الهام واللي كان الحلقة الاخيرة

 ومن الحب ما قتل

                     ★الحلقة الثامنة★

من تاليفي.
محمد منصور. منص 

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                            ‏

ويعطي عاصي الموبيل لشمس بحنيه ما بعدها حنيه وهو ينظر في عيونها ويقول

هاتكملي المكالمه وامشي انا ولا تقفلي وتكوني معايا

فتنظر له شمس وقلبها يدق بشدة وتنظر للموبيل وسيف ينادي عليها وتفكر وتنظر في عيون عاصي المحبب لونها لها وتسمع صوت سيف العاشق والمحب لها وبعد تفكير لي لحظات قررت ان تغلق الخط في وجه سيف وتمد يدها لعاصي وعاصي يمسك يدها ويقبلها ويقول لها

حقك عليه. انا اسف بس حصلي ظروف في شغلي خليتي اقول اللي قولته

شمس

كلامك جرحني قوي وفضلت. ،،،،،   

فيضع عاصي يده علي فمها ويقول

تتجوزيني

فيدق قلب شمس بفرحه ما بعدها فرحه وتنظر لعاصي وعيونها تدمع من الفرح وتقول

بجد 

عاصي

بجد

شمس

طيب وعبير

عاصي

عبير مين. أنا بحب شمس وبس 

فطير شمس وتدخل في حضنه وكانها عيله صغيرة،،،،،

وعاشت شمس قصه حب ما فيش احلي منها مع عاصي وامتلك عاصي قلب العذراء واصبحت شمس لا تستطيع العيش من غيرة واتفق عاصي مع شمس علي ان يتم الزواج بعد أسبوع لان عاصي فهمها انه مسافر لبرة مصر عشان يخلص شغله وانه مش عايز يسافر الا وهي مراته وكان عندهم في الفيلا واتفق علي كل شي مع وداد ولكنه كان ينظر لوداد نظرات مريبه نظرات مش مفهومه ويلمح بكلام كله غزل ووداد تعدي هذة التلميحات وتعتبرها من باب المجامله. لدرجه انه في يوم من الايام وعاصي عندهم خلي شمس فوق ومسك ايد وداد وحطها علي قلبه واول ما شاف شمس بتبص لهم عمل نفسه انه بيمنع وداد من انها تحط ايدة علي قلبه وشمس شافت المنظر ده وماعلقتش وطلعت لنفسيها ميت مبرر ومبرر.  

وبعد أن انتهي من الاتفاق مع وداد وشمس علي كل شي يخص الفرح سمعوا الثلاثه صوت خبط علي الباب فقامت شمس عشان تفتح الباب فلقيت سيف في وجهها فاتصدمت شمس وتجمد الدم في عروقها وسيف ينظر لها من فوق لتحت ويقول

طيب ما انتي كويسه اهو بقالي يومين بحالهم بتصل بيكي تردي عليه مرة وميت مرة لا. في ايه مالك

فيقف عاصي خلف شمس ويقول لشمس

خشي جوة

وينظر سيف لعاصي ويقول

انت بتعمل ايه هنا

ثم ينظر سيف لشمس ويقول

ده بيعمل ايه هنا

عاصي

كلمني انا. ولا انت مش متوعد تكلم رجاله

سيف وهو يحاول الدخول الي الفيلا يقول

وسع انا كلامي مش معاك انت كلامي مع شمس

ولكن عاصي يدفعه برة الفيلا ويقول

وكلامي هنا هو اللي هايمشي. ولا ايه يا شمس

فتقف وداد وتقول لشمس وهي تنظر لسيف 

مين ده يا شمس

عاصي وهو ينظر لوداد 

ده واحد اسمه سيف وطمعان في شمس وفلوسها وافتكر عشان شمس راحت له في يوم عشان تعمله كوبري توصل بي ليا ان شمس بتحبه وممكن تتجوزة

ثم ينظر عاصي لسيف ويقول

لكن احب اقول لك دورك وانت كوبري خلص. وخلاص شمس اختارت انها تكون مراتي. وماتستغربش شمس بتحكي لي علي كل حاجه وقالت لي علي الاتفاق اللي كان بينك وبينها 

