كيان والشيطان 3
اله الشر
★الحلقة الثانية عشر★
من تاليفي،،
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★المراهق
حتي لو قولت لك اني اعرف اللي ما حدش يعرفوا واللي اقدر بي اكون عندك افضل من رقم 300
حسن باهتمام
تعرف اية
بص المراهق ناحية كيان وشاور عليها وقال
رقم 1000. مش راجل دة ست. واللي معها بلمسة يقدر يقتل اي حد
اتصدمت كيان من خيانة المراهق وحسن بص لها بغضب شديد وفي سرعه البرق كان قدام منها وقبل ما يدخل سيف كان حسن قاطع ايدة اليمين بضربة واحدة من ايدة واتوجع سيف لكنه رفع ايدة الشمال و قدر يلمس جسم حسن وفي الوقت دة اتوجع حسن وحس انه اتاثر جدا بلمسة سيف فوقع علي الارض وندهه باعلي صوت عنده وقال
الحقيني يا رقم 2.
في سرعه البرق كانت واقفة قدام منه هدير اتصدمت كيان وقالت
هدير هي كمان هنا.
لكن هدير ما ركزتش مع اللي قالته كيان وكان كل همها انها تلحق حسن فقالت
رقم 1. اية اللي حصل لك
كان بيتوجع حسن وبيقول بصعوبه وهو بيبص ناحية سيف اللي كانت كيان بتحاول توقف نزيف الدم اللي نازل مكان ايدة المقطوعه
كلب حراسة. من كلاب عفاف. قدر يلمسني
هدير وهي مصدومة
قدرت تعرف مكانا ازاي.
وبصت هدير ل سيف وقالت
الموت. هيكون مصيرك يا كلب الحراسة. بس في الاول أحرمك من المجسات الكهربائية اللي بيها تقدر تنهي حياة اي كائن حي
وفتحت هدير بوقها وبصت ل سيف بغضب شديد وصرخت وخرج من بوقها الالاف الخلايا الحية. وكلها تشبة حشرة البعوضة. وراحت ناحية سيف وبدات تلف حوالين جسم سيف ويتوجع سيف ويصرخ. وهذة الخلايا بتسحب منه المجسات الكهربائية. وكانت كيان بتحاول تساعده باي طريقة وصرخت في هدير وقالت
ارحمي دة ملهوش ذنب وكان بيدافع عني وعن نفسه
لكن هدير ما ردتش و بصت ل حسن وقالت
ما تقلقش الدم الموجود هيقدر يجدد خلايا جسمك واللي مات من الخلايا القديمة هنتخلص منه.
وراحت هدير بسرعه ناحية معمل ابحاث وسحبت كيس دم من اكياس كتير موجودة جوة تلاجة ورجعت بسرعه
ل حسن وقلعته النص اللي فوق من هدومة وخليته عريان تماما. وبدات تفضي كيس الدم فوق جسمة. وهنا يتحول جسم حسن لخلايا كتير جدا امتصت الدم وكانها مكنسة كهربائية تمتص التراب و بدا حسن يتحسن ويقف علي رجلة بعد ما الخلايا امتصت كل الدم اللي نزل علي جسمة وراح حسن بغضب شديد ناحية سيف ولسة هيمد ايدة وينهي حياته وقفت قدام منه كيان وقالت
خلي حسابك معايا انا. لان انا اللي بعتاني عفاف ليك
بص لها حسن وقال
وانتي زيه كلب حراسة برضو
قلعت كيان الباروكة وبان شكلها الحقيقي وقالت
انا ماعرفش يعني اية كلب حراسة. بس اللي اعرفوا اني عيلتي وخداهم عفاف رهائن وانت واحد من ضمن الرهائن دي. وسيباك من كام ساعه جوة صندوف ازاز. لكن بعد اللي شوفتو واللي طلع من جسمك اتاكد انك مش حسن
وطالما بقي كل شئ اتكشف بسرعه. فا حب اعرفك بيا. انا كيان بنت اختها.
بص لها شبية حسن وشبيهه هدير والاستغراب حالهم، ،،،،،،
ومن داخل المعمل كانت رقم 2. اللي هي شبيه هدير تعالج سيف وتوقف له نزيف الدم ومنعت الجرح من الالتهاب وكانت كيان تقعد قدام رقم 1. شبية حسن. وتقول له
جينا لغاية عندكم انا وجوزي اسلام وسيف وطلبت مننا عفاف اننا نصور جرائم القتل اللي بتحصل هنا
بص رقم 1. ل رقم 2. وقال
يعني قدرت تعرف احنا فين وكمان قدرت تعرف باللي بيحصل هنا. ازاي عرفت العملية صفر كل المعلومات دي
رقم 2.
