الهام واللي كان الحلقة الاخيرة

 ولاد السلايف 

                  ★ الحلقة السابعة★

من تاليفي، ، 
محمد منصور. ** منص **

                        ‏ ‏ ‏ ‏

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ 

بسم الله توكلت علي الله. وهو رب العرش العظيم

وبعدها باسبوع ومن جوة شقة نور. يقعد نور مهموم وكانت مايسة قدام منه وبتقول له

هاتفضل شايل الهم كدة

نور

حاسس ان ابويا حصل له حاجة واخواتي مخبيئن عليه

مايسة

طيب ما تروح له

نور

روحت الشقة ومالقتهوش وسالت علية فضل قال لي سافر ومش راجع هنا تاني

مايسة

يعني اية الكلام دة.

نور

ماعرفش واتصلت بمودة قالت لي نفس الكلام بس اللي انا متاكد منه انه بابا حصل له حاجة وهما مش عايزين يقولو . ،،،،،،،،

ومن جوة شقة ليلي حماة مودة تقعد مودة قدام ولاد كوثر اللي كانو بيعيطو وتقول لهم

بس بقي حرام عليكم قلبي بيتقطع علي اللي انتم في دة

في الوقت دة تقف داليا قدام منها وتقول له

انتي طيبة اوي. يا مودة. واحدة غيرك كان زمانها بطلع غلبها في العيال دول

بصت مودة لداليا وقالت

لية يعني. وهما ذنبهم اية

داليا

ذنبهم ان كوثر امهم كانت عايزا تقتلك

مودة

كوثر كانت صريحة معايا طول الوقت حتي في كرها ليه لكن الغريب انك انتي مش قادرة افهمك عماله تجري معايا ناعم ويوم ما اختك انطردت من الشقة كنتي حساكي فرحانه 

داليا

ومش عايزاني افرح لية. ماهي فرحة يموت موت جوزي

ومش بعيد كمان تكون هي السبب في موته 

موده باستغراب

وهي لية تعمل كدة

داليا

هاحكي لك بس في الاول عايزا اعرفك ان كوثر اختي من الاب بس لكن انا من ام تانية وكان لساني طويل وماحدش بيحبني زيي زي كوثر. ابويا ما يعرفش يخلي بناته يحبه بعض لانه ما كنش فاضي غير لانه يجمع فلوس ويحرمنا منها وبسبب الحرمان والبخل اللي شفنا علي ايد ابونا كوثر طلعت كلبه فلوس تبيع اي حد علشان الجنية. وعديت السنين واتجوزت فرج فرد امن علي مخزن من مخازن الفاكهة الكبيرة لشركة كبيرة ما عرفش انطق اسمها. وحبني فرج اوي وغير مني كتير وخلاني اعرف اتكلم باحترام ازاي مع كل خلق الله وعلمني الصلاة والصوم وقربت من ربنا اوي وعيشت معه احلي 5 س. في حياتي وخلفت منه اتنين. واهو مرتبة كان معيشنا مستورين لغاية ماجه يوم

ونرجع بالاحداث لسنتين وراء وداليا قاعدة في شقتها وقدام منها كوثر وبتقول لها

انتي عبيطة علشان تقولي لا. دول 25 الف ج. ويعمل نفسه مش شايف حاجة الرجاله هاتخش تشيل اللي هي عايزا ويحملو العربيات ولا من شاف ولا من دري

داليا

واكل ولادي حرام.

كوثر

اية الحرام في اللي انا قولته دة. دة اصلا كان مزاد المعلم صبيح والشركة اللي شغال فيها فرج خدتها يعني هما اللي سرقو شحنة الفاكهة كلها 

داليا

وانتي بقي عرفتي دة كله منين

كوثر

من مرات المعلم صبيح نفسه وهي اللي وسطتني علشان اكلمك ومش هاخرج من عندك الا وانتي موافقة، ،،،

ونرجع تاني لداليا وهي مع مودة وداليا بتقول

وكلمت فرج وطبعا كان هايطلقني فيها وحلف علية لو كلمت كوثر دي تاني ابقي طالق منه.

