب الاوضة اللي قاعدة فيها وصيفة اللي كانت بتبص ناحية الحيطة وعيونها لونهم اسود تماما. وبتحط ايدها علي بطنها وبتصرخ صرخات مخيفة وبينزل منها دم اسود لونه خبيث وشكلة خبيث وفارس بيبص للي بيحصل ومش قادر يفهم ولا يستوعب اللي بيحصل وفي لحظة تنفتح بطن وصيفة ويخرج ولد شكلة مخيف ومن وراء منه ولد اخر. يشبه ومن وراء منه ولد اخر. لايختلف عن الاثنين اللي قبل منه. اولاد الشيطان حضروا والثلاثة بصو ناحية فارس وبدوا يهمسوا بهمسات الشيطان وفارس مش مصدق اللي بيحصل. وبدات ارضية الاوضة تتحول الي رمال متحركه لكن رمال متحركة علي شكل فك تمساح باسنان حادة فبص فارس للمنظر ونط بسرعه برة الاوضة علشان يلاقي قدامه طفل من الاطفال الثلاثة اللي كبر بشكل غريب وبقي عنده حوالي 5 سنين اتصدم فارس وفضل الطفل يبص له ويهمس همسات الشيطان وبدات النار تحيط بفارس من كل مكان ومبقاش عارف فارس يروح فين ولا قادر يستخدم سحره ضد الشر. وبدأ يصرخ والنار بتحرق في ولكن في الوقت ده وقفت وصيفة علي رجليها وقالت

والدي فارس

بص لها فارس بصعوبة وبدات وصيفة تهمس بنفس الهمسات وتحارب اولادها الثلاثة اللي هربو من قدامها خايفين ورجع الهدوء للمكان فقربت وصيفة من فارس ومسكت بايدية وساعدته علي انه يقف علي رجله فقال لها باستغراب شديد 

انتي وصيفة بنتي. ولا انا بنخدع 

وصيفة

لو عايز تتاكد انا مين كل اللي عليك انك تشوفني بقلبك زي ما انا شوفتك بقلبي

وفي الوقت دة كان الشيطان بيقول لجلهوم

اية اللي بيحصل دة يا جلهوم. وصيفة ازاي تبقي في صفة

جلهوم

ماعرفش. في شئ غريب بيحصل

الشيطان بغضب 

امنع الشئ الغريب دة من انه يحصل وخلي وصيفة تنهي حياة فارس 

جلهوم

امرك يا سيدي

وبدأ جلهوم يهمس في ودان وصيفة فتصرخ وصيفة اللي بدات تتحول لشيطانه وتحط ايدها علي ودانها فيقول لها فارس

اية اللي بيحصل لك

وصيفة بصعوبه 

همس الشياطين في وداني. لازم تهرب حالا

فارس

واسيبك

وصيفة بصعوبه شديدة 

انا هلاقيك بقلبي وهحاول احميك من نفسي ومن اولادي

وبدات وصيفة تصرخ باعلي صوتها وتقول

اهرب والا انا اللي هاقتلك بنفسي. اوعي تحاول توصل لي انا اللي هاوصل لك

اتقطع قلب فارس علي حال بنته الطفلة اللي كانت محبوسة جوة عيون شوق لكنه كان لازم يهرب وفعلا هرب وهنا ظهر قدام وصيفة جلهوم وفضل يبص لها وقال

واضح ان اللعنه ما قدرتش تتحكم في جسمك كله وفضل قلبك ملك لفارس.  

وكانت الطفلة وصيفة بتبص له وبتعيط. وهو قال

لكن مش هاخلي قلبك يدمر كل اللي احنا سعينا لي لازم يخضع لينا ويكون ملكنا والا الموت هايكون مصيرك. لانك خلاص جبتي للدنيا اولاد الشيطان اللي هيحكمو اهل الارض والجن.

