الهام واللي كان الحلقة الاخيرة

 كيان والشيطان 3
اله الشر

               ★الحلقة الرابعة عشر★

                        والاخيرة 

                        

من تاليفي،،
محمد منصور. منص 

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

خرجت خلايا من ايد عفاف من غير ما تحس هدير وراحت الخلايا ناحية الحقنة اللي بتموت الخلايا الاصطناعية وكانت عفاف بتقول علشان تلهي هدير

صدقيني انا امك. مش فاكرة عيد ميلادك العاشر والهدية اللي جبتهالك. العروسة الباربي.  

بدات تتاثر هدير وعفاف بتقول

اول يوم ليكي مدرسة. لما الكلب عضك وانا شيلتك وجريت بيكي علي المستشفي. وسهرت جنبك ليالي 

هدير اللي بدات تضعف قالت بحرقة 

بس. بس. اسكتي 

عفاف

اسكت لية علشان بقول الحقيقي انا. مامتك وهفضل مامتك اللي عمرها ما حبت ولا هتحب غيرك. 

ومسكت عفاف الحقنة وقدرت تغرزها في دماغ هدير. وبدات هدير تتوجع ووقعت علي الارض وقامت عفاف وقفت وفضلت تبص ل هدير وهي بتتوجع وقالت

كنتي فاكرة انك هتقدري عليه. مهما كنتي اقوي مني فانا افضل جيل اتوجد في اجيال الذكاء الاصطناعي

وهنا تسمع عفاف صوت ضحكة انثي جاية من عند باب المخزن بصت ل باب المخزن لقيت غامبيا داخلة المخزن اتصدمت وقالت باستغراب شديد 

غامبيا

غامبيا

كويس انك فكراني يا نمرة صفر. 

عفاف

انا ماقدرش انسي اي حد من ريحة الدكتور روبرت

غامبيا

روبرت حبيبي اللي انتي قتلتي بعد ما خلي منك روبوت بلا عيوب. بنتك هدير كشفتك لانها بتقدر تشوف وتحس بكل ذكرياتك. لعبة الجينات ولا نسيتي،،،،،،،،

ونرجع بالاحداث ل كام ساعه. وبقينا في ايطاليا وبالتحديد جوة مركز الابحاث الايطالي وغامبيا قاعدة قدام هدير اللي متوصل بيها كل اسلاك عملية زرع الذكاء الاصطناعي جوة المخ. وبرضو جسم هدير مش عايز يقبل. الخلايا الصناعية بدات غامبيا تتعصب ويبان عليها الغضب فقالت لها هدير بصعوبه 

انا تعبانه جدا وعايزا اخرج من هنا

غامبيا بمنتهي العصبية

كان ممكن تخرجي بس بغبائك خدي الحقنة المضادة للخلايا الصناعية. ودة خلي عملية زرع الخلايا عندك شبة مستحيل. بقيتي روبوت وفي نفس الوقت مش روبوت الحقنة عملت عندك خلل في كل وظائف الجسم

هدير

يعني اية هموت

غامبيا

سيموني رئيس المافيا مش عايزك تموتي وانا بعمل كل اللي اقدر عليه. لكن تعبت ومابقتش قادرة. الوحيد اللي كان يقدر يعدل من حالتك هو دكتور روبرت حبيبي وشريكي. لكن مع الاسف مات

هدير

وانتي الصادقة اتقتل في فيلته.

غامبيا

انا حاسة انه اتقتل بس ما فيش دليل مادي علي كدة. بعد ما تم تشريح الجثة عن طريق افضل دكتور تشريح في ايطاليا 

هدير

كنت فاكراكي اذكي من كدة. الجثة اللي تم تشريحها مش جثة دكتور روبرت 

غامبيا باهتمام شديد

انتي بتقولي اية.

هدير

بقول اللي شوفتو في ذكريات امي عفاف 

غامبيا بتركيز شديد

شوفتي اية.

هدير

واية ثمن المعلومات اللي عندي 

غامبيا

هرجعك بلدك مصر. بس قولي شوفتي اية

هدير

شوفت اتنين راجل وست واحد شبه بابا. والتانية شبهي بياكلو جثة دكتور روبرت

غامبيا اللي الصدمة كانت هتشلها

تقصدي ان رقم 1. و. 2 هما اللي قتلو دكتور روبرت

هدير

لا. اللي قتلت دكتور روبرت عفاف امي

غامبيا بغضب شديد

عفاف. الخاينة. وشوفتي اية كمان في ذكريتها

هدير

شوفتها وهي بتدفن اللي فاضل من جثة روبرت بعد ما رقم 1. و. 2. هربوا من قدمها اول ما شافوها. وقدرت تحضر جثة تانية ل شبية دكتور روبرت اللي كانت محضرها. 

