بيت عوج
★الحلقة السابعة★
كتابة واقتباس
محمد منصور. * منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ووقع صفوت جثة هامدة بسبب تعرضة للسكتة القلبية وصرخت فاتن من المنظر وعلي صوت صراخها اتلم عليها كل سكان الفيلا وقبضوا عليها وفي لحظة مقاومتها ليهم وقف قدامها الراجل صاحب الشال الاسود او الشبح بصت له فاتن وهي هاتجنن وعايزا تعرف مين دة وحاولت الوصول لي لكن سكان القصر كانو ماسكنها بمنتهي القوة وهي بتقول لهم
سيبوني انا ماعملتش لي حاجة.
وبصيت تاني ناحية الشبح لكنها لقيتة اختفي، ،،،،،،،،،
وبعدها بيوم ومن داخل القسم كانت نجلاء تقف امام الظابط وفاتن امامها وتقول وهي منهارة
ونزلت علي صرختها ولقيت صفوت مرمي قدامها وهو ميت. زي ما اتقالي في الموبيل
فبص الظابط لفاتن فقالت فاتن
فعلا انا كنت معه. لكن والله مش انا اللي قتلتة
الظابط
وانتي اية اللي وداكي لفيلا دكتور صفوت في الميعاد المتاخر دة
فاتن
صفوت هو الدكتور المعالج لعيسي جوزي وانا كنت عندة عشان اعرف منة عيسي عندة اية
الظابط
وانتي ما كنتيش تعرفي عيسي جوزك مريض باية
فاتن
لا. كانو مخبين عني حقيقة المرض اللي عند جوزي
الظابط وهو فاتح المفكرة وبيبص فيها
اومال المفكرة اللي كانت في ايدك ساعة ما اتقبض عليكي والكلام المكتوب فيها. تفسري باية. وتقرير الطبيب الشرعي اللي اثبت ان دكتور صفوت مات نتيجة تعرضة لكمية كبيرة من سم تركيبتة مجهولة مخلوط بحبوب البروفين
فاتن بانكار
ماعرفش حاجة عن الكلام دة.
الظابط وهو بيبص للمفكرة مرة اخري
اومال الارقام والرموز والتركيبات اللي في المفكرة دي واللي اثبتها الطب الشرعي ان البروفين مع المادة السامة مجهولة الهوية بيسبب نزيف دخلي ومن بعد النزيف سكتة قلبية.
فاتن بانكار شديد
لا. انا ماعرفش حاجة عن الكلام اللي هنا. والله العظيم انا
برئية والمفكرة دي كانت في دولاب رامي سكرتير عيسي
الظابط
مدام فاتن. مع الاسف كل الادلة والشواهد ضدك انتي قتلتي صفوت انتقاما منه عشان قتل والداك ودة واضح من الكلام اللي مكتوب في المفكرة
فاتن
ماحصلش. اللي قتل بابا هو عيسي. قتلة بالسم بتاعه اللي مركبة بايدة
الظابط
اية دليلك
فاتن
عيسي قال لصفوت كدة
الظابط
صفوت اللي هو مات
فاتن
اة
الظابط
دة مش دليل مادي. انتي بتستشهدي بواحد ميت
فاتن
صفوت هو الوحيد اللي عيسي قاله انه سم ابويا. ودة اللي حصل ومكتوب قدامك في المفكرة
فينظر الظابط للمفكرة ويقول
كدة انا هاستدعي دكتور عيسي واحطه في مواجهة معاكي
فاتن
وانا مستعدة للمواجهة دي، ،،،،،،
ومن داخل المستشفي المحجوزة فيها حسنية يقف منتصر امام حجرة الرعاية المركزة لان حسنية كانت في حالة حرجة جدا واثناء جلوس منتصر امام باب الحجرة تخرج الممرضة اللي متابعة حالة حسنية فيذهب ناحيتها منتصر ويقول
امي عاملة اية دلوقتي
الممرضة بحزن
عايزاك تخشلها
منتصر
هي فاقت
الممرضة
فاقت. وربنا يتولها. ويرحمها برحمتة. ياريت ما حدش يعرف انك دخلت لها عشان انا متاذيش انا بس هادخلك عشان هي طلبت مني كدة واستحلفتني بالله
منتصر بقلق شديد
لية. هي امي مالها
ولكن الممرضة تتركة وتنصرف فيفتح منتصر باب حجرة الرعاية فتنظر له حسنية اللي كانت في لحظاتها الاخيرة وينظر لها منتصر ويبكي علي حالها ويستعد ليدخل فيجد مراد يقف خلف منه ومعه ظابط واثنين عساكر ويقول للظابط وهو بيشاور علي منتصر
هو دة يا حضرة الظابط
فيسمع منتصر صوتة وينظر له ويقول
انت عرفت ازاي اني انا هنا
مراد
من عبد الحق جوز امك
منتصر
تاني عبد الحق. طيب ابوس ايدك سيبني اطمئن علي امي الاول وبعد كدة هاسلم نفسي
الظابط
مافيش الكلام دة طلع امر ظبط واحضار ولازم تنفذ الامر
منتصر وهو بيعيط وبيبص لي حسنية ويقول للظابط
امي عايزاني ومالهاش في الدنيا غيري. ابوس ايدك ورجلك اطمئن بس عليها
مراد
ما تسمعش كلامة دة نصاب واكيد عايز يهرب
فتشاور حسنية لمنتصر وهي مش قادرة تتكلم ولكن الظابط والاثنين عساكر كانو مسكوا وهو بيصرخ وبيقول ودموعه نازله
امي عايزاني. اطمئن عليها بس.
