جاري البحث
★الحلقة السادسة★
والاخيرة
كتابة واقتباس
محمد منصور. * منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن داخل شقة كيم يتحرك كيم جوة الشقة رايج ناحية الباب اللي كان جرسة بيرن ويفتح الباب علشان يشوف سونج استغرب جدا وقال
سونج. اول مرة تزورني في ميعاد زي دة. اماي حصل لها حاجة
سونج
طيب مش تخليني ادخل الاول
وسع كيم من قدام سونج وهو بيقول
طبعا اتفضل
ودخل سونج للشقة وقعد الركنة وبص ل كيم بترقب شديد وكيم مستغرب وقفل الباب وراء وقال
خير يا سونج
سونج
اخر مرة شوفت فيها اماي كانت امتي
استغرب كيم من السؤال وقال
لية السؤال دة
سونج
ارجوك جاوبني
كيم
من شهر تقريبا وقت ما كنت عندك. هو في اية
سونج
كيم اعمل لي فنجان قهوة من فضلك
كل دة وكيم مش قادر يستوعب في اية ولا قادر يفهم لية سونج موجود اساسا في شقته في ميعاد زي دة. وراح المطبخ وبدأ يحضر لفنجان القهوة وفي لحظة كان سونج واقف وراء منه في المطبخ وحاطط السكينة اللي معه علي رقبته وبيقول
فين اماي يا كيم
اتفزع كيم وقال بخوف شديد
اماي. وهو انا هعرف مكانها ازاي
سونج
ملهوش لزوم الكذب اماي كانت بتبات عندك من ورايا وفي علاقة غريبة بينك وبينها. وكانت معاك يوم الخميس الصبح قبل اختفائها بكام ساعه. قولي فين اماي
كيم وهو بيبص للسكينة اللي علي رقبته وجاهزة لحرمانه من الحياة. قال
ماعرفش ماعرفش. انت ازاي تفكر اني ممكن اكون السبب في اختفاء اماي. انت اتجننت
سونج
انا بنفسي شوفت الجاكت بتاعك في ارضية العربية بتاعتها وفي رسائل ما بينكم معني غامض وخطير. انت كنت في علاقة محرمة مع بنتي
كيم بعصبية
انت مجنون. اماي زي بنتي ازاي تفكر اني ممكن اعمل معها علاقة
سونج
اومال اية اللي خلاها تبات عندك وكمان تقول بابا لو عرف هيقتلني ويقتلك
سكت كيم وما ردتش قرب سونج السكينة اكتر واكتر وقال بتهديد
ما تخلنيش انسي انك اخويا الوحيد واقتلك
كيم
اهدئة يا سونج السكينة بدات تقطع لحم رقبتي
سونج بمنتهي العصبية
قولي اية اللي بينك وبين بنتي ولية كانت بتيات عندك في السر
كيم
علشان المخدرات
سونج مصدوما
المخدرات
كيم
ايوة.
سونج
انت اللي خليت بنتي تشرب مخدرات
كيم
المخدرات اللي كانت بديها لبنتك كانت من مواد كيمائية غير ضارة كنت بحاول بيها ابعد بنتك عن فكرة الانتحار اللي بدات تتمكن منها.
