روح من جهنم
الحلقة السادسة
والاخيرة
من تاليفي
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
فلف الراجل اللي جوة العمود راسة من غير مايلف جسمة وقال
ومين قال لك اني الخضر انا سيف
ورجع سيف لوراء من الصدمة لانة شاف نفسه وكانة واقف قدام مرايا واللي جوا العمود خرج ولف حوالين سيف وسيف لقي نفسه جوة العمود الخرسانة وبيتصب علية المسلح وهو بيصرخ صرخات مكتومة وبيتلف حوالين منه قماش اسود واتقفل علي العمود والموت بدأ يبقي قريب وسيف بيحاول الافلات والهروب من الموت اللي قريب جدا. وهو بيحاول الهرب وبيتنفس من طاقة نور عمالة تضيق سمع صوت جاي من جوة منه وحد بيقول
خايف تموت
سيف
انت مين
الصوت
انا وانت واحد بس انت من بني الانس وانا من بني الجن
سيف باستغراب
مش فاهم حاجة
الصوت
وهاتفضل مش فاهم علشان انت غلبان
سيف
ابوس ايدك ورجلك خرجني من هنا
الصوت
هاخرجك بس بشرط
سيف
انا خدامك
الصوت
تسيب لي دنيتك اتمتع بيها وتعيش انت دنيتي
سيف
مش فاهم برضو
الصوت
انا اكون انسان وانت تكون مجرد روح
سيف
المهم هابقي عايش
الصوت
طبعا عايش وشايف كل حاجة بس محروم وانا هاكون مكانك وعايش وبتمتع
سيف
موافق بس اخرج من هنا.
ويكح سيف بطريقة مخيفة
انا قربت اتخنق
وفجاة لقي سيف نفسه في فيلتة وعلي سريرة وهو مربوط في السرير بسلاسل من حديد وعمال يصرخ وقدام منه يجلس واحد شبه بالظبط وبيبص له ويقول
قد اية البني ادم دة جبان جدا قدام الموت مع انه بيبقي بلطجي وهو عايش ومش خايف من حد حتي اللي خلقة
سيف بعصبية
انت مين وعايز مني اية
فيقول شبية سيف
انا قرينك. خناس
سيف وهو هايتجنن ويحاول فك قيودة فيقول
مش معقول مش معقول
فيضحك خناس ويقول
متحاولش تفك نفسك علشان مش هاتقدر
سيف وهو لسة بيحاول فك نفسه
انت عايز مني اية
خناس
ما احنا اتفقنا احررك واكون انت
سيف
انا ما اتفقتش معاك علي حاجة
فيضحك خناس ويمد يدة ويمسك دماغ سيف فيصرخ سيف بشدة ويقول
خلاص افتكرت. كفاية دماغي. هاتنفجر
فيسحب خناس ايدة فيترحم سيف من عذاب شديد. ويقول
أشمعني انا
خناس
علشان انا قرينك. بس مابقتش احب اعيش في الظل عايز اطلع للنور واكون انت واتمتع وعلشان دة يحصل لازم تجنن وانت خلاص علي حافة الجنون وكل اللي معاك في المستشفي اتاكدو انك مجنون من اول ما كلت القط لغاية ماجريت وراء الوهم اللي اسمة الخضر
سيف
يعني اية كل اللي شوفتة
فيكمل خناس الكلام
كان من ترتيبي علشان تبقي مجنون واتحكم في جسمك وابقي انا انت وانت تبقي مجرد روح من جهنم زي ما انا من جهنم
سيف
هي دي بقي روح من جهنم اللي كنت بسمعها كتير
خناس
هي دي. انت مننا. زيك زي اي شيطان. وانا شيطان ابن شيطان يعني انت شبهي ف لية مبقاش انا مكانك وفلوسك والستات اللي حرمت نفسك منها تكون ملكي
سيف
طيب وعصام وحامد وعبد العاطي. اية علاقتهم بيك
خناس
عصام وحامد اخوات. و الاثنين ولاد نعمة وعبد العاطي
ونعمة ست خسرت في ليلة واحدة عيالها الاثنين وجوزها عبد العاطي في حادثة القطر اللي دخل محطة رمسيس بسرعة رهيبة وانت كتبت في تقريرك انهم ماتو بسبب خناقة في المنطقة عندهم وفلوس التعويض دخلت حسابك انت واللي سلطك تعمل كدة
اتصدم سيف وفعلا افتكر اليوم دة. ،،،،،،،
ونرجع بالاحداث لكام شهر وراء ومن قدام مشرحة زينهم يحصل هرج ومرج وصوت عالي لاهالي ضحايا الحادث المر وكل واحد بيطلب جثة اللي لي ومن ضمن الضحايا دول تلت جثث متفحمين بسبب النار اللي مسكت فيهم وهذة الجثث تخص عبد العاطي وعصام وحامد ويقف امام هذة الجثث سيف وينظر لهم ويستعد لكتابة تقريرة الخاص بكل جثة فيدخل له رجل في الخمسينات من عمرة وباين علية انة مسئول كبير ويدعي فهمي فيبص له سيف ويقول
الباشا والغالي علي قلبي
فهمي
ازيك يا سيف. عامل اية
سيف
بخير يا باشا طول ما انت بخير. انما اية الخطوة العزيزة دي اكيد فهمي باشا جاي في مصلحة
فهمي
هي فعلا مصلحة بملايين كتير
سيف
ايوة بقي وحشتنا فلوسك يا باشا.
