لقيطة للبيع
★ الحلقة الخامسة★
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وتروح ناهد ناحية الاوضة وتفتح الباب وتدخل الي الاوضة وتبص ناحية السرير فتلاقي سناء راقدة علي السرير فتقول لها ناهد
نصر هايموت بسببك. وانا مش هاسيب حق اخويا.
وتقفل ناهد باب الاوضة وهي ناوية علي الشر وسناء تبص لها بغل شديد وتقول
وليكي عين تيجي لغاية عندي برجلك بعد ما خدي بنتي مني
وتمسك سناء بطبق استلس تقيل مكانة اكل وترمي الطبق في وش ناهد بمنتهي القوة فتصاب ناهد في جيبنها فتتالم من شدة الوجع وينزل الدم من جيبنها علي وشها كله وتقوم سناء بصعوبة وترمي نفسيها فوق ناهد اللي كانت دايغة بسبب خبطة الطبق في وشها وتجلس سناء فوق ناهد وتمسك الطبق وتخبط سناء. ناهد كمان مرة في جيبنها وهي تقول بحرقة
فين بنتي يا ناهد. فين بنتي ردي علية
فتبعدها ناهد عنها بعد ما خربشت سناء في وشها وتستعد ناهد للهجوم علي سناء اللي بدأ الجرح يشد عليها وناهد بدات تضرب في سناء وتخنقها بمنتهي العنف وهي تقول
انا ماعرفش حاجة عن بنتك لكن اخلص منك وبعد كدة هاوصل لها و هاخلص منها
ولكن سناء جمعت اللي فاضل من قوتها وزقت ناهد بعيد عنها وقامت ومسكت الطبق الاستلس وخبطت ناهد خبطة جامدة جدا علي راسها وهي بتقول بصعوبة
كذابة انتي اللي خطفتي بنتي عايزا بنتي. فين بنتي
وخبطت ناهد كمان مرة وهنا يفتح باب الاوضة وتدخل ممرضة وتبعد سناء عن ناهد اللي كانت قد اغمي عليها من تعدد الضربات فتبص الممرضة لسناء وتقول
اية اللي انتي عملتي دة
سناء وهي بتقف و تضع يدها علي مكان الجرح وتتالم بشدة وتقول بصعوبة
خطفت بنتي. وجاية لغاية عندي علشان تخلص علية
الممرضة وهي تمسك أيد ناهد لتتابع نبضها وهي تبص لسناء تقول
النبض بتاعها ضعيف جدا.
سناء
يعني اية
الممرضة وهي بتسيب ايد ناهد وبتحط ودانها علي صدر ناهد لتسمع دقات القلب ولكن القلب توقف عن النبض فبصت الممرضة لسناء وقالت
دي ماتت
فبصت لها سناء مش مصدقة اللي حصل ، ،،،،،،،،،،
من قدام البيت الساكن في جمال تقف منال قدام باب البيت وتتكلم مع جارة من جيران جمال وتقول لها
ايوة شوفته بعينية دول وهو نازل من البيت وعلي ايدة عيلة صغيرة
منال
ماتعرفيش راح بيها فين
الجارة
لا والله ماعرفش.
منال
طيب هو رجع
الجارة
جمال ما بيرجعش بدري كدة لانة متعود يقعد علي القهوة مع اصحابة لوش الفجر
منال
وفين القهوة دي
الجارة
قهوة المعلم حسن اللي علي اول الشارع
منال
طيب شكرا، ،،،،،،،
ومن قدام القهوة تقف منال وتسال القهوجي عن جمال والقهوجي يقول لها
لا. والله ماجاش النهاردة خالص. هو انتي لامواخذة عايزة اية من عم جمال
منال لاترد علي القهوجي وتقول لنفسها
هايكون راح فين دة. ومعقولة يكون هو اللي خطف البت
وتسيبة منال وتمشي وهي تقول
انا لازم اروح لابن عمي حسام وهو شغال في المباحث واكيد هايقدر يساعدني ويساعد الغلبانة اللي بنتها اتخطفت دي، ،،،،،،،،،
ومن داخل العيادة تقف سناء قدام الممرضة اللي كانت بتبص لها وتقول
تخرجي تروحي فين. انا لازم ابلغ البوليس يجيو يشوفو المصيبة اللي انتي عملتيها دي
فتمسك سناء ايد الممرضة وهي بتبوسها وتقول بصعوبة لانها كانت بتتوجع بسبب الجرح
ابوس ايدك ورجلك. خليني بس اطمئن علي بنتي وبعد كدة اعملي فيا اللي انتي عايزا. بس اعرف بنتي فين واشوفها واخدها في حضني
الممرضة وهي تبعد ايدها عن ايد سناء تقول
انا ماليش دعوي ببنتك. دة انتي عاملة مصيبة وعايزاني اسيبك
سناء
انا ما كنتش عايزا اقتلها والله. انا كنت بدافع عن نفسي
الممرضة
لا بجد. برضو هابلغ البوليس
فتلف الممرضة وتدي ظهرها لسناء وهنا تمد سناء أيدها وتمسك بالطبق الاستلس وتخبط الممرضة علي راسها من الخلف فتقع الممرضة مغمي عليها فتبص لها سناء وتقول
حقك علية. انا عمري ما كنت مؤذية. بس اللي اتخطفت مني دي بنتي ولازم الاقيها
وتضع سناء ايدها علي بطنها مكان الجرح اللي كان بينزف ولكنها فتحت الباب وخرجت من الاوضة وهي بتتوجع بشدة وقفلت الباب وراء منها.،،،،،،،،
وبعدها بساعة ومن قدام شقة وفاء تقف سناء وهي تنزف بشدة وتخبط علي الباب بصعوبة شديدة. فتفتح الباب وفاء فتبص لها سناء وهي تقول
الحقيني.
