كيان والشيطان 3
اله الشر
★الحلقة الحادية عشر★
من تاليفي،،
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
لكن الرجل دة ماردش،وزقها بعيد عنه. زقة خلت كيان تطير حوالي متر. بدات تتوجع وهي ع الارض وقامت بصعوبه وجريت ناحية الضخم دة وحاولت تضربه بص لها الضخم دة وقال
باين عليك عايز تموت وطالما عايزها اوي كدة مش هحرمك منها وبدل ما اقدم للرئيس واحد اقدم له اثنين
ولف ايدة حوالين رقبه كيان وبمنتهي القوة وبدات الاكسجين لا يصل للمخ والاختناق قرب ينهي حياة كيان وفجأة يرتعش جسم الرجل الضخم ويسيب كيان. اللي تقع علي الارض وهي بتكح. ويقع بعد منها الرجل الضخم علي الارض جثة هامدة. وتلاقي سيف واقف قدام منها فرحت اوي ومد سيف ايده ليها علشانها يساعدها تقف وقالت
سيف انا مش مصدقة انك قدرت توصل لي. والحمد لله وصلت في الوقت المناسب
بص لها سيف واتكلم وقال
بعد ما دخلتي البوابة فكرت كتير ارجع ل سحر واسيبكم لوحديكم. ولا ادخل وادور عليكم يمكن اقدر اساعدكم ولقيت اني ما ينفعش اسيبكم دخلت انا كمان ومن ساعتها عمال الف في المكان الغريب دة. وسمعت صوت عالي جاي من ناحيتك مشيت ناحية الصوت وشوفتك والحمد لله. اني لحقتك
كيان استغربت وفرحت اكتر وقالت
انت رجعت تتكلم تاني
سيف
وهي بتديني المصل ضد المرض اللي كان عندنا قالت ليا انا وسحر،،،،،،،
ونرجع للمخزن وعفاف واقفة قدام سيف وسحر وبتديهم حقنة في دماغ كل واحد منهم حقنة شبة اللي خدتها هدير وكانت بتقول
الحقنة دي فيها علاج فعال لمرض سرطان الجلد. بس ليها شوية اعراض جانبية زي مثلا. هتفقدوا النطق لكام ساعه ممكن بالكتير قوي يومين او تلاته حسب طبيعة كل جسم وخلوا بالكم ايديكم بقي فيها مجسات كهربائية تقدر تقتل اي كائن حي في منتهي السرعه ،،،،،،،
ونرجع تاني ل سيف وهو بيقول ل كيان
كانت تجربة صعبة اللي حصل فينا دة. من الشيطانه اللي اسمها عفاف.
كيان
عفاف دي سبب كل المصايب اللي حصلت لينا كلنا
سيف
واكتر مصيبة لازم تدفع ثمنها انها قتلت اخويا كريم قدامي
في الوقت دة وقف المراهق قدام كيان وبص لها اوي فقالت كيان
انت كويس
لكن المراهق ما كانش بيرد وعمال يبص لها فقالت كيان
في اية مالك
المراهق
انتي بنت
اتصدمت كيان وحطيت ايدها علي راسها علشان تشوف الباروكة اللي كانت حطها لقيت شعرها اتصدمت وبصيت حاولين منها بسرعه ولقيت الباروكة ولبستها وكان المراهق بيقول
وقعت منك ورقم 450. بيخنقك. لما انتي بنت اية اللي جابك هنا ولية لابسة لبس رجاله
كيان. وهي بتأكد علي الباروكة
دي حكاية طويلة. بعدين هبقي احكي ليك المهم دلوقتي. ان اللي حصل دة ماحدش يعرفة. وكون اني بنت دة خلي سر ببني وبينك
بص المراهق ل سيف وقال
ودة قدر يقتل رقم. 450 بمجرد ما لمسة بس ازاي
كيان بصت ل سيف وقالت
باين عليه ما فهمش انت قولت اية
سيف
اظاهر كدة.
المراهق
ردي عليه ازاي حصل كدة
كيان
قولت لك دي حكاية طويلة. ودلوقتي تقدر تقدم جثة الراجل دة للرئيس وتفدي بي نفسك وترجع كيس الدم اللي خده منك. 300
المراهق
رقم 300 دة مفتري وقتال قتله. بيلف ياخد اكياس الدم من اللي مستحرم يقتل او مش قادر يقتل ويقدمه للرئيس علي انه دمه
كيان
يعني عايش في المكان دة بدم الضعيف
المراهق
ايوة.