بدا سونج يبعد السكينة عن رقبه كيم وكيم مسك احدي فوط المطبخ وبدأ يحبس الدم اللي بينزل من رقبته بسبب خربوش سببته السكينة لي. وقال كيم
لكن اماي اتعرفت علي المخدر اللي من اختراع نميجا وبدا المخدر دة يتمكن منها وحاولت ابعدها عنه لكني ما قدرتش
سونج بصوت حزين
لية ما عرفتنيش ان اماي بقيت مدمنة
كيم
خوفت علي اماي من رد فعلك لما تعرف انها بقيت مدمنة وحاولت اعالج المشكلة دي بطريقتي. وفعلا اماي كانت عندي يوم الخميس في نفس ميعاد درس البيانو وقت ما اتصلت انت بيها وقالت لي انها هتسهر برة النهاردة وممكن تبات عند واحدة صاحبتها رفض وقولتها ان السيول الصيفية هتبدأ وان الجو هيبقي برد جدا عليها. لكنها صممت اديتها الجاكت بتاعي الا عليه التصميم الجديد لشعار النادي اللي انا بشجعه
سونج
اماي خرجت من عندك راحت للبحيرة الصناعية اللي في الغابة وهناك اختفت
كيم
صدقني يا سونج انا ما كنتش اعرف ابدا بانها بتروح تسهر ليلة كل خميس عند البحيرة الصناعية والا كنت بلغتك
وهنا يرن موبيل سونج وكانت المتصلة بي اوماي رد سونج وقال
سيدة اوماي
وسكت شوية وبدات ملامح وشة تتغير للحزن الشديد ورمي الموبيل في احدي حوائط الشقة وقال بعصبية
لا.
جري عليه كيم وقال
سونج في اية
كان بيعيط سونج بحرقة وبص ل كيم وقال
اماي لقو جثتها
اتصدم كيم، ،،،،،،،،،،
وبعدها بساعه وعلي احدي القنوات الاخبارية تقف اوماي في مؤتمر صحفي وتقول
اسفة انتهي لغز اختفاء اماي بالعثور علي جثتها مقتوله وسط غابات سول. والمجرم اعترف بجريمته وقام بالانتحار ودلوقتي هعرض لكم تسجيل فيديو لقاتل اماي.
الشاب نميجا.
وشاورت اوماي علي شاشة عرض كبيرة وراء ظهرها واشتغل فيديو وفي نميجا بيقول
اعترف وانا بكامل قواي العقلية اني قاتل اماي. اماي اتعرفت عليها عن طريق تطبيق الكاست اللي قومت باختراعه وبدات احبها بشدة وطلبت ان اقيم معها علاقة لكنها رفضت وبشدة. وهددتني انها تفضح امري قدام كل متابعي تطبيق الكاست لذلك ادعيت اني سافرت الصين علشان اكون مع والدي لكن الحقيقة اني ما سافرتش وكنت عارف ان اماي كل ليلة خميس تذهب للبحيرة الصناعية روحت ورها ومع دقات الساعه 12. ص. ومن غير ما تحس بيا هجمت عليها في العربية وحاولت اغتصابها لكنها قومتني قتلتها ودفنت جثتها تحت الشجرة العاشرة من بعد البحيرة الصناعية. وقررت الاعتراف قبل الانتحار علشان الهروب اصعب بكتير من الموت. سامحيني اماي.
وانتهي الفيديو بان نميجا ضرب نفسه بالنار قدام الجميع وبعدها بصيت اوماي للحاضرين وقالت
انا اللي اسفة ليكي اماي. كان نفسي نهايتك ما تكونش كدة
وبمجرد ما انتهي البث قفل كيم الشاشة لانه كان بيتابع مع سونج هذا البيان فقال كيم وهو حزين
مسكينة اماي راحت ضحية مجنون
سونج وهو لسة بيبص للشاشة المطفية
نميجا ما قاتلش اماي
كيم باستغراب
لية بتقول كدة
سونج
نميجا قال. ومع دقات الساعه 12. ص. روحت ورها ومن غير ما تحس بيا هجمت عليها في العربية وحاولت اغتصابها لكنها قومتني قتلتها. ازاي قتلها وازاي اماي اتصلت بيا اكتر من مرة. 1. ص.