وتقع سناء ووفاء تصرخ من الخضة علي اختها، ،،،،،،،،
ومن داخل مديرية الجيزة تجلس منال مع ابن عمها مفتش المباحث حسام وتقول له
بس يا سيدي. بذمتك مش ست تستاهل المساعدة
حسام
طبعا. وانا هاساعدها باذن الله. بس في الاول اعرف مين اللي خطف البت جمال ولا ناهد
منال
والله انا حاسة ان جمال دة هو اللي خطفها لانه اختفي بعد ما خد البت وضحك علية وقال ان واخدها يوريها لستها وهي ملهاش ست اصلا
حسام
هانعرف. اديني انتي بس العنوان بتاع جمال دة وانا هاتصرف. ،،،،،،،،،،
ومن داخل احدي الشقق في الاسكندرية تجلس امراة في الاربعينات من عمرها تدعي سلوي وكانت سلوي بتتفرج علي التيلفزيون الي ان يفتح باب الشقة ويدخل جمال وهو شايل بنت سناء وهي بتعيط من الجوع فتبص له سلوي باستغراب شديد وتقول وهي بتبص علي الطفلة
بنت مين اللي علي كتفك دي
جمال
دي بنت اخويا محروس.
سلوي
وجايبها معاك لية
جمال
مش وقتة يا سلوي. وقومي شوفي حاجة للبت خليها تاكل لان شكلها جعان
ويمد جمال ايدة ببنت سناء لسلوي فتبص لها سلوي بعطف شديد وتقول وهي تحاول اسكاتها وتقول
دي عايزة ترضع وتغير
جمال
خديها وشوفي هاتعملي فيها اية.
سلوي وهي تقف تقول
انا هانزل بيها لام احمد علشان ترضعها. وبعد كدة هابقي افهم منك اية الحكاية
جمال
ياريت
وتخرج سلوي من الشقة قاصدة شقة ام احمد وجمال يخرج الموبيل بتاعه ويتصل برقم ويستني لغاية ما يتم الرد فيقول
عمال ترن عليه لية
صوت القهوجي
في واحدة جت سالت عليك وبعديها بساعة بالظبط جه اتنين مخبرين وكانو بيعملو تحريات عنك.
جمال باستغراب
اتنين مخبرين. انت متاكد
صوت القهوجي
اة. يا عم جمال هو انا يعني عبيط عنهم
جمال
طيب ماشي. انا هاتصرف
صوت القهوجي
ما يلزمش أي خدمة
جمال
تسلم
وينهي جمال المكالمة وهو يقول
مين دي اللي سالت علية. ولية المخبرين جم وراها.
ويولع سيجارة ويفكر لدقائق معدودة ثم يقول لنفسه
ممكن سناء فاقت والممرضة قالت لها اني خد البت. تمام. يبقي لازم أأمن نفسي
ويمسك الموبيل بتاعه ويبحث وسط الاسماء الي ان يصل الي رقم امين شرطة يدعي شادي فيتصل برقمه وينتظر حتي يتم الرد ثم يقول
حبيبي. عامل اية. يا امين شادي
صوت شادي
انت عامل اية يا عم جمال
جمال
انا بخير. بقول لك كنت عايز اعمل محضر بتاريخ قديم شوية.
صوت شادي
شوية قد اية
جمال
قد كام ساعة. فاتو. يعني قول امبارح بالليل
صوت شادي
بس كدة من عينية. وعايزني اكتب لك اية في المحضر
جمال
خطف بنت اخويا محروس
صوت شادي
ومين اللي خطفها
جمال
واحدة اسمها ناهد
صوت شادي
ناهد اية
جمال
ناهد عصام جميل
صوت شادي
خلاص يا عم جمال اعتبر المحضر اتعمل
جمال
وعايز معه تقرير طبي بانة تم الاعتداء علية بالضرب
صوت شادي
اعتبرة حصل. بس هاحتاجك تيجي علشان كل شي يبقي قانوني
جمال
بكرة الصبح هاكون عندك
صوت شادي
وانا هاستناك
وينهي جمال المكالمة وهو يضحك ضحكة الشيطان لو كان للشيطان ضحكة، ،،،،،،،،،
خلصت حلقة النهاردة اللي يارب تكون عجبتكم. سلام
لا بجد حلوه بس ليه الحلقات قصيره كدا 🤔🤔🤔🤔🤔🤔تحياتي
ردحذفجميله جدااااااا
ردحذفتم
ردحذف