حور

 تحت الارض 

                ★الحلقه الثانية★

من تاليفي، ، 
محمد منصور. ** منص **

                         ‏ ‏

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                        ‏

من داخل مستشفي الاقصر وامام الحجره المحجوز فيها عم شفيق تقف نعمه معها الدكتور المعالج لعم شفيق والدكتور كان يقول لنعمه

لازم جهاز التنفس الصناعي 

نعمه

هو ما فيش هنا في المستشفي الجهاز ده

الدكتور

اللي هنا عطلان لازم تجيبه الجهاز ده حالا او اما تروحي لي اي عياده خاصه تعملي له هناك جلسه تنفس صناعي 

نعمه

خلاص يا دكتور عم شفيق كان قال لي انه وصي صيدلي معرفه يجيب له الجهاز ده انا هاروح اشوف جاب الجهاز ده ولا لسه

الدكتور

ياريت بسرعه 

وتخرج نعمه من المستشفي مسرعا وتتجه الي الصيدليه الذي يعمل فيها سيد لتساله عن الجهاز فتدخل الي الصيدليه وتذهب ناحيه سيد الذي كان يجلس خلف مكتب بداخل الصيدليه وتقول له

سلالموا عليكم يا سيد

سيد

وعليكم السلام عامله ايه يا ست نعمه

نعمه

انا بخير الحمد لله بقول لك ايه ياسيد جيبت الجهاز بتاع التنفس الصناعي لعم شقيق

سيد

كنت وصيت علي واحد يجي من مصر لكن حمزة فات علية وخد الفلوس وقال لي انه يعرف واحد هايجيبه له ارخص

نعمه وهي منفعلا

يعني ايه حمزه خد الفلوس وانت بتدي له الفلوس ليه يا سيد. انت واخدها منه ولا واخدها من عم شفيق

سيد

طيب اهدي يا ست نعمه هو يعني حمزه ها يعمل ايه بالفلوس اكيد هايجيب له الجهاز

نعمه بنرفزه

ها يجيب ايه انت ما تعرفش حاجه اسكت والنبي. و قولي هو عم شفيق اداك كام علشان تجيب له الجهاز ده

سيد

الجهاز ده بي 3000 انا خد منه 1500 كانوا هما اللي معه وكنت هاقسط له الباقي

نعمه

خد 1500 ربنا ينتقم منك يا حمزه

وتخرج نعمه من الصيدليه وهي منفعلا وتتحزبن علي حمزه وتقول لنفسها 

اعمل ايه انا دلوقتي يا ريت معايا فلوس كنت جيبت له الجهاز ورحمته من اللي هو في لكن ما بيد حيله انا لازم اتصل بسليم يجي يلحق ابوه

وتخرج الموبيل الخاص بها، ،،،،،،،

وفي هذه اللحظه ومن القاهرة. ومن داخل شقة سليم كان سليم يجلس من شيماء بنت عمه الذي كانت بتطلع له الاكل وكانت شيماء تقول

انا اللي عامله لك الاكل ده كله

سليم

تسلم ايدك انا فعلا جعان قوي واتلهيت في المذاكره ونسيت اكل

شيماء

في حد ينسي ياكل

سليم

انا ايام الامتحانات بنسي اكل وخصوصا ان الماده بتاعت بكره صعبه

في هذه اللحظه يرن موبيل سليم فيمسك سليم بالموبيل ويرد مسرعا عندما يجد اسمه نعمه علي الشاشه لانه يعرف ان نعمه لا تتصل به الا في حالات الطواري ويرد عليها قائلا

خير يا نعمه

نعمه

ابوك تعبان قوي ومحجوز في المستشفي 

سليم بلهفه وخوف علي والده

بتقولي ايه وفين حمزه

نعمه

حمزه ده حسبي الله ونعمه الوكيل في

سليم

عمل ايه تاني

نعمه

ابوك حط كل تحويشه عمره في جهاز تنفس صناعي وهو سرق الفلوس دي ونزل بيها مصر وانا مش عارفه اعمل اية والدكتور ماكد عليه ان لازم عم شفيق تتعمل له جلسه تنفس صناعي 

سليم

والجهاز ده بكام

نعمه

بي 3000 جنيه

فتسمع شيماء الرقم لان صوت الموبيل عالي فيقول سليم

وانا هاجيب منين مبلغ زي ده

نعمه

حاول تتصرف يا سليم ابوك تعبان قوي

سليم

خلاص يا نعمه انا هاتصرف

وينهي معها المكالمه وينهض يرتدي ملابسه فتقول له شيماء

انت بتلبس رايح فين

سليم

لازم اسافر الاقصر حالا ابويا تعبان ولازم اكون جنبه

شيماء

وامتحانك بتاع بكره

سليم

في داهيه اي حاجه المهم ابويا 

فتخلع له شيماء خاتم ذهب كانت ترتدي في يدها وتضع الخاتم في كف أيده وتقول

بيع الخاتم ده وهات لعم شفيق جهاز التنفس الصناعي

فينظر لها سليم وينظر الي الخاتم ويقول

ايه اللي انتي بتعملي ده

ويعطي لها الخاتم فتنظر له شيماء وتعطي له الخاتم مره اخري وهي تقول 

ما فيش وقت عشان الكلام دة. انت تاخد الخاتم وتنزل 

فينظر لها سليم نظره كلها عرفان بالجميل ويمسك راسها ويبوسها في جيبنها بوسه اخوية ويخرج من الشقه بمنتهي السرعه،،،،

