المملكة السوداء
★الحلقة الخامسة★
والاخيرة
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
والثعبان يعصر ضلوع قمر و تتألم بشده وباب المقبره يغلق والموت في طريقه الي قمر لا محاله ولكن جعفر كان له رأي أخر ويفتح باب المقبره ويدخل الي المقبره وهو رافع سيفه ويقطع راس الثعبان الملفوف حول قمر فتتحرر قمر من الثعبان وتبعده عنها وتنظر الي جعفر وتقول بصعوبة
الحمد لله. كنت هاموت. بس أنت أيه اللي جابك ورايا
جعفر
بصراحه ماكنتش مصدقك كنت فاكرك مع يعقوب وبتحضري لشي مريب يعقوب خلاني أفقد الثقه في كل
اللي حوليه بعد مالقيت أخويا مروان بيساعده
فتضحك قمر وتقول
علي كل حال أنت لو ماكنتش شكيت فيه كان زماني ميته
أنا مدينه لك بحياتي يا سيدي جعفر
جعفر
أنا احب ارد الدين اللي عليه وانتي أنقذتيني مره وانا انقذتك مره خلينا بقي في المهم اللعنه مدفونة هنا
قمر
اللعنه أتزرعت في قلب الاتنين دول ولازم نخرج قلويهم ونحرقهم وبكده تنفك اللعنه وينقلب اتباع يعقوب عليه
ويموت هو والطفل
جعفر
ومستنيا أيه أبدئي وأنهي اللعنه الخبيثه دي
فتخرج قمر خنجرها. وتفتح صدر الرجل وتخرج قلبه وتتجه ناحيه زوجته وتفتح صدرها وتخرج قلبها
وتخرج هي وجعفر من المقبره وتغلق باب المقبره خلف
منها فتنظر له قمر وتقول
ودلوقتي لازم نحرق القلبين دول وتنتهي اللعنه تماما
فيخرجا جعفر وقمر من منطقه المقابر وهم خارجين تنظر. قمر الي غراب يعقوب الذي كان يطير فوق منهم وينظر ناحيتهم وقمر تنظر له ثم تشاور له فينزل لها الغراب فتنظر في عيونه وتقول
يعقوب أنا عارفه انك شايفني لانك فكيت السحر عن غرابك. أحب أأقول لك نهايتك قربت
وتأمر الغراب بالطيران فيطير الغراب لفوق فينظر لها جعفر ويقول
أنتي عملتي ليه كده
قمر
هاقول لك،،،،،،،،
ومن داخل قصر الملكه جميلة كانت الملكه جميلة تجلس علي عرشها فيدخلا عليها جعفر وقمر و ومعهم القلبين فتنظر لهم الملكه جميله ثم تنظر الي القلبين وتقول
اللعنه هنا
قمر
أيوه هنا
وتذهب قمر ناحية حائط من حوائط القصر وتحضر الشعله المعلقة علي الحائط. وتتجه بالشعله ناحية القلبين وتقرب النار من القلبين وتحاول أشعال النار فيهم ولكن النار لا تحرق القلبين فتتعجب قمر وتنظر ناحيه جعفر والملكه جميله فيقول لها جعفر
في أيه النار مش عايزه تحرق القلبين ليه
قمر باستغراب
ماعرفش المفروض أنهم يتحرقوا
الملكه جميله
يعقوب الخبيث
فيخرج لهم يعقوب من الحائط ويقول لهم
مين عايز يعقوب
ثم ينظر الي القلبين ويضحك ثم يقول
أغبيه اللعنه بتاعتي من نار وأنتوا عايزين تحرقوها بالنار
بس العيب في اللي ماتعلمتش حاجه من أبوها الساحر وانتوا مصدقنها
ثم ينظر لقمر ويقول
كان نفسي أقطع راسك زي ما أتقطعت رأس أبوكي
قمر بغضب
أوعي تجيب سيره والدي علي لسانك يا شيطان
يعقوب
والدك الساحر الطيب. الحطاب اللي راسه مزين بيها بيتي
ومخليها ذكري منه أستفيد منها وأخبي فيها أسراري خساره والدك في الموت كان نفسي يكون عايش ويشوف
تلميذه وهو ملك
جعفر بتحدي يقول
مش هاتعيش لغايه ماتبقي ملك
يعقوب يضحك ثم يقول
يعجني فيك يا جعفر أنك محارب عظيم وكان نفسي تكون
وزير ليه لكن أنا وأنت مش هاننفع نعيش في زمن واحد