فينظر سيف لشمس التي تنظر في الارض مكسوفه من نفسها ويقول سيف

أيه اللي بيقوله الكلب ده

عاصي بنرفزة

كلب يا ابن الكلب

ويضرب سيف بالقلم علي خدة فينفعل سيف ويهجم علي عاصي ولكن عاصي يضربه بقبضه بعنف في معدته ويضربه لكمه اخري في فمه فينزف سيف وتتجه شمس وتقف بين سيف وعاصي وتحاول ان توقف هذا الشجار وتنظر لسيف وتقول له

امشي يا سيف. وبلاش فضايح

فينظر لها سيف وهو يمسح الدم اللي نازل من فمه ويقول

امشي انتي بتطرديني من بيتك. ده انا دوخت لغايه ما وصلت لعنوانك عشان عايز اطمئن عليكي هو ده جزاتي

وداد

ماينفعش يا شمس المفروض يدخل نداوي جرحه

عاصي وهو ينظر لوداد نظرة حادة

انا قولت يمشي يعني يمشي او اما يدخل هو واخرج هنا 

ويحاول عاصي الخروج من الفيلا بحركه مفتعله فتمسك شمس يدة وتنظر له وتقول

هو اللي هايمشي

فينظر عاصي نظرة الشماته لسيف وسيف من القهر حس انه رجليه مش قادرة تشيله وبص لشمس وقال لها

بعيتي الغالي عشان تشتري الرخيص ماترجعيش تلومي الا نفسك 

وينصرف سيف والحزن يعتصر قلبه ،،،،،،،

ومن داخل شقه عماد اللي في الزمالك تجلس شمس قدام عبير وعماد وعبير تنظر لها من فوق لتحت وعماد يقول

نورتي بيتنا الصغير يا شمس

شمس وهي تنظر لعبير

منور باصحابه

عبير ببرود 

هه بقي خير جايه ليه

عماد لي عبير

عبير ماينفعش كدة دي في بيتنا 

عبير

اصل مجيتها دي مش لوجه الله. اكيد جايه عايزا حاجه

شمس

أنا فعلا جايه. عشان عايزا أعزمكم علي فرحي يوم الخميس اللي جاي

وتخرج دعاوي لفرحها وتعطي دعوة لعبير ودعوة لي عماد اللي انصدم وهو مش عارف ليه وقال

بسرعه كدة

شمس

أصل العريس مستعجل جدا ومش قادر يستحمل يعيش بعيد عني

عبير

ومين بقي اللي دايب ده

شمس

عاصي

فيفزع عماد وينظر لشمس بغضب شديد علي عكس عبير اللي كانت بتضحك من تحت لتحت مع ان شمس كانت متوقعه رد فعل تاني وهو أن جوازها من عاصي يحرق دم عبير واثناء ماكانت شمس تنظر لي عبير ومستغربه رد فعلها قال لها عماد

انت اتجننتي تتجوزي تاجر برشام

شمس بغضب

عماد. عاصي مش مجرم عشان يشتغل في البرشام ده انسان محترم وبيخاف عليه وبيحبني

عبير وهي تبتسم

بجد.  

شمس بضيق

اه. بجد ولا انتي عندك أعتراض

عبير

ربنا يهني سعيد بسعيدة 

عماد بعصبيه

انا مستحيل أخليكي تتجوزي المجرم ده

شمس بضيق

عماد انا مسمح لكش عاصي مش مجرم ولو سمحت لو هاتتكلم عن عاصي تتكلم باسلوب احسن من كدة

عماد ضاحكا

انتي ايه معمول لك غسيل مخ. الحقي نفسك واوعي تقربي من اللي اسمه عاصي ده زيادة عن كدة لاني مسيري في يوم هاقبض عليه واحطه في السجن بايدي. فنصيحه ابعدي عنه انا سيبتك اول مرة رغم انك كنتي السبب في انه يهرب مني لكن عملت حساب للعيش والملح وحالتك اللي كنتي فيها لكن مرة تانيه تستري عليه او تحذري. هاعتبرك شريكه معه وساعتها هاقبض عليكي

