الهام واللي كان الحلقة الاخيرة

  وبعد ما اتقابلنا انكتب الفراق  

 ‏

             ‏ ★الحلقه السابعة★

من تاليفي
محمد منصور. ** منص **

وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

                            ‏

فيبص سليمان للدكتور ويبص لشيرين وهي بتبص له وبتضحك ضحكه كلها شر فيقول لها سليمان بعصبية 

انتي كدابه واكيد دي لعبه منك

الدكتور

كدابه ايه انا لسه كاشف عليها وعملت لها تحاليل واتاكد انها حامل في شهرين

سليمان وهو يمسك الدكتور من لاياقة القميص يقول

ما انت كداب زيها واكيد نصاب تبعها 

فيبص الدكتور الي شيرين ويقول لها وهو يحاول الافلات من يد سليمان

هو في ايه يا مدام شيرين 

فتنزل شيرين من علي السرير وتخلص الدكتور من يد سليمان وتقول له

امشي انت دلوقتي يا دكتور اصل جوزي اعصابه تعبانه

فيخرج الدكتور من الاوضة وهو في شدة الاستغراب وتبص شيرين الي سليمان وتقول له

اهدئه انا فعلا حامل مش بكدب عليك ولو مش مصدق تعالي نروح لاي دكتور انت تختاره

سليمان. بعصبية شديدة 

حامل ازاي. بس 

شيرين

هو ايه اللي ازاي انت نسيت اللي حصل بينا يوم ما تطردني من فيلتك 

سليمان بانفعال شديد 

يا بنت. ال،،،،،،،،،

فتقاطعه شيرين قائلا

مش عايزه غلط. وقبل ما تقول اي كلمة تعالي نروح لاي دكتور تاني 

سليمان

طيب قومي نروح لدكتور تاني علشان اثبت لك انك كدابه،،،،،،،،،

ومن داخل عيادة دكتور اخر. وبعد كشف الدكتور علي شيرين يؤكد انها حامل في شهرين ويخرجوا من عند الدكتور وسليمان في حاله انهيار ويقول لشيرين

انا عايز اروح دلوقتي 

شيرين بمكر

طيب وابنك اللي في بطني لما يسال عليك اقول له اية

فيبص لها سليمان ولا يرد ويسبها ويمشي وهي بتبص علية وبتضحك. وبتقول

مستني المرة الجاية تخش علية بالماذون علشان ابنك ما يتولدش ابن حرام ، ،،،،،

ويمشي سليمان وهو بيفكر في ما حدث وما يحدث ويسأل نفسه بعد ما تمني كثيرا ان يكون له طفل يجي له الطفل من واحده زي شيرين ،،، ويذهب الي كريم في الشغل ويدخل علي كريم مكتبه ويجلس امام كريم وهو يلتقط انفاسه بصعوبه فينظر له كريم وينهض من علي مكتبه وهو قلقان علي سليمان ويقول له

مالك يا سليمان

فيخرج سليمان الموبيل الخاص به ويشغل فيديو مقتل دنيا علي يد شيرين ويشاهد كريم. شيرين وهي تقتل دنيا فيقول كريم با نفعال

انت طلعت صح دنيا ما أنتحرتش والزباله اللي اسمها شيرين هي اللي قتلتها روحت القسم بلغت عنها ولا لسه

سليمان

ما ينفعش ابلغ عنها

كريم با ستغراب شديد

ليه ما ينفعش انت عمال تدور علي دليل تثبت بي ان شيرين قتلت دنيا واول ما يقع الدليل في ايدك تقول ما ينفعش

سليمان منفعلا يقول 

ايوه ما ينفعش علشان شيرين حامل مني

فينزل الخبر علي كريم كالصاعقه ويقول

انت بتقول ايه

سليمان

بقول لك حامل مني واللي مخليني ها تجنن وعايز الارض تنشق وتبلعني اني دلوقتي بقيت عارف انها هي اللي بعتت لي مقطع الفيديو ده وعارفه ومتاكده اني لما اعرف انها حامل مش ها قدر ابلغ البولبس وكمان هي عارفه ومتاكده اني هتجوزها. شوفت الجبروت 

