تحت الارض
★الحلقة الرابعة★
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ثم يخرج حمدي من جيبه صوره عقد بيع البيت وعليه ختم عم شفيق ويعطي العقد لسليم وحمزه ويبصا الاثنين في العقد وهم منفعلين جدا ويقول حمزه وهو يرمي العقد في وش حمدي
العقد ده مزور خد اللي معاك طول واطلع بره
حمدي
يا. علي البجاحه بتطردتني من بيتي
سليم
بيت مين اطلع بره بالذوق بدل ما تطلع بالعافيه
فيغضب رجال حمدي ويستعدوا للهجوم علي سليم فيمنعهم حمدي من الهجوم عليهم ويقول
لا بلاش طول مهما كان ولاد الراجل الطيب
سليم
اسمع يا حمدي انت احسن لك تمشي من هنا علي رجليك بدل ما اخليك تخرج من هنا علي نقاله
حمدي
انا مش هاخرج من بيتي انتو اللي هاتخرجوا من هنا وكلمه تاني من اي حد منكم انا هاخلي رجالتي يشيلوكم ويرموكم بره فا بالذوق كده اطلعوا من بيتي
فيخرج الشيخ راضي من البيت ومعه جوده والرجال وكان حمزه يقول لهم
ماحدش يخرج من هنا ده بيتنا وماحدش ها يقرب ناحيته
ولكنهم يخرجوا ويبص حمدي للثلاثه حمزه وسليم وجمال
ويقول لهم
وانتوا ماخرجتوش ليه انا مش عايز في يوم من الايام يتقال ان حمدي حمدان افترا علي حد
حمزه
احنا مش هانخرج من هنا
حمدي
سامحني يا شفيق عيالك هايخلوني اعمل حاجه مش بحب اعملها
ويبص الي رجاله ويقول
ارموهم بره
ويهجم الاربع الرجال علي حمزه وسليم وجمال ويمسكوهم من ملابسهم وسط مقاومه من الثلاثه ولكن بلا فائده ويلقوا بهم بره البيت ويغلقوا الباب وينصرفوا من امام البيت ويجلسوا علي قهوه فيبص جمال الي حمزه ويقول
يعني ايه ما فيش ذهب ما،،،،،،،،
فيضع حمزه أيده علي بوق جمال ويقول له
بس انت هاتفضحنا
سليم لحمزه
الراجل ده كداب ابويا لو كان باع البيت كان هايقول لي بس اللي محيرني ان ختم ابوك علي العقد وابوك معلق الختم ديما في صدره مين خد الختم من ابوك وختم بي علي عقد البيع
حمزه
صح مين خد الختم احنا لو وصلنا للي خد الختم من رقبه ابوك هانثبت ان البيع ده مش صحيح
جمال
اكيد اللي خد الختم حت كان بيقعد كتير مع ابوك لوحدهيم
فينظر سليم الي حمزه ويقول
مافيش غير حمزه انا كنت ديما في مصر علشان كليتي وحمزه يبيع نفسه علشان الفلوس
فيبص جمال الي حمزه ويقول
صح انت اللي كنت قاعد مع عم شفيق واكيد بعت البيت لحمدي ده قبل ماتعرف ان تحت البيت مقبره
حمزه
ازاي يعني وحمدي ده انا اول مره اشوفه ولو انا اللي بيعه ماكان قال جوه انا مشتري منك
ثم يبص حمزة لسليم
وبعدان ليه ميكنش انت اللي بعت البيت انت كنت قاعد معه اخر كام يوم ولوحدك وبردو انت محتاج الفلوس زيي
وعرفت بحوار المقبرة وطبعا قاصد باللعبة دي انك تتحكم فيا وتذلني
فيضحك سليم ويقول
انا ابيع بيت ابويا عشان خاطر الفلوس انت اكتر واحد عارف انا بحب ابويا قد اية وعارف ومتاكد اني مش ممكن اعمل كده بدون علمه
جمال
يعني لا انت ولا هو بعيته البيت اومال مين اللي باعه
حمزه
طيب ماممكن يكون ابوك باع البيت علشان مصاريف علاجه الغاليه
سليم
لو ابوك باع البيت كان قال لي ماكنش خب عليه حاجه زي دي وبعدين ابوك هايوصل لوزير سابق ازاي ويبيع له البيت كمان لو ابوك هو اللي باع البيت كان باع لواحد من اهل البلد حد يعرف ابوك وابوك يعرفه وغير ده كله فين ال50 الف جنيه اللي خدهم ابوك من حمدي ده. اسمع مني ابوك لو هايموت من المرض والجوع عمره ما هيببيع البيت ده ابدا حمدي ده نصاب وعرف ان تحت البيت مقبره فعرف يوصل لختم ابوك وختم بي اوراق بيع البيت
حمزه
ومين عرف حمدي ده بان البيت تحت منه مقبره
سليم
السؤال الاهم مين ادي الختم لي حمدي
حمزه
ما فيش غيرها اللي كانت بتقعد مع ابويا ديما لوحديهم
سليم
هي مين دي
حمزه
نعمه
سليم
انت عبيط ولا مجنون نعمه اللي كانت بتخدم ابوك هي اللي تخونه وتسلم الختم لحمدي
حمزه
احنا في زمن تصدق في اي حاجه
سليم
صح زمن خلي الابن ميحطرش دفنه ابوه
فتنزل الكلمه علي حمزه كانه قلم فيقول حمزه