فتنظر عبير لعماد وعيونها تلمع بالشر وقالت عبير لنفسها

جت لغايه عندك يا عبير اخليها تبقي شريكه لعاصي وابلغ عنهم وبكدة ابقي خلصت من عاصي وشمس بضربه واحدة. ووداد كدة كدة اخرتها النهاردة لما عاصي يعمل اللي اتفقنا عليه سوي ،،،،،،،

ومن داخل فيلا وداد تجلس شمس في حجرتها وفي يدها الموبيل الخاص بها وتكلم عاصي قائلا

يعني ايه مش جاي. ده انا عملت لك الاكل اللي بتحبه بايدي

عاصي بكهن اليهود

اصلي بصراحه ما بقيتش قادر استحمل اللي بتعمله امك معايا

شمس

امي. بتعمل ايه

عاصي

مش هاقدر أقول. لان الكلام ده ممكن يعمل مشكله بينك وبينها

شمس بعصبيه

لا قول يا عاصي في ايه

عاصي

امك. كل ماكون عندكم تقعد تلمح لي تلميحات مش كويسه وتقرب مني وتمسك ايدي وبشكل مبالغ في لدرجه اني بقيت اخاف منها ومن اللي بتعمله معايا. 

شمس والغضب تملك منها

عشان كدة. انت كنت بتشيل ايدها من كام يوم من علي صدرك. طيب وليه ماقولت ليش من الاول أنا امي بتعمل معاك الحركات دي 

عاصي

اقول ايه بس هي دي حاجه تنقال. انا بحبك يا شمس ومش عايز اكون السبب في مشكله بينك وبين امك. وعشان كدة انا قررت اني مدخلش البيت تاني عندكم. الا لما امك ما تكنش في

شمس

يعني ايه مش هاشوفك النهاردة

عاصي

انتي وحشاني جدا ونفسي اشوفك قوي بس ازاي وامك في الفيلا دي لسه باعته لي رساله علي الواتس بتقولي فيها عايزا اشوفك وحشتني 

شمس والغيرة نار بتحرق ضلوعها 

لا والله. لسه فيها حيل وعايزا تحب وتتحب. ماشي انا هاتصرف 

عاصي

هاتعملي ايه بس

شمس

بعدين تعرف، ،، ،،،

ومن داخل حجرة وداد واثناء ماكانت وداد تجلس علي سريرها تشاهد مسلسل مصري تدخل شمس الي الحجرة وهي في حاله من الهياج الشديد وتنظر لموبيل والدتها وداد اللي كان جنبها فتمسك الموبيل ووداد تنظر لها وتقول

في ايه يا شمس

ولكن شمس لا ترد عليها وتفتح رسائل الواتس فتجد بالفعل الرساله اللي قال عليها عاصي فتضع الرساله في وجهه امها وتقول بنرفزة 

ايه ده 

فتقراء وداد الرساله وتنصدم لما تري ان الرساله انبعت لعاصي فتقول لشمس

انا ما بعتش الرساله دي

شمس بعصبيه

والله. مش ده موبيلك. وده الواتس بتاعك ايه حنيتي للوساخه تاني ومع مين المرة دي مع البني ادم اللي هايبقي جوزي 

فتقف وداد بعصبيه وتضرب شمس بالقلم علي خدها وتقول

احترمي نفسك. واعرفي ازاي تكلمي مع امك

شمس وهي تمسك خدها

انتي ماتنفعيش تكوني ام. لما تفكري تسرقي مني فرحتي يبقي ما تنفعيش تكوني ام

وداد

انت ازاي تفكري اني ممكن اعمل كدة. مين الزباله اللي ملئ ودنك بالكلام الفارغ ده

شمس

عاصي حكي لي علي كل حاجه حاولتي تعمليها معه وهو كان بيمنعك عشان بيحبني

وداد بعصبيه

الحقير الواطي. ده هو اللي كان بيحاول يتحرش بيا

شمس باستهزاء

والله. هو برضو هايبص لواحدة زيك

وداد بضيق

زيي. قصدك ايه

شمس

انتي فاهمه قصدي. واسمعي بقي انا سامحتك مرة. انما المرة دي أنتي من طريق وانا من طريق