لكن وصيفة تحط ايدها علي راس جلهوم وهي بتقول

الرحم الاسود اللي نزل منه اولاد الشيطان بكل جبروتهم. انا قادره انهي علي اللعنه دي وعلي اولاد الشيطان مهما كانت قوتهم. لان قلبي وحبي لوالدي فارس والخير اقوي من همس الشيطان 

 فيصرخ جلهوم بشدة وجسمه بدأ يذوب زي الرمال لكنه يهمس جلهوم بالهمسات الملعونه وبعدت عنه وصيفة وهي بتصرخ وبتتالم لكنها قدرت تختفي من قدامه بسرعه البرق وبدأ جلهوم يرجع جسمه زي ما كان. وظهر قدام منه الشيطان وقال له

كل شئ كان محسوب دة كان كلامك ليا

جلهوم وهو بيستعيد اللي راح من جسمه. كان بيقول

الاسطورة عمرها ما كانت كذب. ولعنه الرحم الاسود محدش اتصاب بيها وقدر يفلت منها

الشيطان بغضب شديد

اومال اللي بيحصل دة اية.

جلهوم

حب وصيفة لفارس اكبر واقوي من طلاسم اللعنه. ولو قلبها قدر علي عقلها همس الشياطين مش هايقدر عليها

الشيطان

ببقي نخلي قلبها يتقسم نصين

جلهوم

تقصد انها تحب شخص تاني

الشيطان

بالظبط

جلهوم

ومين دة

الشيطان

الشجاع اللي هاينقذها من أيدك. ويقتلك قدام منها

اتصدم جلهوم ومبقاش فاهم اي حاجة ،،،،،،،،،  

وبرجع فارس للمكان اللي كان في ووقف قدام الغنجمية المتسلسلة وحكي لها كل اللي حصل وقال لها

عندك تفسير للي حصل دة 

الغنجمية 

التفسير الوحيد ان قلب بنتك الطفلة رفض اللعنه وهو دة اللي خلاها تنقذك من ايديهم مع انها مسخرة لهلاك وتدمير اي شخص يقف في وش مخطط الشيطان ومع وجود جلهوم اللي نفسه يدمر كل اهل سلطان

فارس 

وازاي اقدر افك اللعنه دي عن بنتي

الغنجمية

اللي يقدر يساعدك مش انا. اللي يقدر يساعدك اسود رجيم والدك

استغرب فارس جدا وقال

اسود رجيم. هو لسة عايش 

الغنجمية

عايش. وهيساعدك. زي ما انا بساعدك

فارس

والمقابل

الغنجمية

تدمير جلهوم

فارس

باين اوي انك انتي واسود ورجيم وجلهوم اتفقتوا علي الانتقام مني ولما غدر بيكم جلهوم بقيتو في صفي 

الغنجمية

عدو عدوي صديقي. ولو تقدر لوحدك تنهي علي جلهوم وهمس الشيطان. سيبني هنا وروح حاربهم لوحدك

فيفكر فارس للحظات ويلاقي انه فعلا مش قدهم لوحده ومحتاج للغنجمية واسود رجيم علشان ينجي بنته فقال 

واوصل ازاي لاسود رجيم 

في الوقت دة يطلع اسود رجيم من تحت الارض وهو بيقول بخبث 

انت ابني الوحيد. وانا جنب منك وفي خدمتك

فيبص فارس لاسود رجيم. ويشوف رجلية المقطوعه ويقول 

واضح انك خسرت كتير في رحلتك من الارض الاولي لغاية هنا.

اسود رجيم

خسرت ومش هاحب اخسر اي شئ تاني والنهاردة انا في صفك. وماتنساش اني والدك 

فارس 

ودة من امتي. وانت اكتر واحد بتتمني هلاكي 

اسود رجيم

من وقت ما بقي عدوك وعدوي نفس الشخص

فارس

علشان نتفق وادمر معاك جلهوم عرفني ازاي احرر بنتي من اللعنه

اسود رجيم

مافيش قدامك غير طريق واحد وهو، ،،،،،،،،

وقبل ما يكمل ينكسر باب البيت اللي هما في ويدخل شاب اسود في العشرين من عمره ويقف قدام منهم فيقول اسود رجيم

سام. ابن الشيطان الاكبر

 سام بصوت 

الزمن دة ملكنا. مش ملككم

ولسة هايهرب اسود رجيم بص له سام وبدأ يهمس همسات الشيطان. وبدأ اسود رجيم يتحرق وهو بيحاول انه يدافع عن نفسه ضد سام والمعركة كانت بينهم علي اخرها فقالت الغنجمية

حررني ويلا بينا نهرب من هنا

فارس

اهرب قبل ما اعرف ازاي احرر بنتي من اللعنه

الغنجمية

طيب حررني خليني اساعدك. انت مش هتقدر عليهم لوحدك. 