كيم
تقصد انه خطفها وهي قدرت تفلت منه وتكلمك
سونج
ما قدرش احدد بالظبط. بس نميجا بيكذب
كيم
ولية يعمل كدة
سونج
دة بقي اللي المفروض توصل لي اوماي لان دة شغلها. اديني موبيلك
ادي كيم موبيلة ل سونج واتصل سونج باوماي لكن موبيلها كان خارج الخدمة فضل يتصل اكتر من مرة وبرضو خارج الخدمة اتصل برقم المكتب بتاعها رديت عليه زميلتها في فريق البحث هانا. فقال سونج
ممكن اكلم المحققة اوماي
هانا
المحققة اوماي بتنتهي من اجراءات نقلها للصين. بعد ما انهت لغز اختفاء اماي اللي كانت متطوعه في العمل علي قضيتها
استغرب سونج وقال
متطوعه. بس انا اعرف انها كانت مكلفة ب هذة القضية
هانا
لا. يا فندم هي اللي اطوعت لهذة القضية وطلبت من مكتب التحقيقات الكوري ان ما حدش يقوم بجل لغز اختفاء اماي الا هي
سونج
لية
هانا
ماعرفش
سونج
طيب تقدري تقولي ممكن الاقي اوماي فين
هانا
هي دلوقتي في الادارة وبعد 1/2 ساعه هتكون في بيتها علشان تلم شنطتها وتلحق طيارتها
سونج
شكرا
وانهي سونج المكالمة وبص له كيم وقال
في اية
سونج
اية اللي يخلي اوماي تقول انها مكلفة من مكتب التحقيقات بحل لغز القضية دي وهي متطوعه. وهي اللي صممت ما حدش بحقق في القضية دي غيرها
كيم
مش فاهم دة هيفرق في اية
سونج
كيم افهم. انا فضلت 3 ايام ما فيش حد مهتم بالبلاغ بتاعي ودة في الطبيعي ما بيحصلش في مكتب التحقيقات الكوري. وفي الاخر تظهر لي اوماي وتقول انها مكلفة وهي متطوعه وكمان في الاول تعمدت انها تفهمني اني بنتي هربانه مش مفقودة. دة ملهوش الا معني واحد
كيم
تقصد ان اوماي في حد اشترها علشان تخلينا ما نوصلش ل اماي
سونج
مافيش تفسير تاني
وقام سونج وراح ناحية الباب فقال كيم
رايح فين
سونج
اوماي قررت تسيب كوريا وتروح الصين وانا لازم الحقها قبل ما تهرب ويا اما تجاوب علي كل اسائلتي او اما تموت زي ما. اماي ماتت
كيم
طيب استني انا هاجي معاك. ،،،،،،،،،
ومن قدام بيت اوماي يرن سونج جرس الباب فتفتح الباب فتاة شكل اماي بطريقة غريبة اتصدم سونج وكيم ولسة البنت دي هتقفل الباب. في وشهم منعها سونج ومسك الباب وزقة جامد واتمكن كيم من البنت ومع محاولات هروب البنت تقع الباروكة اللي كانت علي راسها ويظهر نميجا اتصدم سونج وكيم وقال سونج
انت. بتعمل اية هنا
هنا تظهر اوماي وفي ايديها السلاح بتاعها وتصوب السلاح ناحية سونج واماي. وبتقول
احسن لكم تبعدوا عن بنتي حالا وترفعوا ايديكم لفوق
اتصدموا الاثنين وكانوا لسة ما سكين نميجا وقال سونج
بنتك.
اوماي
ايوة بنتي. كيا. ودلوقتي ابعدوا عنها والا هضربكم بالنار
بدا سونج وكيم يبعدوا عن كيا. وبمجرد ما اتحركت كيا مسكها تاني سونج وطلع السكينة وحطها علي رقبتها وقال
ارمي السلاح والا بنتك هتموت زي اماي
بدات كيا. تعيض بشكل هستيري فخافت عليها اوماي ورمت السلاح وهي بتقول
سيد سونج بنتي مريضة نفسية بتعاني من الانفصام الحاد في الشخصية صدقني هي ما كنتش تقصد انها تاذي بنتك
سونج ل كيم
هات السلاح يا كيم
وفعلا راح كيم ومسك السلاح من علي الارض وصوبه ناحية اوماي وقال سونج
فين بنتي
اوماي
بنتك موجودة في الغابة.