في خاين بينا لشغال لحسابها
كيان قالت
وطالما في خاين بينكم لبينقل لها كل اخباركم لية لجئت ليا انا واسلام علشان نيجي هنا ونصور اللي بيحصل بين العمال ما كان الشخص اللي شغال لحسابها يصور لها اللي هي عايزا.
رقم 1
مايقدرش. لانه شبهنا ومننا. عبارة عن خلايا صناعية مخلوطة بخلايا بشر. واللي زينا ما بيشوفش لكن ما حدش ممكن يصدق اننا عمي.
كيان باستغراب
انتم عمي. ازاي وانت شايفني وعيونك في عيوني
رقم 1
احنا مخلوقات مشوهه. بسبب التكنولوجيا. والذكاء الاصطناعي اللي دخله جسمنا دكتور روبرت. انا مش شايفك لكن اقدر احس بخطواتك واعرف مكانك من انفاسك لكن الكاميرات ملهاش انفاس نقدر من خلالها نتحكم فيها علشان كدة الخاين اللي وسطنا نقل لها كل اللي بيحصل بس ما يقدرش يصور اي شئ من اللي قاله علشان هو جاسوس اعمي
كيان
حكايتكم غريبة زي حكاية عفاف. بالظبط
رقم 1
عفاف زينا عمياء لكن تقدر تتحكم فيكم عن طريق انفاسكم وتحركاتكم
كيان
برضو ما فهمتش لية طلبت مننا نصور اللي بيحصل هنا فيديو
هنا رقم 2. قالت
علشان تبعت للمافيا وتعرفهم اننا لسة عايشين وساعتها تقدر المافيا تعرف مكانا و تخلص علينا بمنتهي السهولة
كيان اللي حسيت ان دماغها مش قادرة تستوعب اللي بيتقال دة. قالت
ممكن يا رقم 1. بالراحة عليه كدة وفهمني الحكاية بالظبط ولية انت شبة حسن ورقم 2. شبة هدير
اتنهد رقم 1 وقال
الحكاية بدات بالظبط من سنتين. لما اتوجدنا ومن وقتها احنا ما نعرفش لينا اسامي كنا في معمل الابحاث الايطالي وكانت عفاف العميلة صفر لانها الاولي من نوعها وانا العميل رقم 1. ودي العميلة 2.
وبص بطرف عينه ناحية رقم 2. وكمل وقال
دكتور روبرت كان فرحان جدا بنجاح تجربته علي البشر وازاي قدر يخلق كائن بذكاء اصطناعي ملهوش مثيل خلق روبوت بس اللي يشوفو يقول بشر ما يصدقش انه روبوت وعرفنا من الكلام اللي اتقال قدمنا اننا اتوجدنا بعد ماتم نسخ خلايا حسن وخلايا هدير.
كيان
تقصد ان عفاف هي اللي طلبت من دكتور روبرت انه يصنع لها حسن وهدير يكونو من نفس نوعها روبوتات زيها
رقم 1
بالظبط لانك ما تعرفيش هي كرهت حسن جوزها بعد ماعرفت بحب كيان لي عن طريق ذكريات عفاف اللي بقيت ملك العميلة صفر. بعد عملية دمج الخلايا الاصطناعية
كيان
ولما هي اللي طلبت من دكتور روبرت انه يصنعنكم علشان تكونو عيلتها الجديدة. لية عايزا تخلص منكم
رقم 2 راحت وحضنت رقم 1. وقالت
علشان حبي ل رقم 1. كان اكبر بكتير من البرمجة اللي تمت علي ايدين دكتور روبرت. وهو اننا نكون مجرد عيلة من اختراع العميلة صفر
كيان
علشان كدة عفاف اعتبرت حبكم ل بعض خيانه ليها وقررت تخلص منكم
رقم 1
هي فعلا خلصت مننا في نفس اليوم اللي خلصت في من دكتور روبرت وجوة فيلته. غدرت بي علشان احنا حبينا بعض وقررت تخلي يدفع ثمن حبي ل رقم 2. وكان دكتور روبرت هو السبب في الحب دة.
