الهام واللي كان الحلقة الاخيرة

 بيت عوج

               ★الحلقة الثامنة★

                     ‏الاخيرة 

  كتابة واقتباس 
محمد منصور. * منص*

 وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

 ‏

 ‏بسم الله توكلت علي الله. وهو رب العرش العظيم

                           ‏

فيمسك الرجل الشال بيدة ويرفع الشال من حوالين راسة وتنظر له فاتن وكل من في القاعة باهتمام شديد وانصدمت لما شافت مين اللي رفع الشال والشبح طلع. عيسي. وقال عيسي للقاضي،

انا عيسي المحمدي 

فاتن قالت وهي هتنهار من المفاجاة

عيسي. طيب ازاي. الظابط قالي انك مت

بص لها القاضي وقال

اسكتي يا متهمة

وبص القاضي لعيسي وقال له

انت ازاي عايش مع ان فاتن عبد الحق متهمة في قضية قتلك بالسم 

عيسي

انا مامتش وواقف اهو قدام حضرتك واللي حصل دة كانت غلطة في التحريات انا كنت في غيبوبة مش اكتر.

القاضي

معاك مايثبت انك انت عيسي المحمدي

فيخرج عيسي البطاقة الشخصية ويضعها قدام القاضي فيبص القاضي في البطاقة وبعدين بص لعيسي وقال

كنت عايز تقول اية بخصوص اللي حصل في القصر بتاعك

عيسي

حضرة القاضي انا مش هاطول علي حضرتك بس عايز احكي حكايتي بالتفصيل وقدام كل الناس اللي حاضرة في قاعة المحكمة.

القاضي

الكلام اللي هاتقوله لي علاقة بالقضية بتاعتنا

عيسي

الكلام بتاعي هو القضية نفسيها

القاضي

طيب احكي

عيسي

انا حكايتي بدات من سنة ونص لما روحت اعزي في السواق بتاعي الاسطي عبد الحق الراجل الطيب اللي كنت بحبة وبعتبرة زي اخويا. ودخلت بيتة وقبلت مراتة وبنتة وابن مراتة والثلاثة كانو شياطين اتفقو علية من غير ما اعرف وطمعوا فيا لمجرد اني طيب وحبيت ارد جميل عبد الحق في عيلتة فقررت اتجوز بنتة فاتن

ويبص لفاتن ويكمل قائلا

وعيشت مع فاتن وحبيتها زي ما حبيت ابوها وبدات اعوضها عن اي حاجة اتحرمت منها قبل ما تعرفني وجيبت حسنية مرات عبد الحق وابنها منتصر وعيشتهم معايا في القصر عشان فاتن طلبت كدة وعشان هما من ريحة الغالي. وعيشنا كلنا وانا باكلهم اكلي وبشربهم من شربي واللي يتعب فيهم اكشف علية في احسن مستشفي ما ستخسرتش حاجة فيهم لغاية من كام شهر فاتو. وانا في المعمل بتاعي سمعت صوت ضحك بين فاتن و صفوت وضحك مش طبيعي ضحك وراء علاقة مش نظيفة بين مراتي وصديق عمري. اتصدمت وحسيت ان الارض مش شيلاني وقولت انا لازم اتاكد العلاقة اللي ما بينهم دي واصلة لغاية فين طلعت الموبيل بتاعي واتصلت برامي وطلبت منه انه يراقب فاتن ويبقي زي ظلها وفضل مراقبها وعرفت ان بين صفوت وفاتن علاقة نجسة لكن الصدمة اللي خدها بعد كدة كانت اشد. وهو ان في يوم من الايام صفوت كان قاعد في عربيتة وجنب منة فاتن ودار بينهم الحوار دة. واللي سجلة ليا رامي، ،،،،،،،،،،

ونرجع بالاحداث لليوم دة وصفوت في العربية باصص لفاتن ورامي زارع ميكروفون في عربية صفوت وعربية فاتن وسمع صفوت بيقول لفاتن 

انتي مجنونة والله العظيم. عايزاني اطلق مراتي واتجوزك وانتي متجوزة اصلا

فاتن

ماهو عيسي هايموت واكون حرة واورث كل اللي عندة. يعني هابقي عروسة لقطة 

صفوت

لا. انا مش عايزه يموت الا لما يوصل للمصل بتاع سم

 ال HS وبعد ما يوصل للمصل طبق شوربة من ايدك الحلوة دي في ال HS مع حبوب البروفين تخلص علية وتبقي حرة  

