دموع تحت اقدام عشق
★الحلقة العاشرة★
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفي نفس اللحظة كانت عشق تصرخ وبتنادي علي مالك قائلا
مالك
فتدخل لها عبير مسرعا وهي بتعيط علي فراق والدها اللي كانت جثتة لسة في الاوضة وخدتها عبير في حضنها وهي بتقول
مالك. بيجيب حاجة وجاي
فتبص عشق لعبير وتقول
اطلعي برة وابعتي لي مالك عايزا مالك. هو الوحيد اللي بيحبني
عبير وهي بتحاول تهدئة عشق
يا عشق كلنا بحبك وكلنا جنب منك
فتصرخ عشق باعلي صوت عندها وبيهايج شديد وتقول
اطلعي برة عايزا مالك عايزا مالك
فيفتح رامي باب الاوضة ويدخل فتبص له عبير وتقول له
الحقني يا رامي.
فيروح رامي ناحية عشق ويبص لها ويبص لحالها ويقول لعبير
اخرجي انتي وسيبني معها لوحدينا
فتخرج عبير ورامي يروح ناحية عشق اللي عماله تصرخ وبتخربش نفسيها من شدة العصبية فيمسك رامي ايد عشق بمنتهي القوة ويبص لعشق في عيونها ويقول
ماحدش في الدنيا دي كلها بيحبك زي ما انا بحبك
فتهيج عشق اكتر وتقول
عايزا مالك عايزا مالك
فيبص رامي لعشق بحب شديد ويقول وهو بيمشي ايدة علي وشها بحنية شديدة. وبيمسك ايدها وبيحضها علي قلبه.
اهدي ولازم تعرفي مين اللي بيحبك.
فتبص عشق لايدها اللي علي قلبه. وتهدي عشق قليلا وتبص لرامي فيقول رامي وهو باصص في عينيها
أنا اللي كتبت الرساله. مش مالك. انا اللي عيشت عمري كله مستني اقول لك بحبك ومستني منك تقولي وانا كمان بحبك انا اللي عايش بحلم بكل نفس خارج مني يحضن كل نفس خارج منك. انا ما بقتش جبان وانتي مش لازم تكوني كدة ارجعي تاني الوردة المفتحة اللي ضحكتها كانت بتخلي قلبي يطير من فرحتة.
فترفع عشق ايدها وتمشيها علي شعر رامي وتقول
انت بتحب عشق
رامي وهو بيبوس ايدها
انا بعشق عشق. ودلوقتي نامي واهدي علشان في كلام كتير ما بينا هايتقال بس لما تخفي
فتبص له عشق وهي بتحط دماغها علي المخدة وهو بيبص لها بحب شديد وبيمشي ايدة علي خدها. لغاية ماراحت في النوم. ،،،،،،،
ويخرج رامي من اوضة عشق فتروح له عبير مسرعا وتقول
هديت
رامي
اة. ونامت كمان
عبير
طيب الحمد لله. ان مفعول المنوم لسة مارحش
وهنا تدخل فاطمة عليهم الشقة وهي تنهج وتقول
الحق يا رامي الحقي يا ماما
فبصوا لها كلهم باهتمام شديد وقالت صباح بلهفة
في اية يا فاطمة
فاطمة
مالك عمل حادثة وحد من المستشفي لسة مبلغني دلوقتي
فصرخت صباح وقالت
ابني
رامي
اللي كلمك ماقالش هو محجوز في مستشفي اية
فاطمة
قال
صباح
طيب يالا احنا مستنين اية
رامي
مش هاروح في حتة الا لما ادفن عمي الاول
عبير
بس دة اخو،،،،،،
رامي مقاطعة لها وبحزم يقول
ادفن عمي وبعد كدة اروح اطمئن عليه
فتبص صباح لرامي مش عارفه تقول اية ولا عارفة تعمل اية ففهم رامي وقال لها
روحي يا ماما انتي وفاطمة وانا هادفن عمي وابقي اتصل بفاطمة اعرف منها انتم فين وهاجي لكم باذن الله ،،،،،،،،
ومن داخل الاوضة المحجوز فيها مالك تقف صباح ومعها فاطمة قدام الدكتور المعالج لمالك وتقول صباح
يعني اية يا دكتور مش فاكر اي حاجة غير عشق
الدكتور
والله يا مدام دي حاله ابنك جه له فقدان نسبي في الذاكرة وحياتة كلها وقفت عند لحظة واحدة وهي شجرة وعشق وبحبك وخايف تكسفيني. دة كل اللي هو فاكرة في حياتة اللي قبل كدة. مين عشق دي بقي. خطيبتة
صباح
لا. دي بنت عمه. طيب والحاله اللي عنده دي علاجها اية
الدكتور
