وبعد ما اتقابلنا انكتب الفراق
★الحلقه الثامنة★
من تاليفي
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن داخل مكتب ظابط يدعي رشاد يقف سليمان امام رشاد والكلبش في أيده وسليمان يقول
انا عايز اعرف ازاي انا مقدم ليكم كارت ميموي عليه شيرين وهي بتقتل دنيا. و تطلع هي براءه وانا
اللي ابقي قتلت دنيا ازاي
رشاد
سليمان كارت الميموي اللي انت بتتكلم عليه ده طلع عليه
فيديو كليب
سليمان ضاحكا باستهزاء
فيديو كيلب. يا حضرة الظابط. الكارت الميموري اتغير وهو عندكم
رشاد بنرفزه
حاسب علي كلامك. هيتغير ازاي كارت الميموري وهو جوه القسم مع محضر التحريات انت اللي بتحاول توهم العداله بانك برئ من دم دنيا
سليمان
انا فعلا بري يا حضره الظابط ازاي اكون انا اللي قتلت دنيا وانتم قولته في التقرير بتاعكم قبل كدة ان دنيا انتحرت واتفقلت القضية علي كدة. مين اللي بيحرك ملف قضية دنيا مراتي وفي ايدة يخلي مرة انتحار ومرة جريمة قتل. وبيعمل كدة لحساب مين
رشاد
سليمان كل اللي انت بتقوله ده تضيع للوقت شريكك في قتل دنيا جه وسلم نفسه واعترف عليك
سليمان وهو بيضحك. تاني
وكمان ليا شريك
فينادي رشاد علي العسكري فيدخل العسكري فيقول له الظابط
هات جريشه من الحجز
فيذهب العسكري ولايمر سوي دقائق ويدخل العسكري ومعه شخص باين علي وشة انه سوابق فيبص رشاد الي جريشه ويقول له
هو ده يا جريشه اللي اتفق معاك علي قتل دنيا
فيبص جريشه الي سليمان وسليمان يبص له ويقول جريشه
اه هو ده يا بيه
سليمان بمنتهي الغضب يقول
انت شوفتني قبل كده يا ابن الكلب
جريشه
الله يسامحك يا بيه
رشاد
انت متاكد يا جريشه انه هو ده
جربشه
ايوه يا بيه حتي بالاماره هو ساب لي باب الفيلا مفتوح ودخلت وخنقت دنيا وعلقتها في النجفه
سليمان
كداب والله كداب يا حضره الظابط انا راجل بخاف ربنا ازاي ااقتل اكتر بني ادمه حبيتها في الدنيا. ازاي اقتل اصلا
رشاد
مالوش لزوم الكلام ده.
وينادي للعسكري ويقول له
خدهم يا عسكري علي الحجز. ويخرج العسكري ومعه سلبمان وجريشة ويجري ناحيتة كريم ونيفين وتقول نيفين اللي كانت شايلة علي. أبن سليمان علي ذراعها
خير يا سليمان
فيبص سليمان لجريشة وهو يمشي متجة الي التخشيبة
الكارت ميموري علي فيديو كليب وانا اتفقت مع دة علشان اقتل الدنيا
كريم
في اية احنا فين دة احنا المفروض في دولة قانون
سليمان
احنا فعلا في دولة قانون بس قانون شيرين واللي شيها
وقبل ما يدخل سليمان التخشيبة يقول لعلي
لو مطلعتش منها اوعي تصدق اني ممكن اكون قتلت. سامع يا علي. انا مش مجرم
ويقفل العسكري التخشيبة وكريم بيقول
هاتطلع منها يا صاحبي باذن الله هاتطلع منها، ،،،،،،،
