لقيطة للبيع
★الحلقة الرابعة★
من تاليفي.
محمد منصور. *منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
فتسمي سميرة وهي تمسك البنت وتبص لها وهي تقول
بسم الله ماشاء الله. قمر.
وتمشي بها وفخري يخرج دفتر الشيكات ويكتب المبلغ المتفق علية وبمجرد ما يمسك جمال الشيك يسمعوا صوت صرخة انثي فيبصو كلهم ناحية الصرخة فيلاقو سميرة خارجه من الفيلا وهي راسها بتجيب دم وبتقول
الحقني يا دكتور. البنت اتخطفت
فيفزع الدكتور ويقفز واقفا ويقول
بتقولي اية يا سميرة. اتخطفت يعني اية
سميرة وهي حاطة أيدها علي مكان الجرح اللي في راسها وبتقول
انا بمجرد ما دخلت بالبنت للفيلا لقيت اتنين رجالة مخبيئن وشهم واحد خبطني بحديدة في دماغي والتاني خد البت من ايدي وهربو الاثنين جري من باب المطبخ اللي وراء
فخري
دول عارفين هايدخلو ازاي الفيلا وهايخرجوا ازاي
جمال
كدة يا باشا اللي خطف البت عارف كل تفصيلة في فيلتك
فخري
باين كدة. بس مين اللي خطف البت وخطفها لية
جمال
اكيد دة واحد ابن حرام
فخري بعصبية
وانا هاعرفة وهاعرف مين ساعدة يخش الفيلا ويخطف البت
ويبص فخري لسميرة بشك فتقول سميرة
دكتور فخري انت شاكك فيا ولا اية. دة انا شغالة عندك من سنين
فخري
ماحدش غيرك يعرف بحوار العيل اللي هانشتري غيرك. لما كنت بتكلم مع اختي هند النهاردة وماحدش كان معه البت غيرك وانتي اللي تعرفي تسيبي باب المطبخ مفتوح علشان اللي يخش يخش وبعد كدة تطلبي اللي انتي عايزة علشان البت ترجع
سميرة بخزن
الله يسامحك يا دكتور انا هاعمل دة كله
فخري
اومال مين غيرك يا واطية
جمال
طيب يا دكتور نقدر احنا نساعد في حاجة
فيبص فخري لجمال ومراد ويقول لهم بحدة
لا. امشوا ونصيحة بلاش حد يعرف باللي حصل هنا
مراد
ماتقلقش يا دكتور. دة انا الراجل بتاعك
ويمشي جمال ومعه مراد وفخري يبص لسميرة بغضب شديد. ،،،،،،،،،
ومن داخل العيادة اللي ولدت فيها سناء تفوق سناء من البنج فتلاقي قدام منها الممرضة اللي شافت جمال وهو واخد البت وتدعي منال فتقول لها منال
حمد لله علي السلامة
سناء بصعوبة
الله يسلمك. هو انا خلفت ولد ولا بنت
منال
جيبتي بنت زي القمر
سناء بابتسامة رضا
الحمد لله. يبقي هاسميها نورا. زي ما ابوها كان عايز
منال
ربنا يحفظهالك من اي شر
سناء
يارب
وتبص سناء حوالين منها باحثه عن بنتها نورا ولكنها لا تري اي اطفال في الاوضة فتستغرب بشدة وتقول
اومال هي فين
منال
عمها خدها من كام ساعة علشان يوريها لستها
فتجلس سناء بصعوبة وتقول
ستها مين
منال
ماعرفش بس هو قالي كدة
سناء
اللي جابني هنا هو اللي خدها ولا حد تاني
منال
اة هو. مش دة يبقي عمها زي ما قال لي
سناء
هو عمها فعلا. بس امه وامي ميتين يعني ملهاش جدة
منال باستغراب
ماعرفش بقي. هو قال لي كدة حتي انا قولت له بلاش علشان البت ما تبردش وهو قال لي انه هايوربها لستها وجاي ومن ساعتها مجاش
فتخبط سناء علي صدرها وتقول
يبقي بنتي حصل لها حاجة. واكيد عمها قال لك كدة علشان يحميها من نصر واختة لكن باين كدة ماعرفش يحميها منهم
وتلطم علي وشها وهي قلبها بيتقطع وتقول
شكل ناهد خدت بنتي منه
وتحاول النهوض ولكن منال تمنعها وهي تقول
الحركة دلوقتي غلط عليكي علشان الجرح اللي في بطنك
سناء وهي تحاول ابعاد منال عنها وهي تقول
اوعي بنتي اتاخدت مني. وعايزاني اقعد هنا
منال
مش هاتقدري تتحركي.
