الهام واللي كان
★الحلقة الخامسة ★
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن داخل شقه ناصر تجلس الهام مع ناصر وهي تبكي بحرقه ويقول لها ناصر
أهدئي طيب وبطلي عياط خلينا نفكر عبد الله ليه عمل كده.
الهام
اكيد عبد الله لسه مصدق اني خونته
ناصر
طيب مختفي فين الفتره دي كلها وليه يوم ماافتكرك بعت لك ورقه طلاقك
الهام
من ساعه ما اختفي عبد الله وفي حاجات غريبه بتحصل كتير من اول ال 5000 جنيه اللي كانو بيجوا ليه كل شهر والشاب اللي ظهر فجاه في حياه بنتي وضحك عليها وعلقها بي وخالها تعصي امري وتهرب معه وتتجوزو كل دي حاجات غريبه وحاسه انها بسبب غياب عبد الله
ناصر
تصدقي انتي صح وضيفي علي اللي حصل لك اني رجعت شغلي وانا مشرف بطريقه غريبه مستحيل تكون طبيعيه
الهام
طيب يعني أيه.
ناصر
ماعرفش
الهام
أنا حاسه أن عبد الله وراء كل اللي بيحصل لنا
ناصر باستغراب
مش فاهم
الهام
ال 5000 اللي بيجيو ليا كل أول شر عبد الله هو السبب فيهم ورجوعك الشغل بردو بسبب عبد الله.
ناصر
صح. يا الهام مين لي مصلحه في أننا نبقي كويسين غير عبد الله
الهام
ومين يحس بينا غير عبد الله.
ناصر
كده عبد الله باع نفسه والتمن اننا عايشين مرتاحين
الهام
ومين اللي أشتري عبد الله وليه باع نفسه وليه طلقني
ناصر
أسئله كتير وكل أجابتها عن عبد الله، ،،،،،،
ومن داخل المزرعه الخاصه بسامي لا يزال يجلس سامي مع عبد الله وصادق وسامي يقول
أنا هافهمك يعني أيه الحكومه ما بتعدمش ميت. الدكتور صادق الدكتور المعالج ليك بعد ماتنقتل لميس مراتي هايقدم تقرير طبي يثبت في انك أخد جرعه كبيره من المضاد الحيوي تفاعل مع الفيرس بطريقه عكسيه سبب لك هبوط حاد في الدوره الدمويه أديت الي موتك يعني بالادله انت كمان هاتموت مقتول
عبد الله بخوف
انت ناوي تخلص مني بجد ولا أيه
فيضحك سامي
لا طبعا. أنت هاتموت كده وكده علشان القضيه بعد ما تتقيد ضدك بموتك تنقفل القضيه من غير دوشه وصداع وبقرشين ندفعهم للسجل المدني نطلع لك بطاقه تانيه بأسم جديد ويموت عبد الله الفقير ويتولد جمال عز الدين رجل ثري كان عايش في الخليج
عبد الله باستغراب
وليه اللفه دي كلها
سامي
ما انا قولت لك عايز قضيه قتل مراتي ماتفضلش مفتوحه كتير. عشان الشوشره ومركزي السياسي
عبد الله
طيب ليه. هامضي علي قسيمه جوازي من مراتك
سامي
دي بقي حاجه تخصني أنا وبس
عبد الله
بس انا من حقي افهم
سامي
مش من حقك أي حاجه أنت حياتك بقيت ملكي من بعد ماجيت لي برجللك
عبد الله
وان قولت انا مش موافق
سامي
مش هتاخد أخر جرعه من العلاج وهاتتحرم من صحتك ومش هاينفعك علاج تاني يعني هاتموت وكمان
ويخرج سامي من جيبه شيك ب 3 مليون جنيه ويقول
وهايضيع عليك الشيك ده
ويعطي له الشيك في يده ولكنه بأسم جمال عز الدين فينظر عبد الله الي الرقم المكتوب في الشيك ويفرح جدا ويقول
