ومن الحب ما قتل
★الحلقه العاشرة★
والاخيرة
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن داخل شقه عاصي يجلس عاصي وعز وعاصي في حاله لايرثي لها الشاب الوسيم اصبح مهمل في نفسه ومنتظر الموت في اي وقت فينظر له عز ويقول
ماينفعش اللي انت في ده
عاصي بياس
هو ايه اللي ما ينفعش انا كل ليله بخاف انام لمصحاش كل دقيقه بستني الموت ومش عارف مش عايز يجي ليه
عز
اهدئه يا عاصي مش كدة
فيقف عاصي بانفعال ويهجم علي عز ويقول
هو ايه اللي مش كدة انت ماجربتش يعني ايه مرض ويعني ايه موت بيقرب منك
ويمسكه من لاياقه القميص بمنتهي العنف ويقول
وبعدين انت ايه اللي جابك. انت لسه بتسال عليه عايز تشوفني وانا بموت وتشمت فيا. صح
عز وهو يختنق يقول بصعوبه
انا اشمت فيك. ده انت صاحبي الوحيد. سيب القميص هاتخنق. وهاموت
عاصي وهو يزيد من قوة المسكه
ماتموت. ما انا هاموت اشمعني انا
عز وقد احمرت عيونه بسبب الاختناق وامتناع الدم من الوصول الي المخ وهو يحاول ابعاد عاصي عنه ولكنه لايستطيع فيقول بصعوبه
عاصي. بتخنق
عاصي
فرحان فيه زي ماكلهم فرحوا فيه لكن انا مش هاخلي حد يشمت فيا ولا هافضل مستني الموت. فاهم يا عز انا مش هاستني الموت انا اللي هاروح له
ويترك قميص عز فيسقط عز علي الارض وهو جثه هامدة فينظر له عاصي مستغرب ايه اللي حصل وينزل علي ركبيته ويحاول ايقاظ عز وهو يقول
عز انت موت. يا بختك موت وارتحت. انا كمان عايز اموت وارتاح.
وينهض ويخرج من شقته، ،،،،،
وبعدها بساعه يقف عاصي امام المعلم صابر في مخزنه ويقول له
أنا نصبت عليك يا معلم وفلوس مش هتاخد واللي عندك اعمله. يالا خلي رجلتك يقتلوني
فيضحك صابر هو ورجالته ويقول
فلوس ايه اللي مش هاخدها
عاصي
فلوس البرشام
فيضحك صابر كمان مرة ويقول
الفوس جت لغايه عندي
عاصي باستغراب
جت. ازاي
صابر
امبارح بالليل عز جالي وباع لي الارض بتاعته اللي ورثها من ابوه
فيصدم عاصي
عز. عمل كدة عشاني بس يا خسارة مالهوش لزوم
ويذهب عاصي الي رجل المعلم صابر ويبوسها وهو يقول
ابوس رجليك اقتلني.
صابر
يا ابني قتل ايه بس انت شايفني سفاح. وبعدين ابعد عني عشان المرض اللي عندك ده لتكون معدي ولا حاجه
وينظر لرجالته وقال
خدو وارموا برة ،،،،،،،
ويخرج عاصي من عند المعلم صابر بعد أن تم القاءة بالقوة ويمشي في شوارع القاهرة وينظر للعربيات ويفكر ان يرمي نفسه امام العربيات وهي منطلقه بسرعه ولكنه يخاف ويرجع مرة اخري في قرارة الي ان يرجع شقته ويدخل الي الشقه والهم لا يتركه والحزن مرسوم علي ملامحه فيجد عماد وعبير ووداد وشمس يقفون أمامه وينظرون له فينظر لهم ويضحك ويقول
أيه وحشتكم جايين تشوفوني
عماد وهو ينظر لجثة عز المرميه علي الارض
حتي صاحبك ماسلمش من غدرك
عاصي وهو ينظر لجثه عز
كنته فاكرة جاي عشان يشمت فيه اتاري كان بيحبني بجد وباع اللي حلته عشاني
عماد
مش هو بس اللي كان بيحبك بجد وباع حاجات كتير عشانك.
فينظر عاصي الي شمس التي لا تنظر له فيقول عاصي
عارف ان زي ماموت عز موت شمس
فتنظر له شمس بتحدي
لا. انا لسه عايشه. مش عيب اني اختار غلط مرة العيب أني اكمل في الغلط وانت ولا غيرك من اللي بيلعبه بقلوب البنات حرام الدنيا تقف عند خسارتهم انا هاعيش واكمل حياتي ولو قلبي افتكرك تاني او رجع ينادي عليك يبقي الموت اهون لي.