مودة باهتمام

وكوثر سكتت علي كدة

داليا وهي بتعيط

لا. خدتت الفلوس من مرات صبيح علي اساس انها هاتديهم لفرج وان فرج وافق وراحو رجاله صبيح للمخزن وطبعا فرج وقف لهم لكنهم فضلو يضربو في لغاية ما مات في ايديهم

وانهارت داليا من العياط ومودة خدتها في حضنها وهي بتكمل وتقول 

وبعد ما مات كوثر جت تعزي فيا وبتحكلي ببجاحة علي كل اللي عملته وبتديني 12.5 الف. ودلوقتي دة نصيبك انتي عيالك اولي بالفلوس من وش الفقر جوزك ما حستش بنفسي الا وانا بلطش فيها بالاقلام لكنها خرجت من الشقة جري خايفة مني وسابت لي الفلوس وحرقتهم هي فلوس الدنيا كلها تعوض ظفر من فرج اللي راح لكن الجوع قرصني ومافيش فلوس لان الشركة ما كانتش ما امنه علي فرج وسيبت الشقة لاني ما كنتش قادرة ادفع ثمنها وروحت لابويا اللي عايشني انا وعيالي في حرمان وذل اللقمة كنا بنشحتها منه. ورجعت لكوثر لما عرفت ان سمير بيدور علي عروسة بوست رجليها تخلي يتجوزني اختارك انتي في الاول لكن كوثر فضلت وراء والظروف اللي حصلت لك سهلت جوازي من سمير واول ما عرفت انه عايزني وافقت بس المهم عندي اخرج من بيت ابويا ولما شوفت اللي عمله معاكي ليلة زفتنا صعبتي علية انتي وابوكي وكرهته وكرهت كوثر اللي كانت السبب في كل دة واتجدد جوة قلبي الحزن علي فرج وبتدات اطلع غلبي في البيت كله وارجع داليا الزباله لغاية ما رجعتي انتي البيت تاني وعرفت ان محمود وليلي حماتي عملو كدة علشان يردولك كرامتك افتكرت فرج وطيبتة وقولت لا. الناس دي ما تستهالش مني اللي انا بعمله وانتي كمان يا مودة اطيب منهم وما تستهاليش غير كل خير علشان كدة خليت كوثر تقع في شر اعمالها وتحط لك بايديها حبية الغلة وانا الحقك والمعلقة علي بوقك علشان ابوظ لها كل اللي خططت لي

في الوقت دة يسمعه صوت صرخة عيال صغيرة جاية من

الدور الثالث وهو الدور اللي في شقة سمير فتقول داليا بفزع

دة صوت عيالي. خير يارب

وتخرج من الشقة بسرعه وتطلع للدور الثالث هي ومودة علشان تلاقي الشقة بتولع وجوة منها سمير وعيال داليا الاثنين فتخبط داليا علي الباب وهي بتصرخ وتنادي علي سمير اللي ماكنش بيرد وعيالها وراء الباب بيخبطو من جوة والباب مقفول من برة بالمفتاح والمفتاح مش في فتصرخ مودة علي صراخ داليا وعيال داليا بيقولو

ماما. هانتحرق. هانتحرق، ،،،،،،،،،

ومن جوة شقة الهام يقف ايهاب قدام الهام ويقول لها بعصبية 

يعني اية ما حدش يعرف فين سامي. الارض انشقت وبلعته

الهام

انت عايز منه اية. تاني ما عياله الاثنين بقوا معاك

ايهاب

مش كفاية. لازم اشوف قلبه وهو بيتكوي بنار فراقهم. واجيب فضل لغاية هنا زي سليم ونور