وبعدها بيومين ومن داخل شقه كريم كانت نيفين في شقتها مضروبه علقه موت ومصابه تقريبا في كل حته في جسمها وواقعة علي الارض مغمي عليها في الصاله فيفتح كريم باب الشقه فتقع عينة علي نيفين فيفزع ويجري ناحيتها مسرعا وملهوف عليها ويضمها الي صدره وهو يحاول افاقتها فتفتح نيفين عيونها بصعوبه فيقول لها كريم
نيفين مين اللي عمل فيكي كده
نيفين وهي بتبص لكريم وتقول بصعوبه
شيرين جيت هنا ومعها تلاته بلطجيه ضربوني وخدت علي. ومشيت
كريم بغضب يقول
بنت الكلب وحياه ابوها ما هاسيبها في حالها. ومش هارتاح الا لما اعرف مين اللي بيساعدها وواقف ديما في ظهرها
في هذة اللحظة يسمعوا صوت الظابط احمد يقول لهم
انا عارف مين هو وجاي لغاية هنا علشان اساعدكم. واحط ايدية في ايديكم طالما عدوكم وعدوي نفس الشخص
فيبصو الاثنين لاحمد ويقول كريم
انت مين
احمد
انا المقدم احمد خالد. وعرفت بالصدفة من امبارح بالليل بان شيرين عبود في حد اتهمها بجريمة قتل وطلعت منها ولبسها هو. وعملت تحرياتي لغاية ما وصلت لسليمان وهو اللي دلني عليك علشان تساعدني في اللي جاي وتحط ايدك في ايدي ونطلع سليمان براءة
كربم
انا معاك في اي حاجة بس سليمان يخرج، ،،،،،،،
ومن داخل عربية شيرين يجلس ابنها علي. بجانبها وشيرين تتكلم في الموبيل وتقول
أنا مش عارفه أشكرك ازاي يا فؤش
اللواء فؤاد يرد عليها قائلا
ولسه كمان ده انتي لو عايزاني اخلصلك عليه وهو في الحجز اعملها علشان خاطر عيونك الحلوه
شيرين
بعد اللي عمله فيه هو لازم يموت بس يموت وانا علي زمته علشان اورث في انما واحنا مطلقين كده موتو
ما فيهوش مكسب ليا
فؤاد
بس كده نخلي يردك غصب عنه وبعد كده نخلص منه
فتضحك شيرين وتقول
أنا مش عارفه اشكرك ازاي يا فؤش
فؤاد
انتي عارفه فؤش بيتشكر أزاي
فتضحك شيرين وتقول
هو انت ايه ما بتزهقش
فؤاد
هو في حد عاقل يزهق من شيرين ها ستناكي بالليل يا قمر
شيرين
هاجي لك.
وتنهي المكالمة وتقول بقرف
اخلص بس من سليمان واورث في. وبعد كدة اخلص يا منك يا فؤش واعيش زي اي ست نظيفة، ،،،،،،،،،،
وبعدها بيومين ومن داخل الحجز يجلس سليمان علي جنب لا يكلم احد ولا ينظر لاحد فيفتح العسكري باب الحجز ويقول
سليمان الطيب زياره،،،،،،،،،،
من داخل اوضة رشاد تجلس شيرين علي فوتية في المكتب في انتظار سليمان فيفتح باب المكتب ويدخل سليمان. ويبص لها وهو ساكت فيبص رشاد لشيرين ويقول
مدام شيرين هاستاذن انا واسيبكم لوحديكم مع بعض. وابقي بلغي تحياتي للواء فؤاد
شيرين
هيوصل
وبمجرد ما يخرج رشاد يجري سليمان ناحية شيرين وينزل ويبوس رجليها ويقول
ابوس رجليك خرجيني من هنا انا صدقت وامنت اني مش قدك خرجيني من هنا وانا هاعمل لك اللي انتي عايزا
فتضحك شيرين
انت علشان كدة بقي طلبت تشوفني
ثم تبعد شيرين رجليها عن بوق سليمان وهي تقول
انا مش مصدقه نفسي انت يا سليمان تنزل تبوس رجلي وتطلب مني الحقك
سليمان وهو منكسر يقول