كريم

وتتجوزها ليه طيب 

سليمان

علشان ما ينفعش ابني يكون يتولد ويكون ابن حرام فلازم اتجوزها

ويتنهد سليمان حزن وقهر ويكمل قائلا 

 ولا ينفع ابني يتولد في السجن فلازم ما بلغش البوليس شوفت انا وصل بي الحال لفين ها تستر علي مجرمه والمجرمه دي قتلت مين قتلت اكتر بني ادمه حبيتها في الدنيا لا وكمان هاتجوزها

ويضحك سليمان ضحكه سخريه فيقول كريم

البت دي لازم تنزل الواد ده

سليمان مستنكرا 

انت بتقول ايه. نقتل عيل ما لهوش اي ذنب ليه يعني. استغفر ربك 

كريم

استغفر الله العظيم. اومال تحكم علي اللي في بطنها ان يبقي امه واحده زي شيرين

سليمان

مش انا اللي حكمت دي اراده ربنا وانا عمري ما هاسامح نفسي لو قتلت الطفل ده

كريم

طيب لية ما تتاكدش الاول ان العيل دة ابنك

سليمان

تقصد اية. انها ممكن تكون بتلفق لي عيل مش من صلبي

كريم

اللي زي شيرين تعمل اي حاجة

سليمان

يارب ما يكون ابني،،،،،،،

ومن قدام احدي المعامل الكبيرة في البلد يقف كريم قدام عربية سليمان وسليمان يخرج من المعمل وهو حزين جدا وكان معه شيرين اللي كانت بتضحك وتقول له

مش احنا كنا اولي بالفلوس اللي دفعتها جوة. لازم يعني تصرف وتكلف نفسك. ارتحت دلوقتي وصدقت انه ابنك. 

فيبص لها سليمان وهو هاين عليه يذبحها وهي تكمل قائلا

هو انت كنت فاكرني برمي بلايا عليك. انت ابوة الواد اللي في بطني. وانت الراجل الوحيد اللي لمسني وانا دخلت الفيلا عندك انسة خرجت منها مدام

كريم بضيق

انتي مصدقة اللي بيقولو بوقك

فتبص لة شيرين وتقول

عندك كلام تاني يا شاطر تثبت بي أني كذابة

كريم

من اول يوم شوفتك في وانا قلبي حاسس انك،،،

فيبص له سليمان ويقول

ملهوش لزوم الغلط. يا كريم شيرين هاتبقي مراتي

فتضحك شيرين وهي تقول

ياريت كنت بعرف ازغرط كنت زغرط

ثم تبص لكريم وتقول

ما بتعرفش انت، ،،،،،،،،،،

وليلا ومن داخل صوان عزاء وكان هذا الصوان خاص بالمامور طارق اللي مات من القهر والظلم بسبب ايقافة عن العمل بملعوب من اللواء فؤاد ويجلس وسط الصاون فؤاد فيدخل الي الصاون احمد ويبص ناحية فؤاد بغل شديد ويروح يقعد في الكرسي اللي جنب منة واللي كان بالصدفة فاضي فيبص لة فؤاد ويقول

اهلا. انت جيت

احمد

انت تعرفني بقي

فيبص لة فؤاد من فوق لتحت وهو يقول

في واحد من رجالتي قالي خلي بالك يا فندم في دبانة رايحة جاية حوالين منك وعمالة تزن علي موتها. قولت لما اشوف الدبانة دي طلعت انت. بس الراجل بتاعي ما عرفش يوصفك انت مش دبانة انت احقر من كدة يعني مثلا بعوضة

