الهام واللي كان الحلقة الاخيرة

 من قلبي بقول، ،،،،،،أة.

               ★الحلقة الثامنة★ 

                     والاخيرة 

كتابه. واقتباس 
محمد منصور. منص 

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

★وقررت ان اروح قبل للمنطقة اللي فيها الذباح واخلي يجهز للحملة اللي جاية تقبض عليه وبالمرة يقتل الباشا ابن خضرة وخرجت من الشقة والشر معايا. والشيطان بيزين ليا كل خطوة بخطيها في طريق اذية ولاد خضرة ووصلت المنطقة وبدات احفر قبر محمد بايدية. وطلبت قابل الدباح وجة الدباح. وقولت له

انت الدباح

الدباح بصوت يخوف اكتر من شكله 

انا الدباح. عايزا اية يابت

خوفت اوي من الشكل والصوت وحسيت ان مجرم زي ده مش هيرحم محمد وبعد ما كنت مستنيا موت محمد حسيت ان محمد مايستاهلش الموت وعلي ايد مجرم ما بيرحمش وبقيت عماله ابص له واتفزعت لما قال بصوتة اللي يخوف تاني

عايزا اية يا بت انطقي 

قولت بارتباك

عايزا اشتغل عندك يا معلم في مصنع النسيج بتاعك

ضحك باعلي صوت عندة وقال

مين يا بت ضحك عليكي وقال لك اني بتاع نسيج

استعبط وقولت

اومال انت بتاع اية يا معلم

قال

انا بتاع مزاج. امشي يا بت من هنا مش ناقصة هطل 

حمد ربنا انه قالي امشي ومشيت لا جريت وانا بقول اية المجرم دة. وانا بجري لقيت عربيات الشرطة داخلة المنطقة استخبيت في بيت من البيوت خوفت محمد يشوفني وبمجرد عربيات الشرطة ما دخلت المنطقة سمعت ضرب النار وكل اللي في الشارع كانو بيجروا وراء بعض وهنا سمعت اثنين نسوان بيقولو لبعض

يا حظك الاسود يا بنت الجبلاوي ليلة كتب كتابك علي الدباح يتقبض عليه.

التانية رديت عليها وقالت

لا ومن نفس الظابط اللي قبض علي ابن الجبلاوي الكبير زهير

اول ست قالت

شكل الظابط دة نهايته سوداء علي ايد الجبلاوي

بصيت للاثنين النسوان ولمعت في دماغي فكرة تخليني اذي محمد واحسر امه عليه شافوني الاثنين النسوان وقالو

انتي مين يا بت. شكلك غريية عن المنطقة 

قولت

جاية للمعلم الجبلاوي

وانتهي ضرب النار وتم القبض علي الدباح ومعظم رجالته ومحمد خرج سليم من الحملة وخدوني الاثنين النسوان للجبلاوي وما كنش يختلف عن الدباح من حيث الاجرام ووقفت قدام منه وهو قال

عايزا اية يا شاطرة

صابرين

عدوي وعدوكم واحد وزمان قالو عدو عدوي يبقي صاحبي

اهتم بالكلام وقال

بتتكلمي عن مين

صابرين

عن الظابط محمد اللي عامل قلق في المنطقة

الجبلاوي 

دة ظابط صعب اوي وملهوش سكة لغاية دلوقتي ومش عارفين. نوصل ل سكتة

صابرين

سكتة أمه

الجبلاوي باستغراب

امه

صابرين

خضرة. كلبه فلوس وهتخلي ابنها يعمل لكم اللي انتو عايزينه

الجبلاوي

ازاي يعني

صابرين

لما واحد من عندكم يروح ويدي الف جنية ل خضرة ام الظابط ونبلغ احنا ان محمد مرتشي ساعتها يطلع من الخدمة بفضيحة ونرتاح كلنا منه

الجبلاوي

باين عليكي مغلوله منه اوي

صابرين

قبض علي عيلتي كلها وحلفت لانتقم منه. وعرفت انه ناوي يقوم بحملة ويقبض علي الدباح جيت علشان الحقة لكني وصلت متاخر