سونج بعصبية
7 ايام. وتعرفي هي فين وساكتة. شايفاني كل يوم قدام منك بموت بالبطي وساكتة.
اوماي
كان لازم اعمل كدة علشان احمي بنتي كيا. من اي مسالة قانونية. وخصوصا بعد ما زقتها من فوق التل.
سونج
ولية عملت فيها كدة
اوماي وهي بتعيط
علشان العلاقة اللي اتولدت بين كيا واماي. علاقة ما كنش ينفع فيهم ان اي واحدة منهم تحب واحد تاني. و اماي كانت بتحب نميجا. اللي هو برضو كيا
سونج
دة تخريف وجنون
اوماي
دي الحقيقة.
سونج
يعني هيسو هي كيا
اوماي
هي. واللي كان بيراسل اماي وقت البث المباشر مع نميجا كان نميجا نفسه لكن اماي ما كانتش واخدة بالها. وعلشان كدة كيا قررت تقتل اماي اللي سيبتها وحبت غيرها راحت وراها ليلة اختفاء اماي ودة اللي حصل، ،،،،،،،،،
ونرجع بالاحداث لليلة اختفاء اماي وكيا واقفة قدام اماي وهي شبها بالظبط فقالت لها اماي باستغراب
انتي مين وازاي شبهي كدة
كيا
انا شبيهتك هيسو سون
اماي باستغراب شديد
انتي بقيتي شبهي بالظبط
كيا وهي بتكشف عن بطنها
حتي الوشم اللي عندك عندي
اماي وهي بتبص علي الوشم
فعلا
كيا
يبقي ازاي بعد ما ابقي شبهك تسيبيني وتحبي غيري
اماي
تقصدي مين
كيا
نميجا
اماي بعصبية
افتكر اننا اتكلمنا قبل كدة في حبي ل نميجا وافتكر اني حرة احب اللي احبه واكره اللي اكرهه
كيا
كنتي حرة قبل ما ابقي شبيهتك.
اماي باستغراب
غريبه اوي وانتي علشان شبيهتي اتحرم عليه الحب
كيا
انا اولي بقلبك.
اماي
حبي ليكي هيكون شكل وحبي ل نميجا شكل تاني
كيا بغضب
اخرسي واوعي تقولي كلمة حب اللي وبعديها اسم هيسو
ولو فضلتي تحبي نميجا هقتلك واقتله
اماي
انتي مجنونه. انا ما ينفعش احبك الحب اللي انتي عايزا
كيا
هتحبيني
وقربت منها كيا وهي بتقول
والا الموت هيبقي مصيرك
بدات تخاف اماي وبدات ترجع لوراء وهنا قربت اكتر كيا واماي بتصرخ لكن كيا هجمت عليها وبدات تقطع هدومها بجنون واماي بتحاول تبعدها عنها وقعت ميدلية المفاتيح الخاصة ب اماي بقرب من البحيرة. وهنا توقفت كيا عن تقطيع هدوم اماي وسمعت اماي صوت شاب خارج من كيا وهو صوت نميجا بيقول
اهربي يا اماي وانا هنمعها توصل لك
جريت اماي وهي هتجنن مش مصدقة اللي شايفة في كيا ماسكة في خناق نفسها بشكل يخوف وركبت اماي العربية بتاعتها وبدات تدور علي المفاتيح لكنها وقعت هنا هجمت عليها كيا وبدات تشدها من شعرها لكن توقفت مرة واحدة وبدات تاني كيا تمسك في خناق نفسها خرجت بسرعه اماي من العربية وجريت في الغابة مش عارفة تروح فين طلعت الموبيل بتاعها واتصلت ب سونج وطبعا ما ردتش فضلت تجري لغاية ما تعبت ولقيت نفسيها اعلي تل كبير وقفت وبصت لتحت منها وخافت فهو منحدر خطير. ولسة هترجع لقيت كيا بتزقها ووقعت من فوق التل والموبيل وقع من ايدها ،،،،،،،،،،
ونرجع تاني ل سونج واوماي بتقول
بعد اللي حصل دة اتصلت بيا كيا وحكيت علي اللي هي عملته روحت لها وكان لازم احاول ابعد اي خطر عن بنتي وفكرت وزقيت العربية في البحيرة وبكدة ما حدش هيعرف ان اماي دخلت الغابة. لكن انت قدرت توصل للبحيرة رغم اني حاولت كتير اخليك تشك في بنتك وانها هربانه وقدرت ادي لنفسي مهلة تلت ايام علشان ازور رخصة قيادة لبنتك وازور معاملات بنكية تخصها حتي اصحابها في مرحلة اعدادي خلتهم ينكروا انهم يعرفوا عنها حاجة من سنتين ودة كله كذب.