فاتن 

ما انتو شغالين بقالكم كام سنة ومش عارفين توصلو لجديد 

صفوت

هانت خلاص انا وصلت لحبوب البروفين واللي بيخلي من سم ال HS سم فتاك وبدل 30 جرعة منه. بيبقي كفاية منها جرعة واحدة وبموت اللي يخدها وبنفس اعراض ال HS. ومن غير اي شبهة جنائية 

فاتن

طيب فين العلاج في اللي انت قولتة

صفوت 

ما العلاج بردو في البروفين بس فاضل اوصل للنسبة اللي تتحط وتكون مضاد للمادة السامة لان البروفين بيتفاعل بشكل عكسي وايجابي مع المادة السامة. واما يحولها مادة فتاكة او يقضي عليها تمام 

فاتن

وعيسي عرف كل دة

صفوت بخبث

لا طبعا هو انا عبيط عشان ادلة علي اول الطريق للمصل انا هاسيبة يشتغل ويجرب وانا هاشتغل واجرب لغاية ما وصل للمصل وساعتها اخد السم والمصل واطير علي امريكا وهناك ابيع السم الفتاك دة بي 50 مليون دولار علي الاقل

فاتن بدهشة 

50 مليون دولار. لية السم دة يتباع بالمبلغ الكبير دة

صفوت

اولا. لان مادة ال HS بتقوي جهاز المناعة وتساعد علي ضخ الدم في الشرايين المؤدية للقلب بكمايات كبيرة بتشفي مرضي القلب واللي عندهم سيولة عالية في الدم. فمن ناحية هو علاج فعال لمرض مزمن. ومن ناحية تانية ودة اللي اكتشفة عيسي ان المادة دي. لو اتاخد منها 30.جرام علي 30 يوم تسبب سكتة قلبية ونزيف داخلي حاد. وبدون اي اثر لتناول المريض لسم فتاك ومن هنا الاكتشاف دة مهم للي حابب يشفي بي انسان يعز علية او حابب يخلص بي من انسان بيكرة

فاتن 

وعيسي الطيب صاحب الاخلاق العالية ازاي عايز يبيع مادة سامة للناس

صفوت ضاحكا

عيسي عايز يبيع التركيبة دي عشان تنفع الناس وهي تبقي علاج لمرضي القلب واللي مناعتهم ضعيفة وعشان كدة مش عايز يكشف للعالم عن الاكتشاف دة الا لما يوصل للمصل ويخلطة بال HS ومهما ياخد الانسان منه ما يبقاش في ضرر علية. وعشان عيسي غبي لانة هو لو باعة علي انه سم هايحقق ارباح اكتر وتشتري منظمات اعلي همها الاساسي الشر واذيه البشر

فاتن

طيب ما تبيعة انت علي انه سم ومش لازم تستني المصل

صفوت

لو بعيت السم بس من غير علاج لي تبقي الصفقة ناقصة المهم في اي تركيبة سم. هو المصل المضاد لي عشان السعر يبقي اعلي. وعشان كدة السم دة يوصل ل50 مليون دولار لو اتباع لي مافيا شركات الادوية 

فاتن

طيب وانا هايطلع لي اية من الصفقة دي 

صفوت

هايبقي ليكي 12.5% زي ما اتفقنا. دة غير قلبي اللي انتي جوة منه واكيد هتسافري معايا وانتي مراتي 

فاتن

طيب وافرض عيسي وصل للمصل قبل منك وطمع في النجاح لي لوحدة وباع التركيبة 

صفوت ضاحكا

مش عيسي اللي يعمل كدة. دة اطيب واحد انا شوفته في حياتي. دة اتجوزك وجاب مرات عبد الحق وابنها عشان بس بيحب عبد الحق. وعايز يكرمة في اهله انتي ماتعرفيش ابوكي دة كان غالي عندة ازاي. وكمان ماتنسيش ان الفيلا كلها بالمعمل مترشقة كاميرات صغيرة وفي اماكن ما تخطرش علي بال الشيطان عشان اي خطوة يخطيها تكون بعلمي ولو وصل قبل مني للمصل اعرف 

