في عيوني حكايتها 2
الرحم الاسود
★الحلقة الثامنة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن قدام البوابة الخاصة بقبيلة سلطان عظيم تظهر بحور علي حصانها ومعها روح علي حصان تاني وروح بتقول لها
انا مش عارفة ازاي نيجي انا وانتي بس لغاية قبيلة سلطان عظيم والمفروض انها حملة. مش خايفة من الجنود
بحور
قبيلة سلطان عظيم هاتتسلم لينا من غير اي نقطة دم
روح باستغراب
ازاي
فتبص بحور للبوابه فتفتح البوابة ويخرج سلطان عظيم ويركع امام الاميرة بحور بخضوع شديد فتنصدم روح من اللي شايفه وما تغيرش عن حالها عمر اللي كان بيراقب اللي بيحصل من بعيد وبيقول لنفسه
والدي هو اللي بيخون اهله وناسه وبيسلم المملكة لشياطين الجن. ازاي يعمل كدة ازاي طيب وانا المفروض اعمل اية اشوف والدي بيخون واسكت ولا احاربه بنفسي واخلص علي الشر اللي جاي علي ايدية.
وفي نفس الوقت كانت روح بتقول لبحور
انا مش قادرة اصدق ازاي سلطان عظيم يخون اهل قبيلته
فتضحك بحور وتقول وهي بتدخل القبيلة علي حصانها
ومين قال ان دة سلطان عظيم
روح باستغراب
تقصدي اية يا امي
بحور
سلطان عظيم مات. وجسمه بقي ملك لينا
اتصدمت روح وحزنت جدا وقالت
مات طب ازاي وامتي
بحور
بعد ما عرف بحقيقة ابنه عمر اللي قتل. قلبه مستحملش ووقع جثة
فتبص روح لسلطان عظيم اللي كان ماشي جنب منهم واللي جسمه بقي ملك روح ملعونه من ارواح شياطين الجن واهل قبيلته بيبصو له وهو بيقول
من النهاردة الاميرة بحور هي اميرتكم والملكة الوحيدة في القبيلة هنا. وانا ليها مجرد خادم
اتصدم اهل القبيلة وماحدش كان مصدق اللي ببسمعه لكن ماحدش يقدر يعصي امر لسلطان عظيم ووقتها افتكرت روح المخطط اللي حطته لانقاذ مملكة البحور السبع وان كدة اعداد الاموات اكتر بكتير من اعداد الجنود اللي مع جدها سفيان فقالت بمكر
لو سلطان عظيم بقي معانا. فبقيت قبيلته ضدنا وواضح انهم مش راضيين باللي قاله
بحور وهي بتنزل من علي الحصان قالت
قصدك اية
روح وهي كمان بتنزل من علي الحصان قالت
اخاف عليكي من غدرهم لازم يكون ليكي هنا حراس. يعني لازم تبعدي لحراسك في مملكة البحور السبع
بحور
ومين قال اني ماليش هنا حراس
وتشاور بحور بايدها ناحية المقابر الخاصة بالقبيلة وتقول
الحراس جاهزين
وتهتز القبور ويخرج الاموات بالمئات بعد ما اجساهم اصبحت ملك للارواح الملعونه فتبص روح للمنظر وتفزع وبحور بتضحك وتقول
فاضل لينا مملكة غادر واصبح ملكة البر والبحر
وتفضل تضحك بحور. وروح بتبص لها وهي مش عارفة تعمل اية وبتفكر في مصير جدها واللي معه في مملكة البحور السبع،،،،،،،،
ومن جوة مملكة البحور السبع كان سفيان ومعه جايد وبعض الجنود واقفين مستنين لحظة الهجوم علي الاموات فبص جايد لسفيان وقال
واخرتها يا مولاي. جيش بحور زي ماهو ماخرجش من المملكة والحملة علي قبيلة سلطان ماكنش فيها غير بحور وروح