وبعد يوم كان سليم يخرج من عياده خاصه ومعه نعمه وعم شفيق بعد ما اخذ جرعه التنفس الصناعي وكان معه جهاز التنفس الصناعي الذي اشترا له سليم من فلوس الخاتم الخاص بشيماء ويصل سليم الي بيته ويدخل والده ويضعه علي سريره لكي يرتاح ويجلس سليم علي الكنبه الموجوده في صاله البيت لكي يستريح وفجاه يسمع صوت خبط علي الباب فينهض وهو متعب ويتجه ناحيه الباب ويفتحه ويجد جوده فيعتقد جوده انه حمزه فيقول له

عندي ليك خبر بمليون جنيه الشيخ راضي جاي مصر كمان يومين وهايفتح مقبره في الفيوم وانا كلمته واتفقت معه علي كل حاجه وهايفتح المقبره اللي تحت بيتكم علي اخر الاسبوع اللي جاي وهياخد 50 % بس من حسابه والباقي بعد ما يفتح المقبره ويخرج الدهب قولت ايه اخلي يجي ولا هاتقعد تقول لي الفلوس واجيب منين حمزه دول 50 مليون جنيه يعني لازم تتصرف 

فيصدم سليم مما سمعه ويقول لنفسه

50 مليون جنيه 

جوده

حمزه انت ساكت ليه

سليم لايرد خائفا ليعرفه جوده من صوته فينظر له ويشاور علي حنجرته بانها تعبانه ويهز راسه فيما معني انه سوف يتصل به

جوده

تعبان ماشي خلاص هاسيبك دلوقتي وفكر ورد عليه

وينصرف جوده ويغلق سليم الباب خلف منه ويقول لنفسه

طبعا حمزه كان ناوي ياخد كل اللي في المقبره لنفسه ويسيبني انا وابوه العيان في الفقر ده والحوجة لكن لا لازم الفلوس دي كلها تكون ملك ابويا واعوضه عن اللي فات من عمره وانت بقي يا حمزه حسابك انك تتحرم من الدهب بتاع المقبرة

وينظر لصوره حمزه المعلقه علي الحائط نظره افعي تستعد لي لدغه مميته لفريستها، ،،،،،،

ومن القاهره وبالتحديد من بيت عم ربيع كان حمزه يجلس مع عمه ربيع وابنه جمال وكان حمزه يقول

عمي المليون ده هايرجع لك اتنين مليون بعد شهر واحد من دلوقتي

فيضحك عم ربيع باستهزاء علي كلام حمزه ويقول

وده ازاي انت ناوي تتاجر في المخدرات ولا في السلاح

حمزه وقد بان عليه الضيق من اسلوب عمه الساخر من كلامه فيقول

لا ياعمي ده مشروع وارباحه مضمونه

عم ربيع

مشروع ايه ده اللي يجيب ارباح ميه في الميه في شهر واحد 

حمزه يفكر لي لحظات ثم يقول

صفقه لحوم ودواجن مستورده باسعار خياليه هانبعها بضعف التمن اللي جايه بيها

فيضحك عم ربيع مره اخري بسخريه ويقول

حمزه يا ابني البيت بيتك وانا داخل انام عشان عندي شغل بكره الصبح بدري تصبح علي خير

وينهض عم ربيع من مكانه وحمزه ينظر له بضيق ولكنه يقول

يعني ايه يا عمي هاتديني الفلوس ولا لا

فلا يرد عمه عليه ويدخل اوضتة فينظر حمزه الي جمال ويقول

ينفع اللي بيعمله ابوك معايا ده

جمال

حمزه من غير لف ولا دوران هاتعمل ايه بالمليون جنيه وانا هاجيبهم لك

حمزه

يعني لو قولت لك هاتعرف تتصرف فيهم

جمال

عيب ده انا جمال

حمزه

هافتح مقبره

جمال وقد لمعت عيونه يقول

مقبره مضمونه

حمزه

100%100 كلها دهب

جمال

انا معاك

حمزه

وانا موافق بس اوعي سليم يعرف

جمال

سليم مين. المقبره دي بتاعتي انا وانت وبس

حمزه

موافق هاتكلم عمي وتجيب منه المليون جنيه

جمال

عمك مش هايدفع مبلغ زي ده

حمزه

اومال هاتجيب المليون جنيه ازاي

جمال

هانسرقهم منه. 

فينظر له حمزه باستغراب شديد، ،،، 

خلصت حلقة النهاردة اللي يارب تكون عجبتكم. سلام