احمد بثبات انفعالي 

طيب خلي بالك من نفسك علشان زمان في بعوضة قتلت النمرود

فيغضب فؤاد بشدة ولكن الشيخ يبدأ يقرا ما يتيسر من القران فيبص فؤاد للشيخ ويرجع يبص لاحمد ويقول له

حظك ان القران اشتغل والا كان زماني شتمت امك شتيمة تزعلها وتزعلك

احمد

هو اللي زيك بيخاف من ربنا وكمان بيحترم كلامة. دة انت يا سيادة اللواء قتلت القتيل وجاي تعزي في

فؤاد

انا مش بعزي وبس دة انا كمان دفنتة بايدية وقريت علي روحة قران. حاكم الموت دة في اكبر عظة للبني ادم

احمد

يعني انت ممكن تتعظ من الموت

فؤاد بجبروت

اللي يتعظ شاب زيك طالع للدنيا ممكن في لحظة يتحرم منها واروح ادفنة وبالليل اجي اعزي في.

احمد

ماحدش فينا يعرف مين هايدفن مين. أسمع القران 

يا باشا. 

ويبص احمد قدام منه وفؤاد يبص له بضيق شديد،،،،،،،،،

وبعد مرور اسبوع يتجوز سليمان من شيرين وكان سليمان يتمني الموت ولا ان الجوازة دي تتم ولكن الجوازة تمت

وانتصرت شيرين ودخلت اوضة النوم وجلست علي فوتيه موجود في اوضة النوم وقالت لسليمان

مش قولت لك انت بتاعي

وتضحك ضحكه مستفزه فيبص لها سليمان ولا يرد فتنظر شيرين الي السرير فتلاقي سرير جديد غير السرير الذي نامت عليه دنيا فتقول لسليمان

السرير اللي كان هنا فين

سليمان

شيلته

شيرين

ليه

سليمان

علشان ما حدش هينام علي السرير ده بعد دنيا

شيرين باستفزاز 

انا هنام علي السرير اللي كانت بتنام عليه دنيا. ولا انت كنت بتقول لها ايه دنيتي  

سليمان بعصبيه 

شيرين نامي علي السرير دة. وخلي الليله تعدي علي خير

شيرين

لا. انا قولت هنام علي السرير التاني او هاخرج من هنا ومش هاتعرف لي طريق جره

سليمان

انتي حاطه دنيا في دماغك حتي بعد ما ماتت سيبها في حالها بقي. 

شيرين بغل وحقد يكفي كل اهل الارض

دنيا خدت كل حاجه نفسها فيها. اب يحبها ويلاعبها ويسيبني قاعدة لوحدي ولا كاني موجودة. ام مهما حاولت تعمل معايا بتعملة من باب الشفقة بحالتي مش اكتر لكن حبها وقلبها ملك لبنتها. وجالها عريس في الاول تحلم بي اي بنت لكن كون انها مش هاتخلف سبب مشاكل كتير بينها وبينه واطلقو. وفي الاخر ملياردير زيك لف العالم كلة وفضل يحبها هي بس. فيها اي زيادة عني علشان كل اللي يعرفها يحبها ويتمني رضاها. دنيا وهي عايشه خدت كل حاجة وانا لا. وخلاص دنيا ماتت اية هايفضل قلبك ملكها 

سليمان بحزن 

دنيا اتقتلت وانا بتستر علي اللي قتلتها وكمان اتجوزتها اللي بيحصل دة جنون 

شيرين وهي تضع أيدها علي بطنها تقول

علشان ابنك اللي انت بتحبه من قبل ما تشوفة واللي هو ابن حرام زيي انت اتجوزتني وغصب عنك هاتتمني اني اكون ديما بخير 

سليمان بغضب

انا ابني مش ابن حرام. واياك اسمعك تقولي كدة تاني

شيرين 

طيب ما تزعلش انا اللي بنت حرام. لكن مش مهم أنا. المهم اني خد حقي من دنيا ومن ابوها واللي عمله فية 