ولكن العساكر كانو بيسحبو منتصر وهو بيبص علي حسنية اللي كانت بتموت واتقفل باب الرعاية المركزة ومع قغل الباب ماتت حسنية واتاخد منتصر علي القسم بتهمة النصب والاحتيال، ،،،،،،،
وبعدها بيوم ومن داخل الحجز كانت فاتن تجلس بجانب السوابق وواخدة ركن في الحجز وهي خايفة من اشكال الستات الموجودة في الحجز وهما عمالين يبصوا ليها وهي بتبص لهم ومرعوبة وبتقول لنفسيها
أية اللي بيحصل لك دة يا فاتن. مين الشبح اللي ظهر في حياتي وبوظها كدة وازاي يتقال اني انا اللي كاتبة المفكرة دي بايدي. وهاكتبها ازاي ولية
وفجاة سمعت صوت العسكري بيقول لها
فاتن عبد الحق
بصت له فاتن وقالت
ايوة
العسكري
قومي معايا حضرة الظابط عايزك،،،،،،،،
ومن داخل مكتب الظابط تقف فاتن امامة وهو يقول
الدكتور عيسي لقوة ميت في سريرة
فاتن باستغراب
ازاي. دة حصل
الظابط
دي التحريات اللي جت لنا وبردو مات مسموم زي الدكتور صفوت. وبشهادة الطباخين اللي شغالين في القصر و اللي اكدوا انك انتي اخر واحدة حضرتي الاكل للدكتور صفوت والدكتور عيسي وجوة الاكل دة السم مخلوط بالبروفين
فاتن مصدومة
لا. لا.
الظابط
مدام فاتن. بكدة انتي قتلتي اتنين بالسم اللي انتي مركبا واوراق قضيتك هاتتحول لسرايا النيابة بتهمة قتل مع سبق الاصرار لدكتور صفوت العربي والدكتور عيسي المحمدي
فاتن بعصبية
انا مقاتلتش حد والله ما قتلت. وبعدين انا هاقتل عيسي لية دة جوزي
الظابط
عيسي مطلقك من شهر وكتب كل ثروتة باسم السواق بتاعه عبد الحق
فاتن باستغراب
طلقني من شهر. دة كذب. وعبد الحق دة يبقي ابويا وميت من سنة ونص يبقي كتب له ثروتة ازاي
الظابط
عبد الحق عايش وكان في قصر الدكتور عيسي وهو اللي حكي لمفتش المباحث كل حاجة تخصك وتخص عيسي والسم اللي انتي ركبتي
فاتن وهي هاتجنن
ازاي. ابويا مات واللي موتة عيسي. يبق ،،،،،،،،،،،
الظابط للعسكري اللي واقف وراء فاتن ومقاطعة لكلام فاتن
خدها علي الحجز وتتعرض بكرة علي النيابة
فاتن والعسكري بيسحب فيها تقول
والله ماقتلتهم دة الشبح هو اللي قتلهم واللي انت شوفتة في القصر دة الشبح انا شوفتة عند الفيلا بتاعت صفوت وشوفته في اوضة نوم عيسي حتي بالامارة دخل في الحيطة واختفي والله ماعملت حاجة دة الشبح. ، ،،،،،،،،،،
وبعدها بكام شهر ومن داخل احدي المحاكم كان القاضي بيستمع لشهادة الشهود وبالذات الطباخين في قصر عيسي واللي اكدة ان اخر اكل كله عيسي وصفوت كانت هي اللي محضره فصرخت فاتن
والله مظلومة.
وهي بتصرخ لقيت الراجل صاحب الشال الاسود او الشبح واقف قدام القاضي وبيقول له
انا شاهد عيان علي كل اللي حصل في قصر عيسي. وجاي احكي حكاية عيسي واليوم الاخير في حياتة
القاضي
طيب مش في الاول ترفع الشال دة وتوريني انت مين
فيمسك الرجل الشال بيدة ويرفع الشال من حوالين راسة وتنظر له فاتن وكل من في القاعة باهتمام شديد وانصدمت لما شافت مين اللي رفع الشال والشبح طلع، ،،،،،،،،،،،،،،،،
استنوني بكرة باذن الله والحلقة الاخيرة من الشبح يالا عايز في الكومنتات اعرف مين هو الشبح واللي هايجاوب صح ويقولي مين الشبح. هايكسب خلاط.
تم
ردحذفرووووووعة
ردحذف🤩
ردحذفايه بقي التشويق الزياده دا
ردحذفبس روووعه تحياتي
روعه
ردحذف