صرخت غامبيا من كتر وجعها علي حبيبها روبرت وبدات تكسر اي شي قدام منها ووقعت علي الارض منهارة فقالت لها هدير

تفتكري ان الصرخة دة رجعت حق اللي اتقتل غدر.

بصت غامبيا ل هدير ودموعها بتجري علي خدودها.

تقصدي اية هدير

هدير

العملية صفر. لازم تموت

غامبيا

تقصدي عفاف

هدير

عفاف دي امي وماتت. انما اللي موجودة العميلة صفر ودي اللي لازم تموت. وبكدة يبقي حق امي رجع.

غامبيا

وحق روبرت كمان يكون رجع

هدير

مش هقدر عليها لوحدي انتي كنتي من ضمن فريق دكتور روبرت. ساعديني اخلص منها

غامبيا وهي بتقف علي رجليها وبتمسح دموعها

هساعدك. وطالما زرع الخلايا مش عايز يتم عن طريق المخ. هنزرع الخلايا في باقي جسمك ماعدا المخ. بس دة هيبقي في خطر علي حياتك. لان المخ لو قدر يرفض الخلايا دي ويتمكن منها هيكون النتيجة. موتك 

هدير

مش المهم. طالما كدة هقدر عليها

غامبيا وهي بتقعد علي الجهاز تاني

هنقدر عليها. بس الخطوة اللي جاية هتبقي مؤلمة ليكي. جدا

هدير

انا هتحمل اي وجع بس ارجع جسم امي لطبيعته واخرج منها الخلايا دي. 

غامبيا قالت وهي مركزة في الجهاز اللي قدام منها

استعدي ل اكتر كمية وجع ممكن في يوم تحسي بيها

وداست غامبيا علي زرار في الجهاز اللي قصاد منها وبدأ الوجع. لا. تقدروا تقولو بدأ الجحيم. صرخات هدير كانت ممكن تحي الموتي. كل عضمة في جسمها كانت الخلايا بتخترقها كل شريان كانت الخلايا بتخترقه كل نقطة دم في جسمها كانت الخلايا بتتمكن منها كل دة بيحصل في الجسم كله ماعدا المخ. وانتهت مرحلة زرع الخلايا وغمضت هدير عيونها لثواني وفتحت مرة واحدة وقدرت بحركة واحدة تتحرر من قيودها ووقفت علي رجلها وهي في منتهي القوة بصت لها غامبيا وقالت

اللي جاي ليكي ممكن ما يبقاش خير. لو المخ قدر علي الخلايا الصناعية 

هدير

المهم اني لو هموت. اموت بعد ما اكون قدرت احرر جسم امي من الشر دة.

غامبيا

للدرجة دي بتحبي مامتك

هدير

اكتر ما بحب نفسي، ،،،،،،،،

ونرجع تاني للمخزن وارتبكت عفاف وقالت

يعني اتفقتوا عليه بس احب اعرفك غامبيا ان هدير كذابة انا ماقتلتش دكتور روبرت

غامبيا

العميلة صفر باين عليها مرعوبه. لدرجة انها بتكذب. بس معاكي حق لانك عارفة مهما كانت قوتك انا ممكن اعمل فيكي اية. دة احنا اللي صنعناكي. وعارفة كل نقط ضعفك

عفاف

انا ماعنديش اي نقطة ضعف

غامبيا

عندك.

وهنا وقفت هدير مرة واحدة وهي ما فيهاش اي وجع وقدرت تحط حقنة في دماغ عفاف وهي بتقول

مركز الذاكرة عندك بيعتمد علي حقنة مصنوعة من معدن النحاس.  