الجبلاوي

انتي بت جدعه واحنا بقي هنخلص تارك وتار اهلك بايدينا

بس عرفينا سكة ام الباشا

صابرين

هقول لكم، ،،،،،،

وتاني يوم بالظبط جم رجاله تبع الجبلاوي ومعهم

 1000 ج ومترقمين علشان البلاغ يبقي مظبوط ويلبسها الباشا وقابلتهم خضرة وقالت

نعم عايزين مين

اول راجل قال

احنا جائيين للباشا محمد

خضرة

انا امه يا خويا. قول عايز اية وانا هخلي يخدمك دة باشا كبير اوي في الدخلية

تاني راجل

هو الباشا خدمنا خلاص واحنا كنا جائيبين له هدية صغيرة كدة حلاوة خدمته لينا

خضرة

هو ابني محمد كدة يحب يخدم الناس كلها

وطلع لها الراجل ظرف في ال 1000 ج. واداها الظرف وقال

دول الف ج. دفعه اولي والباقي بكرة ولا بعده

لمعت عيون خضرة بالطمع وقالت

الف ج. مرة واحدة

اول راجل

وهو احنا عندنا اغلي من الباشا.  

خدت خضرة الظرف من ايد الراجل وقالت

هات يا خويا وانا هحطهم في دولابه علشان يشوفهم وهو بيغير ويفرح بيهم

تاني راجل

هو دة فعلا احسن مكان الله ينور عليكي. نستاذن احنا بقي

خضرة

كدة من غير ما تشربوا شاي او قهوة

اول راجل

معلش بقي مرة تانية

ومشيوا الاثنين وحطت خضرة الفلوس في دولاب محمد ويعدي الوقت ويجي محمد ووراء منه البوليس. ويستغرب محمد من الظابط والاثنين عساكر اللي معه ويقول

في اية يا حضرة الظابط.

الظابط

معانا امر من وكيل النائب العام بتفتيش الشقة.

محمد اتصدم وقال

اكيد في حاجة غلط انت عارف دي شقة مين

الظابط

انا عارفك كويس يا حضرة الظابط. بس ده شغلي ولازم انفذه 

محمد 

واية سبب التفتيش

الظابط

جت لينا اخبريا بانك واخد رشوة الف ج. علشان تخرج الدباح من قضية المخدرات

محمد وهو مصدوم

ازاي اعمل كدة وانا اللي قابض عليه. احلف لك بالله انك غلطان

الظابط

نفتش الشقة وبعد كدة نبقي نشوف هتحتاج تحلف ولا مش هيبقي لي لزوم

وفعلا داخلو العساكر وفتشوا الشقة وبسهولة وصلو للظرف اتصدم محمد وقال

الظرف دة ازاي كان جوة دولابي

هنا وقفت خضره وقالت

دة جابو الرجاله اللي انت خدمتهم امباراح وقالو باقي الفلوس هيجيبوها بكرة

محمد بعصبية

ومين خد منهم الفلوس

خضرة

انا

محمد بنفس العصبية

حرام عليكي ضيعتيني بغبائك انتي اية الجهل وطمعك في الفلوس يوصل بيكي لكدة. تاخدي مبلغ كبير زي دة من ناس متعرفهاش ليه. ما قكرتيش ل ثانية انهم جائيين ياذوني 

خضرة

انا قولت.،،،،،،،

محمد وهو بيتم القبض عليه

انتي ما تقوليش ولا تفكري. ضيعتي مستقبلي روحي منك لله 

وتم القبض علي محمد والفضيحة كانت بجلاجل في العمارة كلها ووقعت خضرة من طولها ما ستحملتش اللي حصل شيلتها وجيبت تاكسي وسالت عن اوسخ مستشفي في مصر ووصفولي عنوان مستشفي اللي بيدخلها سليم بيخرج علي ظهرة. لازم يا خضرة تشوفي اللي شافته امي في اخر ايامها وبعدها بكام ساعه فاقت خضرة من اللي كانت في لقيت نفسيها علي سرير حديد وسط عنبر مليان عيانين وخدمه زي الزفت بصيت لي وقالت بصعوبه 

انا فين

صابرين

انتي في اخر ايامك. وفي مكان يليق بيكي

ومسكت وشها وفضلت الف بي بفرجها علي اللي هي داخله عليه وقولت

بصي حوالين منك كدة. كام عيان في العنبر وما حدش منهم بيطلع عايش. اتمني تطولي هنا علي قد ما تقدري علشان تشوفي اللي شافتو امي 

