كيان والشيطان 3
اله الشر
★الحلقة الثالثة عشر★
من تاليفي،،
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفضلت كيان واقفة مكانها وكاتمة نفسها ورقم 300 عمال يدور عليها وخرج من الحمام وهو زي المجنون وهنا اتنفست كيان لانها كانت هتتخنق وبمجرد ما اتنفست كان رقم 300 قدام منها ومسكها وقال
ما تقدروش تعيشوا من غير الهواء.
وقرب منها اكتر. وهو بيقول
هخليكي تحملي مني وتخلفي اول مولود جوة منه خلايا الذكاء الاصطناعي
وفتح بوقه وهو بيمسك كيان وكيان بتصرخ وخرجت الخلايا منه وراحت ناحية رحم كيان وصرخات كيان لا تتوقف وفجاة بدات صرخات رقم 300 هي الذي لا تتوقف ودة علشان كيان فتحت المية وقدرت تسلط المية علي رقم 300. وبدأ يبعد عنها رقم 300 والخلايا الخاصة بي تحترق وهو يقول بصعوبه
انتي عرفتي ازاي ان المية ممكن تنهي علينا
كيان وهي بتبعد الخلايا عن المحروقة عن هدومها
شوفت واحدة منكم وهي بتتحرق بالمية قدام مني
رقم 300 وهو بيصرخ ويطلب الرحمة وبيمد ايدة ناحية كيس الدم. وبيقول
اديني دم.
لكن كيان تمسك كيس الدم وتبعده عن ايدة. وهو يتالم وكانت نهايته نفس نهاية زينب. بصت له كيان بقرف وبصت لجثة المراهق بحزن شديد ماكنتش تتمني ان نهايته تكون كدة. وراحت قعدت علي سريرها في العنبر وراح ناحيتها عامل من ضمن العمال وبص لها بصة مالهاش الا معني واحد بصت له كيان وقالت
اللي بتفكر في هيكلفك حياتك زي الاثنين اللي جوة في الحمام
اترعب العامل وراح جري ناحية الحمام واول ما شاف الجثتين اترعب وخرج جري من الحمام وهو بيقول
البت قدرت تقتل اتنين. مرة واحدة. قدرت تقتل اتنين
وفضل يكرر الجملة دي في العنبر وهو مش قادر يصدق وجت رقم 2 علي صوت العامل دة وبصت له وقالت
اية في اية. عامل دوشة لية
شاور العامل علي كيان وقال
قدرت تقتل اتنين. لوحدها والاثنين جثثهم في ارضية الحمام.
بصت رقم 2. ل كيان وقالت
معقوله
كيان
ولية مش معقوله. قتلت واحد مننا وواحد منكم
استغربت رقم 2 اوي وراحت ناحية الحمام وشافت رقم 300 اللي بقي. حتة حديد خردة. فخرجت وراحت ل كيان ووقفت قدام منها بالظبط وقالت
رقم 300 كان.،،،،،،،،
قطعتها كيان وقال
منكم. واكيد كان هو الجاسوس اللي بلغ عفاف بمكانكم
رقم 2. بقلق
وقدرتي تقتلي ازاي. دة روبوت قوته ضعف قوتك
كيان اللي بدات تشوف القلق في عيون رقم 2. قالت
دة سر ما حبش حد يعرفه. علشان وقت ما هيجي الدور عليكي. هستخدمة ضدك
رقم 2
ومين قال اني هخليكي عايشة لغاية اليوم دة
كيان
هتخليني عايشة علشان اللي عرفته من 300 قبل ما اقتله يخليكي تبقي علي حياتي
رقم 2 بارتباك واهتمام
عرفتي اية
كيان بمكر
رقم 300 خلي واحد من العمال اللي هنا يصور اللي بيحصل فيديو والفيديو لسة علي موبيل العامل دة مستني اشارة من. 300 علشان يبعته ل عفاف
رقم 2
وانتي عرفتي مين العامل دة
ضحكت كيان وقالت
عرفته.
رقم 2
مين هو.
ضحكت كيان باعلي صوتها وقالت
هو انتي للدرجة دي فكراني غبية
رقم 2
انا ممكن اخليكي تنطقي غصب عنك
كيان
حاولي. وانا هخلص عليكي زي ما خلصت علي 300. وصدقيني مش هتاخدي مني وقت. ودلوقتي سيف يخرج من المعمل بعد ما تعالجي الجرح بتاعه ولو عديت ساعه وسيف ما كنش قدامي. الفيديو هيروح ل عفاف وانتي بقي عارفة الباقي
بصت لها رقم 2. بغيظ شديد ومشيت وهي ناوية تروح ل رقم 1 وتحكي له علي اللي حصل ،،،،،،،،،،
ومن داخل العنبر اللي قاعد في اسلام يفرد اسلام ظهرة علي السرير ويسمع واحد من العمال بيقول
ايوة زي ما بقول لك بنت. وقدرت تقتل اتنين منهم رقم 300 المفتري
انتبه اسلام للكلام وقال.