سليمان

انتي مريضه ولازم تتعالجي

فتقف شيرين وتروح ناحيه سليمان بدلع واغراء لا يقاوم وتقول

انا مريضه بيك انت وعلاجي ان اكون في حضنك

سليمان وهو يبعدها عنه يقول

ابعدي عني انا اللي بيربطني بيكي ابني اللي في بطنك

شيرين وهي لاتزال تحاول الاقتراب منه تقول 

يعني. مانفسكش تدلع

سليمان

انتي لو اخر واحده في الدنيا انا عمري ما هاكون ليكي

شيرين وهي غاضبه تقول

هي ايه كانت عاملة ليك عمل واحده زي القمر زيي وحلالك وبتقول لك انا عايزاك وانت تقول لها لا انت فاكر نفسك ايه 

فينظر لها سليمان ولا يرد عليها ويترك لها الاوضة وشيرين تنظر علي الباب وتقول بعصبيه شديده

غور في ستين داهيه ،،،،،،،

وتمر الشهور وهم علي ذلك الحال شيرين تحاول اغواء ولكنه لا يقترب منها او يفكر في لمسها وعلي قد كره لشيرين كان بيخاف عليها ويتمني لها دائما ان تكون في احسن حال وصحه علشان خاطر ابنه اللي بيكبر بداخلها

وكل يوم ينتظر. قدوم المولود بفارغ الصبر حتي تتم شيرين شهور الحمل وتلد ولد زي القمر ويسمي سليمان

علي. ويفرح به سليمان جدا جدا ويصبح. علي. بالنسبه لسليمان الدنيا وما فيها وبعد مرور ثلاث شهور من الولاده

وفي احدي الايام أستيقظت شيرين من نومها فلم تجد ابنها بجانبها ووجدت ورقه سايبها سليمان ليها مكتوب فيها

( انا عيشت معاكي اسود سنه في حياتي وكنت مستني بفارغ الصبر انك تولدي واخد ابني في حضني وابعد بعيد عنك واربي ابني زي ما أنا عايز وفي جو وبيئه ما فيهموش واحده زيك علشان كده انتي طالق وحاجه كمان احب تعرفيها انا سلمت الفيديو للبوليس و كلها دقايق وهتلاقي البوليس عندك. علي فكره انا سايب له الباب مفتوح علشان لما يجي في اي وقت يلاقيكي جاهزه)  

فتغضب شيرين بشده وتقطع الورقه بمنتهي الغضب وتنهض من علي السرير بمنتهي. السرعه وتغير ملابسها

وتفتح باب الحجره فتجد ظابط واثنين من العساكر فتنظر لهم وتقول وهي تعض علي شفايفها

اهلا وحياه امك لوريك

وتخرج الموبيل والظابط يقبض عليها، ،،،،

وبعدها بكام ساعة ومن داخل مطار القاهره يودع سليمان ومعه علي. يحمله علي كتفه كريم واخته نيفين ويقول كريم

ها توحشني يا صاحبي

سليمان

وانتوا كمان هاتوحشوني خلي بالك من نيفين

نيفين وهي تبكي تقول

ده انا كنت ما صدقت ان انت رجعت

سليمان

معلش يمكن في يوم من الايام ارجع تاني

في هذه اللحظه يتجه نحوه ظابط واربع من العساكر ويقف الظابط امامهم ويقول

مين فيكم سليمان الطيب

فينظر له سليمان با ستغراب ويقول

انا سليمان الطيب

فيشاور للعساكر ويقول

اقبضوا عليه

فيقبض العساكر عليه فيقول لهم كريم

هو في ايه يا حضره الظابط

الظابط

متهم في قضيه قتل مراته دنيا عبود

فيصدم سليمان وينظر لكريم ،،،،،،،،،،

مش هقول. علقو والجو دة. اكتب تقيمك للحلقة من

 واحد ل عشرة. حلوة الصيغة دي.