وبعد ما اتقابلنا انكتب الفراق
★الحلقه التاسعة★
والاخيرة
من تاليفي
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وينزل سليمان من العربية ويدخل العماره ويصعد في الاسناسير الي الدور 15 ويقف امام شقه اللواء فؤاد ويضرب جرس الباب ويبص يمين وشمال وتفتح الباب زوجه اللواء فؤاد وكانت امراه في الثلاثينات من عمرها جميلة جدا فيبص لها سليمان ويتصدم من اللي شافة لانها كانت كفيفه تدعي نادية وفيها ملامح كتير من دنيا وكانت باصة فاتجاة اخر غير الاتجاة اللي في سليمان فيبص لها سليمان وهي تقول
مين مين
ولكن سليمان لا يرد ويحط أيده علي بوقها وهي تقاومه بشده ويزقها الي داخل الشقه ويقفل الباب وراء منه،،، ،
وبعد مرور ساعة بالظبط يرجع اللؤاء فؤاد الي شقته فيجد كل حته في الشقه مبعثره ودة لو يدل. يدل علي اثار مقاومة تمت فينادي علي ناديه قائلا بمنتهي العصبية
ناديه أنتي فين
ويبحث في اي اوضة تقابلة وهو زي المجنون لغاية ما وصل اوضة النوم فيلاقي ناديه مربوطه في السرير وملابسها متقطعه تماما ومكمم فمها فيجري ناحيتها ويرفع الكمامه من فوق بوقها ويقول
ناديه مين اللي عمل فيكي كده
فتبكي ناديه بشده وتقول بصعوبه
ماعرفش مين. هو الباب خبط قومت افتح لقيت حد حط ايده علي بوقي ودخلني جوه الشقه وقفل الباب وراء وشالني ورماني علي السرير
وتسكت ناديه فيمسكها اللؤاء فؤاد من ذراعيها بعنف ويقول لها
وبعدين ايه اللي حصل
فلا ترد ناديه فيضربها اللؤاء فؤاد بالقلم علي وجهها ضربه عنيفه جدا ويقول بمنتهي الحده
قولي أيه اللي حصل بعد كده
فتعيط نادية وتصرخ وتقول بنرفزه
انت مش هاتبطل ضرب فيه بقي مش كفايه اني عميت بسبب ضربك ليا. عشر سنين وانا محرومة من نعمة النظر بسببك
فيمسكها فؤاد من شعرها وهو يقول
ياريتك موتي ما كنتيش عميتي وبس ولا أني اشوف اللي انا شايفه دلوقتي. ردي عليه عمل ايه بعد مارماكي علي السرير
ناديه وهي تصرخ
أغتصبني وقال لي ااقول لك ان كل حاجه حصلت بينه وبيني أتصورت و عيالك عنده ما دورش عليهم واستني منه تيلفون
فؤاد بمنتهي العصبية
ابن الكلب. يعني أغتصبك وكمان خطف عيالي وحياه امه اعرفه هو مين واخلي يتمني الموت
فيرن موبيل اللؤاء فؤاد وكان رقم غريب فيرد فؤاد مسرعا ويقول
الو مين معايا
فيرد سليمان وهو مغير صوته
انا عملك الاسود
فؤاد بعصبيه شديده يقول
انت مين ياض. يا ابن المراة، ،،،،،
فيقاطعة سليمان قائلا
احترم نفسك عيالك تحت ايدي فخليك محترم بدل ما أزعلك عليهم
فؤاد
خرج عيالي من اللي بيني وبينك وتعالي لي راجل لراجل
سليمان باستهزاء
وهو انت راجل.
فؤاد بنفس الصوت المخيف
بلاش رغي كتير وتعالي وانا هاوريك انا راجل ولا. لا
سليمان
من اللي عرفته عنك وسمعته. ياكد لي انك عيل. وانا هاجي معاك دوغري وهاقول لك علي اللي انا عايزة
فؤاد
انطق عايز اية
سليمان
عايز حق دنيا
افؤاد
دنيا مين
سليمان
دنيا عبود اللي قتلتها شيرين اللي انت مرافقها
فؤاد
انت مين
سليمان
أنا سليمان الطيب واللي علي ايدكو ما بقتش طيب
فؤاد
أة. بقي هي كدة. وعايز حق دنيا أزاي
سليمان
تقتل شيرين زي ما هي قتلت دنيا وبنفس الطريقه وانا اصورها بايديه
فؤاد
يعني لو قتلت شيرين ترجع لي عيالي
سليمان
وامسح تسجيل الفيديو اللي خده لمراتك وهي في حضني علي فكره يا فؤش ذوقك حلو أوي في الحريم.