معقوله كيان موجودة هنا
ونزل من فوق السرير بسرعه وراح للعامل دة ووقف قدام منه وقال
انت بتقول بنت معانا هنا المكان دة
العامل
ايوة بنت. موجدة في عنبر 5.
اسلام
وفين عنبر 5 دة. واوصل له ازاي
العامل
الله مالك كدة. دة بنت مش سهلة وباين عليها خطر.
اسلام بحدة
قولي اوصل للعنبر دة ازاي
العامل
مش هتقدر تتحرك من عنبر ل عنبر والا هيقتلوك
اسلام
قولي بس ومالكش دعوي بانا هعمل اية وهوصل له ازاي
العامل
هقولك. ،،،،،،،،،،،
من جوة المعمل يقف رقم 1. قدام رقم 2. وكان بيقول بمنتهي العصبية
حتي بت زي دي تتحكم فينا بالشكل دة.
رقم 2
باين عليها مش سهلة.
رقم 1
طيب والحل
رقم 2
لازم نسلم لها سيف ونفكر ازاي نعرف منها مين العامل اللي معه الفيديو واللي كان شغال مع رقم 300
سكت رقم 1. وبص ل سيف اللي كان متعلق والدم بينزل من ايدة وقال
نزلي وعلاجي الجرح بتاعه وفي اسرع وقت تعرفي لي مين العامل دة ،،،،،،،،،،
ومن الممر الموجود بين العنابر يقف اسلام وراء عمود بيشوف الطريق في حد ولا لا. وبمجرد ما اتاكد ان الطريق فاضي جري بسرعه في الممر وراح ناحية المطبخ قابلة الطباخ وقبل ما يتكلم كان اسلام ضربه بقوة في مناخيرة وقع مغمي علية. وراح بسرعه ناحية ارضية المطبخ اللي فيها المشكلة وبدأ يكسر الارضية وبدات المية تدخل للمطبخ وبتزيد شوية ب شوية وخرج من المطبخ بسرعه وراح ناحية العنبر اللي في كيان ودخل العنبر ولقي كيان قاعدة علي السرير والحزن مرسوم علي ملامحها فرح انه شافها ورغم انها كانت باصة ناحيته لكنها ما كنتش شيفاة راح ناحيتها اسلام واخيرا شافتة كيان فرحت اوي ونطت من فوق السرير وراحت ناحيته وهي بتقول
اسلام.
وما حستش بنفسها الا وهي في حضنه وهو في حضنها وكان اسلام بيقول
انتي كويسة
عيطت كيان وهي غطسانه في حضن اسلام وقالت
هبقي كويسة ازاي وانا بعيد عنك.
بص لها وقال
طيب بطلي عياط.
كيان وهي بتمسح دموعها
كنت هموت من غيرك
اسلام
اية اللي دخلك وريا للمكان دة. مش قولت لك امشي
كيان
امشي واسيبك ازاي دة انت عمري
ولاحظ اسلام ذراع كيان اللي كان بيجيب دم فقال لها
مين عمل فيكي كدة
وبص ل كل اللي في العنبر اللي هما كانو بيبصو للي بيحصل وهما مستغربين فقالت كيان
ماحدش من دول السبب وراء اللي حصل لي. الموضوع اكبر من كدة. الموضوع في روبوتات تانية. وهما اصحاب المكان دة
اسلام
احكي بالظبط عرفتي اية
وبدات كيان تحكي الحكاية بالتفصيل. وبمجرد ما خلصت دخلت نمرة 2. للعنبر وكان معها سيف . وقالت وهي بتبص ل كيان
سيف اهو زي ما طلبتي
وبصت نمرة 2. ل اسلام وقالت
انتي تعرفي رقم 1001
اسلام
انا جوزها وماسميش 1001. اسمي اسلام. اللي هيكون علي ايده نهاية المكان دة
نمرة 2
دة نفس الكلام اللي قالته مراتك.