سونج
كل دة عملتي علشان خاطر بنتك تعيش في امان
اوماي
لو كنت مكاني كنت اكيد هتعمل كدة. القانون الكوري ما بيفرقش في الحكم علي مريض او سليم
سونج
تستخدمي سلطتك في انقاذ بنتك من السجن. وانا بنتي تموت او تعيش مش مهم
اوماي
كان لازم انقذ بنتي. انا ما عنديش غيرها في الدنيا
سونج
كنتي ابعتي لي رساله وكانها من مجهول وعرفيني مكان بنتي
اوماي
وتكشف سر كيا ويبقي سهل القبض عليها. ويتم فضيحة بنت المحققة اوماي المحققة الاولي في كوريا
سونج
اظن ان وقت الكلام خلص. جه الوقت اللي تعرفيني في مكان التل اللي وقعت من عليه بنتي
اوماي
ماقدرش
سونج وهو بيمشي بالسكينة علي رقبة كيا. وكيا بتصرخ والدم بينزل من الرقبه وقال
يبقي بنتك تموت زي ما بنتي ماتت
اوماي
لا. يا سيد سونج ارجوك
كيم
كفاية الوقت اللي ضاع قولي فين اماي
اوماي
هقول، ،،،،،،،،،
وبعدها بكام ساعه يروح فريق الانقاذ ويبدأ يخرج اماي اللي انكتب لها عمر جديد لانها لما وقعت اتعلقت هدومها بجزع شجرة قدرت بصعوبه تتحرك عليه رغم ان رجليها اتكسرت لغاية ما وصلت لصخرة جنب منها بركة من المية وبدات تشرب من مية الامطار اللي نزلت فوق منها تلت ايام واكلت ورق الشجر وبعض انواع الفاكهة اللي بتطلع في الغابات. واول ما شافها سونج جري عليها هو وكيم وخدوها في حضنهم وكان سونج مش مصدق انه ممكن يشوف بنته تاني ،،،،،،،،،،،
وتم القبض علي اوماي وبنتها كيا.
وبعدها بيومين ومن جوة المستشفي اللي بتتعالج فيها اماي يقعد سونج قدام اماي ويقول لها وهو بياكلها رز باللحوم.
عملت لك رز باللحوم المشكلة. الطبق المفضل عندك
ابتسمت اماي وسونج بيحط لها معلقة في بوقها. وقالت
ماحدش بيعرف يعمل الاكلة دي زي امي
هنا ظهرت ميشا وراء منها وشافها سونج وابتسم وميشا كانت بتضحك. ورجعت اماي ومعها رجعت الضحكة ل سونج وبدأ يهتم بيها وعلاجها من ادمان المخدرات وبدات تعيش حياتها من جديد بس في المسار الصحيح. ،،،،،،،،،
النهاية
كنتم مع فيلم جاري البحث. للي حابب يتفرج عليه طبعا انا مغير في احداث. علشان اللي هيدور علي اللي قراءة هنا مش هيلاقيكي في الفيلم. اتمني اني اكون قدرت اسرق لكم حاجة نظيفة. واستنوني قريب واقتباس جديد.
جميل
ردحذفجميلة
ردحذفالله جميله جدااااا تسلم
ردحذفروعه
ردحذف