اللؤاء فؤاد بغيظ شديد يقول
ما تجيبش سيره مراتي علي لسانك والا هافرمك
سليمان وهو يضحك يقول
ياااااا مضايق اني كنت مع مراتك مره مع انك انت كنت مع مراتي كتير ليه قبلتها عليه وما قبلتهاش عليك
فيسكت اللؤاء فؤاد ولا يرد فيقول سليمان
ايه يا فؤش كلامي وجعك لا روق كده وشوف هاتخلص من شيرين ازاي
فؤاد
ها بعت لها اي حد من رجالتي يخلصك منها
فيضحك سليمان ويقول
لا لا انت اللي هاتخلص عليها بايدك الجميله دي
فؤاد
انت مجنون انا أقتل وكمان هاتصورني وانا بقتلها انت فاكرني غبي
سليمان بحده
انت اللي هاتقتلها وده اخر كلام عندي فكر وها تصل بيك تاني،،،،،،،،
ومن داخل فيلا سليمان كانت شيرين تنام علي السرير بعد ماوضع لها سليمان المخدر في العصير الذي شربته من يوم تقريبا فتنهض شيرين وتنادي علي سليمان وتبحث عنه في الفيلا كلها فلا تجد اي اثر لسليمان ولا أثر لا بنها علي
وتسمع صوت عمال في الدور الارضي للفيلا فترتدي ملابسها وتنزل الي تحت وتقول للعمال بنرفزه
أيه ده انتو مين وأيه اللي دخلكوا هنا
فينظر لها مشرف العمال ويقول
أنتي اللي مين ودخلتي هنا ازاي
شيرين بنرفزه تقول
انا صاحبت الفيلا دي يالا امشوا أطلعوا بره
مشرف العمال
صاحبت أيه الفيلا دي بتاعت المعلم عبد القوي أشترها من سليمان بيه من اسبوع فات هي وارض المريوطيه
فتنظر لهم شيرين بنرفزه شديده واترسم علي وجهها غضب الدنيا فتصعد الي اوضة نومها وتبحث في اوراقها
عن اوراق ملكيتها للفيلا والارض فلا تجد اي أثر للورق
فتصرخ وهي تقول
عملتها يا سليمان ورحمه امي ما هارحمك
وتخرج من الفيلا مسرعه وتروح لشقه كريم فتجد الشقه مباعه لشخص اخر يسكن فيها فتصرخ وتقول
يعني ايه كان بيلعب بيا طيب وابني علي ،،،،،،
ويمر يوم واللؤاء فؤاد يحاول العثور علي سليمان الذي اختفي تماما هو واخته وكريم وابنه علي.
ويتصل سليمان بفؤاد ويقول له
النهارده بالليل شيرين تموت والا اختار حد من عيالك يموت مكانها
فؤاد
أزاي انا أقتل ده مستحيل يحصل
سليمان
خلاص نبعت لك جثه ابنك شادي
فؤاد بتوسل
سليمان عيالي لا لا انا اللي ظلمتك تعالي وخد حقك مني
سليمان
شيرين الساعه 12 النهارده انت هاتقولها تعالي الشقه اللي انتوا بتتقابلوا فيها وتقتلها وتعلقها في النجفه ويبان الموضوع انه أنتحار وانت هاتعرف ازاي تلعب في ورق المباحث زي ما عملت قبل كده
ويغلق سليمان الخط فينظر فؤاد الي الموبيل ويقول بنرفزه
وحياه أمك لفرمك بس تقع في ايدي
وعند دقات الساعه ال 12 تذهب شيرين الي شقه اللؤاء فؤاد وترن جرس الباب فيفتح لها اللؤاء فؤاد ف تنظر له وتقول
شوفت الكلب اللي اسمه سليمان عمل فيه ايه
وتجلس علي ركنه في الصاله فيخرج اللؤاء فؤاد حبل من جيب البلطو الذي يرتدي فتنظر له شيرين وتقول وهي خائفه
ايه الحبل اللي في ايدك ده
فؤاد
انا بحبك أه لكن مش أكتر من عيالي