سيف
احنا فين. واية حكاية الدم دي
المراهق
انت في موقع تحت الارض والدم هنا هو العمله اللي بيها تقدر تعيش وسط العمال وهنا يا تبقي قاتل او مقتول
سيف
ولية الدم دة بيروح. للرئيس بيعمل بي اية هو مصاص دماء
كيان اللي عجبها السؤال قالت
صح. السؤال فعلا لية كمية الدم دي كلها بتروح للرئيس. بيعمل بيها اية
المراهق
ماحدش يعرف احنا بنفذ المطلوب مننا وخلاص من ساعه ما جينا المكان الملعون دة
كيان
فعلا مكان ملعون ولازم نطلع منه
وهنا يسمعوا صوت 300 بيقول وهو بيبص ل سيف
اهلا ومين دة كمان
بصت له كيان وقالت
عامل جديد
ضحك رقم300 بشر وقال
البوابة النهاردة رزقها كبير.
وهنا وقعت عيونه علي جثة الرجل الضخم فقال
ومين فيكم اللي خلص علي رقم 450.
المراهق
انا.
ضحك رقم 300 وقال
انت تقدر تقتل فرخة.
وبص ل كيان وقال
باين عليك انت اللي عملتها يا رقم 1000
بصت له كيان في عيونه وقالت
القتل مش طريقي. لكن ممكن قريب امشي الطريق دة.
ضحك اوي وسابها وراح يمسك ايد سيف وهو بيقول
تعالي معايا اوديك للرئيس علشان تاخد رقم
ابعد سيف ايدة عن رقم 300. فاستغرب 300 وقال
انت قرفان تمسك ايدي ولا اية
سيف
ما بحبش حد يمسك ايدي.
ابتسم ابتسامه خبيثة وقال
طيب قدامي يا صاحب المقام العالي، ،،،،،،،،،،،،
ومن جوة العنبر اللي نايم في اسلام يقعد اسلام علي السرير عمال يبص لكل تفصيلة في العنبر بتركيز وكان اسلام لابس العفريته زي باقي الموجودين وهنا لقي واحد قاعد قدام منه وبيقول
ايدك بتقول انك مش صنيعي.
بص اسلام للراجل دة لقي راجل في الخمسينات من عمره عجوز الهم والحزن باين عليه وكمل الراجل دة وقال
انت جاي تهربنا من هنا صح. شكلك من الحكومة وعرفتوا اننا مخطوفين
اسلام
لا. يا حج انا مش حكومة
عيط الراجل بحرقة. طبطب عليه اسلام وقال
وحد الله يا حج.
بص له الراجل وهو بيمسح دموعه
لا اله الا الله. كنت فكرك من الحكومة وعرفتوا باللي حصل لينا وجاي عشان تلحقنا. اصل فرح بنتي كمان اسبوع. وصعبان عليه اكسر فرحتها
اسلام
باذن الله هخرجك من هنا وتلحق فرح بنتك. بس قولي انت بقالك قد هنا.
الرجل
حوالي شهربن
اسلام
شهرين وعايش ازاي
الرجل
لما بيجي عليه الدور في حصة الدم بدفعها علشان افضل عايش
اسلام
وطول الشهرين دول ما حاولتش تخرج من هنا
الرجل
اخرج ازاي ومنين احنا يا ابني هنا في متاهه
اسلام
اكيد في اي طريق للخروج. اومال المية والاكل بيجوا ازاي
الرجل
وانا بس هعرف منين احنا بيجي ميعاد الاكل بيودنا للعنبر الكيير ناكل هناك ونرجع تاني علي هنا
اسلام
في طريقكم للعنبر دة. ما لفتش نظرك اي شئ غريب
يسكت الرجل قليلا لانه بيحاول يفتكر اي شئ ويتكلم قائلا
مرة واحنا راجعين علي العنبر بتاعنا سمعت رقم 300 بيقول لمرات الرئيس. ان المية رجعت تاني تيجي من ارضية المطبخ
ركز اسلام اكتر وقال
مية اية
الرجل
العمال اللي شغالين في المطبخ بيقولو انها مية مالحة ماحدش عارف سببها
بدأ الاهتمام يبان اكتر واكتر علي اسلام وقال
مية مالحة. وجاية من ارضية المطبخ ما تقولي المطبخ دة فين
الرجل
ممنوع تخرج من العنبر دلوقتي الا لو قتلت وهتقدم اللي قتلته للرئيس
اسلام
بس انا لازم اخرج دلوقتي
الرجل
باب العنبر مقفول من برة. وما بيتفتحش الا لو معاك قتيل
اسلام
وبعدين كل دقيقة بضيع ليها ثمنها
الرجل
نام يا ابني والصبح واحنا رايحين نفطر انا هدخلك المطبخ
اسلام
لسة هستني للصبح، ،،،،،،،،
وتعدي الليلة ويطلع النهار ويتفتح باب العنبر وكان اسلام مستني اللحظة دي بفارغ الصبر بص علي الراجل العجوز اللي كان بيتكلم معه امباراح لقي لسة نايم راح صحي وقال
يلا يا حج علشان توريني المطبخ
فتح الرجل عيونه بصعوبه وبص ل اسلام وقام معه ومشي مع اسلام ناحية المطبخ ودخلو المطبخ وقال الرجل
هو دة المطبخ.