فهمي
طيب اسمعني كويس بقي. المشرحة عندك اتميلت بجثث كتير من ضحايا حادثة محطة مصر
سيف
الا كتير
فهمي
طيب الحكومة منزله تعويض ل أسر المتوفيين
سيف
عرفت
فهمي
طيب انا عايزك بقي تنقي كام جثة كدة علي ذوقك وتضربهم بسكينة في قلبهم او في رقبتهم ويبان انهم ماتو في مشاجرة ويطلع تقرير باسامي تانية للجثث دي وعلي حس التقرير دة نلم ملايين
فيضحك سيف بمنتهي الخسة والندالة
اعتبرة حصل يا باشا
وفتح الدرج الخاص بة واخرج سكين صغير بيقطع بي الفاكهة في مكتبة وطعن كلا من عبد العاطي وحامد وعصام في قلبهم مع كام جثة اخري فقال له فهمي
طيب والحروق اللي في جسمهم
سيف
ياباشا الورق بتاعنا ونكتب في اللي احنا عايزينة دة احنا الحكومة
فيضحك الاثنين والجثث قدام منهم وعادي جدا سرق حقهم فيقول فهمي
تخرج بقي تقول للاهالي اللي برة ان اللي ضربتهم انت بالسكينة دول ميتين في خناقة. وريحنا من صداعهم وزنهم
سيف
اعتبرة حصل،،،،،،،،،،
ونرجع للفيلا تاني وخناس يقول لسيف
دة انا شيطان اهو وما جتش علي بالي الفكرة دي. لكن عموما انت اخترت غلط تلت مرات وخليتك تقابل اللي ظلمتهم بجرة قلم وجة الوقت تتحرم من انك تكون انسان وتبقي مجرد روح من جهنم وتتفرج علية وانا بتمتع بكل الفلوس اللي عندك واللي انت جمعتها من الحرام
سيف باستغراب شديد
طيب ازاي دة حصل ونعمة وسمر كلمتهم وشوفتهم عند بيت عبد العاطي يعني ما كنتش بحلم
خناس وهو واقف قدام سيف بالظبط
لا. انت كنت بتحلم كل اللي انت كنت في كان كابوس وخلاص انت صحيت علشان. تموت
ويضحك خناس ويبص ناحية سيف بغضب شديد ويصرخ في وش سيف وسيف يتحلل شي فشيئا بشكل مخيف ويصبح مجرد روح بلا جسد ويتحول خناس الي سيف وينظر خناس في مرايا الاوضة مش مصدق نفسه انه بقي انسان وكان فرحان جدا انه هايعيش في العز اللي كان في سيف وانة هايقدر يتمتع بالنساء وكل هذة الفرحة شايفها سيف اللي اصبح مجرد روح وخرج خناس من الفيلا وركب العربية بتاعت سيف وانطلق بالعربية وهو فرحان وفجاة عربية نص نقل تخرج من طريق فرعي تخبط عربية خناس فتنقلب العربية اكثر من مرة بطريقة مرعبة وتنفجر العربية ويتحرق خناس ونسي مع فرحة انه بقي انسان اصبح الموت قريب منه جدا. ومات خناس قبل ما يتمتع بفلوس سيف وكل احلامة طارت وكل الدنيا اللي كان بيحلم بيها راحت مع خروج روحة ومات وطلعت روح سيف مع روح خناس للي خالقها. نهاية الشر شر مهما طال وقت الشر. وانتهت حكاية سيف وخناس بموت الاثنين واصبحوا ارواح مكانهم جهنم
ربنا يكفينا شر جهنم وصحبة اهل جهنم
ويجعلكم جميعا من اهل الجنة. قولو امين
النهاية
يارب تكون القصة عجبتكم. ومستني راي كل غالي او غالية شرفني بقرائة القصة
قصه رائعه جدا فيها الكثير من واقعنا الذي نعيشه سلمت يداك وحفظك الله
ردحذف