غامبيا

الحقنة اللي خديها دلوقتي من الجرافيت. ودة بيقدر يذوب النحاس مع درجة حرارة عالية ودي هتتولد من الخلايا الصناعية اللي هتتحرق بمجرد تعرضة للجرافيت. تركيبة كيمائية وصل لها دكتور روبرت وما قلهاش ل حد غيري علشان بيها اقدر انهي حياة اي روبوت خرج عن السرب. وانتي عملتي كدة وكمان كان لازم تدفعي ثمن موت روبرت 

بتدات عفاف تتوجع بشدة والحرارة بتزيد في دماغها ومركز الذاكرة بدأ يحترق فقالت عفاف بصعوبه

انا مش عايزا اموت. موتي هيحرمكم من كل الموجودين في الصناديق الازاز دول مرضي بسرطان الجلد وعلاجهم معايا انا بس

راحت هدير ناحية احدي حوائط المخزن وضربت الحيطة بايديها فنكسرت الحيطة وظهر دولاب ازاز في انابيب صغيرة من اللي بتبقي موجودة في معامل الابحاث وجوة كل انبوب المصل اللي يشفي الرهاين وكسرت هدير الصندوق الازاز وقالت

انتي ناسية اني اقدر اشوف ذكرياتك

بتدات تتوجع عفاف بشدة وتمسك دماغها والحرارة بتزيد جدا لدرجة ان دماغ عفاف اصبحت زي الفرن اللي بيتم في انصهار المعادن. وفعلا بدات دماغ عفاف تنصهر وهي بتصرخ وتصرخ وانفجرت دماغها وطلع منها حمم بركانية. منظر كان مرعب بصت غامبيا ليها وجسمها بيسيح.

دة ثمن غدرك بروبرت

وفجاة اتوجعت غامبيا لان هدير مسكت دماغها بمنتهي العنف وقالت

ودة ثمن اللي عملتو في امي. 

قالت غامبيا بصعوبه ونزيف الدم بدأ ينزل من دماغها

انا ساعدك وخليتك تقدري علي الانتقام من العميلة صفر

هدير

انتي خلتيني احس بالوجع اللي حسيت بي امي وانتم بتحولها. ل اله. لما تقابلي سيموني في جهنم بلغي تحياتي. وعرفي انا اللي خلصت عليه هو وكل رجالته. دمهم وهو بيسقي ارضية شوارع ايطاليا كان منظر يشرح القلب. مع السلامه غامبيا. ودي تحية من بنت عفاف. 

وداست عفاف علي دماغ غامبيا بمنتهي القوة انفجرت. ووقعت غامبيا جثة هامدة. بصت هدير للصناديق الازاز وقالت

عارفة انكم مش هتسمعوني. بس انا رايحة مشوار اخير قبل ما احرركم. رايحة انقذ كيان واسلام اللي بعتتهم رقم صفر لهالكم

وخرجت هدير من المخزن باقصي سرعه، ،،،،،،،،،،،

ومن داخل احدي الممرات. الموجودة. قدام العنابر يجري اسلام وكيان ومعهم سيف من العمال اللي كانو بيجروا وراء منهم واي حد كان بيقابلهم كان سيف بيلمسة يقع ميت وفضلت المطاردة شغاله لغاية. ما التعب بدأ يحل عليهم. وهنا دخلو جوة احدي العنابر الفاضية وقفلو الباب وراء منهم. وفضلو العمال يحاولو فتح الباب لكن اسلام وسيف وكيان قدروا يمنعوهم لكن لغاية امتي وعدد العمال برة بيزيد والضغط علي الباب بيزيد بصت كيان. ل اسلام وقالت

وبعدين

اسلام

مافيش مفر الا الخروج من الفتحة اللي عملتها في ارضية السفينة

كيان

يعني عايزنا ننزل المية

اسلام

ملهاش اي حل تاني

سيف

انا سمعتك بتقول الفتحة دي في ارضية المطبخ هنوصل لها ازاي. وكل العمال واقفين برة. 

اسلام

نفكر واكيد هيبقي ليها حل

وبدأ اسلام يبص في كل مكان في العنبر بتركيز شديد وشاف باب صغير جنب ابواب الحمامات فقال باعلي صوت عنده

يلا بسرعه نروح عند باب اللي عند الحمامات دة

لسة هتجري كيان مسكها اسلام من ايدها وقال بصوت واطي

رايحة فين

مش انت قولت نروح عند باب اللي هناك دة

اسلام

انا قولت كدة علشان هما اللي يروحوا مش احنا

وفعلا خطة اسلام نجحت وبدأ كل العمال اللي عند الباب يروحو عند الباب التاني. واول ما حس اسلام بان ما بقاش في حد فتح باب العنبر بشويش ولقي الممر اللي قدام باب العنبر فاضي. خرج بسرعه ووراء منه كيان وسيف وراح ناحية المطبخ وهناك لقي كام عامل في وشة قدر يخلص من اللي حاول يعترض طريقة وسيف خلص علي اي حد كان بيحاول يلمس كيان ودخل المطبخ علشان يلاقي المية مغطية ارضية المطبخ وكانت نمرة 1 و. 2 واقفين وسط المية مع شوية عمال بيحاولو يعالجو ارضية السفينة وشافتهم رقم 2 فقالت