علشان ترجع له الذاكرة لازم يقابل عشق ويكون قريب منها
يمكن لما يكون قريب منها يفتكر كل اللي فات وترجع له الذاكرة
فاطمة
يا سبحان الله. دنيا عشق مافيهاش الا مالك ودنيا مالك مابقاش فيها الا عشق
فتبص صباح ناحية مالك اللي كان باصص ناحية الشباك وتقول لنفسها
دة انتقام ربنا علشان قال عليها مجنونه وفضح عمه قدام العيلة كلها. وزي ما عشق محتاجة ليك علشان تخف انت كمان محتاج لها علشان تخف
ثم تبص صباح للدكتور وتقول له
طيب يا دكتور هو ممكن يروح معانا
الدكتور
النهاردة مش هاينفع خالص لانه لسة تحت الملاحظة وعامل له شوية تحاليل واشعة ومستني النتائج بتاعتهم علشان اطمئن علي الخبطة اللي في دماغه
فاطمة
المهم يا دكتور انه يبقي كويس
الدكتور
والله من الكشف علية هو مافيش في جسمة اي كسر كلها مجرد كدمات بسبب الخبطة لكن الاساس عندنا دلوقتي الخبطة اللي خدها في دماغه قصرت علية لغاية فين
صباح
هو ممكن يكون عنده حاجة غير فقدان الذاكرة
الدكتور
والله بقي الاشعة اللي اتعملت علي دماغه هاتثبت لنا اية كل حاجة عنده. وان شاء الله خير،،،،،،،،،
وفي الليل ومن عزاء الحريم. الخاص ب وائل و المقام في شقتة تقف خديجة مع عبير وتقول لها
هي اختك شروق فين تيجي تريحك شوية
عبير
ماعرفش يا ماما بنتك مختفيا من بعد العصر
شروق
غريبة ازاي شروق تسيبنا في يوم زي ده غريبة
عبير
هو الاغرب راحت فين دي،،،،،،،
ومن امام باب المستشفي المحجوز فيها مالك تقف شروق وهي عماله تبص يمين وشمال وهنا يظهر ممرض ومعه مالك اللي لايزال رابط دماغه وحاسس بصداع فيبص الممرض لشروق ويقول لها
هو دة
شروق وهي بتبص لمالك بحب شديد
اة. هو
ثم تخرج فلوس كتير من شنطتها وتحط الفلوس دي في ايد الممرض وهي تقول
انت ما شوفتنيش وماتعرفش عني حاجة. ولو الدكتور سالك عنه انت ما تعرفش راح فين
الممرض
بس كدة من عينية
فيبص مالك للي بيحصل ويقول شروق
انتي مين
شروق
انا عشق اللي انت بتحبها وهي بتحبك
مالك
انتي عشق تعرفي انك حلوة اوي
شروق فرحا
واحشتني وواحشني كلامك الحلو
وتمسك ايدة وتعدي بي الشارع وتركب لتاكسي كانت مواقفة وينطلق التاكسي وهما جوة منه وشروق بتبص لمالك وتقول في سرها
بحبك مهما عملت فيا. مع اني مش طايقة اشوفك بحبك ونفسي اخلص من حبك لكني مش قادرة. علشان كدة اول ما فاطمة دخلت علينا وقالت انك عملت حادثة جيت وراء خالتي صباح ووقفت برة وسمعت الدكتور وهو بيتكلم عنك وعن فقدان الذاكرة اللي جالك وقولت اخطفك واخليك ليا انا بس واخبيك في قلبي يا حبيب قلبي وابعد بيك عنهم لاني عارفة انهم مستحيل يوافقو علي جوازي منك لانك السبب في موت عمك. وانا مش هاقدر اعيش من غيرك ولا اعيش بعيد عنك
وترتمي شروق في حضن مالك ومالك يبص لها ويقول
حاسس اني بحبك اوي يا عشق
شروق
وانا كمان بحبك اوي يا قلب عشق، ،،،،،،،،،،،،
وتعدي الليلة وفي الصباح ومن داخل المستشفي اللي كان محجوز فيها مالك يقف الدكتور بداخل اوضة مالك وفي ايدة اشعة مالك وكان يقول بعصبية لاحدي الممرضات
يعني اية مريض يخرج من المستشفي من غير اذني.
الممرضة
والله يا دكتور كان هنا وانا عديت عليه بنفسي
الدكتور. بعصبية
المريض دة عنده تجلطات في خلايا المخ ولو ملحقناش نعالجه في خلال 24 ساعه هايموت. ،،،،،،،،،،،،،،
يارب تكون الحلقة عجبتكم. مستني رايكم.
رووووعع بالتاكيد تحياتي
ردحذفشروق دي هبله ولا ايه
ردحذف