وداد بحزن

انت بتكدبيني وتصدقي الواطي اللي اسمه عاصي

شمس

عاصي مش واطي

وداد

لا واطي وكداب

شمس

عاصي مش كداب. ومش واطي. واللي بيته من ازاز ما يحدفش الناس بالطوب

وداد ودموعها تنزل

صح. انا اللي واطيه وكدابه

شمس

انا ما قولتش كدة

وداد

ولا تقولي. خلاص انا فهمت قصدك. لكن بقي لازم تعرفي ان اللي اسمه عاصي ده. زيه زي مراد وانا مش هاخليكي تتجوزي وتبعيي نفسك للشيطان 

شمس بتحدي

لا هاتجوزو

وداد بتحدي اكثر

يبقي حكمتي عليه بالموت وعلي ايدي

وتتركها وداد وتخرج من الحجرة وهي مصممه علي قتل عاصي، ،، ،،،،، 

                         ‏

ومن تحت العمارة الذي يجلس فيها عاصي يقف تاكسي وينزل من التاكسي مسرعا عز صديق عاصي ويصعد مسرعا الي شقه عاصي ولم ينتظر الاسنساير ويقف امام باب شقه عاصي ويطرق الباب بخبطات سريعه مثل دقات قلبه المرتجفة ويظل يخبط علي الباب الي ان فتح له عاصي الباب وهو يقول بعصبيه

في ايه عمال تخبط ليه كدة

عز وهو يلتقط انفاسه بالعافيه يقول

مصيبه مصيبه

عاصي وقد بان عليه القلق

في ايه

عز وهو يدخل الي الشقه ويرمي جسدة علي اقرب كرسي يقابله وهو يقول

عماد قبض علي منير 

عاصي بعصبيه

بتقول ايه

عز

قبض عليه بعد ما التحريات اثبتت انه كان اخر واحد عند جنزير قبل ما يتقتل 

عاصي

يادي الليله السوده اللي زي وشك

عز

بس اللي عرفته ان منير لغايه دلوقتي ماسك نفسه ومش عايز يقول اي حاجه

عاصي

منير لو مسك نفسه النهاردة هايقول كل حاجه بكرة عماد مش سهل ومش هايسيب منير غير لما يقوله علي كل حاجه

عز

طيب والعمل.

عاصي وهو يضع ايدة علي دماغه

انا مش عارف عماله تنعقد ليه وتضيق عليه. لانا عارف اخلص من صابر وفلوسه اللي عايزها مني . ولا اخلص من عماد اللي مش عايز يشلني من دماغه

عز

لا فكر كدة كويس عشان احنا لازم نخلص من الموضوع ده بدل ما نروح في داهيه

فيسكت عاصي ليفكر ولم يسكت طويلا ودله شيطانه علي فكره لا تخطر الا علي بال شيطان مثل عاصي وضحك عاصي وقال

حضرلي شريحه من اياهم اللي من غير اسم وتتصل بعبير اخت عماد وتقولها، ،،،،،،،

ومن داخل حجرة عبير تجلس عبير ويرن موبيلها ويظهر لها علي الشاشه رقم غريب فتنظر عبير للرقم بدهشه وترد قائلا

الو. مين معايا

فيرد عز وهو مغير صوته 

انا واحد عاصي ضحك عليه زي ما عايز يضحك عليكي 

عبير باهتمام

انت مين

عز

انا موظف في الشهر العقاري اسمي عبيد. جالي عاصي من يومين وطلب مني اني اعمل له توكيل رسمي يحق لي التصرف في املاك وداد وبنتها شمس وفعلا عملت له التوكيل ومضيت وداد وشمس علي التوكيل وجه النهاردة وباع كل املاك وداد وشمس وقبض 70 مليون. جنيه من مستثمر عربي انا اللي جيبه لي. ولما بقوله علي نصيبي ضربني وقالي انسي انك شوفتني ولما هددته باني هاقول لك. بانه ناوي يضحك عليكي ويخل بالاتفاق اللي تم بينك وبينه في الكليه قالي اخبط دماغك انت وعبير في أطخن حيطه وانا مش عارف اعمل ايه جيبت رقمك من علي موبيله من غير مايعرف وقولت اتصل بيكي يمكن انتي تعرفي توقفي وتاخدي منه حقي وحقك في الفلوس دي

عبير بعصبيه

ابن الكلب. وهو فين دلوقتي

عز

في شقته بيجهز نفسه وطالع علي المطار.