ايوه انا سليمان وفيها ايه لما اعترف اني مش قدك هي دي الحقيقه انا مش قدك يا شيرين كفايه بهدله انا ما عملتش الفلوس دي كلها علشان اقضي بقيت حياتي في السجن انا عايز اخرج للدنيا واعيش واتمتع بفلوسي وانتي الوحيده اللي هاتعرفي تخرجيني من هنا
شيرين
والسنة السوداء اللي عيشتها معايا. والكلام الكتير اللي قولتة في حقي
سليمان
كنت حمار وغبي ازاي يبقي معايا واحدة زيك وافكر في حد تاني. كفاية بقي بهدلة خرجيني من هنا
شيرين بمكر
اخرجك ازاي بس انت القضيه لبساك لبساك
سليمان
زي ما خرجتي من القضيه براءه خرجيني انا كمان ابوس ايدك
ويمسك ايدها ويبوسها وهو يقول
انا مش ها ستحمل يوم تاني في الحجز
فتنظر له شيرين والي دموعه المحبوسه في عينيه فتقول
خلاص خلاص انت هاتعيط. انا هاطلعك من هنا بس ايه المقابل
سليمان
اللي انتي عايزا
شيرين
عايزاك تكتب لي الفيلا باسمي
سليمان
الفيلا وارض المريوطيه بأسمك
شيرين
ده ايه الكرم ده
سليمان
انا بشتري حريتي
شيرين
وانا هاديك حريتك بس انا ليا طلب تاني
سليمان
عايزا ايه تاني
شيرين
ترجعني لعصمتك
سليمان
موافق
شيرين وهي تقف
اديني 48 ساعه وهاتكون حر
وتخرج شيرين من اوضة رشاد ويخرج وراء منها سليمان اللي اخرج من جيبة ورقة ب 200 ج. وقال للعسكري
عايز اعمل مكالمة ضروري
فيبص العسكري يمين وشمال بيتاكد ان مافيش حد شايفة وخطف ال 200 ج. من ايد سليمان وادي الموبيل بتاعه لسليمان وهو يقول
بس متطولش
فيمسك سليمان الموبيل من العسكري ويطلب رقم كريم فيرد كريم علي سليمان قائلا
الو
سليمان
ايوه يا كريم شيرين لسه ماشيه من عندي حالا عرف المقدم احمد باني نفذت كل اللي طلبة مني
كريم
هقول. و ما تقلقش انا هكرت التيلفون بتاعها واي مكالمه هاتعملها ها سجلها وهاجيب لك ارارها
وينهي سليمان المكالمة، ،،،،،
وبعد مرور يومين بالظبط ومن داخل ثرايا النيابه كان جريشه بيغير اقواله وكان ببقول
الشهادة لله يا حضرة الوكيل سليمان بية ملهوش علاقة بجريمة قتل مراتة دنيا
وكيل النيابة
اومال مين
جريشة
انا يا بية اللي قتلتها كنت داخل الفيلا اسرق وهي صحيت ودخلت علية قومت خنقتها وعلقتها في النجفة
وكيل النيابة
ولية قولت قبل كدة ان سليمان هو اللي حرضك علي قتل دنيا مراتة
جريشة
اهو كنت عايز اجيب رجله في القضية يمكن اطلع من وراه بقرشين بعد مقايضة ياما يدفع ياما يروح معايا لحبل المشنقة مانا برضو دخلت الفيلا وخرجت من غير ولا مليم
وكيل النيابة
وانت قايضة وهو دفع لك علشان كدة غيرت اقوالك
جريشة
لا. يابية ماحصلش. الصراحة.
وكيل النيابة
طيب يا جريشة امضي علي اقوالك ،،،،،،،،،،
وتقيد القضيه قتل بدافع السرقه ويخرج سليمان من ثرايا النيابه براءه ويرجع الي فيلته ويجلس علي سريره ويمدد جسمه التعبان ويخرج موبيله ويفتح ملف في صور لدنيا وينظر للصور ويقول
واحشتيني اوي يا دنيتي.