وتحاول شيرين الهروب ولكن فؤاد يهجم عليها ويحط شريط لازق علي بوقها ويكلبش ايدها وراء ظهرها بنفس الشريط اللازق ويلف الحبل حول رقبتها ويخنقها ويسحبها علي الارض كما فعلت بدنيا. وهي تصرخ صرخات مكتومة وتحاول الفرار وهنا تفتكر شيرين دنيا وماحدث ليلتها. ،،،،
ونرجع بالاحداث لكام شهر وراء وبالظبط ليلة موت دنيا وفي الليلة دي وبعد مانام سليمان اتصلت دنيا بمامتها عفاف اللي وصتها تطمئنها عليها قبل ماتنام وقالت دنيا اول ما تم الرد
كنت عارفة انك مش هتنامي الا لما تسمعي صوتي
شيرين
لا نامت. والموبيل بتعها معايا. بس مش عيب تعملي فرحك من غير اختك الكبيرة ما تكون موجودة
دنيا
انا ماليش اخوات وانتي عارفة وانا عارفة
شيرين
عارفة انك مش اختي وانا مايشرفنيش يكون ليا اخت زيك. بس انا برضو هاعمل باصلي وهاقول مبروك
فتقوم دنيا لما لاحظت ان سليمان بدا يتقلب وهايصحي علي صوتها وقالت
من قلبك. بعد ما كنت عايزا تفرقي بيني وبين سليمان
قالت شيرين وهي بتبص للورقة اللي كتبتها دنيا بخط ايدها والخاصة بانها عايزة تنتحر
عايزا الحق مش من قلبي. وكمان مستكترة عليكي فرحتك وسليمان دة يستاهل واحدة زيي بس اهو لازم اقول لك مبروك واديكي هدية الجواز كمان. انا اصلا كدة كدة جاي لك
دنيا
وانا مش عايزا منك حاجة ولا عايزا اشوفك اصلا. ياريت ما تجيش
شيرين
مش بمزاجك. انا جاية وهاديكي هديتك وامشي علي طول.
ولايمر سوي كام دقيقة ورنيت شيرين علي موبيل دنيا ونزلت دنيا وفتحت لها باب الفيلا وبصت لها وللعلبة اللي كانت شايلها شيرين وقالت لها
عايزا اية يا شيرين
شيرين بخبث
كدة من علي الباب
دنيا
رجلك مش هاتخطي عتبة الفيلا دي. وانا لولا اني بنت اصول ومش عايزا افضحك قدام سليمان لكنت زماني عرفتة انك لقيطة ومش اختي وما تنفعيش تكوني اختي
فتضحك شيرين باستهزاء
طيب يا بنت الاصول. مش هتاخدي هدية واحدة لقيطة زيي
وفي هذة اللحظة تحط شيرين ايدها في العلبة وتخرج بخاخ بنج وترشة في وش دنيا وتدوغ دنيا وبمجرد ما دوغ تلف شيرين حبل حوالين رقبتها وتقول بغل
حطيت بنج بطئ لسليمان في شربات الفرح علشان ينام وما بحسش باللقيطة اللي ناوية تحرمك من الدنيا واللي فيها
وتحاول دنيا استجماع اعصابها ولكن البنج جعلها مش قادرة حتي تدافع عن نفسها وخربشتها شيرين بدون قصد في ظهرها وظلت تخنقها وهي تقول بلغة لا يفهما الا الشيطان
وبعد ما تموتي هاتجوز جوزك وهادخل الفيلا دي وانا صاحبتها بس علشان كل دة يحصل لازم تكوني مش موجودة. وعارفة أنا كمان هاصور اللحظة دي علشان كل ما بقي مضايقة افتح الفيديو دة واتفرج علي روحك وهي بتطلع
وتخرج الموبيل بتاعها وتصور لحظة قتلها لدنيا وسحبها ليها لاوضة المكتب. وفي نفس اللحظة كان فؤاد بيسحب شيرين حتي يصل بها الي اوضة المكتب فيرفعها لفوق ويربط الحبل بالنجفه وتختنق شيرين ويمنع الحبل وصول الدم الي المخ وتتألم شيرين بشده وتحاول الافلات من الحبل ويرتعش جسمها كلة الي خروج روحها. وتشوف شيرين. دنيا وهي بتبص لها. فيجلس فؤاد علي كرسي المكتب مش مصدق انه عمل كده فيرن الموبيل الخاص به فيرد فؤاد مسرعا ويقول