عبير

مش هايلحق يروح في حته. ولا هايلحق يتمتع بفلوسي. اديني عنوان شقته بسرعه ، ،،،،، 

ومن داخل شقه عاصي يجلس عز بجانب عاصي وبعد ما يعطي عز عنوان شقه عاصي ينهي المكالمه مع عبير ويخرج الشريحه من الموبيل ويكسرها وينظر عز لعاصي ويقول 

اديني عملت اللي انت عايزا. فهمني بقي ناوي تعمل ايه

عاصي

اتفرجت علي فيلم البحث عن فضيحه

عز باستغراب

فيلم ايه بس. انت بتهزر

عاصي

لا خالص. عبير هاتيجي هنا تطلع تلاقيني مستنيها واول ما تخش الشقه تخرج موبيلك وتصور احلي فضيحه لاخت الباشا عماد وهي في حضني

عز بدهشه

ازاي ده وهي هاتسيبك. تعمل فيها اللي انت عايزه دي لو صرخت هاتلم سكان العمارة كلهم علينا 

عاصي

اللي بتصرخ دي عشان تصرخ لازم تكون في وعيبها انما عبير هاتكون مبسوطه وعامله دماغ قراقيش

ويضحك عاصي ويخرج من جيبه كيس مخدرات من اللي بتسبب الهلوسه اللي ريحته بس لو دخلت مناخير اي شخص تجعله في حاله من عدم الاتزان وكانه سكران. ويرش كميه من المخدرات علي المقبض الموجود في باب الشقه ويترك باب الشقه مفتوح ويقول لعز

اول ما هي تيجي وتلاقي باب الشقه مفتوح هاتمسك المقبض بتاع الباب بايديها وتزق الباب عشان تدخل وكيس المخدرات دة هافضي في طبق و هايكون متعلق في المروحه دي وهاكون انا مطفي النور هادوس هي علي اول كوبس عشان تولع النور لكنها هاتشغل المروحه علي اسرع حاجه وتطير البودرة بتاعت المخدرات في وشها طبعا هاتمسح وشها بايديها وهنا تشم البودرة وتدخل من مناخيرها لي دماغها عدل وبعدها بخمس دقايق هاتكون واحدة تانيه خالص هاتكون مسطوله وجاهزا لاي حاجه ممكن تعملها

عز

يا ابن الشياطين. ده كيس كوكتيل من اياهم 

وينظر عز لكيس المخدرات اللي عاصي حطه في طبق مسطح وعلقه امام المروحه وجهزت المصيدة لاستقبال الفريسه وجاءت عبير وحدث ما خطط له عاصي بلا اي غلطه واتصورت عبير في وضع مخل بالاداب وهي في احضان عاصي، ،،،، ،  

وبعدها بيوم ذهب عاصي الي قسم الشرطه ومعه فلاشه عليها ماحدث بينه وبين عبير ودخل الي مكتب عماد بدون استاذان وبشكل مستفز فنظر له عماد والعسكري يحاول منع عاصي من الدخول وعاصي يقول للعسكري

يا عم سيبني ده الباشا عماد قريبي

عماد

انت جاي لي برجلك لغايه هنا.  

عاصي

ياباشا انا عايزك في موضوع خطير موضوع يخص عبير اختك

فيقف عماد ويخرج من وراء مكتبه ويتجه ناحيه عاصي بمنتهي الغضب ويمسكه من لايقه القميص ويقول له

انت مالك ومال اختي يا وسخ

عاصي ببرود

طيب هاينفع اتكلم كدة قدام العسكري ولا نتكلم علي انفراد احسن

فينظر عماد للعسكري ويقول له

سيبه واخرج انت

ويخرج العسكري ويتجه عاصي الي عماد ويقول

خد اتفرج علي الفلاشه دي وبعد كدة نتكلم

وياخذ عماد الفلاشه من عاصي وهو قلقان ويضع الفلاشه في اللاب توب الخاص به ويرئ الفضيحه فيغضب بشدة ويمسك رقبه عاصي ويخنقه وعاصي يضحك ويقول