اية دة انتو لسة عايشين

رقم 1 

مافيش وقت للكلام خلصي عليهم يا رقم 2. طالما العمال ماقدروش يعملوها

وراحت ناحيتهم رقم 2 وبمنتهي السرعه ولسة هتنهي حياة اسلام لقيت حقنة الجرافيت بتتغرز في دماغها وقعت علي الارض وبدات تصرخ وبصيت تشوف مين اللي اداها الحقنة لقيت هدير فرحوا التلاته. اسلام وكيان وسيف ان هدير قدرت توصل في الوقت المناسب وقالت كيان

هدير انتي عرفتي مكانا ازاي

بصت هدير ل كيان وقالت

انا بقيت منهم. وقدرت اعرف انتم فين من ذكريات امي

وهنا تلاقي هدير نفسها بطير في الهواء من قوة الضربه اللي خدتها من رقم 1. اللي كان بيقول بغضب شديد

حرمتيني من حبيبتي الموت هيكون نهايتك.

ولسة هيهجم تاني علي هدير قدرت هدير تتفادي هجومة وقامت وضربته ضربه خليت رقم 1. يخبط في ارضية السفينة ويجعل الكسر اللي فيها اكبر من الاول. وبدات المية تدخل بسرعه رهيبة وهدير تقف قدام رقم 1 وفي ايديها الحقنة. ولكنه تحس بانها مش قادرة تقف وتقع الحقنة من ايديها علي الارض ووقعت هدير لان المخ بدأ يتحكم في الخلايا الصناعية. ودة اللي حذرتها من حدوثة غامبيا صرخت كيان وراحت بسرعه ناحية هدير وضمتها لصدرها وقالت

هدير مالك

قالت هدير بصعوبة

اظاهر اني بموت

وهنا تلاقي كيان نفسها طايرة في الهواء بسبب ضربه قوية من رقم 1. اللي قدر يفوق من ضربه هدير ويقف علي رجله ويبص ل هدير ويقول

انتي يا حشرة تعملي كدة فيا انا

ولسة هيدوس برجله علي وشها كان سيف لف نفسه حوالين رجله وقدر يلمسة وبدأ رقم 1 يصرخ وهنا كان اسلام مسك الحقنة من علي الارض وحطها في دماغ 

رقم 1. وبدأ يبقي مصيرة نفس مصير رقم 2. وعفاف. وراح اسلام ل كيان اللي كانت بتنزف دم من دماغها فقال لها

انتي كويسة

كيان

اطمئن علي هدير الاول

وراحو كلهم بسرعه ناحية هدير اللي كان جلد جسمها بيتحرق بطريقة مخيفة وهي بتبص لهم وتقول بصعوبه 

علاج الرهاين انا سيبته برة تحت الصناديق الازاز. اخرجوا من هنا وعلجوهم. انا خلاص خلصتكم من عفاف. سيبوني هنا لمصيري 

كيان

انتي كمان هتخرجي معانا

بصت هدير ل جسمها اللي كل خلية في بتتحرق. وقالت

انا بموت يا كيان ومافيش علاج ليا. انتو لازم تخرجوا من هنا حالا. السفينة دي كلها كام دقيقة وتبقي تحت المية

كيان وهي بتعيط

مش هخرج من غيرك انا اللي خليتك تسافري ايطاليا وانا السبب في اللي حصل لك دة. بس والله انا كل اللي كنت عايزا انك ترجعي لينا باللي نقدر بي نقضي علي عفاف. ما كنتش اعرف ان هيحصل كدة 

هدير 

عملتي الصح. وخلتيني انتقم ل امي. 

وبصت هدير للمية اللي بدات تملي المكان وقالت

مافيش وقت لازم تمشوا من هنا بسرعه

كيان

مش هنمشي من غيرك

وجريت كيان خارجة من المطبخ قالها اسلام 

رايحة فين 

كيان

الدم.

ومافيش كام ثانية الا لما رجعت كيان ومعها كيسين دم وبدات تغرق جسم هدير بالدم. وفعلا الدم بدأ يجيب نتيجة والخلايا بدات ترجع زي الاول وهدير بتبص باستغراب للي بيحصل في جسمها اللي بقيت الخلايا تمتص الدم وقدرت هدير تقف علي رجليها من تاني وقالت

انا مش قادرة اصدق. ازاي الدم قدر يعمل كدة

كيان

الدم هو السبب في ان رقم 1. عمل المكان دة. علشان يقدر يعيش. ودلوقتي لازم نفكر ازاي نقدر نخرج من هنا. والعمال معانا

اسلام

لسة بتفكري في العمال بعد اللي كانو عايزين يعملو فينا.