الهام

فضل غير سليم ونور ومش هايخش جنتك مهما حاولت

ايهاب

لازم يخش مش بمزاجة. ولازم اعرف فين سامي 

الهام

والله ميرفت بتقول انه تعب واتنقل المستشفي ومن ساعتها كل اخبارة اتقطعت

ايهاب 

يعني مات ولا هرب مني 

الهام

ماحدش يعرف

ايهاب

حتي فضل ومودة

الهام

لا طبعا اكيد فضل ومودة عارفين كل حاجة بس مش ببقولو الحقيقة لاي حد

وفي الوقت دة تطلع مايسة لشقة ايهاب وتخبط علي الباب فتروح تفتح الهام فتقول مايسة

طنط انا نازله افكركم بعيد ميلادي النهاردة بالليل مستنياكم

وتبص مايسه لايهاب وتقول

اما اشوف بقي هاتجيب لي هدية اية يا مستر ايهاب

ايهاب

اولا احنا هنا مش في الشغل بلاش مستر ايهاب دي. قولي يا ايهاب مش لازم احس اني عجوز. وتاني حاجة انتي عايزا هدية اية

مايسة

علي قد غلاوتي عندك هات لي هدية

في الوقت دة تقف يسرا وراء مايسة وتبص لها من فوق لتحت وتقول

باين عليكي غالية اوي علي مستر ايهاب. ولا احنا صحيح في البيت قول يا ايهاب انا كمان علشان ما تحسش انك كبير

الهام باستغراب

مالك يا يسرا بتتكلمي لية كدة مع مايسه

يسرا

اصلي زعلانه من مايسه يرضيكي يا ماما ما تعزمنيش علي عيد ميلادها

الهام

لا يا مايسة مالكيش حق

مايسه 

كنت هاعزمها بس لما اطلع من عندكم الاول. واحنا فيها اهو هاستناكي يا يسرا 

يسرا ببرود

ان شاء الله

وتمشي مايسة وتبص يسرا لايهاب بصة غريبة وتمشي هي كمان فتاخد الهام بالها من بصة يسرا لايهاب فتقول لايهاب

هي يسرا بتبص لك كدة لية

ايهاب

انت عارفة السلايف والغيرة اللي بتبقي ما بينهم خلينا بس في حوار سامي

الهام

يادي سامي.  

ايهاب

مش لازم اعرف هو اختفي راح فين

الهام

اعرف انت بطريقتك انا داخلة اوضي

وتسيبة الهام وتمشي و ايهاب يقول

ايوة هاعرف ولازم اشوف قهرته بعينية، ،،،،،،،

ومن قدام شقة سمير يقف احدي الجيران قدام باب الشقة ويكسرة باله حادة ويفتح الباب ويخرج عيال داليا من الشقة جري ناحية امهم وتحضنهم داليا بخوف شديد عليهم وتطمئن عليهم لو فيهم حروق او اي شئ وتقع عين مودة علي سمير اللي كان واقع علي الارض في الصاله والنار ماسكة في واصبح جثة محترقة. وتصرخ مودة وزيها داليا ويجي محمود من الشغل جري وليلي اللي كانت في السوق ويشوفو المنظر فتنهار ليلي علي ابنها الميت ومحمود يزعل علي اخوه ، ،،،،،،،،

وبعدها بكام ساعه يوصل ايهاب للبلد بتاعتهم ويروح لمدافن العيلة وهناك يقابل احدي سكان المدافن ويقول له

ازيك يا عم خلف

عم خلف وهو بيشبة علي ايهاب

انت مين 

ايهاب

انا ايهاب معتز ابو الدهب.  

عم خلف

ازيك يا ابن الغالي. عامل اية

ايهاب

والله بخير والحمد لله

عم خلف

بقالك كتير ما نزلتش البلد وناس ياما من عندكم ماتو وماحدش شافك في دفنتهم

ايهاب

كنت مسافر يا عم خلف ولسة راجع

عم خلف

يا علي الدنيا. ما كنتش قادر ترجع بدري اسبوع وتلحق دفنه ابن عمك

ايهاب

تقصد مين

عم خلف 

سامي تعيش انت

برق ايهاب من المفاجاة، ،،،،،،،  

استنوني بكرة باذن الله والحلقة الاخيرة من. ولاد السلايف 

الحلقة الثامنة والاخيرة