كيان
سؤال بس هي خلصت ازاي منكم وانتم قدامي دلوقتي
رقم 1
العميلة صفر بعد ما شافتني في حضن العميلة 2. قدرت تغدر بينا و اديتنا الحقنة اللي بتحرق خلايا الذكاء الاصطناعي لكننا وقبل ما يتم حرق الخلايا ووقت هروبنا وبالصدفة وقعت انا جنب جثة دكتور روبرت وايدي جت في الدم واتصدمت لما لقيت الخلايا بتشرب الدم بطريقة ترجع ليا قوتي قدرت انقذ نفسي وانقذ رقم 2. ولقيت ان اكل لحم البشر بيقوي الخلايا اكتر واكتر وفعلا بدنا ناكل لحم دكتور روبرت لكن العميلة صفر شافتنا وقبل ما تاخد اي خطوة قدرنا نهرب من قدمها. فضلت تدور علينا كتير لكن وقتها حصلت القصة بتاعتك نسيتنا وركزت معاكي وقررت تنتقم منك بطريقتها. لكن واضح انها قدرت توصل لك وقررت تستخدمك في انك تخلصي علينا.
كيان
انا مش جاية هنا علشان اخلص عليكم انا جاية علشان انا وجوزي اسلام جوة لعبة وعايزين نخلص منها ونحرر اللي تحت ايدين عفاف. لكن برضو انتو خاطفين ناس وبتخلوهم يقتلو بعض وكمان تمص دمهم. دة سبب يخليني اصمم علي نهاية المكان دة.
ضحكت رقم 2 وقالت
جايبة الثقة دي منين. المكان دة سهل تخشي لكن مستحيل تخرجي منه
رقم 1
اظن انا من حقي اعيش. مهما كان الثمن
كيان
تمص دم الغلابة وتاكل لحمهم علشان تعيش انت
رقم 1
بشر واللي صنعني واحد منكم لهو خلاني اله ولا خلاني بشر مجرد وحش عايز يعيش وخلاص
كيان
عيش بس بعيد عن مص دم الغلاباة واكل لحمهم. كل اللي محجوزين عندك دخلو البوابة بتاعتك علشان ياكلو عيش مش علشان هما اللي يتاكلو
ضحكت رقم 2
احنا بنريحهم من قرف الدنيا اللي جت عليهم.
كيان
راحتهم في موتهم. مين قال كدة
رقم 2 بجنون
اسالي اللي صنعنا. ما هو بشر منكم
كيان
بتحاسبي الغلابه علي غلطة مجنون
رقم 1
هنا في المملكة بتاعتي مافيش غلبان في بشر دمهم بيحيني. ودة قانون المملكة هنا. امص دمك علشان تعيش لو مش عايز تعيش موت واكل لحمك هيحيني و هيخليني اقوي
كيان
ومين قال ان القانون هيدوم. نهاية المملكة اللي انت فرحان بيها. هيكون قريب اوي علي ايدي
رقم 1
بتتحديني تمام. انا بعشق التحدي ولو كنت بفكر اقتلك مش هقتلك هسيب اللي انتي بتقولي عليهم غلابة هما اللي يخلصو عليكي ويقدموكي ليا وجبة. ولغاية ما يتم دة. حصتك في الدم تكون تحت رجلي النهاردة.
وبص ل رقم 2 بمنتهي الشر وقال
تخديها ترميها في العنبر وحصتها تيجي النهاردة. ولو قالت لا. انتي عارفه الدم يطلع من اي متمرد ازاي.
بصت رقم 2. ل سيف وقالت
وكلب الحراسة دة
رقم 1
دة فكي لة الخياطة وعلقي من رجله وخلي الدم ينزل نقطة نقطة. لغاية ما يموت
كيان
اله الشر اللي انتم متصنعين منها نهايتها هتكون علي ايدي
زقتها رقم 2 برة المعمل. وقال رقم 1.
رقم 2. اعرف لي مين هنا بينقل اخبارنا للعميلة صفر
رقم 2
ودة نوصل له ازاي وسط كمية البشر اللي هنا
رقم 1
شوفي مين ملهوش عندنا في الثلاجة حصة من الدم بتاعه وهيبقي هو الجاسوس اللي بندور علينا. ،،،،،،،،،،
ومن ايطاليا. تقف غامبيا وسط مكتبها وقدام منها هدير وجنب غامبيا سيموني رئيس المافيا وكانت غامبيا بتشاور علي هدير وبتقول
هدير بقيت جاهزة تنزل مصر وتنفذ المطلوب منها
سيموني وهو بيبص ل هدير
قدرتي تخلي الخلايا الاصطناعية. تندمج مع الخلايا الطبيعية
غامبيا
بنسبة نجاح 100%100
سيموني
وقدرت توصلي ل عنوان العملية صفر
غامبيا
وصلت.
