في عيوني حكايتها 2
الرحم الاسود
★الحلقة التاسعة★
والاخيرة
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ويبدأ فارس ووصيفة في الدخول للوحة فيصرخ معتز ويتحول لصورته الحقيقة صورة الشيطان ويهجم علي اللوحة وفارس ووصيفة بيختفوا وهنا يلاقي نفسه الشيطان جوة جنينة بيت فارس ووصيفة بتلعب في الجنينة ومهما يحاول الشيطان ان يوصل لها ما يقدرش ويلاقي نفسه متسلسل فيصدم ويبص للسلسلة وهنا يظهر فارس والغنجمية مع وصيفة ويقف فارس قدام منه ويقول
نسيت اعرفك ان النهاردة اول ايام رمضان في زمنا وارضنا علشان كدة خليتك تيجي ورايا لغاية هنا وتتسلسل واقدر انا اتحكم. ولا نسيت بيحصل فيك اية طول شهر رمضان
فيحاول الشيطان يتكلم لكنه ما يقدرش يتكلم بيحاول يتحرك مايقدرش كل اللي قادر يعمله انه يبص لهم وهو في قمه الغضب فتقول الغنجمية
وصيفة انتي الوحيدة اللي تقدري تشوفي في عيونه هوديني وداسم ولادة وولادك فين
وصيفة
ما تخليهم يجو للزمن دة ويتسلسلو زي الشيطان
فارس
ولاد الشيطان فيهم من البشر بسبب لعنه الرحم الاسود يعني السلسلة مش مكتوبه عليهم. لانهم اصبحو من شياطين الانس
فتقرب وصيفة من الشيطان وتبص في عيونه وتقدر تشوف كل حاجة وتحط ايدها علي دماغه وتعرف كل اللي محتاجة تعرفه وتبص لفارس والغنجمية وتقول
قدرت اجمع كل اللي احنا محتاجينة في حربنا. بس الحرب مش هاتكون سهله بالمرة
فارس باصرار
قدها باذن الله. واوعي تنسي كلام ربنا سبحانه وتعالي قال
★ان كيد الشيطان كان ضعيفا ★
ومن داخل مملكة البحار يطير في الجو طيور الوانها جميلة جدا والطائر في اكتر من 7 الوان استغرب اهل المملكة كلهم وقالت امراة عجوزة
طيور جنة الارض. ظهرت
فيقف احدي الموتي التابعين لبحور وقال لهذة المراة العجوز
اية جنة الارض دي
فتبص له هذة المراة وتقول
دي الجنة اللي كلمنا عنها اجدادنا بانها مسيرة تظهر ويعرفنا طريقها طيور الجنة.
وتتنهد هذة العجوز وتقول
وفي جنة الارض مافيش عبيد كلهم في الجنة ملوك. كل الناس هناك يحكمون وماحدش بيحكم كل الناس هناك عندهم اموال وذهب كتير تكفيهم مدي الحياة
فيقول الرجل بطمع شديد
والجنة دي اوصل لها ازاي
العجوزة تقول
تتبع الطيور وانت توصل لهم.
فبدأ هذا الرجل يجري وهو بيبص للطيور وكان زي المسحور مش مصدق انه هايبقي ملك وبدات المرة العجوزة تنتشر بين جنود بحور من الاموات وتعشمهم بالجنة والكل يطمع ويجري وراء الطيور الكل بيجري وهو باصص لفوق ماحدش شاف الفخ المنصوب لهم وتخرج روح من صورة المراة العجوز وتتابع الاموات وهما رايحين لمصيرهم المحتوم وهو الارض الاولي اللي بترفض اي ارواح ملعونه. وطبعا طمع الاموات في الجنة وانهم بيجروا وباصين لفوق ناحية الطيور. خلاهم ما يشوفوش انها داخلين برجليهم الارض الاولي وبدأت الارض الاولي واشجارها ترفض اي روح ملعونه تدوس ارضها الطاهرة وراحت روح لسفيان وقالت له
المملكة اتحررت من شياطين الجن بس علشان نطمئن انهم ما يرجعوش تاني لازم تحرقوا كل الجثث وتلقي تعويذة الجليد علي المقابر بتاعتنا
وتستعد روح لانها تمشي فيقول لها سفيان
رايحة فين تاني
روح
راجعه لقبيلة سلطان. لسة الخطر عندهم.