أيوه يا سليمان انا عملت اللي انت قولت عليه
سليمان
جدع يا فؤش انا مبسوط منك وعلشان كده لو عندك نت افتح وخش معانا علي اليوتيوب انا عامل حفله مشاهده جماعيه وكل مصر تقريبا أتفرجت عليك وانت بتخنق شيرين انا عامل لك دعوي
فيصدم اللؤاء فؤاد ويذهب الي اللاب توب الخاص به ويفتحه ويجد مقطع قتله لشيرين علي اليوتيوب بث مباشر فيقول له سليمان
اهو كده مش ها ينفع المباحث تقول انها أنتحار. ولا تعرف تلعب بالقانون حتة كدة ختها من فيلم امريكي بحبة اوي مش خسارة فيك النهاية دي
ويضحك ويقول
صحيح يا فؤش في واحده عايزا تسلم عليك
فيسمع فؤاد صوت زوجته ناديه وهي تقول
ليك يوم يا ظالم
فؤاد باستغراب شديد
ناديه انتي مع سليمان
ناديه بحرقة
اه. انا مستعدة اكون مع الشيطان نفسه طالما هاخلص منك ومن شرك. وعلي فكرة ماحدش أغتصبني ولا في حد خطف عيالك احنا كنا بنلعب عليك سليمان لما جه البيت كان ناوي فعلا علي الشر انما لما لقاني كفيفه رحم عجزي ودخل الشقه وحكي لي علي كل حاجه انت عملتها في انت والوسخه اللي اسمها شيرين وانا قولت له اني بقيت عاجزه بسببك وفي ايدك علاجي لكن انت عايزني افضل عاجزه علشان ديما احس بنقصي وعلشان ماحدش يبص لي ربنا بعت لي اللي ياخد حقي وحق كل مظلوم ظلمته بسبب منصبك روح منك لله
ويغلق الخط في وجه فؤاد. وفؤاد من الصدمة ماكنش مصدق نفسه وكسر باب الشقة ودخل احمد ومعه قوة من المديرية وبص لة احمد وقال
مش قولت لك ان البعوضة قتلت النمرود
فيبص لة فؤاد وهو مذلول مكسور واحمد بيلبسة الكلابشات في ايدة وبيقول له في ودانة
تحب لما اصلي عليك ادعي وقول اية.
ويضحك احمد وفؤاد يبص له وزية زي الاخرس، ،،،
وفي نفس الوقت ومن داخل شقة جديدة لكريم ونيفين كانت نادية قاعدة قدام سليمان اللي كان بيبص لها ويتخيل دنيا ونادية تقول له وهي باصة في حتة تانية
اظن كدة زمان البوليس قبض علي فؤاد
ولكن سليمان كان لايرد وهو باصص لنادية فيلاحظ كريم ونيفين نظرات سليمان لنادية فيقول كريم
سليمان. انت معانا
سليمان وهو لسة باصص لنادية
شامم ريحة دنيا فيكي
نادية
هي مين دنيا دي اللي انت كل شوية بتشبهني بيها،،،،..،،
وتعدي الايام والشهور ويعدم فؤاد. وفي خلال الكام شهر دول كان سليمان قرب من نادية وعمل لها تلت عمليات يرجعو نظرها تاني وتفرح نادية جدا وتروح لسليمان فيلتة وتدخل الي الفيلا وتبص لسليمان وهي تقول فرحا
اول ما نور عينية رجع تاني ليا حبيت تكون انت اول واحد تعرف وحبيت اول حد اشوفه هو انت
سليمان
الف حمد لله علي سلامتك
نادية
الله يسلمك. تعرف اني حاسة ان ربنا بيعوضني بيك
فيبص لها سليمان بدهشة شديدة. لان دي جملة دنيا ويقول لها
انتي قولتي أية
نادية
حاسة ان ربنا بيعوضني بيك. لو اضيقت اني قولت كدة فأنا اسفة
سليمان
لا. خالص. بس جملتك دي فكرتني بحد يعز علية
نادية
تقصد دنيا. صح.