اسلام
مراتي قالت. بس انا نفدت والسفينة اللي احنا جوة منها كلها كام ساعه وتغرق
نمرة 2. بتوتر
انت عملت اية يا مجنون
اسلام
كبرت الخرم اللي كان في ارضية السفينه ومابقاش ينفع في علاج
نمرة 2
ولية عملت كدة
اسلام
علشان ما يبقاش قدام منكم غير انكم تعرفونا طريق الخروج
نمرة 2
مافيش اي طريق للخروج. انت كدة حكمت علينا كلنا بالموت
اسلام
انا ومراتي وسيف هنعرف ازاي نخرج من هنا. لاننا بنعرف نعوم انما انتم صعب تلمسوا المية
هنا ظهر نمرة 1. ووقف قدام منهم وقال
مين قال كدة. انت غلطان. احنا نفس جيل عفاف. والحيل دة من الروبوتات قدرت الخلايا عنده تحصن نفسيها ضد المية. انما المشكلة كانت في الاجيال اللي بعد مننا
وهنا بدات المكان كله يتهز لان المية دخلت بغزارة. بص رقم 1 ل اسلام وقال
انت غبي السفينه لو غرقت كلنا هنموت وانتم هتكونو معانا
رقم 2
انا هاخد معايا كام عامل وهروح اشوف اقدر اعمل اية
اسلام
مش هتلحقي تعملي اي حاجة. احسن لك تعرفينا طريق الخروج
ضحك رقم 1 وقال
ما فيش خروج من هنا. وطالما كتبت علينا نموت غرقانين يبقي افضل استني الموت في معملي
رقم 2
ازاي بتقول كدة.
رقم 1
حبيبتي رقم 2. احنا مش بنموت. البشر بس هما اللي بيموتو. خلي بقي يشيل ذنب كل العمال اللي هنا واللي هيموتو بسببوا
اسلام بتحدي
انت هتخرجنا من هنا بالذوق او بالعافية
رقم 1
انا ماعرفكش علشان اخرجك بس اعرف العمال اللي هنا واعرف انهم مش عايزين يموتو. وانا هديهم الفرصة دي واعرفهم هما بس طريق الخروج. في مقابل يقدموا لي حياتك انت ومراتك
وبس رقم 1 للعمال وقال
هه. القرار ليكم. مستني جثتهم وهي تحت رجلي في المعمل
وسابهم ومشي نمرة 1. وبصوا العمال كلهم ل كيان وحسن والشر جوة عيونهم. ،،،،،،،
ومن داخل المخزن اللي في عفاف واثناء ما كانت عفاف قاعدة قدام الصناديق الازاز يتكسر باب المخزن وتدخل هدير تبص لها عفاف بغضب شديد وتقف عفاف وهي تقول
هدير. انتي بتعملي اية هنا
بصت هدير للصناديق الازاز وقالت
جاية اخد منك ناس تخصني
راحت عفاف ووقفت قدام منها بالظبط وقالت
تفتكري انك تقدري تاخدي مني حاجة بالعافية
هدير
في حكم الشر اللي انتي مولودة منه. العافية احسن علاج
ضربتها عفاف بقوة لكن الضربة ما قصرتش في هدير اللي قالت
غامبيا قدرت تخليني الجيل اللي اكتر منك تطور. ونهايتك هتكون علي ايدي
وهجمت هدير علي عفاف ووقعوا الاثنين فوق بعض وبدا بينهم صراع رهيب وحست عفاف ان هدير اقوي منها فقالت بمكر
انا مش عدوتك لية بتعملي معايا كدة انا برضو امك
هدير
انتي مش امي انتي مجرد شيطانه اتوجدت في جسم امي. لكن انا امي ماتت
عفاف
امك ما كنتش ملاك. دي انشات موقع الكتروني كان سبب خراب ملهوش اخر وكذبة اسمها العراف اتحكم في مصير ناس صدقوا النبؤة بتاعته
هدير وهي بطلع حقنة من هدومها لتكتب نهاية عفاف قالت
كل دة كلام مش هيقدر ينجيكي مني. انا جاية النهاردة علشان ارجع جسم امي اللي اتسرق منها وعيشتي انتي جوة منها. جاية احط نهاية ل اله الشر
خرجت خلايا من ايد عفاف من غير ما تحس هدير وراحت الخلايا ناحية الحقنة اللي بتموت الخلايا الاصطناعية وكانت عفاف بتقول علشان تلهي هدير
صدقيني انا امك. مش فاكرة عيد ميلادك العاشر والهدية اللي جبتهالك. العروسة الباربي.
بدات تتاثر هدير وعفاف بتقول
اول يوم ليكي مدرسة. لما الكلب عضك وانا شيلتك وجريت بيكي علي المستشفي. وسهرت جنبك ليالي
هدير اللي بدات تضعف قالت بحرقة
بس. بس. اسكتي
عفاف
اسكت لية علشان بقول الحقيقي انا. مامتك وهفضل مامتك اللي عمرها ما حبت ولا هتحب غيرك.
ومسكت عفاف الحقنة وقدرت تغرزها في دماغ هدير. وبدات هدير تتوجع ووقعت علي الارض، ،،،،.،،،،،،
خلصت حلقة النهاردة اللي يارب تكون عجبتكم. واستنوني بكرة باذن الله والحلقة الاخيرة
رائعه
ردحذفتم
ردحذف