سفيان وهو بيبص لجيش بحور وقال
مافيش اي شئ نقدر عليه عددهم تلت اضعاف عددنا. ولو فكرنا في الهجوم هنموت. وتضيع اخر فرصة لنجاة المملكة
جايد
يعني نقف ونستسلم لمصيرنا ونسكت علي جيش شياطين الجن اللي احتل المملكة والخراب انتشر فيها
سفيان
الحرب دلوقتي معاهم معنها الهلاك. وانا مش هاضحي بيكم. لازم نصبر ونجهز واكيد روح مش هاتسكت وهتعمل اي حاجة، ،،،،،،،،
ومن الاقصر يجلس فارس قصاد الغنجمية اللي كانت بتعالجة من اللي اصابه في اخر مواجهه بينه وبين وصيفة وبتبص له. وبتقول
قدروا يحرمونا من مساعدة وصيفة لينا واصبح مافيش قدامنا غير انك تقتل شوق علشان تسترد وصيفة
فارس
موت شوق دلوقتي مش هو الحل لازم افكر واحسبها اكتر من مرة علشان اقدر اوصل لنهاية الشر دة
الغنجمية
وازاي بس هتقدر تعمل كدة
فارس
ماعرفش بس اكيد في طريق يوصلنا للنهاية
الغنجمية
ما تنهي علي حياة شوق واسترد بنتك ونرجع زمنا وتنتهي اللعنه
فارس
والرحم الاسود اللي نزل منه اولاد الشبطان واللي بدوأ يحكموا في الارض. ولا كانها ارضهم
الغنجمية
الخراب هايحل علي الزمن دة والارض دي ولا دة زمنا ولا ارضنا فاللي يحصل يحصل
فارس
نفتح ابواب الجحيم ويخرج اولاد الشيطان بسببنا ويموت ناس ابرياء برضو بسببنا وفي الاخر نقول اللي يحصل يحصل ازاي اقدر اعيش واسامح نفسي وانا السبب في موت بني ادم. حتي لو كان من ارض غير ارضي وزمن غير زمني
الغنجمية
كدة الرحلة هاتكون طويلة والنهاية بتاعتها هتكون بموتك او موتي احنا مش قدهم
فارس
مش شايفة انه ماينفعش. ان ملكة ملوك الجن تخاف
الغنجمية
لازم اخاف بعد ما شوفت نهاية اسود رجيم علي ايدين سام ابن الشيطان
فارس
اسود رجيم كان لازم يموت لانه كان في طريق الشر وهو سبب اللعنه دي واهو داق طعم الموت بسبب اللعنه لكن احنا مع بعض في طريق الخير وهاننتصر باذن الله
الغنجمية
انا من النهاردة مش معاك يا فارس.
وتختفي الغنجمية فيقول فارس
هتكون معايا لان ولاد الشيطان هيحكموا الانس والجن وانتي هتعيشي في زمنهم مجرد جارية بعد ما كنتي هاتبقي ملكة ملوك الجن
فتظهر الغنجمية وتبص له وتقول
ياريت يكون عندك خطه نخلص بيها من ولاد الشيطان ونطلع عايشين
فارس
عندي خطة
الغنجمية
اية هي
فيضرب فارس ايدة تحت الارض ويمسك بالسلسة الدخان ويخرج سام المسجون ويبص له ويقول
جاهز يا فارس تنهي حياة وصيفة
سام
جاهز
فيمسك فارس دماغ سام ويتحول سام الي فارس ويصبح فارس الرجل العجوز فتقول الغنجمية
انت ناوي،،،،،،،،
فيبص فارس للغنجمية ويقول مقاطعه لها
هخلي الشيطان يقتل ولادة بنفسه، ،،،،،،،،،
ومن جوة قبيلة سلطان يتسحب عمر وسط الظلام بعد ماشاف والدة سلطان ماشي لوحدة في الظلمة وقدر يخطفة ويهرب بي لبعيد وربطة في شجرة وبص له وقال عمر
ازاي يا والدي تعمل كدة. ازاي تخون اهل قبيلتك وتسلمهم لشياطين الجن