بلاش نتكلم في الموضوع ده وخلينا نروح لنعمه نشوفها عملت ليه كده
سليم
نعمه ماتعملش حاجه زي دي نعمه كانت بتحب ابوك زي ابوها واكتر مستحيل تغدر بي
حمزه
انت عشان طيب فاكر الناس كلها طيبه زيك وانا اهو وانت اهو لو ماطلعتش نعمه هي اللي سرقت الختم من ابوك
سليم
طلع نعمه من دماغك نعمه مش غداره
حمزه
طيب تعالي معايا عندها وانا هاثبت لك انها هي اللي غدرت بي ابوك،،،،،،
ومن قدام بيت نعمه يقف الثلاثة ويخبط حمزه علي الباب فتفتح نعمه فتجد الثلاثه فتنظر الي سليم وتقول
خير يا سليم بتخبطوا عليه في الساعه المتاخره دي ليه
حمزه بمنتهي العصبيه
طيب قولي اتفضلوا ولا هانتكلم علي الباب كده
فلا تنظر له نعمه وتنظر الي سليم وتقول
سليم في ايه انا ست عايشه لوحدي مع عيالي مش هاينفع حد يخش بيتي في ساعه زي دي
سليم
نعمه احنا عايزين نسالك سؤال وهانمشي علي طول
فتفتح الباب علي اخره وتقول
لو في حد هايخش بيتي هو سليم بس انما حد تاني لا
وتنظر الي حمزه فيقول لها حمزه
يعني هانخش الجنه خش انت سليم واحنا هنستناك هنا
ويدخل سليم وتغلق نعمه الباب خلف منه ويقف حمزه وجمال علي الباب ويقول جمال
هي مالها الست دي قرفانه منك ليه كده
حمزه
اصل انا عمري ما حبيتها ولا هي حبيتني سيبك منها،،،،،،
وفي نفس الوقت في القاهره ومن داخل بيت عم ربيع كانت الهام تجلس مع اختها شيماء في اوضة الاخيره وكانت الهام تمسك الموبيل الخاص بها وتتفرج علي صورها مع سليم وشيماء تمسك موبيلها وتفعل نفس الشي فتنظر شيماء علي ملامح وجه الهام الفرحه لانها تشاهد صور سليم فتغلق شيماء الموبيل وتقول
بتتفرجي علي صور سليم صح
الهام مرتبكه وتغلق موبيلها مسرعا
انتي عرفتي ازاي
شيماء
من الفرحه اللي علي وشك
الهام
طيب ما انتي كمان كنتي بتتفرجي علي صوره
شيماء
عرفتي ازاي اني كنت بتفرج علي صور سليم
الهام
كان باين عليكي
شيماء
هو احنا ازاي بنفكر في نفس الحاجه اللي تخص سليم مره واحده
الهام
يعني ايه مش فاهمه
شيماء
يعني لما حبيت اكلمه علشان اسمع صوته كنتي انتي بتكلمي ولما حبيت اشوفه فتحت الصور انتي كمان عملتي زي ايه بقي للدرجه دي بتحبي
الهام
مش قولنا خلاص الموضوع ده مش هايفرق كتير انا بحبه ولا لا المهم ان الهام تفضل اخت شيماء
شيماء
حبيبتي الهام
وتاخذها في حضنها وتقول
بس ده مايمنعش انه واحشني
الهام
عارفه لو وحده غيرك قالت الكلمه دي كنت قطعت راسها
فتضحك شيماء وتقول
علي فكره انا كنت لسه سيباكي بتتفرجي علي صوره وماقطعتش راسك
وتضحك الهام ولكن سرعان ما يتحول هذا الضحك الي دموع بشكل غريب وكل واحده منهم تتذكر حبها له، ،،،،،،
ومن امام باب بيت نعمه لايزال حمزه وجمال يقفون امام الباب في انتظار خروج سليم من عند نعمه وينظر جمال الي حمزه وكان قد مل من الانتظار
في ايه يا عم كل ده سليم جوه
حمزه
انا عارف اتاخر ليه كده
وفجاه يسمعو صرخه نعمه فينظر جمال الي حمزه ويخبط حمزه علي باب البيت وهو يقول
سليم افتح يا سليم
فيفتح سليم الباب ويخرج من بيت نعمه مسرعا ويجري وحمزه ينظر له ويقول
مالك يا سليم بتجري ليه
ولكنه لا يرد عليه فيدفع جمال باب البيت فيجد نعمه غرقانه في دمها وجنب منها فلوس كتير، ،،،،، ،
ومن القاهرة. كان عم ربيع قاعد في مكتبة ورن الموبيل بتاعه فرد عم ربيع قائلا
ايوة يا حمدي. تمام وولاد شفيق شربوها.
ثم يسكت للحظات ويقول
اوعي يكون حد شك انك مش وزير او مش صاحب البيت
ثم يسكت للحظات ويقول
خلاص. عدي كام يوم كدة وابدأ حفر. عايز دهب المقبرة كلة علي اخر الشهر يكون في حضني
وينهي عم ربيع المكالمة ويقول
معلش يا شفيق بقي. انت اة اخويا وكنت بتعتبرني زي ابنك وانا عملت باصلي و سيبتك عايش في البيت معزز مكرم. لغاية ما موت. بس انا اولي بالذهب دة من عيالك. ومتخافش برضو عيالك هايفضلو في عينية
ويضحك عم ربيع ويبان الوش التاني للطيب، ،،،،،،،
خلصت حلقة النهاردة اللي يارب تكون عجبتكم. سلام
تحفة ايه الجمال ده
ردحذف