فاتن

انت هاتقولي. دة انت حتي اوضة النوم بتصورها 

فيضحك صفوت كمان مرة

معلش يا حبيبتي بس لازم عيسي يكون تحت عينية ليل ونهار عشان ما يوصلش لاي حاجة قبل مني. وانتي بقي انا عايزك تلعبي علي رامي وتخلي يقع في حبك. رامي هو الكل في الكل عند عيسي وكاتم اسرارة وممكن علاقتك بي تعرفنا عيسي وصل لغاية فين في تركيبة المصل ، ،،،،،،،،،،

ومن داخل المكتب بتاع عيسي يجلس عيسي قدام رامي ورامي سجل له كل اللي اتقال وسمعه عيسي فاتوجع جدا وحس بصداع شديد وقال

بقي هو دة رد الجميل يا فاتن. تخونيني مع صاحبي

رامي

انت لازم تطردها من القصر واللي اسمة صفوت دة تفضحة عند مراتة 

عيسي وهو بيفكر

لا. يارامي مش صح صفوت فاكرني عشان طيب ابقي عبيط ويعرف يضحك علية. لكن الطيب مش عبيط وهما اللي هايطلعو عبط ومجانين كمان وهايفضل صفوت فاكر اني رايح برجلي لليوم الاخير في حياتي اللي هو هيختارة ليا ولكنة هايكون اليوم دة هو اليوم الاخير في حياتة هو

رامي وهو مش فاهم

دكتور عيسي انت ناوي علي اية بالظبط 

عيسي

قبل اي حاجة نعرف مكان الكاميرات اللي قال عليها وتعطل لي الكاميرا بتاعت المعمل بس

رامي

وبعد كدة ناوي علي اية 

عيسي 

 ناوي اخليك تخوني مع مراتي واخليك تحط لي السم في فنجان القهوة بتاعتي لمدة 29 يوم واخلي صفوت هو اللي يكشف علية ويعالجني . لا وكمان يدور علي اللي بيعمل كدة عشان يقلق علية وعلي ثروتي اللي هاتروح وفي اللحظة دي هاكون الشبح اللي بيخرب حياة صفوت وفاتن. وعبد الحق اللي دخلت فاتن بسببة الجنة هايكون هو النار اللي احرقها بيها وهاخلي صفوت يشوفني وانا بحلم بشبح بعبد الحق

رامي باستغراب

شبح عبد الحق ودي هانعملها ازاي 

عيسي

بحبوب الهلاوس مع خاصية ال 7d. اللي عايزك تزرعها في اوضي هادمر جهازهم العصبي واخليهم يصدقو ان في شبح فعلا. بيظهر ويختفي. بس قبل اي حاجة لازم نسرق ازازة سم من المعمل عشان الخطة تمشي مظبوط وصفوت فعلا يصدق ان في حد بيسمني 

رامي

ومين اللي هايسرق بقي السم من المعمل بتاعك

عيسي بعد تفكير للحظات

حسنية وابنها منتصر

رامي باستغراب

اشمعني

عيسي

حسنية من يومين طلبت مني مبلغ 50 الف جنية سلف لي ابنها وانا رفض عشان هي خدت مني فلوس كتير لابنها منتصر ومع اني مشغلة في الفندق بتاعي لكنة اتمسك اكتر من مرة وهو بيسرقني وانا اسامحة. لكن المرة دي الشبح هايظهر وهايطلب من حسنية انها تسرق من المعمل ازازة سم في مقابل 25 الف جنية لو سرقت ازازة السم يبقي حلال عليها العقاب والشبح هايعرف ياخد حقي منها هي وابنها. ولو رفضت هاديها اللي هي عايزا وتفدي بالفلوس ابنها 

رامي

انت كدة ناوي تخلي كل واحد منهم يدفع الحساب بتاعه 

عيسي 

في اليوم الاخير كلنا هاندفع حساب اي حاجة عملنها. انا اديتهم كل خير ودخلتهم الجنة. وهما ردوا الخير بالشر واختارو النار. يبقي يستحملة الحساب في اليوم الاخير. وياما الجنة تكون نصيبهم ياما النار جزاء حسابهم ،،،،،،،