سناء
هاقدر. بس اطمئن علي بنتي
وتقف سناء علي رجلها وهنا تصرخ من الوجع لان الجرح شد عليها ولكن سناء تحاول انها تمشي ومنال تقول لها
اقعدي اللي انتي بتعملي دة ممكن يسبب مشكلة والجرح يفتح
سناء بعصبية شديدة وبحرقة علي بنتها تقول
جرح اية. انا في ستين داهية المهم بنتي. انا عايزا بنتي
منال وهي تقعد سناء علي السرير بالعافية وسناء بتتوجع بشدة. تقول
اهدي وانا ممكن اساعدك
سناء
هاتعملي اية
منال
اديني عنوان عمها دة وانا هاروح اساله علي بنتك ولو معه البنت هاجي لك واخادك ونروح لغاية عنده
سناء
ولو بنتي اتاخدت منه
منال
انا ليا ابن عمي شغال في المباحث هاخلي يدور لك عليها. بس نطمئن الاول عليها ممكن يكون عمها هو اللي خدها منك
سناء بطيبة قلب
لا. مستحيل دة عمها واكيد هيخاف عليها ويحميها،،،،،،،،،،
وبعدها بساعة ومن داخل جراج. يجلس رجلين ومعهم امراة ترضع نورا بنت سناء ويقول رجل منهم
الرجل الاول
هو اتاخر لية كدة
الرجل التاني
زمانة جاي في السكة.
وفي هذة اللحظة يفتح باب الجراج ويدخل عليهم جمال ومراد ويبص لهم الرجلين ويقول الرجل الاول
اتاخرت لية كدة يا عم جمال
جمال
كنت في مشوار
ويروح جمال ناحية نورا ويشيلها وهو بيبص لها ويقول
تعالي يا وش السعد
فيستغرب مراد بشدة ويقول
هو انت اللي خطفت البت
جمال وهو بيضحك
اية رايك مش انا دماغي متلكفة
مراد
طيب لية
جمال
علشان بدل ما بايعها مرة ابايعها اكتر من مرة. ودة بقي شغلك انت
مراد باستغراب
مش فاهم
جمال
بص يا غشيم. انت بحكم شغلك مع الدكتور هاتصطاد الزباين اللي مبيخلفوش ونفسهم في عيل واحنا معانا اللقيطة
ويبص لنورا وهو يقول
نبيع هلهم واول ما نقبض الفلوس نخطفها ونبيعها لغيرهم وبكدة نلم من وراء وش السعد دي الفات
مراد
طيب وانت عرفت ازاي تفاصيل فيلا الدكتور من جوة
جمال
خربت لهم الكهرباء عمومي وبعت لهم راجل من رجالتي علي انه من مصلحة الكهرباء وصلح لهم الكهرباء ورسم الفيلا من جوة هنا في دماغة وعرفنا ازاي نخش وازاي نخرج بس بعد ما الشيك بقي في ايدي.
ويضحك جمال وهو بيبص لمراد اللي مصدوم ويقول مراد
ولو اتمسكنا في مرة
جمال
مش هايحصل لاني عارف انا بعمل اية. خليك انت بس معايا وانا هاكسبك ذهب بس اصطاد لي كام زبون مريش كدة زي فخري
مراد
وماله نصطاد يا عم جمال. وربنا يخلي لنا اللقيطة اللي هاتبيض لنا ذهب
ويبص مراد لنورا ،،،،،،،،،،،
وصباحا ومن قدام باب العيادة يقف تاكسي وتنزل من التاكسي ناهد وتحاسب سائق التاكسي وتدخل الي العيادة وتسال احدي الممرضات
اختي جيت هنا امبارح علشان تولد ما تعرفيش هي محجوزة في اني اوضة
الممرضة
اسمها اية
ناهد
اسمها سناء
الممرضة
اة دي في اخر اوضة علي الشمال
فتضحك ناهد ضحكة شريرة وتقول
شكرا
وتروح ناحية الاوضة وتفتح الباب وتدخل الي الاوضة وتبص ناحية السرير فتلاقي سناء راقدة علي السرير فتقول لها ناهد
نصر هايموت بسببك. وانا مش هاسيب حق اخويا.
وتقفل ناهد باب الاوضة وهي ناوية علي الشر، ،،،،،،،،
خلصت حلقة النهاردة اللي يارب تكون عجبتكم. سلام
احداث مأساوية رائعه
ردحذفتم
ردحذفحلوه اووووي
ردحذف