في عبوني حكايتها 2
الرحم الاسود
★الحلقة السابعة★
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبالليل ومن جوة احدي المعابد في الاقصر كان سام يقف يتعبد فسمع صوت خطوات جاية من وراء فبص بسرعه ناحية اللي جاي علشان يشوف رجل عجوز بيمشي بالعافية فراح ناحيته بمنتهي السرعه وبص في عيونه وقال
انت مين
الرجل العجوز
حاول تعرفني
فيقرب سام منه اكتر واكتر وقال
انا عمري ما شوفتك
العجوز
غريبة مع اني اعرفك كويس
سام باستغراب شديد وهو بيبص في عيون العجوز
عرفتك انت،،،،،،،،
وقبل ما يكمل كان العجوز مد ايدة ناحية عيون سام ورمي عليهم غشاوة جعلت من سام اعمي فقال العجوز
من النهاردة انت مين
سام
انا فارس ابن اسود رجيم ملك الجان وابن وصيفة بنت سلطان عظيم
فيضحك العجوز ويقول
عظيم. دور علي اللي من دمك وعرفهم انت مين واقضي عليهم
سام
تقصد اخواتي هوديني وداسم
العجوز
هما
سام
لكننا افترقنا وقرر كل واحد مننا يحكم جزء من الارض
انصدم العجوز وقال
ازاي حصل دة وامتي
سام
من اليوم وكل واحد فينا اختار لنفسه طريق. وماحدش فينا يعرف للتاني طريق
فيخرج هذا العجوز سلسلة من دخان ويلفها حوالين سام ويرمي لتحت الارض مسجون فتظهر الغنجمية ويخرج فارس من صورة هذا العجوز والغنجمية بتقول له
كل اللي خطط لي راح هدر
فارس بضيق شديد
لازم نعرف هما فين. ونخلص الناس من شرهم
الغنجمية
وهانعرف ازاي بس.
فارس بعصبية
لازم نعرف. مش هخلي ولاد الشيطان يحكموا في الارض طول ما انا عايش. يلا بينا
الغنجمية
هنروح فين
فارس
ندور علي وصيفة علشان تساعدنا
الغنجمية
وسام. اللي انت سجنته تحت الارض. هتسيبة اوعي تفتكر ان الغشاوة اللي علي عيونه والسلسة اللي انت سلسلته بيها هايقدروا يحمونا منه كتير ومسيرة هايتحرر منهم ويخرج من تحت الارض
فارس
وعايزاني اعمل له اية
الغنجمية
لازم يموت
فارس
سام مهم جدا في خطتنا. دة هو الطعم اللي انا هصطاد بي اخواته. ودلوقتي شغلي كل قدراتك وخلينا نتحد ونوصل لوصيفة ،،،،،،،
وبعدها بشوية ومن جوة قبيلة سلطان عظيم كان عمر واقف قدام والده سلطان وحكي له كل اللي حصل في مملكة البحور السبع وخروج شياطين الجن من تحت الارض ودخلولهم في اجسام الموتي وبعد ما خلص قال له سلطان عظيم
شياطين الجن اللي انا حبستهم لسنين تحت الارض خرجوا وناوين علي الانتقام
عمر
مافيش قدامنا غير اننا،،،،،،،،،
فيقاطعه سلطان عظيم قائلا
تقصد اية بامفيش قدامنا. انت لسة فاكر نفسك واحد مننا
اتصدم عمر من الكلام وقال
اومال انا اية
سلطان
انت غريب عن المملكة دي ومالكش فيها اي حد
عمر بصوت حزين
ازاي يا والدي تقول كدة. انا مهما حصل مني ابنك
سلطان
ابني ما يقتلش ظلم ولا يكون السبب في موت انسانه بريئة
عمر
ياوالدي ان، ،،،،،،،
سلطان مقاطعه له وبحدة قال
اخرج من القبيلة انت مالكش مكان فيها
فيبص عمر لوالدة مش مصدق اللي بيسمعه واتوجع قلبه ووطي علي ايدة علشان يبوسها وقال
انا ماعرفش غير المكان دة مكان. ولو ليا ارض تاني اموت علشانها الا. الارض دي
لكن سلطان عظيم يبعد عنه بجحود شديد ويقول
انا امرت الحراس بانهم لو شافوك في القبيلة لاي سبب يقتلوك
وخرج سلطان عظيم من الخيمة وعمر مش مصدق اللي بيشوفه ويسمعه وبيقول لنفسه
ازاي والدي يكون قاسي عليه كدة. كل دة علشان غلطة لكن يا والدي انا مش هاخرج من القبيلة ولو مكتوب عليه الموت هموت علي الارض دي ،،،،،،،،
ومن الاقصر وفي بيت الشيخ رمضان تقعد وصيفة قدام الشيخ رمضان وبيقرا عليها كلامات بلغة هي مش فاهمها وكان الشيخ رمضان حاطط ايده علي دماغ وصيفة وبعد ما يخلص يقوم ويبص لها وهو يقول
كام جلسة من دي وهاتبقي احسن
وصيفة
وارجع زي ما كنت
الشيخ رمضان
باذن الله. اسيبك بقي دلوقتي علشان عندي شغل.