سفيان
تقصدي بحور
روح
هي
وتركب روح الحصان بتاعها وتنطلق به، ،،،،،،،،
ومن داخل قبيلة سلطان يقف عمر مع روح وبيقول لها
خدعت طيور الجنة خلصت علي الاموات اللي في مملكة البحور السبع
روح
نجحت المهم دلوقتي نكمل باقي الخطة هنا
عمر
حاولت هنا لكن بحور مسيطرة عليهم وعرفت ان الطيور مجرد خدعه. وبدات تدور مين وراء الخدعه دي
اتصدمت روح وقالت
يعني اية
وفي الوقت دة يسمعوا صوت ضحك بحور وهي بتقول
يعني عيب لما تخدعي امك وتبقي عايزا تحرميها من جنودها
روح
انتي مش امي والجنود دول انتي سرقتي اجسامهم من القبور زي ما سرقتي جسم امي
بحور وهي بتقرب من روح بتقول
امك اللي ماتت علي ايد دة
وتشاور ناحية عمر فيتالم عمر ويصرخ وهي بتسلط عليه سحرها الاسود وتكمل كلام
امك لو عايشة ما كنتش هاتبقي فخورة بيكي علشان حطيتي ايدك في ايد اللي حرمها من حياتها
روح
ومين قال ان امي ماتت
فترتبك بحور وتبعد سحرها عن عمر وتقرب اكتر من روح وهي بتقول
اومال انا امتلكت جثة مين
استغل عمر ان بحور ادبته ظهرها ولف سلسة من دخان عليها تعويذة ال سلطان عظيم وقال
بسم الله. بسم الله العلي القدير. بسم الله الواحد الاحد
وفضل يقراء علي بحور وبحور بتحاول الخلاص منه بكل قوتها وبتصرخ وعمر بيقول
مش هقدر عليها لوحدي ساعديني يا روح
فتجمع روح كل قوتها وتسخرها في تحريك المية اللي في جسم بحور فتبص لها بحور وتقول
الارواح اللي زينا مستحيل تموت غرقانه
روح
انتي اة انما الجسم اللي انتي سخرتي لخدمتك بيموت غرقان.
وبدات المية اللي في جسم بحور تتحرك وتطلع من رجل بحور الي اعلي راسها وتغرق بحور. فتقول روح
بسرعه اامر الطيور بالحركة وخلي بقيت الاموات يروحوا للارض الاولي ،،،،،،،،،،،
ومن اوروبا تقف وصيفة قدام الحيونات اللي سخرهم هوديني لخدمته وتدخل القصر وهي بتهمس للحيونات همسه تخليهم في طاعتها وهوديني يبص لها ويقول
احسن لك تخرجي من مملكتي والا الموت هايكون مصيرك
فتقرب وصيفة من هوديني بخطوات واثقة وهي بتقول
تفتكر انك تقدر عليه. دة انا الام. صاحبة الرحم الاسود اللي جبتكم للدنيا. وانا برضو اللي هاخرجكم من الدنيا
فيهجم هوديني علي وصيفة ولكن وصيفة ترفع ايدها ناحية وتمنعه من الحركة وهو بيحاول الخلاص منها وهي بتقترب اكتر واكتر وتهمس للحيونات همسه الهجوم ويهجموا علي هوديني ويبدوا يقطعوا في لحمة بمنتهي الوحشية وهوديني يصرخ ويصرخ حتي الموت. وهنا يظهر فارس ومعه الغنجمية ويبصوا للي بيحصل ووصيفة تبص لهم وتقول
مات هوديني وفاضل داسم
فارس
الخبيث اللي خلي اهل البلد كلهم شبهوا علشان ما نقدرش نتعرف عليه
الغنجمية
اكيد في طريقة نقدر نعرف بيها داسم
فيضحك فارس ويقول
زي بداية الحكاية تكون النهاية
الغنجمية باستغراب
تقصد اية
فارس
بداية حكايتي طلبني ملك علشان ارسمه. والنهاردة هيطلبني التاني. وانا ابن اسود رجيم هستخدم ورث الجن في اني اكشف الحقيقة.
ويسكت للحظات ثم يقول
بس المرة دي ماحدش فيكم هيجي معايا لبلاد اسيا
وصيفة
مش هتقدر عليه لوحدك
فارس
انا مش لوحدي.
ويبص فارس للسماء ويقول
معايا ربنا
ويبص للغنجمية ويقول
غيري شكلي
فيخرج فارس من صورته لصورة الرجل العجوز، ،،،،،،،،
ومن جوة اسيا وبعد مرور اسبوعين وانتشار خبر فارس واللوح الجميلة اللي ببرسمها لسكان البلد يجي له داسم في صورة رجل حطاب ويبص له ويقول له
سمعت عنك انك رسام شاطر جدا
فيبص له فارس ويقول
وبعدين
داسم
عايز اترسم
فارس
تقدر علي ثمن اللوحة
داسم وهو بيخرج عمله ذهب من جيبة ويرميها قدام فارس ويقول
اسمع ان دة اجرك
فيبص فارس للعملة الذهب ويقول
خد الذهب بتاعك وامشي بلاش تسخر من راجل كبير زيي
داسم باستغراب
اما امرك غريب بترسم علشان الاموال وانا اديك اموال وانت ترفض
فارس
علشان عارف ان رسمي ليك في نهاية ليا
داسم باستغراب
نهاية ليك لية.