اسلام
طبعا انت ما تعرفش المية كانت بتيجي منين
الرجل
ماعرفش
اسلام
طيب اقف انت هنا عند الباب ولو شوفت حد جاي قول
ودخل اسلام المطبخ وبدأ يمشي في المطبخ بحذر شديد وكان بيبص علي ارضية المطبخ بتركيز شديد لغاية مالقي ان في بلاطة في ارضية المطبخ انظف من باقي البلاط الموجود وكانها لسة راكبة جديدة. بدأ يشك ان دي اللي كان فيها مشكلة واكيد تم تصليحها راح ناحية البلاطة وحط ايدة عليها لكن الغريب انه لقي البلاطة بتتحرك واللي جنبها كمان بتتحرك واللي جنبها بدأ يشيل البلاط دة وهنا كانت الصدمة اسلام شاف مية طالعه من تحت وفعلا مية مالحة بدأ يشيل التراب اللي كان تحت الطوب علشان يوصل لسبب المية شاف لوح خشب في كسر صغير دقق اكتر شاف اسماك بتعدي تحت منه دقق اكتر واكتر شاف مية البحر اتصدم وقال
احنا في سفينه. وانا برضو كنت بسال نفسي مكان زي دة اتبني امتي وازاي كدة بانت
وهنا سمع الرجل بيكح. عرف ان دي اشارة رجع بسرعه كل حاجة زي ما كانت وقام بسرعه ولسة هيخرج من المطبخ
لقي في وشة هدير اتصدم وهي قالت
انت بتعمل في المطبخ يا رقم 1001
ارتبك اسلام لكنه جمع اعصابه وقال
من حقي اشوف نظافة المكان اللي بيقدم ليا اكل
هدير
انت فاكر نفسك في فندق خمس نجوم. روح عنبر الاكل واللي يتحط لك تاكلة. وانت ساكت ولو شوفتك تاني هنا.
هيبقي عقابي ليك شديد. ،،،،،،،،،،،،،،
ومن جوة عنبر الاكل تقعد كيان جنب سيف اللي بقي رقمه 1002. وكان قدام منهم لحم بشر قرفت كيان وما حبتش تاكل وقامت وسيف قام وراء منها وقال لها
بياكلو لحم اللي بيموت هنا. احنا لازم نشوف طريقة نخرج بيها من المكان دة
كيان
مش هخرج من غير اسلام
سيف
انا هادور عليه وان شاء الله هلاقي زي ما لقيتك
في اللحظة دي كان رقم 300 بيضرب المراهق بالرجل في بطنه وبيقول باعلي صوت عنده
انا نصاب يا ابن الكلب
كان يتوجع المراهق ويقول
ابوس رجلك ارحمني انا مش قادر
هنا وقفت كيان قدام منه وقالت وهي تبعد رقم 300 عن المراهق
اية الافتراة دة. بالراحة عليه
رقم 300 بعصبية
اسمع كويس انت من ساعه ما جيت هنا وانت بتدخل في حاجات ما تخصكش احسن لك تبعد عن طريقي
بص له سيف بغضب وكان رايح ناحيته وناوي يلمسة لكن كيان منعته وقالت للمراهق
اية اللي حصل
المراهق وهو بيقف بصعوبه
رقم 850 اللي انا قتلته امباراح سرقه مني وقدمه للرئيس علي انه قتيل العامل 340 وكمان بيقول لي انا ما خدش منك دم ومحتاج حصة النهاردة.
بصت كيان ل 300 وقالت
بس دة كذب لانك واخد منه كيس الدم بتاعه قدام مني.
300. بعصبية
انت كذاب واللي بتقولو دة ما حصلش
ويبص 300 للمراهق ويقول
وانا منعتك موتك كتير لكن الليلة دي نهايتك هتكون علي ايدي انا
وهنا يقف حسن قدام منهم جميعا ويقول
في اية يا 300 الصوت عالي لية في العنبر
جري المراهق ناحية حسن وقال
يا رئيس رقم 300 عايز يقتلني.
حسن
طالما هو شايف ان موتك هو الصح يبقي دة الصح
المراهق
حتي لو قولت لك اني اعرف اللي ما حدش يعرفوا واللي اقدر بي اكون عندك افضل من رقم 300
حسن باهتمام
تعرف اية
بص المراهق ناحية كيان وشاور عليها وقال
رقم 1000. مش راجل دة ست. واللي معها بلمسة يقدر يقتل اي حد
اتصدمت كيان من خيانة المراهق وحسن بص لها بغضب شديد وفي سرعه البرق كان قدام منها وقبل ما يدخل سيف كان حسن قاطع ايدة اليمين بضربة واحدة من ايدة واتوجع سيف لكنه رفع ايدة الشمال و قدر يلمس جسم حسن وفي الوقت دة، ،،،،،،،،،،،،،،،،،
خلصت حلقة النهاردة اللي يارب تكون عجبتكم. سلام
يانهار ابيض علي الأحداث مشوقة جدا
ردحذف