سليمان بشجن واشتياق شديد
صح
نادية
ممكن اعرف انت ساعدني لية وكنت طول الفترة اللي فاتت جنب مني وفجاة بعد
سليمان
انا سعدك علشان انتي ساعديني اني اخد حق دنيا ووقفتي جنبي ضد جوزك
نادية
تعرف اني عملت تلت عمليات لغاية ما نظري رجع. وانت كنت موجود اول عمليتين وفي التلتة ماجتش.
سلبمان
علشان بس مشغول
نادية
لا. انت ما جتش علشان خايف
سليمان بارتباك
هاخاف من اية
نادية
من حبك ليا اللي اتولد يوم ما شوفتني. انت رحمتني علشان انا شبة دنيا
سليمان
دنيا. انا عمري ما حبيت ولا هاحب زي دنيا. بس بصراحة انتي فيكي منها كتير طبع وكلام واخدة من روحها
نادية
ولما انا كدة لية خايف تقرب مني
سليمان بصوت حزين
علشان قلبي ملكها وخايف يكون لحد غيرها. انا ببعد عنك علشان خايف احبك
نادية وهي بتقرب منه
وهو الحب بيخوف.
سليمان
لازم اخاف. طول ما انا جنبك شايفها حاسسها سامعها. لكن انتي مش هي. هي دنيا وانتي نادية. وعلشان كدة قلبي موجوع ومقسوم نصين
نادية وهي تمسك ايدة. تقول
وانت الحب اللي راح مني مره وخلاني اتجوز واحد ما بحبوش المره دي انا مش هاسيبك تروح مني غصب عنك انا مراتك دنيا واخرة
فيصدم سليمان وقلبه يدق قوي فدي برضو جملة دنيا وبص سليمان في عيون نادية وقال
انتي هي ولا اية حكايتك. انتي اللي ربنا بيعوضني بيها عن دنيا. كل حاجة فيكي بتفكرني بيها
نادية
لو عاوزني هي هاكون هي. بس المهم اني مش هاسيبك تضيع مني تاني. انا تعبت كتير اوي ومحتاجة ليك انت. انا عايزة اكون ملكك لاخر يوم
فتدمع عيون سليمان ويرتمي في حضن نادية وهو يقول
نادية انا بحبك لانك دنيا لكن انا عارف انك هاتخليني احبك علشانك انتي
وتدمع عيون نادية وهي تحضنة بشدة
وانا معاك هاكون دنيتك وهاحفر جوة قلبك حروف اسمي. بس عوضني عن كل اللي فات وضاع مني وانا مستنيا قلب زيك يحبني ولو حتي علشان فكرتة بحبيتة
سليمان
يعني موافقة انك تكوني معايا علشان انتي فيكي ش،،،،،،،،،
فتحط نادية ايديها علي بوق سليمان وتقول
موافقة. وماتقولش اي كلمة تانية. كفاية اني هاكون معاك ،،،،،،،،،،،
وبالفعل يتجوز سليمان من نادية ويفضل شامم فيها ربحة دنيا لغاية ما قدرت نادية تخلي يحبها علشانها مش علشان هي شبة دنيا. وخلف منها سليمان ولد وبنتين وعاشو واتهني سليمان. وفضلت دنيا ذكري حلوة في حياتة وبقيت نادية الحاضر والمستقبل بتاعه. وكبر سليمان وبقي جد وعندة احفاد واهي دنيا وبنعيشها. فيها الفرح والدموع لكن صدقوني احلي دموع. دموع الفرحة.
والخلاصة.
اللي ربنا يكتب علية انه يفراق اغلي مافي دنيته. لازم يعرف ان العوض جاي وعوض ربنا مافيش بعد منه عوض.
النهاية
لكن للحكاية حكاية. لما بنت فؤاد الشرقاوي كبرت وعرفت باللي حصل وقررت تكون. كابوس سليمان استنوني والموسم التاني من وبعد ما اتقابلنا انكتب الفراق. بعنوان. كابوس سليمان
ياريت اعرف راي كل اللي شرفني بقراءة القصة اللايك لوحده مش كفايه. مستني رايكم الجميل في كومنت جميل زيكم
محمد منصور **منص**
حلوة جدا جدا
ردحذفجميله جدا كمل 👍🏻👍🏻👍🏻🌷🌷🎂
ردحذفروعه
ردحذفبصراحه روووووعه استاذنا
ردحذفتحياتي
بصراحه حلوه جدا وهانستني الموسم الثاني ان شاءالله
ردحذفروووووووعه
ردحذفروعه
ردحذف