ومن الحب ما قتل
★الحلقة التاسعة★
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وتخرج عبير مشرط من الذي يستخدمه الاطباء والمعروف عن المشرط انه حاد جدا ويري عاصي المشرط في يد عبير وعبير تتجه بالمشرط ناحيه رقبه عاصي لذبحه. ويمد عاصي يدة ليمنع عبير ولكن يد عبير كانت اسرع ودخل المشرط في رقبه عاصي فتالم عاصي وصرخت شمس وقامت من مجلسها مسرعا خائفا علي عاصي ولكن المشرط كان تقليد للمشرط الحقيقي بالظبط مما يستخدم في افلام السينما والطعنه اوجعت عاصي فقط وافزع منها ولكنها لم تؤذيه فنظر عاصي الي عبير وهو يتحسس رقبته بيدة ومستني نزول الدم من رقبته فضحكت عبير وقالت لعاصي
مالك خوفت ليه كدة. هو انت مش راجل وبتعرف تاخد بنت علي خوانه
ويميل عماد علي اذن عاصي ويقول بحدة
متخافش انا مش هاخليك تموت الا موته تليق بيك
ويبتعد عن عاصي وعاصي ينظر له خائفا وعماد يقول
الف مبروك يا عريس
وينظر عماد لعبير وعبير تلف من وراء الكوشه وتمشي هي وعماد وعاصي ينظر لهم وقلبه يدق من شدة الخوف وهو لايزال يضع يدة علي رقبته مش مصدق اللي حصل وشمس تنظر له قلقانه عليه وتقول
انت كويس
فينظر لها عاصي وهو يبلع ريقه بالعافيه و مبرق عينيه مش قادر يرد من الخضه وكل من في الفرح ينظروا له، ،،،، ،
ومن داخل حجرة نوم شمس يجلس عاصي علي السرير وشمس تقف امامه وعاصي لسه مش مستوعب اللي حصل من عبير واخواها فتنظر له شمس وتقول
انت هاتفضل ساكت كدة
عاصي
عايزاني طيب اتكلم اقول ايه
شمس بضيق
تقول ايه. دي ليله دخلتنا يعني المفروض تكون فرحان اكتر من كدة
عاصي بنرفزة
بقول لك ايه انا مش فايق كفايه اللي عملته عبير في الفرح مش مخليني لغايه دلوقتي عارف اقف علي رجليه
شمس
هي صحيح عملت ليه كدة
عاصي
عشان مجنونه. فكراني بحبها وممكن اتجوزها
شمس بدلع
اومال انت بتحب مين
عاصي يقول بقله مزاج
بحبك انتي
شمس وقد لاحظت طريقته
ومالك بتقولها ليه كدة وانت قرفان. أيه للدرجه زعل عبير مزعلك
عاصي بعصبيه
يواااااااا. انتي عبيطه ولا هبله عبير ايه دي اللي هافكر اتجوزها دي واحدة مجنونه وكانت عايزا تقتلني
شمس
يعني انت بتحبني زي ما انا بحبك
عاصي بزهق
اه. طبعا
ويبلع ريقه بالعافيه ويقول
انا ريقي ناشف ماتجيب لي عصير من التلاجه
شمس
بس كدة من عينيه.
وتخرج من الحجرة مسرعا وعاصي يخلع جاكت البدله ويقول لنفسه
ولاد الكلب عايزين يقتلوني طيب وحياة اللي خلفهم لتغدي بيهم قبل ما يتعشوا بيه
وتدخل شمس الي الحجرة ومعه كوبيه عصير برتقال فيمسك عاصي منها كوبيه العصير ويشربها كلها علي مرة واحدة ويضع الكوبيه بجانبه فتجلس شمس امامه وتقول بدلع
هاتفضل كدة. مكشر
عاصي بحنيه مصطنعه
لا. طبعا هو في حد يشوف القمر ويكشر
شمس
اسكت مش انا عملت اللي انت طلبته مني وقولت لماما ماتقعدش معانا في الفيلا لكنها ردت عليه رد وحش وقالت ان انت متجوزني طمعان في فلوسي وانها مش هتوافق علي الجوازة دي فقولت لها انا مش عايزا فلوس انا كفايه عندي عاصي هو بفلوس الدنيا كلها واتنزلت لها عن كل املاكي بس طلبت منها انها تسيبني اعيش في الفيلا يومين لغايه ما ننقل في شقتك
فيصدم عاصي وينظر لها بضيق شديد ويقول
يعني ايه. مافيش اي حاجه دلوقتي مكتوبه باسمك
شمس
لا. انا اهم حاجه عندي انت
عاصي بغضب شديد
انتي بتقولي أيه. انتي باين عليكي هبله ده حقك ازاي تسيبي حقك كله لي امك
شمس
وايه يعني انا اصلا نصيبي في الورث كله كان 30% بس
عاصي وهو يقع بلسانه
ازاي انا اللي اعرفه انك ليكي 70 % من قيمه الورث وامك ليها 30% بس
شمس باستغراب
وانت عرفت ازاي الكلام ده
عاصي بارتباك لان شمس ماقاليتش لي قيمه ورثها قبل كدة وهو عرف الرقم ده من عبير وهي بتتفق معه فسكت عاصي مش عارف يرد يقول ايه ولكن شمس تعيد السؤال وتقول
عرفت ازاي
عاصي
منك.