ويخرج الشيخ رمضان من البيت ويدخل معتز وهو معه موز ويروح بي ناحية وصيفة ويقشر لها صباع ويدي لوصيفة وهو بيقول
شوفتك امبارح بالليل وانت بتاكلي موز بشهية مفتوحة عرفت انه عجبك قولت لما اجيب لك تاني
فتمسك وصيفة منه صباع الموز وتاكله وهي فرحانه وبتقول
انا كنت اول مرة اذوق الموز دة امبارح وفعلا طعمه عجبني اوي.
معتز
الف هنا وشفا
وصيفة وهي بتاكل الموز بتقول
تعرف انك حنين اوي
معتز
معاكي انتي بس لكن مع اي حد تاني ببقي رزل
فتضحك وصيفة وتقول
اول مرة اضحك من قلبي من ساعه ما بقيت في الزمن دة
معتز
ومش هاتبقي اخر مرة.
وصيفة وهي بتبتسم وبتبص لمعتز وبتاكل الباقي من صباع الموز وبتقول
بس انا كنت عايزا اعرف انا لية بفهم كل كلامكم. ماعدا كلام والدك الشيخ وخصوصا ساعه الذكر
اتصدم معتز لكنه تمالك نفسه وقال
دة علشان والدي بيرقيكي بس بلغه عربية قديمة
وصيفة
بصراحة يا معتز انتم كلكم بتتعبوا معايا اوي ولا كانكم اهلي
فيقرب معتز من وصيفة ويقول
انتي بقي بالنسبة لي مش اهلي وبس انتي كمان عمري
فتخجل وصيفة وتبص بعيد عن عيون معتز، ،،،،،،
ومن اوروبا يقف هوديني قدام قصر كبير في منطقة بعيدة بعض الشئ عن السكان ويبص للقصر باعجاب شديد ويشاور لباب القصر فيفتح ليري رجل في الستين بيلعب مع كلبين ضخمين من فصيلة البيد بول فيبص له الرجل صاحب القصر ويقول بعصبية وبلغة انجليزية
انت مين وازاي دخلت هنا
وبدأ الكلاب يهوهو علي هوديني لكن هوديني يبص لهم ويهمس بهمسات الشيطان والهمس دة كان كفاية جدا علشان يهجموا علي صديقهم الرجل العجوز ويبدوا يكسروا عضم جسمه وهوديني بيعدي من قدام الرجل اللي كان بيطلع في الروح وبيطلب الرحمة ويدخل هوديني للقصر ويبص لصقر كبير كان من حجر فيتحول الصقر الي حقيقي ويركب هوديني علي ظهرة ويطير بي ويحلق حوالين القصر ويبدأ يهمس ويسمع همسه كل الحيونات الموجودة المكان وهوديني يضحك بخبث شديد، ،،،،،،،،،،،
ومن اسيا وتحديدا الصين يقف داسم وسط سوق كبير ويبص لكل الناس الموجودة في السوق وهمس همسات فخرجت النار من تحت الارض ابتلعت الناس وكانه بركان ولا يمر سوي لحظات الا ورجعت الناس دي تاني وكلهم اصبحو شبه داسم فبص لهم داسم وقال
مين يموت علشان انا اعيش
رد كل الموجودين و كل واحد لوحدة
انا
داسم
مين يمرض علشان انا اخف
نفس الرد
انا
داسم
مكانكم النار. علشان انا اعيش. وعليكم بالطاعه.