فينظر لها عماد فرحان بكلامها ويقول وهو ينظر لعاصي
شوفت بقي بنت امام عرفت تنساك وانت حتي واقف قدمها بقيت مش شيفاك. مش كدة وبس دي شمس اللي جايه من وراء الجاموسه كمان علمت عليك
عاصي بأستغراب
علمت عليه
فينظر عماد لشمس ووداد وعبير ويقول لهم
هو ما حدش قاله ان شمس هي اللي كانت بتحطي له البرشام في العصير اللي بيخلي يصدع ويحس بهمدان في جسمه
شمس
لا. نسيت اقول له
عماد باستهزاء
يعني ينفع كدة. اهو صدق انه عيان وهايموت
ثم ينظر عماد لعاصي ويقول
متخافش انت سليم بس انا وعدك اني هاخليك تموت موته تليق بيك واهو خليتك كل يوم تتمني الموت ومش عارف تموت
عاصي والدهشه تتملك منه
يعني انا ماعنديش ورم في دماغي
عماد وهو يغمز له بعيونه كحركه أستفزازيه
ولا اي ورم انت صحتك احسن مننا كلنا. وفرصه بقي لغايه ما يجي البوليس احكي لك اللي حصل.
ويمسك عاصي معدته ويتالم وعماد يقول
بعد ماخرجت من عندي من المكتب واتفرجت علي الفلاشه اياها اتجننت وكنت عايزا اكسر الفلاشه واقتلك. لكن ربنا هداني لفكرة ان بالفلاشه دي تبقي انت فضحت نفسك قدام شمس اللي كانت ما بتصدقش حد غيرك وينقلب السحر علي الساحر وعن طريق شمس ابدا انتقم منك وخد الفلاشه واللاب وروحت لشمس ،،،،، ،
ونرجع بالاحداث قليلا الي اليوم اللي كانت شمس في بتقيس فستان الفرح واثناء ماكانت وداد بتتخانق مع شمس يسمعوا الاثنين صوت خبط علي باب الفيلا فنزلت وداد وفتحت الباب فوجدت عماد امامها فنظرت له وكانه منقذها وقالت
الحقني يا عماد يا ابني
عماد
في ايه بس
وداد
انا تعبت من شمس ودماغها الناشفه مصممه تتجوز عاصي
عماد
ماتخفيش انا جاي النهاردة عشان امنع الجوازة دي واكشف عاصي لشمس علي حقيقته
وداد فرحا
بجد طيب ادخل
ويدخل عماد ويجلس وتنادي وداد علي شمس وتنزل شمس وبعد التحيه بينها وبين عماد حكي لها عماد كل شي تم بين عبير وعاصي واتفاق اخته معه وبعد ان ينتهي يضع عماد الفلاشه في اللاب توب الخاص به ويشغل الفلاشه وتري وداد وشمس الفيديو الخاص بفضيحه عبير فتنصدم شمس وتبكي بحرقه وتبعد اللاب توب عن نظرها وتقول شمس
الحيوان. طيب وعبير عامله ايه
عماد
عبير. لسه بتسالي علي عبير بعد اللي كانت عايزا تعمله فيكي
شمس
ربنا يسامحها. المهم هي حالتها ايه دلوقتي
عماد
سايبها نايمه وحالتها صعبه جدا
وداد
بنتي. انا لازم اكون معها وماسيبهاش لوحديها
عماد
انتوا ازاي كدة. ازاي بتعرفوا تسامحوا بسرعه مع انها كانت،،،،
فتقاطعه وداد
ما فيش وقت للكلام ده. احنا لازم نكون جنبها هي دلوقتي محتاج لينا كلنا اكتر من اي وقت تاني
شمس
صح. لازم نكون جنبها وقبل اي حاجه لازم نجيب حقها من عاصي
عماد
شمس انتي اللي بتقولي كدة
شمس
أيوة انا. عبير زي اختي ولازم حقها يجي. وقبل ما حقها يجي.