سيموني
باسرع وقت هدير تكون في مصر وتجيب اخبار العميلة صفر. ولو هي وراء اللي حصل ل اسحاق وعادل. خلي هدير تخلص عليها
ومشي سيمون وساب غامبيا وهدير لوحديهم وبصت غامبيا ل هدير بصة ليها اكتر من معني، ،،،،،،،
ومن جوة العنبر تقعد كيان علي السرير. وكل اللي في العنبر بيبص لها بصات بتنهش لحم كيان وكيان بتبص لهم بحذر شديد. وجت عيونها في عيون المراهق اللي كان مكسوف من نفسه وقام مشي من قدام كيان. وهنا وقفت قدام منها رقم 2 وقالت لها
حصتك في الدم فين
بصت لها كيان وقالت
مافيش دم
رقم 2
صدقيني. بايدك تقدمي حصة الدم افضل ليكي.
كيان بتحدي
مش هقدم دم واللي عندك اعملي
رقم 2
انتي اللي اختارتي
وفتحت رقم 2 بوقها زي ما عملت مع سيف وخرجت الخلايا ناحية جسم كيان وبدات الخلايا تنهش لحم كيان وتصرخ كيان وتحاول ابعاد هذة الخلايا عنها ولكنها ما كنتش قادرة فبصت كيان ل رقم 2 وقالت
ابعدي عني المخلوقات دي.
رقم 2
وحصة الدم
كيان
هحضرها ليكي
بصت رقم 2 للخلايا دي فرجعت تاني ل بوقها وبدات كيان تشم نفسها والدم بينزل من ايدها وكانت كيان بتعيط من شدة الوجع وهنا قالت لها رقم 2
تقدري تخشي الحمام. هتلاقي اكياس خدي كيس واملي وسلمي لرقم 300. قدامك 1/2 ساعه
ومشيت رقم 2. وسابت كيان بتتوجع والدم بينزل من ذراعها راح لها المراهق ومعه حتة قماش علشان يكتم لها الدم. بصت له كيان بقرف وزقته بعيد عنها وقالت بحدة
امشي من قدامي.
المراهق
اسف. بس انا كنت عايز اعيش وبس
بصت له كيان بقرف وقامت وراحت ناحية الحمام وقعدت علي ارضية الحمام وهي بتعيط. و بتقول لنفسها
انت فين يا اسلام. ماتعرفش قد اية انا محتاج لك.
وفضلت تعيط اوي. وبصت للاكياس المتعلقة ولقيت ان
ما فيش مفر فقامت وسحبت كيس وبدات تسيب الدم اللي بينزل منها ينزل في الكيس وهنا دخل عليها الحمام رقم 300 وبص لها وقال
صعبانه عليه اوي يا قمر
بصت له كيان وقالت
احسن لك تبعد عني. انا مش سهلة زي ما انت فاكر
رقم 300
يعني دة جزاتي دة انا جاي اقول لك مستعد افديكي بكيس دم هدية من عندي وارحمك من حصة الاسبوع دة
كيان
والمقابل
رقم 300
كلمة حلوة ضحكة حلوة
وبدأ يقرب منها. وكيان بتبعد عنه وهي خايفة جدا وقالت
ابعد عني.
رقم 300
صدقيني ما حدش هينفعك هنا غيري
وهجم عليه بسرعه رهيبة سرعه ملهاش علاقة بسرعه البشر شكت في كيان وحاولت تزقة بعيد عنها وهو فوق منها لكنها ماقدرتش. وهنا هجم المراهق عليه وضربه بحديدة في دماغه وهو بيقول
ابعت عنها يا واطي
لكن الحديدة اتقطمت استغرب المراهق وقام رقم 300 ومسكه وهنا صرخت كيان وقالت
سيبة.
لكن رقم 300 لف رقبة المراهق وقعه علي الارض جثة هامدة في لمح البصر وبص ناحية كيان اللي عرفت ان دة منهم وهما عمي وبيتحركوا علي حركاتهم وانفساهم فكتمت نفسها وهنا ماقدرش رقم 300 يشوفها فا ستغرب وقال
انتي فين. ما هو مستحيل تكوني خرجتي من الحمام.
وفضلت كيان واقفة مكانها وكاتمة نفسها ورقم 300 عمال يدور عليها وخرج من الحمام وهو زي المجنون وهنا اتنفست كيان لانها كانت هتتخنق وبمجرد ما اتنفست كان رقم 300 قدام منها ومسكها وقال
ما تقدروش تعيشوا من غير الهواء.
وقرب منها اكتر. وهو بيقول
هخليكي تحملي مني وتخلفي اول مولود جوة منه خلايا الذكاء الاصطناعي
وفتح بوقه وهو بيمسك كيان وكيان بتصرخ وخرجت الخلايا منه وراحت ناحية رحم كيان وصرخات كيان لا تتوقف ،،،،،،،،،
خلصت حلقة النهاردة اللي يارب تكون عجبتكم. سلام
روعه
ردحذفايه كل ده
ردحذف