وفي بلد واحده ونفسي أقتلك بس أنا هاخليك تموت نفسك لما تشوفني قاعد علي العرش مكان أخوك مروان
وأنت خدام عندي
جعفر
مش هايحصل أنا عمري ما هاموت نفسي وأنت عمرك ما هاتبقي ملك ولو بقيت ملك أنا مش هابقي خدامك
يعقوب
هابقي ملك ويوم الحرب أنت هاتشوفني وأنا ملك
جعفر باستغراب يقول
حرب
يعقوب
أيوه الحرب الاخيره بين الملك مروان والملكه جميله أنت
ماحدش قال لك ان أخوك هايهجم علي بلد الملكه جميله بعد يومين ومع بدايه الحرب هاتكون نهايه الاتنين وأنا هاصبح الملك العظيم أشوفكم في الحرب
ويعطي لهم ظهره ويستعد للانصراف فتنادي عليه قمر وتقول
يعقوب
فينظر لها يعقوب فيجد القلبين مشتعلين فيتعجب يعقوب
ويقول وهو يحاول أخماد النار
أنتي أزاي عملتي كده القلبين هايتحرقوا وهاخسر كل حاجه أوقفي النار دي وهاخليكي ملكه
فتنظر له قمر وتقول
أنا مش محتاجه اكون ملكه أنا كل اللي عايزا أشوفو نهيتك علي أيدي
فيتحول يعقوب الي مسخ مخيف ويقول بمنتهي الشر
أوعي تفتكري أنك هاتقتدري عليه ماتخلقش اللي يموت
يعقوب
جعفر
أتخلق وهاتموت علي أيده قريب جدا
ثم يسمعوا صوت اهل البلد وهم ينادوا علي الملكه جميله
ويهتفون بحياتها فينظر لهم يعقوب ويقول
يعقوب ما بيخسرش أبدا
ويخرج يعقوب من القصر فتنظر الملكه جميله الي قمر وتقول لها
أنتي حرقتي القلبين أزاي مع ان اللعنه من نار
فتضحك قمر ويضحك جعفر فتقول الملكه جميله
أنتوا بتضحكوا علي أيه
فتنظر قمر الي النار الذي تحرق القلبين وتشاور
للنار بيدها فتنطفئ النار وتجد الملكه القلبين كما هما لم يحترقوا فتتعجب الملكه جميله وتقول لها
أنتي لعبتي عليه
قمر
لعبه سحريه أتعلمتها من والدي وماقلهاش لاي حد من تلاميذه ويعقوب مايعرفهاش
الملكه جميله
يعني اللعنه زي ما هي بس أزاي و اهل البلد نادوا بأسمي بعد ماكان بينادوا بأسم يعقوب
قمر
مولاتي يعقوب شاف وسمع اللي انا عايزا يعقوب عينيه
تحت تاثير سحري
الملكه جميله
وانتي عملتي ليه ده كله
جعفر
علشان يعقوب يطلع اللي مخبي وغرابه معانا هايعرفنا طريقه وكل حاجه تخص اللعنة
الملكه جميله
ويعقوب هايفضل مصدق اللي شافه وسمعه ده خبيث واكيد هايعرف أنها لعبه
قمر
طبعا هايعرف
الملكه جميله
ولما يعرف هايحصل أيه والحرب اللي هايشنها عليه مروان
هاعمل فيها أيه وانا من غير جيش واهل البلد مش معايا
جعفر
ساعه الحرب هاتبقي ساعه نهايه الشر
وبعد مرور اليومين تحرك الملك مروان ومعه يعقوب وعلي كتف يعقوب الطفل الملعون ومعهم جيش مكون من. ميت الف جندي متجهين ناحيه بلد الملكه جميله ويصلوا الي قصر الملكه جميله ويقفوا امام باب القصر والملك مروان وبجانبه يعقوب يتجهوا ناحيه باب القصر ويقول مروان
جميله بامر من الملك مروان اخرجي من قصرك تحفظي
حياتك من الهلاك وتعيشي مع حريم الملك مروان في امان هاترفضي هايكون الموت مصيرك ومصير اي حد معاكي
فتخرج الملكه جميله في شرفه قصرها وتقول
انت جاي بلدي وبلد اجدادي ليه يا مروان وبتعلن عليه الحرب واحنا في هدنه
الملك مروان
جميله انا مش جاي علشان اتكلم معاكي انزلي واركعي ليه
واطلبي الرحمه يمكن ارحمك
فيخرج جعفر الي شرفه القصر وينظر الي الملك مروان ويعقوب ويقول