تنزل شمس الي قدم وداد وتبوس قدمها وتقول وهي تبكي
حقك عليه كنت هابيعك بالرخيص وانتي الغاليه
فتنظر لها وداد وترفعها لفوق وتاخذها في حضنها وهي تبكي وتقول
مسحاكي يا بنتي. المهم دلوقتي حق عبير
وتنظر وداد لعماد
اقبض عليه وخليهم يعدموا
عماد
مش هاقدر. لاني بيهددني لو قبض عليه الفيديو هاينزل علي النت
شمس
طيب والعمل
عماد
لازم العب معه بوساخه زي ما بيعلب معانا كلنا بوساخه
وداد
شوف انت ناوي علي ايه واحنا معاك
عماد
اول حاجه لازم نعملها ان الجوازة دي ماتمش
شمس
غلط
عماد
غلط
شمس
عشان تنتقم من اللي زي عاصي ده لازم تلعب معه نفس اللعبه اللي بيلعبها معانا وده كلامك. بمعني انك تعشمه بان هو المتحكم في كل حاجه وكل اللي بيحلم بي اتحقق وفجاة يصحي من حلمه يلاقي نفسه بيخسر كل حاجه لا وكمان الموت بينادي عليه
عماد
يعني تقصدي نحاربه نفسيه
شمس
بالظبط. ده في علم النفس اصعب انواع العذاب انك تستني الموت والموت مايجيش
عماد باستغراب
شمس. انا مش مصدقك ازاي انتي اللي بتفكري في تدمير عاصي
شمس وهي تمسح دموعها
عشان اخد حق قلبي. جرح القلوب بيوجع قوي وانا حبيته قوي وزي ما حبيته زي ما هاجرحه
عماد
طيب وازاي عايزا تتمي الجوازة يعني هتباتي في حضنه
شمس
مش هايلمس شعرة مني انا هادخل الفرح عذراء وهاطلق منه عذراء
عماد
مش قادر افهمك
شمس
عاصي لازم يخاف من الموت وفي نفس الوقت بيتمني الموت ودي بقي شغلتي، ،،،،،،
ونرجع الي شقه عاصي وهو لايزال ينظر لهم ويتوجع ويمسك معدته وعماد يقول
وفعلا جيت الفرح انا وعبير وعملنا نفسينا هانقتلك وشمس حطت لك برشامه في العصير اللي شربته من ايدها ليله دخلتك والليله اللي بعديها واللي بعديها وحتي لما جيت شقتك فضلت شمس تحط لك البرشامه في الميه اللي بتشربها والبرشامه دي بتسبب صداع وبتعلي الضغط بشكل يخوف وبتعمل همدان في الجسم وصدقت انك عيان وعن طريق الدكتور شوقي خلينا الدكتور التاني ياكد لك انك عيان وعشمناك بانك هاتخف وخرجت من اوضه العمليات باتفاق بينا وبين الدكتور.
وينظر الي شمس ويقول
شوفت بقي اللي جايه من وراء الجاموسه عملت فيك ايه يا اذكي مجرم انا كنت بتطاردته في حياتي كلها
فينظر عاصي الي شمس وهو واقع علي الارض يتالم
انتي يطلع منك ده كله
شمس
ماتلومش علي بنت بتاخد حق قلبها
فيخرج دم من فم عاصي فينظر له عماد ويقول
ايه الدم ده انت عملت ايه في نفسك
عاصي
قبل ما طلع علي هنا شربت سم. عشان مافضلش مستني الموت
ويتوجع بشدة ويصرخ ويغمض عيونه وتخرج روحه لخالقها وله من الله ما يستحق، ،،،،،،
وبعد ما حدث بشهر ومن امام بيت سيف يجلس سيف ومعه مراته وهي بنت عمته وتدعي حوريه وكان سيف يتكلم معها وهو يضحك فتقف امامه شمس وتنظر له فينظر لها ويتوقف عن الضحك فتلاحظ حوريه تغير وجه سيف وشمس تقول له
سيف ازيك
سيف بحدة
عايزا ايه
شمس وهي تنظر لحوريه تقول
ممكن أتكلم معاك لوحدينا
سيف
قولي اللي انتي عايزا انا ما بخبيش حاجه عن مراتي
فتنصدم شمس وتقول
مراتك
سيف
اه. ولا انتي كنت فاكرا اني هاموت من بعدك
حوريه. وهي تنظر لشمس
سيف هي دي شمس
سيف
اة. هي دي شمس اللي حكيت لك عنها شوفتي حلوة ازاي
ثم يمسك سيف يد حوريه ويبوسها وينظر لها في عيونها ويقول
بس انتي احلي منها في عيني وحبك في قلبي
فتبكي شمس وتنصرف وسيف لاينظر لها ويكمل كلام مع حوريه مراته، ،،،،
ورجعت عبير تقرب من شمس ووداد ورجعت من تاني وداد ام لعبير وعماد. وقدر عماد يقبض علي المعلم صابر واترقي عماد وبدا يكبر في شغله وفضلت الايام تلف وتدور وعماد حبه لشمس بيكبر وشمس بدات تحب عماد لاهتمامه ولي خوفه عليها وكل شي يقول ان العذراء اتولد في قلبها قصه حب جديدة لكنها مش مسمومه وتخرجت شمس وتزوجت عماد وعاشت شمس في القاهرة العاصمه وراحت الحسين وراحت الاهرمات وفضلت مبهورة بي اضواء العاصمه، ،،،،،،،،
النهايه
يارب تكون عجبتكم
جميله
ردحذفروووعه تحياتي
ردحذفاحلي قصة والله تحفة تسلم ايدك
ردحذف