ونرجع للمحكمة وعيسي بيقول للقاضي

وخليت رامي يصور حسنية وابنها منتصر وهما بيسرقوني ويدي الفيديو لفاتن عشان اضرب بيها حسنية وبنتها والظروف ساعدتني وحسنية صورت فاتن وهي مع رامي ودة اللي كنت عايزه. عشان اضربهم كلهم في بعض. وحطيت في المعمل بصمة خامسة لواحد صاحب رامي وبالفلوس خليت محمد صاحب صفوت يقول لصفوت ان البصمة الخمسة هي نفس البصمة اللي علي الزرار واللي وقعه رامي اللي كان متخفي في لبس الشبح. وان البصمة تخص عبد الحق ووهمت صفوت اني سميت عبد الحق وبيظرلي في الحلم واني اكتشفت المصل عشان اخلي يجرب اللي انا كنت هاجربة لما حد يسرق مجهودي وتعبي. ومن حسن حظي ان الفترة اللي مات فيها عبد الحق كنت مسافر امربكا عشان احضر مؤتمر مش ابيع المصل زي ما صفوت عرف مني والحركة دي جننت صفوت جدا وكان بيفكر انة يخلص مني في وقتها لكنة مسك نفسة وفضل يمثل دور الصاحب الشهم الجدع لغاية ما اتمسك رامي بترتيب مني. وكلم فاتن وطلب منها تحط السم مع البروفين في طبق شوربة الخضار بتاعي في اخر مرة كلنا فيها سوي. ومع ان انا اللي طلبت منة انه ياكل معايا لكنه قرر ان دي اخر لحظة هاتجمعني بي ولازم تكون اللحظة اللي اتسم فيها وانا من غير ما يحس بدلت الاطباق ومات صفوت بالطبق اللي حضرتة فاتن. باتفاق معه. وانا اللي استغليت رامي وخليتة يحط الشال في الدولاب عشان فاتن تشك في وتبتدي تدور وراء منه وتفتش الدولاب وتلاقي المفكرة ويكتب في المفكرة كل الكلام اللي حضرتك شوفتة وبكدة تبقي فاتن قتلت صفوت عشان بتنتقم لابوها منه. ودة دليل كفاية عشان يوصلها لحبل المشنقة. لكن الحقيقة هي اللي انا قولتها ليك يا حضرة القاضي واللي اظن انها هاتوصلها بردو لحبل المشنقة. 

وبص عيسي لفاتن وقال 

علي فكرة انا مطلقك من يوم ما عرفت خيانتك مع صفوت

ورامي حابب يقول لك

ويبص عيسي للحاضرين في المحكمة فيقف رامي وسط الحضور ويقول

انا بعتبر نفسي ابن الدكتور عيسي ومافيش ابن بيخون ابوة 

عيسي لفاتن اللي كانت بتبص لرامي بحرقة

حبيت بس افرحك واعرفك ان رامي طلع انظف منك ربنا جزاكي بانه سلط عليكي دماغك. وربنا يكفينا شر اللي يتسلط علية دماغة. وانتي بشوية صبر واخلاص كنتي هاتبقي الوريثة الوحيدة ليا لكن اخترتي الطريق الغلط وكلتي التفاحة اللي خرجتك من الجنة. ووصلتي للحساب في اليوم الاخير ،،،،،،،،

وعدت الايام واتحكم علي فاتن بالاعدام. وعاش عيسي في القصر هو ورامي ورجع يمارس حياتة من تاني ووصل للمصل وباع التركيبة لكن لشفاء الناس مش اذيتهم. وفي الاخر. احب اقول رد الجميل ما يبقاش بالمكر لان سبحانة وتعالي قال 

 

          **ويمكرون ويمكر الله والله خير الماكرين ** 

                         صدق الله العظيم 

                         ‏

ولازم كلنا نعمل حساب لليوم الاخير اللي هانقف في قدام اللي خلقنا وهانبقي اما من اصحاب الجنة او النار. بلاش ناكل التفاحة اللي تخرجنا من جنة ربنا ورحمتة

                              النهاية 

يارب تكون عجبتكم وياريت اعرف راي كل واحد شرفني بقراءة القصة.