ماتخليهم 5 مليون
فيضحك سامي ويقول وهو يقطع الشيك
وماله عشان خاطرك هاخليهم 5. مليون
ويخرج دفتر الشيكات ويكتب به المبلغ الذي طلبه عبد الله ويعطي له الشيك فينظر عبد الله الي الشيك ويمسكه في يده ويقول
هو انت عادي لو سيبت الشيك ده معايا
سامي
طبعا عادي
عبد الله
ومش خايف اخد الشيك واصرفه وماتشوفش وشي تاني
سامي ضاحكا بشده
لا. مش خايف عشان اللي لي الحق يصرف الشيك ده جمال عز الدين بس. مش عبد الله البحراوي يعني انت اللي محتاجني عشان البطاقه اللي هاتصرف بيها الشيك لسه هاطلعها ليك
عبد الله ضاحكا
لا. لعيب
سامي بغرور
لازم اكون لاعيب والا ماكنتش وصلت للمكانه اللي انا فيها دلوقتي عموما أظن كده أننا اتفقنا
ويعطي له قلم ويقول
أمضي يا جمال عز الدين
فيمسك عبد الله القلم وينظر للدكتور صادق ويقول
أخر جرعه من العلاج هاخدها امتي
صادق
لما يأمر الدكتور سامي
سامي
اخر جرعه هتاخدها في اخر يوم ليك وانت عبد الله
عبد الله
وعد
سامي بابتسامه صفراء
طبعا وعد
فينظر عبد الله الي الورقتين ويتردد لي لحظات الي أن قام بالتوقيع عليهما فياخذ سامي الورقتين عقد الزواج والاعتراف بقتل لميس ووضع الورقتين في شنطته واخرج صوره لزوجته لميس ونظر لعبد الله واعطي له الصوره وقال له
دي صوره لميس مراتي احفظ شكلها كويس وقطع الصوره واستني مني تيلفون عشان قبل ما هاتموت هاتروح للقصر بتاعي وتخش اوضه نومي
عبد الله باستغراب
ليه
سامي
هاتعرف كل حاجه في وقتها، ،،،،،
ومن داخل حجره النوم الموجوده في الفيلا الذي تزوجت فيها حنان تجلس حنان مع زوجها ويدعي أمير علي السرير وكانت في حاله من الحب والهيام وتنظر له وتقول
عارف أنا بعيش معاك احلي أيام حياتي
أمير
حبيبتي يا حنان
حنان
عندي ليك خبر هايفرحك
امير
خير يا قمر
حنان
أنا حامل
أمير بضيق
حامل أزاي ده أنا متفق معاكي بلاش حمل أول سنه جواز
وبعدين ده أحنا متجوزين بقالنا شهرين بس
حنان باستغراب
وفيها أيه وبعدين أنت مالك أضيقت ليه لما عرفت أني حامل
أمير
عشان،،،،،
فيسكت امير عندما يفتح باب الحجره ويدخل سامي فتنظر له حنان باستغراب وتنهض مسرعا تحضر الروب وتلبسه فوق قميص النوم مسرعا وهي تقول
أيه ده أنت أزاي دخلت هنا
فيضحك سامي وهو يجلس علي السرير امامها ويضع يده علي شعرها ويقول
دي فيلتي وامير ده تلميذ من تلامذيتي وظروفه علي قده طلبت منه يلعب عليكي ويوقعك في حبه ويتجوزك لكن باسمي أنا
فتبعد حنان يد سامي عنها وتنظر الي امير الذي نهض من علي السرير وكانه لم يراي تحرش سامي بزوجته حنان فتقول حنان
أمير فهمني أيه اللي بيحصل
سامي
أنا جوزك بس أنتي مابصتيش في العقد كويس
ويخرج سامي من جيبه عقد زواجه من حنان فتصدم حنان وتقول
ده تزوير أنا مش مراتك وعمري ما هاكون مراتك أنا وافقت علي أمير.