مسكت ايدي بصعوبه وباستها وقالت وهي مش قادرة تتكلم

صابرين ابوس ايدك خرجيني من هنا حتي لو انكتب علي الموت اموت علي سريري

صابرين

اني سرير اللي سرقتي من امي. ولا اللي ابنك اشتراء بفلوسي

وقومت وقفت وقولت لها

انا هسيب عنوان المستشفي لابنك في الشقة. لو خرج ابنك بالسلامه مع انه صعب يخرج منها يبقي يجي يستلمك عايشة بقي ولا ميته 

ومشيت وسيبتها. وروحت الشقة خد كام حتة الذهب بتوع خضرة وبعتهم ورجعت المنصورة واشتريت بيت صغير وماكينة خياطة واشتغلت خياطة وبعدها بكام شهر القي محمد واقف قدام مني وحالته بقيت غير الحاله بعد ما اتفصل من الخدمة بصيت له من فوق ل تحت وفضلت ساكتة وشغاله علي الماكينة ولقيته بيقول 

عاملة اية يا صابرين

صابرين

زي ما انت شايف.

محمد

عرفتي ان امي ماتت. واندفنت في مدافن الصدقة 

صابرين بلامبالاة

بجد. لا معلش وما تزعلش هي يعني هتيجي اعز من اللي راحوا. اومال جاي لوحدك البلد يعني اومال فين بنت المامور مش تيجبها افصل لها فستان هدية جوازكم.

محمد

بعد اللي حصل انفصلت من الخدمه وطبعا المامور وبنته فسخوا الخطوبة

صابرين ببرود 

 ربنا يرزقك باللي احسن منها

محمد

عايز اعرف انا ازاي هونت عليكي وانا مسجون ما تجيش تزوريني في السجن

صابرين

اخاف من كلام الناس يقولو عليه اني بعرف حد مرتشي

محمد اللي الكلمة وجعته

معاكي حق. اللي يرحمها ويسامحها بقي هي السبب

وقفت الماكينة وقولت له

محمد انت جاي عايز اية

محمد

عايز صابرين

عيط وقولت

وانا كمان عايزا صابرين. اللي بسبب امك بقيت شيطان

ورجعت اشغل الماكينة وقولت

لما تقابلها قولها اني نفسي اشوفها اوي. مع اني عارف انها ماتت واللي مات ما بيرحعش

محمد قرب مني ولسة هيتكلم بصيت له وقولت

اللي انت عايز تقوله مابقاش ينفع عارف لية. علشان انا اللي خليت رياض يتعلق بيا ويقتل سمير بسببي عارف لية كمان علشان انا اللي بلغت عنك ولبستك قضية الرشوة وانا اللي رميت امك في مستشفي حكومة علشان تموت ببطي وما تعرفش انت فرحتني ازاي بموت خضرة. عارف فرحانه لية علشان خضرة تستاهل الموته دي بسبب اللي عملته فيا وفي امي وابويا.  

وعيط اوي وبحرقة ومحمد بعد ما كان بيقرب مني لقيته بيبعد وقولت

انسي بقي وشوف واحدة غيري ما تعرفكش كويس انسان متردد. ضيعتني اول مرة لما سيبت سمير يتحوزني وضيعتني تاني مرة لما سيبتني وروحت خطبت بنت المامور ولما ضاعت من ايدك جاي تدور علي الاستبن. لا يا محمد انا مش استبن

وعيط اكتر واكتر ودوست علي الماكينة اكتر واكتر وقولت

انا مجرمة ومستنيا عقاب ربنا ينزل عليه انا مشيت في طريق الشيطان وبقيت في ظلمة والظلمة ما تحبش

 الا ظلمة. امشي ومش عايزا اشوف وشك تاني علشان ما افتكرش خضرة

ما كنش محمد لاقي كلمة واحدة يقولها وعلشان كدة اداني ظهره ومشي وفضلت عيوني عليه لغاية ما اختفي من قدامي ودي كانت اخر مرة اشوف فيها محمد. ونهاية حكاياتي.

  كنتم مع اقتباس من فيلم صابرين اللي يارب اكون قدرت اكتب قصة حلوة زي الفيلم. واشوفكم علي خير في اقتباس جديد. ومستني راي كل اللي شرفني في قراءة القصة.