شمس
احنا متكلمناش ابدا في الموضوع ده
عاصي
لا اتكلمنا بس انتي ناسيه
شمس
يمكن. عموما في داهيه الفلوس المهم اننا مع بعض
عاصي وبدا يبان وشه التاني
لا. مافيش الكلام ده. لازم يكون في فلوس عشان نكون مع بعض
فتنظر له شمس باستغراب شديد وكانها بتشوفه لي اول مرة علي حقيقته فيلاحظ عاصي انه لخبط فيقول مسرعا
حبيبتي الفلوس مهمه في حياة اي بني ادم عشان نعيش مع بعض من غير مشاكل
شمس
الحب اهم من الفلوس
عاصي
لا. الفلوس اهم من الحب والا ما كناش اتجوزنا
شمس
يعني انت متجوزني عشان فلوسي
فينظر لها عاصي ولايرد وفجاة يمسك عاصي دماغه ويتالم بشدة ويسقط علي الارض وهو يصرخ كالاطفال فتنزل له شمس وتحاول تخفيف الالم عنه،،،،،،،،
وبعدها بيومين ومن داخل احدي المستشفيات الخاصه ينام عاصي علي سرير وبجانبه تجلس شمس ويقف أمامهم دكتور مخ واعصاب وينظر لعاصي ويقول وهو حزين
أنا اسف. بس لازم تعرف اللي عندك عشان تقدر تتغلب عليه
فيقلق عاصي وينظر لشمس الخائفه علي عاصي والدكتور يكمل قائلا
انا عملنا لك تحاليل واشعه مقطعيه علي مخك وكلها اثبتت انك مريض بورم خبيث في المخ لو ما تمش استصاله في خلال أسبوع ممكن تموت
فتصدم شمس ويصرخ عاصي ويقول بانفعال
انت كداب انا سليم وعمري ما اشتكيت من دماغي انت ما بتفهمش حاجه انا سليم ومش هاموت دلوقتي
الدكتور بتأثر
انا مقدر الحاله اللي انت فيها بس ياريت تهدي عشان العصبيه غلط عليك
فتحضن شمس. عاصي وتقول له
اهدئه ولو عايزنا نروح لدكتور تاني هانروح
عاصي،
ايوة هانروح دة كداب
فيعطي الدكتور لشمس الاشعه والتحاليل الخاصه بعاصي ويقول لها
من حقكم. تروحو تكشفوا عند أي دكتور تاني بس من فضلك لازم باسرع وقت يعمل العمليه والا هايموت
عاصي
اسكت انا مش هاموت انا مش هاموت
ويكررها عاصي اكتر من مرة وتاخدة شمس وتخرج به من المستشفي ويروحوا لعيادة خاصه لدكتور كبير ويتم الكشف علي عاصي ويقول الدكتور نفس كلام الدكتور الاول. وانه لازم يعمل عمليه هاتتكلف 200 الف جنيه ويصدم عاصي ويصرخ ويصرخ وبعد يوم طويل ترجع شمس ومعها عاصي الي الفيلا وتفتح باب الفيلا فتجد وداد جالسه في الفيلا ومعها بودي جارد وتنظر وداد لعاصي وشمس وتقول لي شمس
اليومين خلصوا جايه ليه
شمس بدهشه
يومين ايه
وداد
اليومين اللي انتي طلبتيهم مني. لغايه ماتنقلي انتي وجوزك في شقته
شمس
بس دي فيلتي
وداد
كانت فيلتك انتي اتنازلتي عن كل املاكك ليه واخترتي تعيشي مع ده حالا عليكي
شمس
امي عاصي تعبان جدا ومحتاج يعمل عمليه باسرع وقت اديني 200 الف جنيه
فتضحك وداد ضحكه ترن في انحاء الفيلا كلها وتقول
انا زي ما انتي قولتي واحدة واطيه وكدابه تفتكري اطلع مبلغ زي ده عشان اعلاج بي الخسيس ده