اهدئه يا باشا عشان لو انا ما خرجتش من هنا. الفيديو دة انت عارف هايكون فين 

فيتركه عماد وهو عامل حساب لشرف اخته وان اللي زي عاصي ده ممكن فعلا ينفذ تهديدة فتركه وهو خائف من الفضيحه فقال عاصي

ايوة كدة اعقل. واللي انت عايز تعرفه هاعرفهولك. انا اللي قتلت جنزير والواد منير مالهوش ذنب فالبذوق كدة منير يروح وانا اروح واعتبر الفيديو ده ماتصورش. اشطه. فكر بقي وقلبها في دماغك ومستني ردك. اسيبك انا بقي

وينهض عاصي وعماد ينظر له بكل غل الدنيا وينظر للفلاشه بمنتهي الغضب، ،،،،،،،،

ومن داخل حجرة عبير تنام عبير علي سريرها وبجانبها الدكتور شوقي وهو عم عماد وعماد بيحبه جدا لدرجه انه مخباش عنه اللي حصل والفيديو اللي شافه. وكانت عبير منهارة تماما وبتبكي وامامها يقف عماد متماسك امام غضبه وشيطانه اللي عايزه يخلي يقتل عبير. وينتهي الدكتور من الكشف علي عبير وينظر في نتيجه تحليل الدم ويتجه ناحيه عماد وياخذة علي جنب ويقول

لازم تعرف ان اختك خدت جرعه من مخدر كانت هي السبب في حاله اللاوعي اللي كانت فيها 

عماد والنار تحرق قلبه 

وبالنسبه لحاله الاغتصاب اللي اتعرضت ليها

شوقي 

الحمد لله هي لسه انسه لان كان باين ان الكلب اللي كان بيعمل كدة ماكنش مركز الا في انه يصورها وبس

عماد

طيب الحمد لله

شوقي وهو يضع ايدة علي كتف عماد ويقول

عايزك تبقي هادي اللي عرفته من اختك انها انضحك عليها واختك اعصابها منهارة ومش هاتستحمل اي رد فعل منك 

عماد بهدوء يسبق العاصفه

انا عارف اختي كويس وعارف ان الحيوان ده عمل كدة فيها عشان يساومني لكن انا مش هاسيبه

شوقي

وانا عارف انك هاتعرف تجيب حق اختك بس بالعقل. انا هامشي دلوقتي عشان ميعاد العيادة وهابقي افوت عليكم تاني بعد العيادة.

وينصرف شوقي بعد ان يوصله عماد ويرجع عماد الي عبير ويقف امامها وينظر لها وهي تنظر له وتبكي بحرقه وهو يقول

لولا اني ربنا مديني صبر كان زماني قتلتك ودفنتك بدم بارد 

ويسكت وقلبه يتقطع ويجلس امامها ويقول

لكن انتي اختي ولازم اكون في ظهرك وقت محنتك. بس عشان اقدر اعيش واقدر ابص في عينيكي وابص لنفسي في المرايا لازم تقولي ايه اللي بينك وبين الكلب اللي اسمه عاصي يخليكي تروحي له بيته برجليك

عبير باستسلام رهيب

هاقول لك علي كل حاجه

وتحكي عبير لعماد كل تفاصيل اتفاقها مع عاصي. وانها طلبت منه انه يلعب علي شمس ويتجوزها ويخليها تقلب علي امها وتطردة برة الفيلا ويخليها تعمل له توكيل رسمي يحق له يبيع كل املاكها وهو ياخد 20% من قيمه الثروة وعبير تاخد الباقي وحكيت له ليه راحت الشقه وبعد ان انتهت عبير قال عماد

برافو. رايحه تحطي ايدك في ايد مجرم عشان الغل والكرة اللي في قلبك من ناحيه شمس وامها عملت ايه شمس عشان تكريها. 