فنزلو كلهم قادم منه كاشارة عن طاعتهم لي، ،،،،،،،،،،
ومن جوة مملكة البحور السبع كانت روح تقف مع جدها سفيان والوزير جايد وتقول له
انا مصدقاك يا جدي وعارفة انها مش امي. بس انا تعمد اني امثل عليها اني مصدقها علشان اقدر احميكم منها وافكر ازاي اخلص منها
سفيان
ودة يحصل ازاي والاموات رجعوا وشايلين في ارواحهم شياطين الجن. المملكة بتروح مننا
جايد
لازم نستغل ان بحور رايحة لقبيلة سلطان علشان تهجم عليها وواخدها معها اتباعها
روح
دة اللي انا فكرت في وهما في الطريق لقبيلة سلطان اقفلو كل المداخل لمملكة البحور بتعويذة الجليد
سفيان
معني كدة ان اي حد برة المملكة مش هايقدر يدخل
روح
عارفة
سفيان
انتي هتكوني معها في حملتها علي قبيلة سلطان يعني مش هاتقدري تتدخلي
روح
مش مهم انا المهم ان الخطر دة يكون لي نهاية.
جايد
لو سابت من اتباعها اللي يفضل في المملكة يحميها
روح
مهما هاتسيب مش هاتسيب اكتر من اللي هايكونو معانا برة وساعتها تقدروا انتم عليهم
جايد
بس كدة،،،،،،،
روح مقاطعه له
مافيش وقت لاي حسابات تانية. الحملة هاتتحرك النهاردة بالليل. وعند شروق الشمس تكونو خلصته علي اللي فاضل من شياطين الجن وتحرقوا جثث الاموات وتمنعوهم من انهم يحتلو اجسام تانية. وتخلو التعويذة تحمي مداخل المملكة،،،،،،،،،
وبالليل ومن الاقصر كانت وصيفة قاعدة مع معتز قدام البيت فيقف قدام منها فارس ومعه الغنجمية وقال لها
وصيفة بنتي دة انا قلبت عليكي الاقصر
فتبص له وصيفة وتقول
انت مين
فتبص الغنجمية لمعتز وتشك في ومعتز يبص لها وفارس كان بيقول
انا فارس والدك
فيهمس معتز بهمسات الشيطان فتقول الغنجمية
يلا بينا حالا
فبدات وصيفة تتحول وفارس بيقول
هاتحمينا زي كل مرة. وهاتعرفيني بقلبك
معتز
قلبها انقسم مبقاش ملكك. وسرقنا كل ذكرياتها من دماغها يعني مابقتش تعرفك
فتبص وصيفة للرمال اللي تحت رجل فارس وتتحول حبات الرمل الي حبات ازاز حادة جدا بدات تقطع في لحم فارس لكن الغنجمية تلف ايديها حوالين فارس وتختفي بي ،،،،،،،
ومن قدام البوابة الخاصة بقبيلة سلطان عظيم تظهر بحور علي حصانها ومعها روح علي حصان تاني وروح بتقول لها
انا مش عارفة ازاي نيجي انا وانتي بس لغاية قبيلة سلطان عظيم والمفروض انها حملة. مش خايفة من الجنود
بحور
قبيلة سلطان عظيم هاتتسلم لينا من غير اي نقطة دم
روح باستغراب
ازاي
فتبص بحور للبوابه فتفتح البوابة ويخرج سلطان عظيم ويركع امام الاميرة بحور بخضوع شديد فتنصدم روح من اللي شايفه وما تغيرش عن حالها عمر اللي كان بيراقب اللي بيحصل من بعيد. ،،،،،،،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام
إرسال تعليق