فارس
اصلك هاتشك اني فارس والد وصيفة امك
داسم
بس انا ماليش ام اسمها وصيفة وما عرفش مين فارس دة
فارس وهو بيشاور علي واحد شبه بالظبط وبيقول
فارس دة
فيبص داسم ناحية فارس اللي كان جاي يجري ناحيته بمنتهي السرعه فيهرب داسم وهنا يظهر فارس اخر من وراء احدي البيوت فيهمس داسم لكل اهل البلد اللي شيه بالظبط فيقول فارس
ماحدش فيهم يقدر يتحرك الا بامر مني. لاني رسمتهم ومعروف برسمي لاي شخص اقدر اتحكم في
وهنا يهمس داسم للنار بان تحرق فارس وفعلا يتحرق فارس اللي كان قدامه فيظهر فارس اخر ويقول
انا مش لوحدي انما انت اللي لوحدك
فيهمس داسم كمان مرة وتبلع الارض كل اللي يظهر في صورة فارس وهنا يتحرك الرجل العجوز ويقول
صورتك خلصت وحسابك انت عرفه
فيبص داسم في اللوحة وتبدأ اللوحة تسجنه بداخلها وفارس يخرج من صورة الرجل العجوز وهو يقول
انا ابن اسود رجيم ومعروف عن اسود رجيم انه يقدر يعيش اي مخلوق من طين في الوهم. وانت بنزولك من الرحم الاسود رحم انسية. بقيت مخلوق من طين وسهل انك تعيش وهم اهل الجن.
ويصرخ داسم واللوحة بتسحبه بداخلها ويمسك فارس اللوحة ويحرقها وبداخلها داسم. ويرجع اهالي البلد لصورتهم الحقيقة. وتظهر الغنجمية ومعها وصيفة فيبص لهم فارس ويقول
برضو جيتو ورايا
وصيفة
ماكنش ينفع نسيبك يا والدي
فيقرب فارس من جسم شوق ويبص في عيونها ويشوف وصيفة بنته ويقول
شوق جه الوقت استرد بنتي وارجع جثتك تاني لقبرك بعد ماخرجها الشيطان واستغلها في لعنته
وفعلا يخرج فارس خنجر ويطعن جسم شوق وتقع شوق علي الارض ميته زي ما كانت ويتحلل جسم شوق وتظهر وصيفة الطفلة من جديد فيجري ناحيتها فارس ويضمها لصدرة ويفضل واخدها في حضنه وبيبصها وهي بتبص له وبدات تغمض عيونها لانها عايزا تنام فقال لها فارس
تعبناكي معانا
فتبتسم وصيفة وتنام فتبص له الغنجمية وتقول
كدة انت مابقتش محتاج لي
فارس ودموع الفرح تغرق خدوده. يقول
وصلنا لاخر الرحلة
الغنجمية
هاتنفذ وعدك
فارس
اكيد. الغنجمية هي ملكة ملوك الجن
فتفرح الغنجمية بشدة وتقول
واخيرا بقيت ملكة الجن
فارس
بس لو الظلم انتشر في مملكتك انا مش هاسكت وهاجيب حق اي مظلوم
الغنجمية
ما تقلقش يا فارس انا اتعلمت منك كتير اوي في الرحلة دي
وتختفي الغنجمية وهي في قمة الفرحة. لكنها تظهر تاني وتقول
سامحني يا فارس اني شاركت الملعون جلهوم في مخططة لاذية بنتك
فيبتسم فارس ويقول
مسمحك
وتختفي الغنجمية وتظهر مرة تانية وتقول
نسيت اسالك ناوي علي اية دلوقتي
فارس
نفسي ارجع لزمني وارضي وانام زي ما وصيفة نامت، ،،،،،،
ومن جوة قبيلة سلطان يرجع فارس للقبيلة وتشوفه روح فتجري عليه وتاخده في حضنها وتاخد وصيفة في حضنها وتقول له
سامحني يا فارس اني صدقت انك ممكن تغدر بيا
فارس
اغدر بيكي انا مش فاهم حاجة
ويبص فارس للقبيلة وللجثث اللي بتتحرق ويستغرب بشدة ويقرب منه عمر وياخده في حضنه وكان باين عليه الحزن الشديد فيقول فارس
في اية يا خالي. ولية بتحرقوا الجثث وفين جدي سلطان
عمر
ارتاح دلوقتي لان باين عليك ان رحلتك ما كنتش سهله
روح
مش زي رحلتنا.
وتبص روح لفارس وتقول
تعرف اني اتنكرت في شكل امراة عجوزة علشان احارب الاموات
فيهز فارس دماغه بحركة معنها الاستغراب وروح تقرب منه وتقول
هحكي لك. ،،،،،،،
وكل واحد قال حكايته للتاني وهو قابل مين وواجهه مين واكتر شئ،اثر في فارس ان جدة سلطان مات وحرقته جثته لكن تمالك فارس اعصابة وعاش هو وروح ووصيفة حياة هادئة بعيدة عن الشر. وكبرت وصيفة واتجوزت وخلفت اطفال زي القمر ،،،،،،،،،،
النهاية
يارب تكون القصة عجبتكم ومستني راي كل اللي شرفني بقراءة القصة. ولو في العمر بقية نتقابل وحكاية جديدة
سلام
إرسال تعليق