فيفكر فارس للحظات ولقي انه فعلا محتاج لمساعدتها وفك الغنجمية فعلا وقال لها

حاولي تشددي انتبائة. وانا هحاول انقد اسود رجيم منه

الغنجمية

مش هاتقدر. لكن تقدر تضعف قوته 

فارس

ازاي

الغنجمية

ارسمه. وانا هحاول اني اوقفة

وخرج فارس الورقة والقلم وبدأ يرسم سام واتوجع سام وبص ناحية فارس وهمس للورقة والقلم. واتحولت الورقة لثعبان ابيض والقلم لعقربة مخيفة رماهم فارس من ايدة بسرعه لكن سام امر المية اللي في جسم فارس بانها تهبج وتتحول لنهر بيغرق فارس من جوة وفعلا بدأ فارس يغرق ويطلع بجسمه لفوق والمية بتخرج من كل فتحة في جسمه وهنا ادخلت الغنجمية ومنعت بوق سام من الهمس علشان يرجع فارس لطبيعته ويقع علي الارض وهو بيكح بشدة بسبب حالة الغرق اللي كان فيها وقالت الغنجمية

مافيش وقت لازم ترسمه بسرعه علشان انا مش هاقدر امنعه كتير 

فيقف فارس علي رجله بصعوبة ويروح ناحية الورقة والقلم اللي رجعوا لطبيعتهم فسمع فارس صوت همس جاي من وراء منه وهو الابن التاني للشيطان ويدعي هوديني ومعه الابن الثالث داسم ودخل للبيت تمثالين من تماثيل الفرعنه. وحيونات كثيرة وقال لهم هوديني

أقتلوهم 

وقبل ما يهجم التماثيل والحيونات عليهم كانت وصيفة وصلت ووقفت قدام منهم وبدات تطوع كل شي لخدمتها فهرب ولادها سام وهوديني وداسم. من قدام منها ورجع الهدوء للبيت وقالت وصيفة

لازم ترجع يا والدي. لزمنك انا مش هقدر احميك طول الوقت

فارس

مش هارجع الا وانتي معايا

وصيفة

ياريت اقدر. 

وبدات وصيفة تصرخ وتسمع صوت الهمس في ودانها فهربت من قدام فارس وبسرعه وفارس بيبص لها ومش عارف يعمل اية، ،،،،

وفي نفس الوقت ومن عند الشاطي يقف عمر وعلي ذراعه 

الهيكل العظمي الخاص بجثة الاميرة بحور وجه وقت القمر انه ينطمس وظهر الحوت وراح عمر ناحية الحوت وبلعه الحوت ونفس اللي حصل مع جلهوم وروح حصل مع عمر ووصل عمر لكهف النار وهو مش مصدق ان دخل بطن الحوت وطلع عايش ودخل كهف النار لغاية ما وصل لروح قرب منها وحررها من اللي كانت في وكان بيها التعب الشديد بص لها وقال

روح. سمعاني وعرفه انا مين

فتحت روح عيونها بصعوبه وقالت

عمر. انت جيت هنا ازاي

عمر

جيت ازاي دي حكاية طويلة المهم اني انقذك واخرج بيكي من الكهف زي ما بعتي مع الرسول

روح باستغراب

اي رسول

عمر

الرسول اللي بعتي برساله طلبتي فيها المساعدة بعد ما الملك سفيان حبسك هنا في الكهف دة 

فتتعدل روح في قعدتها وتقول

انا ما طلبتش مساعدة. انا هنا في الكهف بارادتي. لكن انت ازاي وصلت لغاية هنا وازاي النار ما حرقتكش 

ووقتها تقع عيون روح علي الهيكل العظمي فتقول 

انت وصلت لهنا عن طريق الهيكل العظمي دة.