فيبص سلطان لي ويقول
انا شايف اني عملت الصح هما افضل مننا
عمر
بقي انت يا والدي اللي بتقول كدة طيب ازاي دة انت حبست وحرقت منهم كتير وسجنتهم تحت الارض ازاي دلوقتي بتقول كدة
لكن سلطان يتحرر من قيودة بمنتهي السهولة وعمر بيبص له ولسة هيتكلم كان سلطان عظيم هجم عليه وبدأ يضربه بمنتهي القوة لكن عمر قدر يبعده بعيد عنه وهو بيقول
انت ازاي اعمي وشايف مكاني بالظبط
سلطان
ماعنديش اوامر بالكلام لكن عندي امر بالموت لاي انسي يخالف عقيدتنا
ويهجم سلطان كمان مرة علي عمر ويستعد لغرز الخنجر في قلبه لكن عمر يبعد عنه بصعوبة ويمسك الخنجر ويحطة علي رقبه سلطان ويقول
اقدر اقتلك دلوقتي لكن اقتل والدي طيب ازاي
في الوقت دة يلف سلطان حوالين عمر بمنتهي السرعه ويمسك الخنجر ولسة هايحط في قلب عمر كان في سهم من نار دخل في قلب سلطان فاتصدم عمر وقال بحزن
والدي
لكن روح ظهرت وشاورت لرمل الصحراء بابتلاع سلطان فقال لها عمر بعصبية
ازاي تقتلي والدي
روح وهي بتبص لعمر
سلطان مات. وانت عندنا في المملكة وجسمه اتمكن منه روح ملعونه
عمر. بصوت حزين
مات
روح
مش وقته يا عمر لازم نمشي من هنا حالا. لان سلطان هايخرج تاني من تحت الارض
عمر
انتي قتلتي
روح
شياطين الجن بالافات واي جسم ميت ملك ليهم.
وفعلا خرج سلطان تاني من تحت الارض فبصت روح لعمر وهي بتركب حصانها وقالت
يلا نهرب مافيش وقت
وركب عمر حصانه وهربوا هما الاثنين، ،،،،،،،
ومن مكان بعيد داخل قبيلة سلطان تقعد روح قدام عمر وتقول له
لازم نخليهم يخرجوا من مملكة البحور السبع علشان يقدر جدي سفيان يسيطر علي اللي هيفضل منهم ويقدر يحمي المملكة وبمجرد ما يدخلو القبيلة هنا نهرب اهل القببلة ونحبسهم وراء اسوار القبيلة بتعويذة الجليد
عمر
يعني انتي عايزا تجمهيم كلهم في مكان واحد ويكون ليهم زي القفص.
روح
بالظبط بس ازاي نعمل كدة
عمر
نوجد الجنة
روح باستغراب شديد
تقصد اية
عمر
اي حد بيموت بيتمني الجنة وانه يعيش فيها للابد وساعتها بحور مش هتقدر تسيطر عليهم لو الارواح طمعت في الجنة. ولما يدخلو الجنة يلاقوها جهنم
روح
وفين الجنة دي ونخليهم يروحوها ازاي
عمر
انا هاقول لك، ،،،،،،،،،،،
ومن الاقصر تقف وصيفة ومعها معتز وقدام منهم جثة سام وهي بتتفحم وكان معتز في قمة الفرحة وفي الوقت دة يظهر فارس في صورة الرجل العجوز ومعه اللوحة اللي رسمها لي هو ووصيفة وروح فتبص وصيفة للوحة وتبدأ تستعيد ذكريتها وفارس بيقول لمعتز
انتقلت حربنا لزمنا وارضنا. واول واحد من ولادك مات والاثنين التانين تحت ايدية
ويبدأ فارس ووصيفة في الدخول للوحة فيصرخ معتز ويتحول لصورته الحقيقة صورة الشيطان ويهجم علي اللوحة وفارس ووصيفة بيختفوا وهنا، ،،،،،،،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام
إرسال تعليق