وتنظر لعاصي الذي كان باين عليه التعب والاعياء الشديد ويقول لها
حقك عليه انا غلط في حقك وعايزك تسمحيني
وداد
لا. ماتقولش كدة. ده انا بحبك لدرجه اني كنت عايزاك تعمل معايا حاجات انت ماترضاش تعملها وياما بعت لك رسايل علي الواتس بتاعك
عاصي
ماحصلش الرساله اللي شافتها شمس دي اتبعتت ليا بعد ما انا هكرت موبيلك وكل ده عشان ابعدك عن شمس واقدر اخد منها فلوسها كلها
شمس وهي مصدومه مما تسمعه وتنظر له باستغراب وتقول
عاصي انت بتقول ايه
عاصي بزهق
بقول اللي انتي سمعتي ومش ناقص مناهدة
ويتجه ناحيه وداد وينزل عند قدمها ويبوسها وهو يقول بترجي
ابوس رجليك انتي الوحيدة اللي تقدري تنقذيني من اللي انا في أديني فلوس العمليه وانا هاسدهم ليكي في خلال شهر بس اخف انا مش عايز اموت
فتنظر له وداد وهي شمتانه وتقول
بس ده مبلغ كبير قوي هاتسدة ازاي. ولا زي مالناس بتقول البرشام بيكسب كتير قوي
عاصي
قوي فوق ما تتخيلي
شمس وقلبها يحترق
عاصي انت بتقول ايه
عاصي وهو ينظر لشمس
اسكتي بقي. انا مش ضايق اسمع صوتك
وداد
طيب قوم أقف علي رجليك
فيقف عاصي بصعوبه وهو يبكي لي اول مرة ومكسور النفس فتنظر له وداد
عايز الفلوس تطلق بنتي بالتلاته وبعد ماورقتها تيجي لغايه عندي هاخليك تعمل العمليه. وهاعتبر فلوس العمليه دي انا أشتربت بيها بنتي
وبلا اي تردد ينظر عاصي الي شمس ويقول
أنتي طالق
فتنزل الكلمه علي صدر شمس كالرصاصه التي اخترقت قلبها وتبكي شمس بحرقه وتنظر لعاصي وتقول له
حزبي الله ونعمه الوكيل. والله حلال القتل فيك عشان اخد حق قلبي
وتجري الي حجرتها مسرعه ووداد تنظر علي بنتها وقلبها بيتقطع وتقول للبودي جارد
خرجوا برة
فيحمل البودي جارد عاصي وعاصي يقول
ورقه طلاقها هاتكون عندك بكرة بس اهم حاجه اعمل العمليه واعيش. انا مش عايز اموت مش عايز اموت، ،،،،،،،
وبعدها بيوم يدخل عاصي الي المستشفي وهو بلبس العمليات وهو فرحان انه هايعمل العمليه ووداد صدقت وعدها معه ودفعت فلوس العمليه. واثناء ماكان علي الترولي الخاص بالعمليات يقف الدكتور اللي هايعمل له العمليه ويقول له
استاذ عاصي أسف العمليه مش هاتتعمل
عاصي بنرفزة
ليه
الدكتور
انت في المرحله الاخيرة من المرض ومافيش امل انك تعيش
فينهض عاصي ويمسك الدكتور من ملابسه ويقول
انت ازاي بتقول كدة انا هاعيش فاهم يعني ايه هاعيش اعمل العمليه
الدكتور وهو يبعد ايد عاصي عنه يقول
صدقني انت هاتموت خلال يومين. انا اسف كمان مرة
ويخرج الممرضين عاصي من حجرة العمليات بمنتهي القوة وعاصي يحاول ان لا يخرج ويقاوم معهم وهو يقول لهم
انا مش عايز اموت مش عايز اموت، ،،،،،،،،
استنوني بكرة باذن الله والحلقة الاخيرة
يارب تكون الحلقة عجبتكم. مستني رايكم.
رووووووعة
ردحذف