كيان

دول غلابة. وصدقو انهم فعلا ممكن يخرجوا من هنا لو قتلونا

هدير

كتر الكلام دة مش هيوديني ل جديد لازم نتحرك بسرعه المية بدات تغطي حوالي 30 س. من ارضية المطبخ 

اسلام

الوحيد اللي كان ممكن يخرجنا من هنا هو رقم 1. او رقم 2

والاثنين ماتو

سيف

وانا في المعمل متعلق بيتصفي دمي افتكر اني شوفت مرة رقم 1. بيدخل جوة اوضة بابها مرايا ازاز. ودخل جوة الاوضة دي لما كان فاكرني مغمي عليه 

اسلام

وساكت ياسيف يلا بينا نروح نشوف الباب دة 

وفعلا كلهم راحوا المعمل وشاور سيف علي المرايا وقال

هي دي

وققت قدام منها هدير وبدات تستخدم الخلايا الصناعية. وقدرت تعرف ان المرايا دي بتفتح ببصمة الوش وقالت لهم كدة. فقال اسلام

ضاعت اخر فرصة

هدير

ما فيش حاجة ضاعت. لو قدرنا نفجر المريا هيظهر الباب

كيان

انتي كدة عايزا قنبلة

هدير

موجودة 

وحطيت ايدها علي المرايا وبدات تخرج خلايا من ايدها وطلبت من سيف يحط ايدة في نفس المكان اللي كان فيها ايديها وقالت

ابعدوا عن المريا بسرعه

فعلا راحو بعيد عن المرايا وقالت كيان

انتي عملتي اية

هدير

الخلايا اللي خرجتها من جسمي بمجرد ما سيف هيحط ايدة عليها. هتموت والخلايا الصناعية لما بتموت بتولد درجة حرارة عالية جدا تساوي نفس درجة حرارة القنبلة.

وفعلا بدات الخلايا تولد درجة حرارة عالية وانفجرت المرايا بالحيطة اللي وراء منها. وظهر ممر طويل يشبة النفق بص اسلام للعمال اللي كانوا معاهم خطوة بخطوة وقال

لو ربنا بيحبنا هيكون باذن الله اخر النفق دة. نور الشمس بس نتحرك بنظام

وفعلا بداوء يتحوكوا ويدخلو النفق وراء بعض وكان في اخر النفق. سطح سفينه تبعد عن الشاطي. حوالي 

100 متر. فرحوا كلهم وما كانوش مصدقين انهم شافو نور ربنا تاني وانكتب لهم الحرية، ،،،،،،،،،،،،

وبعدها بيومين ومن جوة احدي المستشفيات يتم علاج الرهائن بعد ما خرجوا من الصناديق الازاز وخدوا المصل المضاد للمرض اللي كان عندهم. وكانت كيان قاعدة مع اسلام وهدير ورابطة دماغها وقالت

انا مش قادرة اصدق اننا طلعنا من الشر دة كله واحنا عايشين

اسلام

الحمد لله. لولا هدير بعد ربنا. كان زمان اهالينا بيقروا علينا الفاتحة

هدير

لسة مكتوب لينا عمر

اسلام

بس احنا لازم نشوف علاج وحل للي عندك

هدير

وهو انا عندي اية دة بقيت من حديد

كيان ضاحكا

اهو انتي الوحيدة اللي تقولي الصحة حديد. حرفيا

ضحكوا كلهم وقال اسلام

المهم مش عايزين حد يعرف باللي حصل لك. وخصوصا حسن ابوكي

كيان

الاهم من كدة ان ما حدش يفكر يزعل هدير

ورجعوا كلهم يضحكوا. وبص اسلام ل كيان وقال

مش كنا قضينا الاجازة ومسافرناش الصعيد

ضحكت كيان وقالت

نرجع نكمل الاجازة. بس نطمئن علي اللي هنا. ويخرجوا بالسلامة.،،،،،،،

خلصت حكاية كيان والشيطان اللي بتمني اني اكون قدرت

اقدم ليكم قصة تليق بيكم. واشوفكم قريب باذن الله. وحكاية.

 وعاشت في احضان الشيطان.  

مستني راي كل اللي شرفني بقرائة القصة.