الملكه جميله مابتركعش الا لمن خلقها ولا بتطلب الرحمه
الا من الله سبحانه وتعالي
الملك مروان
انت اللي بتتكلم بعد ما خونتني واتحالفت مع عدوتي
يعقوب
قولت لك يا مولاي كان لازم يموت
جعفر
الموت قريب جدا من اي حد بس انت قبرك اتفتح وكفنك جاهز
يعقوب
هو انت مش شايف الجيش مع مين وانت وجميله لوحديكم يعني بامر من مولاي انتوا اللي هاتخشوا قبركم
قمر تظهر في الشرفه وتقول
مين قال ان الجيش معاكم الجيش معانا احنا
يعقوب يضحك ثم يقول
حيله غبيه زي اللي عملتيها قبل كده ولو ضحكتي عليه مره مش هاتضحكي عليه تاني
قمر
المره دي مش حيله اللعنه اتقلبت عليك وعلي اللي معاك
يعقوب
انتي كدابه انا لسه في ايديه اللعنه وكل دول ملكي
قمر
واهم يا يعقوب
ثم تنظر الي السماء وينظر يعقوب مكان ماتنظر فيجد الغراب الخاص به يطير فوق القصر ومعلق في قدمه راس
الحطاب الذي كتب عليها اللعنه فصدم يعقوب وشاور للغراب ولكن الغراب لا يستجيب له فتقول له قمر
غرابك ملكي انا وانت دلوقتي مالكش سيطره عليه والحيله الغبيه اللي عملتها فيك قبل كده هي اللي وصلتني
لراس والدي الحطاب واللي كانت بالنسبه لك مكان لي
لعنتك الخبيثه
يعقوب
انت ازاي عرفتي مكان راس الحطاب
قمر
بعد ما خرجت من قصر الملكه جميله واتوهمت بان القلبين اتحرقوا واللعنه اتقلبت عليك امرت غرابك بانه
يطير وراك وانت روحت رايح علي منزلك وطلعت راس
والدي الحطاب واتاكد ان اللعنه زي ماهي وخرجت من
منزلك واستعديت للحرب وانا امرت غرابك تاني بانه يجيب راس والدي الحطاب وقلبت اللعنه عليك علشان
تعرف اني اتعلمت كتير من والدي الحطاب وزي ماوعدك
نهايتك علي ايدي
فيخرج جعفر سهم به نار ويضرب السهم في راس الحطاب فتمسك النار في راس الحطاب فيصرخ الطفل
الملعون ويتالم ثم يفتح فمه علي اخره ويخرج من فمه ومن اذنه ومن عيونه دود اسود ميت كثير ويدخل هذا
الدود في جسم يعقوب والملك مروان ويصرخوا الاثنين
من شده الالم والدود ياكل في لحمهم حتي يتحولوا الي
هياكل عظميه. ومع انهم يطلبو الرحمة ولكن من لايرحم
لا يرحم. و المرض يزول عن اهل البلد والجيش يفك
عنه اللعنه ويهتفوا باسم الملكه جميله فتنظر الملكه جميله
الي جعفر وبنت الحطاب ويمسكوا الثلاثه يد بعض وتنتهي
الحرب بين البلدين الي الابد . ويقول جعفر للملكة جميلة
زي مابقي في نهاية للحرب لازم نهاية كمان للسحر الاسود اللي بقي كل حاجة في زمانا
الملكة جميلة
بعد اللي انت عملتة معابا مستحبل اكون ضدك في اي قرار انت شايفة في مصلحة البلدين
فتضحك الملكة جميلة وتقول
الحمد لله اللي خلصلنا من الشر دة.
وتبص لقمر وتقول
وانتي يا قمر لولاكي ما كناش قدرنا علي يعقوب
قمر
الشكر كلة لله ولوالدي الحطاب الساحر اللي علمني كل حيل السحر وخلاني اقدر علي شيطان زي يعقوب. وعقبال ما نقدر علي كل الشياطين اللي في زمانا ،،،،،،،
ووسط الاحتفالات تخرج ايد محروقة بظوافر سوداء من تحت الارض وكانها بداية لشر جديد. استنوا الجزء الثاني من المملكة السوداء. بعنوان تحت الارض.
النهاية
يارب تكون عجبتكم. مستني راي كل اللي شرفني بقراءة القصة
رووووووعة جدا جدا جدا
ردحذفتم
ردحذفروووعه ومشوقه تحياتي
ردحذف