وياخذ الموبيل في حضنه ويغمض عيونه وينام نوم عميق لا يستيقظ منه الا بعد 12 ساعه متواصله علي يد شيرين
وكان معها ابنه علي فينظر سليمان الي شيرين وياخذها في حضنه ثم ياخذ علي في حضنه ويقول
علي حبيب بابا واحشتني
شيرين
وانا ما وحشتكش
سليمان
ازاي ده انتي ليكي معزه خاصه
شيرين
طيب ايه ما فيش حضن لشيرين حبيبتك
فياخذها سليمان في حضنه ويقول
احلي حضن لا حلي شيرين في الدنيا
شيرين باستغراب تقول
ده ايه الرضا ده كله
سليمان
بعد ما رجعت لي حريتي بسببك انا بقيت احبك اوي
شيرين
ولما انت بتحبني اوي تيجي لي ورقه طلاقي واعرف انك مطلقني قبل ماولد علي بشهرين يعني بقالك اربع شهور مطلقني
سليمان
غلطه ومش هاتتكرر تاني،،،،،،،
وبعدها بكام ساعة. واثناء ماكان اللواء فؤاد يجلس في مكتبه يرسل له رساله علي ماسنجر ويفتح الرساله فيجده فيديو له وهو عاري وفي حضن شيرين ومعه تسجيل صوتي لمكالمه بينه وبين شرين وهي تتفق معه علي اخراج سليمان من القضيه الملفقه له فيصدم اللواء فؤاد من اللي سمعه وشافة ويبص للحساب اللي بعد له الرساله فلاقي حساب وهمي ليس له صاحب محدد. وتحت الفيديو وملف الصوت جملة
دة فيديو طلبت مني شيرين ابعتهولك. ومش كدة وبس دي بتحضر لك لمكافاة من العيار التقيل وفيديو جديد بس المرة دي هايكون لمراتك اللي عقبال ما هاتوصل لها هاتكون الفضيحة تمت بنجاح. ونصيحة ماتحاولش تتصل باي رقم لان ارقامك وارقام اللي انت هادور عليهم تحت سيطرتنا وما حدش هايقدر يستلم منك مكالمة او حتي رسالة. قدامك ساعتين عقبال ما تكون في بيتك يارب تلحقني قبل ما خلص ،،،،
فيمد فؤاد ايدة في درج مكتبة ويخرج السلاح الميري بتاعه ويحط السلاح في جرابة المعلق فوق قميصة ويخرج من مكتبة باقصي سرعة وبمنتهي الغضب، ،،،،،،،،
وفي نفس الوقت ومن قدام عماره في مدينه نصر تقف عربية سليمان وكان بها سليمان وهو لابس عباية حريمي و نقاب حريمي وكريم يبص لسليمان ويقول
انت متاكد من اللي انت ناوي تعمله
سليمان
لازم فؤاد يشرب من كاس المر اللي انا شربته
كريم
وذنبها ايه مراته
سليمان بغل
ذنبها انها مراته ولازم تدفع التمن. وانتقم منة في شرفها
كريم
جيبت القسوة والشر دة منين
سليمان
من اللي شوفتة من يوم ما اتحرمت من دنيا وعلي ايدك روحت للقانون علشان اجيب حق دنيا ماعرفتش لان القانون بيلعب بي اللي زي فؤاد. وشرفي اللي داس علية بجذمتة الميري يوم ما خاني مع شيرين وهي علي ذمتي
كريم
بس دة ماكنش اتفقنا مع المقدم احمد علشان نوقع فؤاد
سليمان
انا اللي شربت من كاس المر وانا اللي اعرف ازاي اسقي لغيري علشان يحس باللي انا حسيتة.،،،،،،،،،
وينزل سليمان من العربية ويدخل العماره ويصعد في الاسناسير الي الدور 15 ويقف امام شقه اللواء فؤاد ويضرب جرس الباب وينظر يمين وشمال وتفتح الباب زوجه اللواء فؤاد وكانت امراه في الثلاثينات من عمرها جميلة جدا فيبص لها سليمان ويتصدم من اللي شافة ،،، ،،،،
استنوني بكرة باذن الله والحلقة الاخيرة من وبعد ما اتقابلنا انكتب الفراق
لو عجبتكم الحلقة ياريت تعرفوني رايكم بلايك او كومنت.
تخفه والله
ردحذفامتي ييجي بكرة مشتاقة جدا اعرف النهاية تسلم ايدك
ردحذفروعه
ردحذفعشرة علي عشرة
ردحذفالله الله الله جميله جدا جدا جدا تسلم ايدك
ردحذف