ثم تقول لي امير
أمير فهمني ايه اللي بيحصل
فينظر لها أمير ولا يرد وعيونه مكسوره وسامي يقول له
بقيت المبلغ اللي اتفقنا عليه هتلاقي في حسابك
فينظر له أمير ويخرج أمير من الحجره وحنان تنظر عليه وعيونها تنزل منها لانها فهمت الملعوب فيقترب منها سامي أكتر واكتر وهو يقول
أنتي يا بت عماله تحلوي ليه ده انا ماصدقت اني خلصت شويه حاجات كانت ورايا وجيت لك عشان أتمتع بيكي
فتنهض حنان من علي السرير مسرعا تحاول الهرب ولكن سامي يمسكها من شعرها ويقول
لا. أنا مافياش حيل اجري وراكي
حنان وهي خائفا
انت عايز مني أيه بالظبط
سامي
عايزك يا حنان أنتي مراتي
حنان
يعني أيه عايزك حرام عليك يا عم سامي أنا مانفعش أكون مراتك ده انا من سن عيالك
سامي
بس بحبك وكفايه أنك شبه الهام حب حياتي اللي عمري مانسيته
ويضمها بين ذراعيه بمنتهي العنف وهي تصرخ وتقول
حرام عليك أنا حامل
سامي وهو يحضنها بمنتهي الوحشيه يقول
وماله وأيه اللي يمنع. يا بت سيبي لي نفسك أنتي مراتي
وتصرخ حنان وهو يغتصبها بلا رحمه، ،،،،،،
وبعد أن أنتهي سامي مما فعله في حنان أتجه الي قصره ودخل حجره نومه فوجد لميس زوجته بقميص النوم وتتحدث فيديو مع عشيقها عماد علي اللاب توب الخاص بها فيدخل عليها سامي وينظر لها وهي تقول
أنت مش عارف أنت واحشتني قد أيه
ثم تنظر لسامي بطرف عينيها وتقول بكيد
أنا لما أشوفك هادلعك
فيتجه ناحيتها سامي بغضب فتنظر له وتقول باستفزاز
أيه عايز تكلم عماد . واحشك صح
فيغلق اللاب ويضع يده فوق اللاب وهو يقول بنرفزه
لمي نفسك بقي أبنك حازم خلاص كلها يومين والبعثه بتعته تخلص ويرجع من امريكا وبلاش يعرف خيانتك ليا
فتبعد لميس يد سامي عن اللاب وتفتح اللاب وتقول
مايفرقش معايا. كتير وبعدين انت مالك خايف عليه ليه قوي كده
سامي
لازم اخاف عليه ده أبني ولو عرف حقيقتك ماعرفش ممكن يحصل له أيه
فتنظر له لميس وتقول
وانت مالك متاكد ليه كده انه أبنك
سامي بغيظ
انتي بتقولي أيه
فترد عليه لميس وهي تنظر في اللاب وبلامبالاه تقول
مش عايزاك تتعشم اوي كده أنه أبنك
ثم تقول لعماد
المهم بقي يا عماد هنتقابل ازاي
فيغلق سامي اللاب مره اخري بعصبيه شديده وينظر لها بغضب شديد ويقول
يعني أيه حازم مش أبني
فتنهض لميس وتنصرف من امامه فيمسكها سامي من ذراعها ويقول
أقفي هنا أنا بكلمك حازم أبني ولا لا
فتنظر الي يده وتقول ببرود
أنت ماسك دراعي وبتتعصب عليه مش خايف لاقول لي بابا وانت عارف ساعتها هايعمل فيك أيه
سامي بعصبيه
بابا بابا. انا زهقت منك ومن أبوكي وقريب اوي هاخلص منكم انتو الاتنين
لميس
انت اجبن من انك تخلص مني
سامي بشر
بقيتي تقوليها كتير قوي بس مسيري أعرفك اني أنا مش جبان لما أبص في عينكي وانتي بتموتي ومش لاقيه حد يلحقك
لميس
ياريت اموت وارتاح من وشك
فيضحك سامي ضحكه أستهزاء
قريب اوي هاتموتي وتاخدي بابا في أيدك وبطريقتي انا هاعرف حازم ابني ولا. لا
ويدفعها علي الارض بعنف فتسقط لميس وهي تبكي بشده وهو يخرج من الحجره وهو ناوي علي تنفيذ خطته ليتخلص من لميس،،،،،،،،
خلصت حلقة النهاردة اللي يارب تكون عجبتكم. سلام
عجبتنا جدا والله تحفة
ردحذفروووعه تحياتي
ردحذف