عبير 

كفايه انها بنت وداد

عماد

وعملت لك ايه وداد. هي اللي قتلت امك

عبير

مش هي بس اكيد اللي حصل لي امي كان باتفاقها مع بابا

والا ليه وفقت اننا نتكب باسمها 

عماد

هي ماكنتش موافقه ابوكي هددها بانه هايقتلها لو اعترضت وهي خافت علي روحها. وبعدين بقي تعالي نتكلم بصراحه انتي بتعملي ده كله عشان خاطر الفلوس اللي رجعت لصاحبها. حلو بقي اللي حصل لك هايبقي شكلك ايه لما الكلب اللي اسمه عاصي ينزل الفيديو علي النت وتبقي فضيحه هاتنفعك الفلوس اللي انتي بتحاربي عشانها

ويقف عماد منفعلا ويكمل قائلا

الفلوس اللي مش من حقك هاتشتري ليك شرف غير شرفك اللي اتهان ارجعي لعقلك وحكمي قلبك انتي غلطي وربنا عاقبك

فتبكي عبير فيتجه لها عماد وياخذها في حضنه وتنظر له وتقول 

عماد لازم تجيب حقي

عماد

باذن الله. ويالا بقي نامي عشان ترتاحي 

ويقف ويستعد للانصراف ويتجه ناحيه باب الحجرة فتقول له عبير

عماد.  

فينظر لها فتكمل قائله

هو أنا لسه بنت

عماد

لسه. ويالا نامي عشان ترتاحي،،،،،،

وقبل ليله من فرح عاصي وشمس تقف شمس بداخل حجرتها وتقيس فستان الفرح وهي فرحانه جدا ومش مصدقه نفسها فتدخل عليها وداد وتنظر لها وتقول

برضو عملتي اللي في دماغك واشتريتي فستان الفرح

شمس

اظن احنا اتكلمنا كتير في الموضوع ده وانا قولت لك مش موافقه علي الجوازة ممكن ماتحضريش الفرح

وداد

مش هايبقي في فرح من اساسه عشان حد يحضرة

شمس 

ومين بقي اللي قال كدة

وداد

انا. وانا قولت لك هاقتله ولا انك تكوني مراته

شمس

ليه. عايزا تحرميني من اكتر انسان حبني في الدنيا دي

وداد وهي تمسكها من كتفها وتهز فيها

يا بنتي فوقي البني ادم ده خسيس وواطي. فوقي عشان خاطر ربنا ماتغلطيش نفس الغلطه بتاعتي وتغرك المناظر والكلام المعسول 

شمس

كل كلامك ده مش هايغير حاجه. انا كبرت وعارفه مصلحتي كويس ولو انا فعلا بنتك اللي بتحبيها بلاش تبوظي فرحتي ،،،،،،، 

وبعدها بيوم ومن داخل قاعه أفراح كبيرة في احدي فنادق الخمس نجوم يتم كتب كتاب عاصي علي شمس ويتزوجا الاثنين وسط فرحه عارمه من اهالي العروسين وفرحه لا توصف لشمس وامها تنظر لها وهي في الكوشه وبجانبها عاصي وتتمني لو تخلص عليه ولكن الغريب ان عماد حضر للفرح ومعه عبير وانصدم عاصي لما شافهم لان حضور عماد وعبير اخر حاجه متوقعه. والاغرب انا عبير وعماد اتجهوا ناحيه العروسين في الكوشه وعبير مدت ايدها وسلمت علي عاصي وعاصي بيسلم عليها وهو مش مرتاح وعبير تقول له

مبروك

عاصي

الله يبارك فيكي

وعماد يسلم علي عاصي وعاصي مش مصدق ما يحدث وتسلم عبير علي شمس وشمس تنظر لها بضيق وتقف عبير خلف العروسين وتنظر لعماد وتقول له بصوت كفحيح الثعبان 

صورني صورة للذكري مع احلي عروسين 

ويقف عماد امامهم ويخرج الموبيل الخاص به ويقول لهم

جاهزين

عبير 

جاهزا

وتخرج مشرط من الذي يستخدمه الاطباء والمعروف عن المشرط انه حاد جدا ويري عاصي المشرط في يد عبير وعبير تتجه بالمشرط ناحيه رقبه عاصي لذبحه. ويمد عاصي يدة ليمنع عبير ولكن يد عبير كانت اسرع ودخل المشرط في رقبه عاصي، ،،،،،،،،،،

مش هقول. علقو والجو دة. اكتب تقيمك للحلقة من

 واحد ل عشرة. حلوة الصيغة دي.