فراحت ومشيت ايدها فوق الهيكل العظمي وهنا ظهرت صورة امها وشريط مليان احداث واخر الاحداث انها شافت عمر وهو بيقتل امها الاميرة بحور. فانصدمت وبصيت لعمر وقالت

انت اللي قتلت امي.  

انصدم عمر لانه ما شافش اللي روح شافته وقال

انتي عرفتي ازاي

روح وهي بتبص له بغضب شديد

انت ما تعرفش اني اقدر اشوف كل اللي حصل لامي في الماضي وكاني كنت معها 

وبصت روح لحيطان الكهف اللي بدوا يضغطوا بشدة علي عمر وعمر بيقول بصعوبة

لو ما كنتش عملت كدة كان غادر قتلني.

روح وهي بتبص للحوائط بغضب شديد والحوائط بتضغط اكتر واكتر علي ضلوع عمر وعمر بيحاول انه يقلل الضغط بعض الشئ وقال عمر بمنتهي الصعويه

انا انقذت حياتك لما عرفت انك في حاجة لمساعدة. ودخلت كهف النار علشانك مع انها مخاطرة كانت ممكن تكلفني حياتي. يبقي رد الجميل انك تحرميني من حياتي. انا يا روح غلط زمان يوم ما قتلت الاميرة بحور لكني النهاردة جيت علشان اصلح غلطتي

فتبدأ روح تخف ضغط الحوائط عنه بعض الشي وكانها اتاثرت بكلامه وعمر بيبكي وبيقول

قتلتها علشان ما اتكشفش في مملكة غادر واقدر اكمل مهمتي واحمي قبيلتي من الدمار والهلاك. علي ايد غادر 

ما كنش قدامي غير اني اعمل كدة. قبيلتي كان بيتقتل منها كل عام الف شخص. بسبب هجمات مملكة غادر علينا وبعد ما اصبحت جاسوس في مملكة غادر قدرت اعرف قبيلتي بميعاد هجمات جنود غادر واحميهم. لو كان في ايدي اني اختار بين اني اموت وقبيلتي والاميرة بحور تعيش كنت اخترت اني اموت. انا اخترت الصح في الوقت دة ولو انتي كنتي مكاني وفي ايدك تعملي اي شي علشان تلحقي اهللك وناسك كنتي هاتعملي بدون اي تفكير

فتبعد روح عن عمر حوائط الكهف وتقول له

انا سامحتك يا عمر. عارف لية لاني هنا في الكهف دة بارداتي بتتسلب مني سنين عمري علشان اقدر احمي مملكة البحور السبع من الخراب

عمر

يعني الملك سفيان ،،،،،،،،،

فتقاطعه روح وهي تقول

انا اللي اخترت اكون هنا لان النار المقدسة اتسرقت بسببي وشياطين الجن لو عرفوا هايهجموا علي المملكة ويحكموا عليها بالخراب والدمار. عرفت لية انا سامحتك. لو كنت عرفت انك قتلت والدتي قبل ما ادخل كهف النار كان الموت هايكون مصيرك وعلي ايدي

عمر

يبقي كدة انا انخدعت. وفي حد قاصد ان اللي يخرجك من الكهف واحد من قبيلة سلطان

روح

لية

عمر

علشان مملكة البحور السبع. تبقي ملك لشياطين الجن. والحرب تقوم بين مملكة البحور السبع وقببلة سلطان 

روح

يبقي لازم نبلغ جدي سفيان باللي حصل دة وبسرعه

وتخرج روح ومعها عمر من الكهف بسرعه. وفي الوقت دة يبدأ الهيكل العظمي الخاص بجثة الاميرة بحور يتحرك ويتكسي لحم والظوافر ترجع زي ما كانت وشعر الراس يبدأ ينمو وتقف الاميرة بحور علي رجليها وهي لسة جثة مافيهاش الروح ويطلع من تحت الارض روح سوداء وتدخل في الجسم دة ويبدأ الجسم ينتفض بشكل مرعب ومخيف وفجاة تفتح العيون و،،،،،،،،،،،،،،،

خلصت حلقتنا اللي يارب تكون عجبتكم. مستني رايكم.